social anxiety

bu sifarişi verən: benedictus

Çox bitch durumdur. Anxiety disorder, yəni təşviş pozuntularının bir növüdür. Bu şəxslər başqaları tərəfindən mənfi yöndə mühakimə edilmə, alçaldılmalarından qorxurlar. Yeni insanlarla tanış olduqda, tənqid edildikdə, diqqət mərkəzində olduqları anlarda, romantik və dostluq münasibətləri içində, önəmli insanlarla görüşdükdə, əksər sosial aktivitelərdə, xüsusən də yad insanların olduğu mühitlərdə, hətta adi bir söz soruşanda belə həddən artıq emosional gərginlik hiss edirlər. Social anxiety generalizə və ya spesifik ola bilər. Əlamətlərə qızarma, əzələlərdə gərginlik, səyrimə və uyuşuqluq, boğazda düyümləndə, kəskin tərləmə, ürək döyüntülərinin artması, əsmə, kəskin qorxu hissi aiddir. Narahat olmayın, sizi anlayıram. Özümün 1 sözü soruşmamaq üçün bir şeyi 1 saat özümün axtarmışlığım, xahiş etməkdən çəkindiyimdən etməyi planladığım işi heç etməmişliyim var. Əminəm ki, bir çoxunuzda "lənət olsun, bunu niyə elə yox, belə dedim? Axmağam mən. Mənə gicbəsər deyəcək. Bir də danışmayacam" düşünüb gününüzü qaraltmısınız da. Ya da danışacağınız, edəcəyiniz şeyin planını 50 dəfə düşünmüsünüz. Sənə bir şey deyim, dostum? Qorxunla üzləşməsən, heç düzələn deyil. Məsələni həll edə bilmirsənsə, psixoloji yardım al. Nəzərə alsaq ki, sosial fobiyalarına görə çölə çıxmağa da çəkinən adamlar var, yardım almaq yaxşı seçim olar. Çalış məsələnin ciddiliyini anla və məsələni həll et. Yoxsa ömrünün bütün hissəsində qaçmağa yer axtaracaqsan.

cüzəm

bu sifarişi verən: albert einstein

Yazarın böyük ehtimal cüzamı nəzərdə tutub, cüzəm deyə sifariş verdiyi başlıq.
Disclaimer: ürəyi zəif olanlar lepra, cüzam yazıb, internetdə şəkil axtarışına çıxmasın. Zira bir neçə gün özünüzə gəlməyib, yemək yeyə bilməyə bilərsiniz.

Cüzam, digər adıyla lepra, hansen xəstəliyi. Micobacterium leprae tərəfindən törədilir. Ləng inkişaf edir, əlamət gec göstərir. Tuberkuloid və leptomatoz olaraq 2 ana tipi, indetermine və borderline olaraq da 2 ara tipi var. Tuberkuloid versiya əsasən daha güclü immun sistemi olan adamlarda görülür, daha lokal əlamətli olur. Lepromatoz isə əksinə.

Cüzam dünyanın çox əksər yerlərində aradan qalxıb. Erkən aşkarlandıqda tamamən müalicəsi mümkündür, bu zaman hər hansı bir əlillik, mutilyasiya, sinir zədələnməsi yaranmır. Cüzam həm də sosial xəstəlikdir. Halhazırda sosial durumun yaxşı olmadığı, insanların qidalanma problemi ilə üzləşdiyi, sanitar-epidemik vəziyyətin yaxşı olmadığı yerlərdə görülür. Tarixi çox qədimdir və eramızdan əvvələ aid olan yazılarda da adına rast gəlinir. Avropaya Hindistandan yayılması güman edilir.

xroniki prostatit

bu sifarişi verən: daxili heyecan

Tibçimi olduğu ya marağa sual verdiyini bilmək istədiyim yazar. Tibçisənsə, əl salla, bro.
Keçək, xroniki prostatitə. Lənət olsun, Con. Yenə xəstəlik, yenə mən. işləməyə başlamamış peşə deformasiyası formalaşdırmağa başlamışam, deyəsən.
Demək, birinci başlayaq prostatın nə olduğundan. Ancaq kişilərdə olan, sidik kisəsinin aşağısında yerləşib, onun çıxacağını əhatələyən və semen hazırlayan o mübarək vəzdir. "Semen nəyə lazımdır?" desəniz, semen spermatozoidi qoruyan, hərəkətli hala gətirən mayedir. Zira bu balaca vəzdə olan problemlər böyük baş ağrısı yarada bilər. Məsələn, ereksiyada problem. Başqa problemləri də aşağıda danışacam.
ilkin olaraq bunu deyim ki, xroniki prostatit diaqnozu qoymaq üçün prosesin 3 ay və daha çox davam etməsi lazımdır. Digər cür olanda akut, yəni kəskin prostatit adlanır. Xroniki prostatitin əlamətləri bunlardır:
Eyakulyasiyada çətinlik, ağrı olması, ayaqyoluna daha tez-tez getmək, ani sidiyəgetmə çağırışları, aralıq nahiyəsində, xayalıqda, penisdə, rektumda ağrı, sidikçıxarma zamanı yanğı, sidik kisəsinin tamamən boşalmaması hissiyyatı.
Xroniki prostatit 2 cür olur:
1. Xroniki bakterial prostatit.
Burada bir haşiyəyə çıxmaq istəyirəm. Kişilərdə sidik yolu infeksiyaları qat-qat az görünür. Səbəb: penis boyu. Amma bir şey də var ki, kişilərdə cinsiyyət sistemi ilə sidik-ifrazat sistemi iç-içədir. (baxma: penisin quruluşu) buna görə də xlamidiya, qonoreya kimi cinsi yolla keçən xəstəliklər kişilərin prostatına dırnaqarası xoşbəxtlik yaşada bilir. Onunçün nə etmək lazımdır? prezervativ istifadə etmək.
Təbii ki, bu, təkcə cinsi yolla keçən bakteriyalara görə yaranmır. UTI ( urinary tract infection), yəni musurmanca desək, sidik yolu infeksiyası yarada biləcək istənilən bakteriya bunu törədə bilər. Eyni zamanda e.coli səbəbli xroniki prostatit yaranmağı da mümkündür.
Risk faktorlarına sidik yolunda striksiya, yəni daralma, prostat vəzinin böyüməsi, əvvəl keçirilmiş cinsi yolla keçən xəstəliklər, xayada olan bakterial infeksiya aiddir.
Xroniki bakterial prostatitin müalicəsində çoxumuzun qaçdığı, bir qrup insanınsa mazoxist kimi ovuc-ovuc içməkçün ürəyi getdiyi antibiotik istifadə edilir. Antibiotikləri deyilən dozada və müddətdə qəbul edin!!! Sonra "ay həkim, nəsə düzəlmirəm e" ," həkimin yazdığı işə yaramadı" deməyin. Ümumən bu xəstəlik üzlülüyünə görə xroniki sistitə oxşayır. Gec bitir, özünüzə diqqət etmənizi tələb edir və geri qayıtma riski yüksəkdir.
Bir maraqlı şey də var. Bəzi bakteriyalar prostat daşları yarada bilir və çox kiçik olduqlarından müayinədə bəzən bilinmir. Bu da xroniki prostatit yarada bilər.
2. Qeyri-bakterial xroniki prostatit. Bu daha sıx görülən versiyadır.
Bunun səbəbi çox vaxt bilirmir. Amma səbəbkar barədə müəyyən fikirlər də var. Məsələn, maddələr mübadiləsinin pozulmasına görə sidik turşusunun prostatı qıcıqlandırması, anormal sinir və əzələ fəaliyyəti, prostatda baş verən anti-immun proseslər.
Narahatlığınızı azaltmaq üçün yardımçı kimi isti vanna qəbulu, ağrıkəsici istifadəsi, əzələ relaksantları, qəbizlik əlehinə dərmanlar tətbiq edilə bilər. Kifayət qədər su içdiyinizə fikir verin, alkoqol, sitruslu içkilər, ədviyyatlı şeylərdən uzaq qaçmağa çalışın. Bir də prostat masajı da kömək ola bilər. Ps. Düz bildiniz, anusdan girib, barmaq salırlar. Xroniki prostatitin əlamətlərini yüngülləşdirməkçün Kegel hərəkətləri tətbiq edilə bilər. Amma bu, ayrı entrinin mövzusudur.

netoçka nezvanovna

bu sifarişi verən: boyumaqamışölçdülər

Əsər Dostayevski tərəfindən yazılıb və tamamlanmayıb. Dostayevskinin ilk böyük roman yazma cəhdi bu əsərlə olub. Amma 1849-cu ildə həbs edilərək sibirə sürgünə yollandığından əsər yarım qalıb və bir daha əsərə qayıtmayıb. "Kaş tamamlasaydı" dediyim kitabdır. Əsərin ortalama həcmi 150 səhifədir. Əsər 3 hissədən ibarətdir. Netoçka St. Peterburqda anası və ögey atasıyla yaşayır. Atası istedadlı musiqiçi olsa da, heç cür uğur qazana bilmir. Bunun da səbəbi tamamilə öz xasiyətidir. Netoçka onu ömründə gördüyü ən qeyri-adi və qəribə adam kimi təsvir edir. içində olduqları səfalət Efimovun nataraz xasiyətini bir az da nataraz hala gətirir və Efimov ağlını itirir. Netoçkanın anasını öldürəndən sonra isə özü də ölür. Netoçkanı Efimovun çox əvvəldən tanışı olan Prins X. övladlığa götürərək Moskvaya gətirir. Netoçka burada prinsin qızı Katya ilə tanış olur. Mən deyərdim ki, o, Katyaya vurulur. Çünki kitabda münasibət iki qızın dostluğundan daha dərinə gedir. ilk başlarlar katya netoçkaya pis davransa da, sonra o da netoçkaya eyni reaksiya verir və onlar ayrılmaz hala gəlirlər. Aralarında münasibətin qəribəliyi katyanın anasının gözünə sataşanda onları ayırırlar. Katya ayrı yerə köçür. Bundan sonra netoçka katyanın böyük bacısı və yoldaşı ilə qalır. Aleksandra ona ana fiquru olur, onun tərbiyəsiylə maraqlanır. Netoçkanın mahnı oxuya bilmək qabiliyyətini kəşf edir, bu qabiliyyətini inkişaf etdirməsi üçün çalışır. Aleksandra bir az soyuq, hüznlü qadındır və yoldaşıyla aralarında münasibətdə qəribəlik var. Bu qəribəliyin sirrini də netoçka açır. Əsərin sonunda katya yenidən moskvaya qayıdır, uzun illərdən sonra netoçka ilə katya görüşür. Əsər burada qırılır. Kinonun maraqlı yerində işıqların söndüyü kimi. (baxma: kalbim çıt, göz yaşım pıt)

anri de tuluz-lotrek

Anri de Tuluz-Lotrek * Hendi de Toulouse-Lautrec aristokrat ailəsindən gəlsə də, burjua yaşamını qəbul etməyən, bohem həyat sürən rəssamdır. Rahatlıqla "Ay səni dəcəəəl", "boyunun yarısı yerin altındadır" deyə biləcəyiniz adamdır. Zarafatcıllığı və söhbətcilliyi ilə bilinir. Tuluz kontları və Lotrek viskontunun nəslindən gəlir. Habsburq sülaləsinin ispaniya krallığı qoluna mənsub olan 2. Çarl kimi o da nəsillərdir davam edən imbridinq * ailədaxili evliliklər qurbanı olub. Anası və atası 2-ci dərəcəli qohum olduqlarından Anri xəstə genlər daşıyıb, ondan sonra doğulan qardaşı isə körpə ikən vəfat edib. Qardaşının vəfatından sonra valideynləri boşanıb. Touloise-Lautrec sindromunun adı Anridən götürülüb. Anri yeniyetməliyi zamanı 2 dəfə yıxılaraq bud sümüklərini qırıb. Bundan sonra onun sümükləri düzgün bitişməyib, boyu isə uzanmayıb. 152 sm boyuna sahib olan Anrinin gövdəsi normal uzunluqda olsa da ayaqları 70 santimetr olub. Anrinin bu vəziyyəti onun hərbiyə qəbul olunması və maşın-maşın cehizi, nazirlərin mülkləri qədər mülkü olan gəlin tapmaqlarına maneə yaradıb. aristokrat ailənin yeganə oğlunun belə vəziyyətdə olması tam bir fəlakət idi. Atası oğlunun bu durumunu və çəkdiyi rəsmləri qəbul etməyib, oğlunun həyatının böyük bir qismində iştirak etməyib. Hətta qismən mal varlığından məhrum edib. Atasının içindən "anan səni doğanda daş doğaymış" dediyi gün kimi aydındır. Atasının əksinə anası daim onun rəsm karyerasını dəstəkləyib, ölümündən sonra əsərlərini tanıtmağa çalışıb.
Bir az da Anrinin rəsmlərinə keçək. Anri post-impressionizm dövrünə mənsubdur. Kefqom qardaşımız olan Anrinin bir sıra əsərlərində erotika hiss olunur. Müasirləri tərəfindən əxlaqsız cücə adlandırıldığını iddia edərəm, amma sübut edə bilmərəm. Anrinin sevimli yerləri isə fahişəxanalar olub və modellərinin bir çoxu da məhz oradakı qadınlar olub. O, çox sayda illustrasiya, karikatura, qələm işləri, yağlı boya əsərləri yaradıb. Onun dövründə 2-ci sort görülən afişa işləri şöhrət qazanıb. Anrinin Mouline Rougeu (türk dilində pavyon adlanan tipdə yerdir) təsvir edən çoxsayda əsəri və afişaları var. Anrini mən ilk dəfə "in bed", "in bed, the kiss", "the kiss"   əsərləri ilə tanımışam. Erotik adlandırılsalar da, mənim şəxsən içimi isidirlər. Bundan başqa Anri adlı-sanlı alkoqolik olub. Onun yerində kim olsa, içərdi, qaqaşşş! Adam tam olaraq dərdinə paçka-paçka siqaret yandırılası adamdır. Amma təbii ki, dəcəl rəssamımızın tək işi içmək, yemək, qadınla yatmaq olmayıb. Təbiəti, fərqli zümrələrdən olan insanları təsvir edən əsərləri heç də az deyil və bunların hamısını seçilən tərzdə çəkib. Görən kimi "bunu Anri qardaşım çəkib" deyə təxmin edə bilirsiniz. Bu baxımdan can bratı vinsent van qoqa bənzəyir. Van qoqla başqa ortaq tərəfi isə ikisinin də şərq sənətkatlığından ilhamlanmağıdır. Anrinin başqa məşhur dostu isə Oskar Uayld dır. Anri fahişəxanalarda gəzməyin bədəlini sifilisə yoluxmaqla ödədi. O dövrdə antibiotiklər inkişaf etmədiyindən sifilis qorxulu xəstəlik sayılırdı, son mərhələdə isə insanlar ağıllarını itirib, dözülməz ağrı içində ölürdü. Anrinin alkoqolikliyinin üstünə sifilis də əlavə olunandan sonra o ağıl xəstəxanasına yatmalı olur. Orada olduğu müddətdə sirkləri təsvir edən maraqlı əsərlərini çəkir. Xəstəxananı tərk edəndən sonra yenidən içkiyə qayıdır və yaradıcılıq qabiliyyəti həddən artıq düşür. Bir müddət sonra iflic keçirir və 1901-ci ikdə 37 yaşında anasının malikanəsində, anasının qucağında həyatını itirir.
Aşağıdakı linkə daxil olub, əsərləri ilə tanış ola bilərsiniz:
https://www.wikiart.org/en/henri-de-toulouse-lautrec

avtoportret

Avtoportret janrı çox qədimlərdən mövcud olsa da, ən çox Renessans dövründən etibarən məşhurlaşmağa başlayıb. Burada məşhur avtoportretlərdən və onları çəkən rəssamlardan danışacam.
Albrext Dürer-alman rəssamdır, hətta onu Nazi Almaniyası ən təmizqanlı alman rəssamı kimi tirajlayıb da. ironik tərəf: Dürerin atası macarıstan doğumludur. Rəssam olmaqla yanaşı marketinq dərsi də verə biləcək biri imiş. "Brendinq nədir və necə aparılır?" deyə kitab yazmamağı təəccüb doğurur. isaya qarşı obsessiyası var. Hətta buna görə saçlarını isa kimi uzadıb da. Ailəsi zərgər olsa da, 13 yaşında çəkdiyi avtoportreti görən atası onu rəssam yanına şəyird qoyur və beləcə rəssamlıq karyerası başlayır. istənilən dildə avtoportret sözünü axtarışa verəndə qabağınıza çıxan adamdır.
Gəlin, bir az Rembrant van Reyndən danışaq. Vaxtının yeyib-içən dayılarından olan hollandiyalı rəssamdır. Amma yeyib-içən, pul xərcləyən oğlanlığın axırı yaxşı qurtarmayıb. Sonra qəpiyə güllə atıb. Adamın həddən artıq çox avtoportreti var. Bir mənbədə 90 deyə qeyd edilmişdi. Avtoportlərində özünü cavanlaşdırmağa çalışmayıb, qırışlarını, çallaşan saçlarını da çəkib. Torbasını özü çəkdiyi "Gecə gözətçiləri" adlı əsəri tikib. Əsər sifarişçiləri tərəfindən bəyənilməyib və Niderland inqilabı təəssüratı oyatdığından qorxuya səbəb olub. Bundan sonra da kişinin qaragünçülük dövrü başlayıb.
Pol Qogen- post-impressionist rəssam. Avtoportret deyəndə Pol Qogeni də unutmaq olmaz. Nəticədə adam 40-dan çox avtoportret çəkib. Bu arada Van Qoqla dostluq etmişliyi var. Van Qoqun qulağını kəsmə səbəbi Pol Qogen olduğu da deyilir. "Səfillər" adlı avtoportretini mən bəyənmişdim. Adını axtarışa verib, rəsmlərinə baxmağa dəyər.
Vinsent van qoq- hüznlü rəssam. Avtoportret janrından öncə landscape çəkməyə üstünlük verib. Ən məşhur avtoportreti qulağını kəsəndən sonra çəkdiyi, 1 qulağı sarıqlı rəsmidir. indi adının hamının dilində olmağına baxmayın. rəsmlərini sata bilməyib, səfalət içində yaşayıb. Epileptik olub. Epileptik tutmaların qarşısının alınmadığı halda zəka geriləməsi yaratmaq kimi xassəsi var. Bunu həkimindən eşidəndən sonra intihar edib. Ən məhur əsərləri "günəbaxanlar", "ulduzlu gecə" olsa da, mən "kartofyeyənlər"i bir ayrı bəyənirəm.
Qustav Kurbe- üzünə baxanda özüm də bilmirəm niyə, fırıldaqçı keşişlər düşür yadıma. Azadlıq dəlisi fransız rəssamdır. "Ornanda dəfn" əsəriylə məşhurlaşıb. 3. Napoleonun verdiyi mükafatı qəbul etməyəcək qədər dəli balaşdır. isveçrəyə sürgünə gedib və orada alkoqola bağlı qaraciyər xəstəliyindən ölüb. Ən məhur avtoportreti "desperate man"-dir. Əsəri öz gözümlə Ermitajda görmüşəm. Gözlərində qəribə qorxu, təlas olsa da, bilmirəm, əlinin duruşundandırmı, ya üzündə olan romantiklikdəndirmi, şəklə baxanda havaya girə bilməyib, uşşşşş deməyim gəlir. Lol. Bundan başqa "the man made mad by fear", " self-portrait with a black dog" kimi avtoportretləri var. Bizimkilərin bu adları necə tərcümə etdiyini bilmədiyimdən ingiliscəsini yazdım. Bir də bu aralar "ələkçilər" (wheat sifters) rəsmi kəpslərə tema olmuş halda qabağıma çıxır.
Müasirlərdən ən maraqlı avtoportretçi kimi Frida Kalhonu nümunə verə bilərəm. Əsərlərinin əksəri avtoportretlərdən ibarətdir. Rəsmlərinə baxsanız, 100 faiz "bu neyin kafası?" deyəcəyiniz insandır. Keçirdiyi ağır qəzadan sonra rəsmə başlamış və məşhurlaşmışdır. Bir rəssam olmaqla yanaşı, özü də rəssam olan həyat yoldaşı Dieqo Rivera ilə enişli-yoxuşlu münasibəti, siyasi fikirlərinə görə də tanınır.
Axtarsanız, Pyer Ogüst Renuar, Pol Sezan, Eduard Mane, Klod Mone, Pablo Pikassonun da maraqlı avtoportretləri var. Onlarda sırf avtoportret janrının ağırlığı hiss olunmadığından yazmadım. Amma rəsmlərinə bir göz gəzdirin, deyərdim.

qafqaz şeytanı

Aka Rusiya Federasiyası, Rusiya çarlığı;
Qafqaza 100 illərdir özünü salan, regiondakı bütün millətlərin həyatına oturmuş dövlət. Gənə qopar, Rusiya dövləti qopmaz. Canını qurtarmaq istəyənlərin başına 1000 oyun açar. Nümunə: Ukrayna, Azərbaycan, Gürcüstanın başına gələnlər. Bu oyunlara torpaqlarda üsyan qaldırtmaq, adam öldürtmək, torpaqları separatçılara işğal etdirmək də daxildir. Pyotrdan bu yana "parçala və hökm et" siyasəti favoritləridir. Rusiya prezidentlərinin pyotrun goruna and içdiyini iddia edərəm, sübut edə bilmərəm. Hara girirlərsə, orada konflikt yaradıb, etnik tərkiblə oynayırlar. Krım xanlığını Rusiya çarlığına yedirtməyəcəkdilər. Yedirdəndən sonra da bolşevikləri buralara buraxmayacaqdılar. Zaqafqaziya seyminin belini qırdırıb, saldılar özlərini Qafqaza. O gün, bu gün canımızdan əl çəkmir.