təhminə və zaur

Fəxrəddin Manafovun tam məhkəməyə verə biləcəyi, ATV-də yayımlanan serial. O boyda şedevr filmin adını yerə soxublar. Öpüşmə olmalı olan hər səhnəni Zaur və Təhminənin sadəcə qucaqlaşmasıyla əvəz ediblər. Halbuki Fəxrəddin Manafovun yaratdığı Zaur obrazı sadəcə qucaqlaşmayla qalmaz, işi yatağa qədər götürərdi.
Zaur obrazına da qızların göygöz oğlan tələbatını nəzərə alaraq bir aktyor seçiblər. Fəxrəddində olan xarizmanın yarım faizi yoxdu. Bütün günü filmdə Təhminənin dalıyca sürünür. Halbuki əsl Zaur özünə hörmət edən obraz idi. Özünü əzdirmirdi Təhminənin qarşısında. Heyf.

venesuela

Beynəlxalq səviyyədə hansısa ölkəyə qarşı sanksiyalar ola bilər. ABŞ-ın Venesuelaya embargo qoymayacağı kimi bir öhdəliyi yoxdur. Təəsüf ki, beynəlxalq münasibətlərin anarxik xarakteri bunu tələb edir. Venesuala əhalisinin gəlir səviyyəsi düşübsə demək ki, Maduro düzgün siyasət aparmayıb. Maduronun işi əhalinin rifah səviyyəsini qaldırmaqdır. "ABŞ bizə qarşıdır deyə imkan vermir yaxşı yaşayaq" deməsi absurddur. Yüksək həyat səviyyəsini təmin etmək Maduronun işidir. Hər nə yolla olursa olsun bunu təmin etməli idi. Yox əgər edə bilmirsə, deməli öz işini yaxşı görməyib. Bu işi görə biləcək insanlara yerini verməlidir. Amerika bizə qarşıdır çox ucuz populistlikdir. Siyasətçi lazım gələrsə ABŞ-la da dostluq eləməlidi. Təki vətəndaşları yaxşı yaşasın.
Digər tərəfdən Maduronun adı ciddi korrupsiya fəaliyyətində hallanır. Yəni əslində Maduro vicdanlı adam olsaydı bu qədər pis olmazdı vəziyyət. Hələ camaat acından neçə kilo arıqlamışkən gedib Nusrətin bahalı bahalı ətini yemək insanlarda ikrah hissi yaradır. Ona görə də Maduronun əllə tutulacaq tərəfi yoxdur.

strateji araşdırmalar mərkəzi

Prezidentin qərarı ilə ləğv olunan qurum. Açığı effektiv fəaliyyət göstərmədiyi aydındır. Effektiv fəaliyyət göstərməsi üçün ölkə daxilində akademik mühit olmalıdır. Sən nəyin necə yazılacağına yuxarıdan qərar verirsənsə təbii ki "beyin mərkəzi" yaxşı işləyə bilməyəcək. Bunu müzakirə eləmək belə absurddur.
Digər məsələ odur ki, bu gün saytlarda yazılar çıxır ki, SAM-ın guya Fətullah Gülənlə əlaqəsi var imiş zad. Bizimkilər türklərdən öyrəndilər bu fetö-çü çıxarmaq işini deyəsən. Bağladın lap yaxşı. Denən effektiv olmadı bağladıq qurumu. Hər uğursuzluğa niyə nəsə don geyindirməyə çalışırlar ki anlamıram.

sünnilik və şiəlik arasında fərqlər

Çox sadədir. Sadəcə hakimiyyət davası. Kökü budur. Şiələr peyğəmbərdən sonra əlinin hakimiyyətini dəstəkləmişdilər, ancaq qazana bilməmişdilər. Şiə sözü özü "tərəfdar" deməkdir elə. iranda yox indiki iraq ərazisində yaranıb. Sonrada səfəvilər dövründə, xüsusilə Birinci ismayılın dövründə mərkəz irana keçib. Hə, bir də təbii ki, şərq mistizmindən çox bəhrələnib. Yerli xalqların mədəniyyətindən təsirlənib, xüsusilə mesopotamiya mədəniyyətindən. Amma day allahı təbiətdə filan görmək sufi-panteistlərə aiddir. Sufizm özü də şiəliklə yaxındır, çünki eyni coğrafiyadan çıxıblar, ancaq bütün şiələr allahı təbiətdə filan görmürlər. burada yanlış var.

çirkin olmaq

adətən çox savadlı, akademik backgrounda sahib insanların aid olduğu qrup. təcrübəmdən bunu çıxarmışam, heç bir araşdırma filan yoxdur. amma çox savadlı insanlar gözəl və ya yaraşıqlı olurlar, bunun əksi də doğrudur. çox gözəl və ya yaraşıqlı olanlar da adətən təhsil almaq, akademik backgrounda sahib olmaq istəmirlər.
konkret səbəbini bilmirəm, amma hər halda insanın özünü təsdiqləməyə cəhd etməsi kimi başa düşürəm. bir qız gözəldirsə, onsuz da hamı onun başına fırlanır, hamının diqqəti ondadır, hamı onunla münasibət qurmaq istəyir filan. yəni özünü təsdiq etməyə cəhd etmir.
amma çirkin insanlar hansısa bir cəhətlə seçilmək istəyirlər. təbii ki, gözəllik olmadığına görə ən yaxşı alternativ təhsil almaq və ya uğurlu iş fəaliyyətidir. mənə elə gəlir ki, əsas səbəb budur.
qeyd: bu entry heç kimi alçaltmaq üçün deyil. özümün də yaraşıqlı olmadığımı düşünərək kitaba dəftərə meyl etməyimin səbəbini bunda görürəm