ibadət

inancın bir parçası, tanrıya olan inamın simvolu. ibadət fərqli hərəkətlər, fərqli sözlərlə icra olunsa da, nəticə etibarilə insanın iç dünyasına səyahəti təşkil edir, özünü sorğulamağa, rahatlamağa şərait yaradır və ilahi hisslər keçirməyə sövq edir. həmdə ibadət imanın təsdiq olunmuşluğunu xatırladır və fərahlığını təzələyir. ibadət eləcə də digər vaxtlara nəzərən tanrıyla insanı dahada yaxınlaşdırır. həmin anda insan tanrıyla əlaqəyə girir, ona çatmağın yollarını düşünür, dua edir, və acizliyini qəbullanıb yardım diləyir. mənim gözümdə ibadət tanrıyla əlaqə qurmaqdan əlavə əsl motivasiya qaynağıdı. ilahiliyi iliklərinə qədər hiss etmək və tanrının bəxş edəcəyi gücə ümid etmək..

allahın varlığının sübutları

özünüzə sual verin. nə üçün heçliyin yerinə bir şeylər var? nəyə görə heçlik yox, varlıq var? ətrafda müəyyən qanunauyğunluqlar mövcuddur və kainat bu nizama uyğun işləyir? bütün bu şeylərin bir yaranma nöqtəsi, başlanğıcı var. zəncirvari olaraq geriyə getsək bir yerdə dayanmağımız şərtdir. 0 dan heçnə yarana bilməz. mütləq ki 1 dən nəsə yaranıb arta bilər. istəyirsiniz ona allah deyin, yehova, ata, budda, tanrı, qüvvə, enerji yaxud zehin fərqi yoxdur. mütləq ki bir şey var və o şey bir yaradıcıdır və tək ilk səbəbdir, əzəli və sonsuzdur. çünki bu böyüklükdə varlıq aləmini idarə edən o qüvvə sonsuz qüvvəyə sahib olmalıdır öz yaratdıqlarından fərqli bir səviyyədədir. necəki bizim ixtira etdiyimiz cisimlər bizi anlaya bilmir, eləcə də biz insanlar öz yaradıcımızı tam mənasıyla anlaya, dərk edə bilmərik

məntiq evliliyi

məntiq qaydaları evlilik məsələsinədə müəyyən qədər təsir edir. çox vaxt məntiq evliliyini sevib evlənməyənlərin verdiyi qərar kimi dəyərləndirirlər. sevgi, sevmək haqqında yetərli bir məlumata və təcrübəyə sahib deyiləm onsuzda elədə məntiqli gəlmir deyə sevərək evlənmək haqqında bir fikir bildirə bilməyəcəm. onsuzda sevgidə məntiq axtarmaq məntiq qaydalarına ziddir. müqayisə etdikdə məntiq evliliyi dediyimiz nisbətən daha əlverişli variant kimi görünür. çox vaxt evli cütlüklərin yaşadıqları əsas problem tərəflərin bir-birini başa düşməməsi və ya başa düşməyə çalışmamasıdır. evliliyə qərar verməmişdən əvvəl yaxşıca düşünmək lazımdır. çünki yaxşı tərəfləri olduğu qədər pis tərəfləridə var. qaçınılmaz bir faktdır ki, həyatda asan və xoş görünən nəsə varsa, deməli onu əldə etmək üçün nəyisə ödəməli olacaqsınız. evlilik məsuliyyətlidir. tərəflər öz aralarında bir-birindən nələr tələb etdiyini, nə üçün bu addımı atmaq istədiklərinə qərar verdiklərini dəqiqləşdirib hərəkətə keçsələr daha doğru olar

əxlaq

insanın doğuşdan yaxud zamanla inkişaf etdirdiyi davranışlar bütünü. əxlaq anlayışı insandan insana, cəmiyyətdən cəmiyyətə, bəzəndə zamanla dəyişə bilər. əxlaq nisbi bir şeydi. məsələn, bir cəmiyyətdə insan öldürüb ətini yemək əxlaq qaydalarına zidd davranışdırsa, bir digər cəmiyyətdə bu olduqca normal qarşılana bilər. əxlaqı təməlləndirən əsas üç amil din, insanın özü yəni doğuşdan gələn, və ətraf yəni cəmiyyətdir. əxlaq əsasən nəyin pis, nəyin yaxşı olduğuna qərar verir. cəmiyyət əxlaqını əxlaqa sahib olan insanlar təməlləndirir. insanların öz əxlaqı isə bəzən doğuşdan təməllənir, bəzənsə din üzərində. əxlaq dediyimiz şeyin, pis və yaxşı hesab olunan davranışın ilk yarandığı dövrə teistik pəncərədən baxsaq, bir-başa ilk səbəbdən, yəni tanrıdan gəldiyini görə bilərik. din dediyimiz şeyin içərisində eləcə də bəzi əxlaq qaydaları və normaları vardır ki, bunlar tanrı tərəfindən qoyulmuş qayda qanunlardı. orginal və düzgün olan əxlaq qaydaları hansılardı sualı isə biraz qəliz məsələdi və müzakirəyə açıq mövzudur. şəxsi fikrimcə orginal və düzgün olan əxlaq qaydalarını bir başa tanrının özü qoyub və əxlaqı onun üzərində təməlləndirmək doğru olar. nəticədə pis və yaxşı anlayışını yaradan elə məhz özü olduğu üçün tanrısal əxlaq qəbul edilməli olmalı olan əxlaqdır

yazarların linçə səbəb olacaq fikirləri

müşahidələrimə əsasən deyə bilərəm ki, hal hazırda əksəriyyəti qızlı oğlanlı fərqi yoxdu, eyni zavodda istehsal olunmuşcasına insanlar, əsasən də gənclər hamısı bir-birinə oxşayır. cəmiyyət içərisində özlərini müəyyən bir qəlibə soxurlar: oxşar geyim tərzləri, oxşar zövqlər, oxşar fikirlər, hansısa bir məşhur şəxsə olan dəli fanatiklik və s kimi. orginallıq deyə bir şey qalmayıb. bunları açıq açıq özlərinə də deyirəm. cavab olaraq müasirlikdən, mənim həyatım mənim qərarım danışırlar. halbuki ortada azad seçim zad yoxdu. pultla idarə edilmişcəsinə sürü psixologiyasıyla hərəkət edir hamısı. qızı oğlanından, oğlanı qızından betərdi. ölkədən qaçıb getmə istəkləri, diqqətləri üstünə çəkib egolarını bəsləmə həvəsi, özləri kimi olmayanları/normal sayıla biləcək insanları aşağı görmələri. öz aləmlərində yaşayıb özlərini bir şey zənn etmələri. hansını dindirirsən valideynləriylə problemləri var, həyatları sıxıcıdı, intihar etmək istəyirlər və içkiylə, siqaretlə sakitləşirlər. fikir vermişəm dinlədikləri musiqi tərzləri, baxdıqları film/serial seçimləri belə eynidi. əslində bunların yayımlanan filmlərdəndə qaynaqlı olduğunu düşünürəm. bir "qüvvə" güclü manipulyasiyayla hamısını cəlb edib ordusuna qatır. çox vaxt türk tiktok/instagram videolarında qızların çəkib paylaşdığı qısavaxtlı videolarda bunları sezmək mümkündür. onlardan yavaş yavaş bizə keçdiyini deyə bilərəm. instagramda paylaşılan azərbaycan twitter postlarından dediklərimi anlamaq çətin deyil. damarlarından qan yerinə başqa şey axır məncə. hallogendilər eləbil. heç bir gələcəyi olmayan boş insanlardılar sadəcə. hər yerdədilər. artıq 2 metrdən belə bir insana baxdıqda hansı kateqoriyaya aid olduqlarını anlayıram. artıq fərqli, özünəxas tərzi olan birini gördükdə sevinəcək hala gəlmişəm. ola bilər, bir qrup insan eyni şeyləri sevib, eyni zövqlərə sahib ola bilər. amma mənim dediyimlə bunun arasında gözlə görünən bir xətt var. özlərini zorlamışcasına bir qəlibə soxmaq sadəcə özgüvənsizlikdən, içiboş olmaqdan, və orginallığın olmamağından irəli gəlir. əgər müasirlik belədirsə, mağaramda qalmağı seçirəm. reject modernity!!!