Qəfil gedən dostlar

Yaşım lap çox olmasa da, bir şey öyrənmişəm. Heç kimi, xüsusən də dostları mənimsəmək lazım deyil. insanlarla bir gün gedə biləcəkləri ehtimalını nəzərdə tutub, münasibət saxlamaq lazımdır. Gedib, gedəcəkmiş, gedəsisi varmış. Özümün də kiminsə həyatından getdiyim olub. Bəzilərinin hələ də xətirləri olsa da, araya məsafə girib. Bəzisindən özüm uzaqlaşmışam. Çünki ruhunun məhrəm hissəsini paylaşanda dinlənilmədiyini hiss etdiyin yerdə durmayacaqsan. Mən də durmadım. Amma etiraf edirəm, ilk uzaqlaşmağımızı hiss etdiyim dostum travma qoymuşdu məndə. Uzun illər də hiss etmişdim o travmanı. Nəticədə 8-də oxuyan və intovert bir uşaq idim. Məncə, əsas iz qoyma səbəbi də dost deyə biləcəyi biri olmayan, özgüvənsiz uşaq olmağım idi. Düzü, geri baxanda dost olduğumuza şübhə edirəm. indi heç ad günlərini belə təbrik etməz olmuşuq. Hərçənd ki, anası hələ də edir. Yenə də həyatımda bir parça olduğuna görə minnətdaram.

ana

ara diliylə desək, paqon priznavat eləməyən, rəisə belə özünü sındırtmayan, sərbəst, disiplinli, güclü qadın. Qardaşım yalandan sənə "səndən ya yaxşı hərbiçi, ya da prokuror çıxardı" demir. Buna görə dostlarım arasında sənə balet edənlər də var. amma onunla birgə məzəli şəkildə içində balaca, küsəyən qız da var. Münasibətlərimizdən danışsaq, qarışıqdır, həqiqətən çox qarışıqdır. Bir yandan heç kimə özünü sındırmayan qadının uşaqlarına görə özünü sındırmağı ağır gəlir mənə. Uzun müddət bunu içimdə yük kimi daşısam da, sənə bunu deyəndə gözün doğub, ağlayıb "bir də bunu demə" desən də, hələ də bəzən "mən olmasaydım, o evdən çıxıb, cavanlığını yaşayardı" fikrinin ağırlığını hiss edirəm. Sənə həm acıqlıyam, həm acıqlı deyiləm. Bilirəm, qürurlu birinin özünü sındırmağı, uzun illər istəmədiyi həyatı və kasıblığı yaşamağı ağır hisdir. Bilirəm, sənə bizim uşaqlığımızdan, böyüməyimizdən zövq almağa imkan verməyiblər. Hətta əksər qadınlar uşağının doğulduğu günü xoşbəxt günləri saysalar da, sənə onu yaşamağa da tam icazə verməyiblər. Bir qıcıqlıq yaradan olub. Nə vaxt yeridiyimizi soruşanda "bilmirəm, atan elə şeyləri daha yaxşı bilir" deməyini də anlayıram. Amma o evdə olanlar mənim günahım deyildi. Nəticədə azərbaycan ailələrinin əksərində qaynana terroru var. Mənə yük olan fikrin günahkarı da sənsən. Olanların acığını məndən çıxdığın üçün mən belə düşünməyə başlamışam. Valideynlər uşaqlarının qəlbini qıra biləcəklərini düşünmür deyəsən. Deyəsən, sən də mənim qəlbimi qırdığını görmürdün. Halbuki sən ağladıqca mən çarəssizlikdən nə edəcəyimi bilmirdim. Üstündən 15 ildən də çox vaxt da keçsə, hələ də gözüm dolur. Nə qədər dərinə basırsam da, üstünü örtsəm də, yadıma düşəndə gözüm dolmağından alınmadığını anlayıram. Bunlara görə səni tam qınaya da bilmirəm. Çünki səndə də nə əsəb, nə yaşam həvəsi qoymuşdu o adam. Amma yenə də uşaqlıq xatirəsi deyəndə ilk yada düşən 3-4 xatirədən 2-si dava və çujoy paxmel vurulmaq olmalı deyil. indi peşiman olduğunu da bilirəm, o vaxt da zatən peşiman olurdun. indi də bəzən niyə aqressiv və histerik olduğumu da ona görə başa düşürsən. Bəzən özüm də içimdən çıxa biləcək şiddətin səviyyəsindən qorxuram. Elə o vaxtlara görə uzun müddət əzik gəzmişəm mən. Hələ də özümü düzəltməyə çalışıram. Zəif adamları sevmədiyini bilirəm. Zatən mən də zəif, əzik olmaq istəmirəm. Məncə, zəif də deyiləm. atışmalarımız olur. Əslində qalsa, o atışmalarda sözümü deməyi öyrəndiyimi gördükcə atışmağımıza acıqlansan da, sözümü deməyi öyrənməyə başlamağıma sevinirsən. Atışanda da atam araya girir. Camaat anasına atasından şikayət edir. Mən də atama "onu başa sal" deyib anamdan şikayətlənirəm. Lol. Bunlara rəğmən indi daha yaxşıyıq. Daha sevinclisən, daha insana açıqsan. Daha çox sevdiyini göstərirsən. Fikrimi alırsan. Bu küsəyənliyin olmasa, lap yaxş olardı. Zatən sən həmişə bizi sevmisən. 22 yaşlı qızı öpüb, "totuqız, sabahın xeyir. Dur yemək ye" deyib durğuzan neçə adam var ki? Sadəcə sevgini göstərmə tərzin fərqli olub. idarəni itirməkdən qorxmusan sanki. Məsələn, başqaları uşaqlarını tərifləyəndə sən tərifləməmisən. Bilirəm, zəhlən gedir biri uşağını tərifə basıb, mənim uşağımdan yoxdur deməyindən. Üzümüzə də pohpohlayıb, tərifləməmisən ki, sonra özümüzü buraxarıq. Yeap, camaata xalxın uşağı mən idim. Mənə də başqaları. Bizi prinsipial etmək istəyirdin, bilirəm. Amma fərəhləndiyini də üzdən görmüşəm. Çəkib, hədiyyə etdiyim rəsmin şəklini xalama atdığını bilirəm. Öpdüm.

toy etmək istəməyən qadın

Böyük ehtimal introvert olan, yad kütlələr içində sıxılan insandır. Bir düşünsənə, 500 adam var. Sən də oturmusan başda. Tam bir qorxu filmidir. O 500 adamın orada olmağı da bir ayrı dəxilsizdir. "Gəlin elə oturmadı, belə oturdu, gəlinin anası, yaxını elə eləmədi, belə etdi" deyəcək, qeybət edəcək o qədər adam gəlir ki. Ya dərdi vurmaq, yemək olan adamlar. Mənim qeybətimi edəcək adamı mən niyə çağırım? Sonra da əl-ayağımı necə qoyacağımı düşünüm. Xoş günümə sevinməyə gəlmir ki nəticədə əksər gələnlər. Bir də toyu nikahdan üstün sayan manyak insanlar var. Adamın nikahı var, toyu olmayıb. Evli kimi baxmırlar. Amma əks versiyanı evli sayırlar.

azərbaycanda tibbi sığortanın yaradılmaması

bu sifarişi verən: daxili heyecan
Yaradılmaması deməyək, yaradılmağa çalışılıb, əmələ gətirilə bilməməsi deyək. Belə sistemin tam oturdula bikməsi 3-5 aya olmur. Pandemiyadan əvvəl işə salmağa çalışdılar, başlamışdılar da. Ortaya xəstəlik düşdü. Bir də belə şeyləri əmələ gətirmək üçün güclü baza olmalıdır. Poliklinikalar künc-bucaq tibbi qurumu kimi yox, hörmətli olmalıdır. Ailə həkimləri çox sayda və keyfiyyətli olmalıdır. + bizdə səhiyyənin təşkili üzrə professional təhsil almış adam o qədər də yoxdur ki, onu çiçək kimi qura. Sığorta sistemində gülbadam xala istədiyi vaxt, istədiyi kimi şirbala doktorun yanına qəbula düşə bilməz. Nə də ki, fatmanisə xala 37.5-38 istiliyi olan nəvəsinə təcili yardım çağıra bilməz. Ona görə dediyim alt baza olmalıdır ki, göndərişlər düzgün aparılsın. Xəstəxanalarda artıq yüklənmələr də olmasın.

the last supper

bu sifarişi verən: benedictus

incildən bir hissənin təsviridir. Bilinənin əksinə bir tək Leonardo da Vinci tərəfindən rəsm edilməyib. Ümumən sonuncu şam yeməyi Renessansın məşhur səhnələrindəndir və xristianlıqda da xeyli önəmli sayılır.
Leonardonun çəkdiyi sonuncu şam yeməyindən danışaq. Milanda bir monastr divarına rəsm edilib, kətana yox. Sifarişçisi Ludovico Sfonzadır. Təəssüf ki, rəsmin vəziyyəti halhazırda bərbad haldadır. Rəsmdə isa 12 apostol, yəni həvarisi ilə yemək masasına toplanıb. isa ən ortada dayanıb, əynində qırmızı və göy geyim var. Masada isa sabahısı gün həvarilərinin birinin ona xəyanət edərək onu romalılara deşifrə edəcəyini, nəticədə onun çarmıxa çəkiləcəyini elan edir. Həvariləri isə buna öz şəxsiyyətlərinə uyğun reaksiya verir. Əlavə not: isaya bu qədət nifrət edib, romalılara öldürtmək istəyənlər yəhudilər idi. Yazılı mətndə Filipin üzündə təəccüb olduğu deyilir və "o mənəmmi, lordum?" soruşur. Buna cavab kimi isa da "qolu mənlə birgə masaya dəyən xəyanət edəcək" deyir. Bu da iudadır. Rəsmdə iudanın əlində pul kisəsi var. Bu da xəyanətinə başqa işarədir. Pyotrsa acıqlıdır və əlində bıçaq var. Bu da isanı yaxalayanda əsgərə verəcəyi reaksiyaya işarədir. Ümumən rəsmdə 12 həvari 3lüklər şəklində 4 yerə bölünüb. Bu rəqəm də təsadüdi deyil. 3 rəqəmi holy trinity-ə nişanədir. 4 rəqəmi isə bir çox dini məzmunlu şeylərdə görülə bilir. Məsələn, 4 baş mələk, 4 atlı vəs. Kökəni isə 4 cəhətdən gəlir.
isa burada tək xəyanətkar barədə xəbərdarlıq etmir. Yemək zamanı şərabla çörək yeyir. Çörəyi onun bədəni, şərabı isə qanı kimi təqdim edir və həvarilərinə onun xatirəsini anmaq üçün belə etməsini deyir. Kilsələrdə gördüyümüz, yevxaristiya kimi bildiyimiz ayinin də kökəni buradan gəlir. Həmin ayin sonuncu şam yeməyinin simvolik canladırılmasıdır.

rusların azərbaycanlılara nisbətən daha intellektual olması

bu sifarişi verən: daxili heyecan

Mən, Məşədi ibad Kərbalayı Xocaverdi xan oğlu, yazıb bildirirəm ki, tarixi-nadir kitabını yarıya qədər oxusam da, bu fikrin nəyə əsaslandığını anlamıram.
Nəysə. Çox şitləşmədən mövzuya keçim. Bizim millətin əzikliyi bax buradan gəlir. Özünü sevməmək və aşağı görmək. Bir qisminin az daha avropasayağı olması onların bizdən daha intellektual olduğu demək deyil. Nəticədə onlar da 19-cu əsrə qədər feodal quruluşunda olublar. Belə zəka küpü toplum idilərsə, feodal quruluşunda niyə qalırdılar? Bundan əlavə zatən bizə zərər verən, milli kimliyimizi zədələyən də rus və sovet tərbiyəsi, onlardan qalan despot quruluşdur. Əzik aziklər də "lenin bizim babamız, rusiya mənəvi atamız" devizi aldığından indi rus sektoru azərbaycanlılarla dolub daşır, hətta özündə rusca bilməyənə çuşka demək cəsarəti tapanlar da çıxır. Xahiş edirəm, özünüzü sevin. Siz rusiyanın suburban ərazisində yaşamamısınız və bütün rusları tanımırsınız. Buna görə də özgə vaxt alkaş dediyiniz rusları bizdən intellektual hesab etməyin. Rus bizdən artıq deyil. Əzik azik yerinə bir az azərbaycançı olun. Hər şey yağ kimi olacaq.

azərbaycan tibb universiteti tələbəsi olmaq

Eeeh. Çox dərdli başlıqdır. Qızlarına əxlaqsız deyən də var, peşələrinə qaniçən deyən də. Bala , indi neyləyək ki, ilk gördüyümüz çük meyidin üstündə qurumuş çükdü? Hə, qaqaş. Uroloji əməliyyatlarda da çox çük görmüşük. Vur, öldür. indi neyləyək ki, bizi cinsi yolla keçən xəstəliklərinizə başqa bəhanələr verib, loxlaya bilmirsiniz? "Podvalda qızları nə hoqqa verirlər" deyirlər. Amma mən şəxsən hansı podvaldan danışıldığını bilmirəm. Orada 1 podval var. O da meyidxana. Nekrofil deyilik, ataşş. Nə də xüsusi fetişimiz yoxdur. Anatomiya atlasa gələndə, vallah, bu uzun qollu həzrəti abbas haqqı, o qərib seyid haqqı, ətağanın yaşıl qapısı haqqı deyirəm, bizə onu zorla daşıdırlar. Gətirməyənin təhtid edildiyini gözümlə görmüşəm. Xalata gələndə də beynimiz elə quruyur ki, xalatla artıq simbioz həyat yaşayırıq. Çıxarmaq ağlına belə gəlmir. gəlsə də, soyunmağa həvəs olmur. Hətta bəzən universitet o qədər soyuq olur ki, xalatın üstünə palto geyib, gəzirik. indi siz olsanız, çıxarardınız?
Tibb tələbəsinə 2 münasibət var. Ya cındır kimi baxırlar, ya da uninin qapısından ayağını atan kimi müqəddəsləşdirib, "doktor, mənə dəəəərmaan" deyirlər. Tibdə oxuyan qıza da münasibət belədir. Ya "azzz, onlar çoxbilmiş olur e" deyib qəhi yerinə qoyurlar. Hə, xala, sən allah bağışla, prezervativin nə olduğunu oğlundan yaxşı bilirəm. Ya da ki, xalalar gəlin gətirmək üçün bizi yağlı tikə kimi görürlər. Bu sonuncu oğlanlara da aiddir. Qapazlanası kürəkən prototipi kimi görülən oğlan tibb tələbəsi az deyil.

azərbaycan tibb universiteti

Anlatılmaz, yaşanır deyəcəm. ilk illər əsgərlikdir. Dembel, maladoy münasibətlərini öyrənirsən. (baxma: anatomiya kafedrası ) (baxma: şadlinksi ) inanın, o illər keçəndən sonra elə bil adamı qəfəsdən buraxırlar. Qəfəs yox, türmə! Adamın enerjisi elə sömürülür ki, sonra bədii kitaba belə baxmaq istəmir adam. Universitet tələbələrinin bir qismində müxtəlif dərəcələrdə depressiya, təşviş pozuntusu olduğuna adım kimi əminəm. 3-cü kursda vəziyyət nisbətən düzəlir. Orada da farmakologiya adlı kafedra var. Müdürünü hər görəndə gözünüz səyriyəcək. Bir insan nə qədər geridüşüncəli ola bilər. Rəsmən mağara adamı. Mühazirəsində qız su içə bilməz, masada su olmamalıdır. Açıq bufetdə ayaqüstü qız atışdırdığına görə deyinən adamdır. Qızın yediyi görünməzmiş. 5 qəpiklik də mühazirə demir. Təbii ki, uni ancaq bu qədər ağlamalı hadisələrdən ibarət deyil. Amma bu travmaların da üstündən gəlmək üçün özəl bir mizac formalaşdırır tələbələr. Ona görə tibb tələbəsinin zarafatını əksərən tibb tələbəsi anlayır. 4-cü kursdan etibarən müəllimlər həkimlərdən ibarət olur deyə artıq insan yerinə qoyulduğunu hiss edirsən. Amma burada da bir əmma çıxır. Dərs cədvəli! O dərs cədvəlinin 1 məqsədi var. Evə çatanda tələbədə ağzını açmağa enerji qoymamaq. Əgər siz ilin yazığı, bəxtsizi olaraq hərəsi şəhərin bir tərəfində yerləşən kafedralara dərsə gedəsi olubsunuzsa, başınız sağ olsun. Qardaş, adam qarayev metrodan da 1-2 km yuxarı yerdə olan kafedradan Topçubaşova dərsə gedər? Hələ ardı da var. Bir il belə davam etsə, taksi sürücüsünə dərs deyə biləcək hala gəlirsiniz. Son illər nələrsə edib, universiteti düzəltməyə çalışırlar. Amma universitetin ciddi şəkildə praktika problemi var. Ümid edirəm, ona da əl atarlar. Amma bunu halhazırda 3-5-ci kursda oxuyanlar böyük ehtimal görməyəcək. 6lar da zatən diplom alıb, çıxıb getmək dərdindədir.

təhsilin insan həyatındakı rolu

bu sifarişi verən: şişi yandırıb kababı yandırmayan adam
Təhsilin önəmli olduğunu heç kim dana bilməz. Amma biz təhsil nəyə deyirik? Məktəbə, universitetə getməkmi? Əlbəttə ki, təhsil ancaq universitet, məktəbə getmək deyil. Ali təhsilli nə hozular görmüşük. Onlar həqiqətən təhsillidirmi? Mənə görə yox. Təhsilin keyfiyyəti, təhsil verən mühitin, şəxslərin keyfiyyəti, kurrikulumdan kənar təhsilin varlığı çox önəmlidir. Çünki istər-istəməz insan o mühitin keyfiyyətini mənimsəyir, şəxsiyyəti oradakı mühitin keyfiyyətiylə eyniləşməyə başlayır. Desəniz ki, kurrikulumdankənar təhsil niyə önəmlidir? Fakt budurki, təhsil ocaqları insanları bazara/siyasi mühitin tələbinə uyğun yetişdirir. Bununla kifayətlənməyin özü bir növ bizi yarım təhsilli edir. Halhazırda universitetlərin verdiyi təhsil yavaş-yavaş şərti ad almağa, karyeraya addım atmaq üçün lazımiyyətə çevrilib. Təhsil bu deyil. Diplom zatən alacaqsınız. Amma bəzi şeyləri diplomla kompensasiya edə bilməzsiniz. Sizin kimi diplomlular çoxdur. Burada fərqlənməkçün təhsilə daxil olan digər şeylər dövrəyə girir. Harvardda təhsil almısınızsa, day deyə bilmərəm. Təhsil insanları bilgi yüküylə yükləmək üçün yox, onları şəxs kimi yetişdirmək üçün var. Nə edirsiniz, edin. Məktəb, universitet üzü görmüş adamla bunlara əli çatmayan adam arasında fərq hiss edilir. Bura məqsədi diplom alıb, ər qapazlamaq olan və ya "papam sağ olsun, bir yerə məni ilişdirəcək" deyənlər aid deyil. Zatən mənə görə onlar təhsilli deyil. Hə, bir də təhsilliyəm deyib, özünü 9 yerdən dartanlar təhsil statusuna bir nəzər gəzdirsə, yaxşı olar. Təhsilli aka özünü yetişdirmiş insana hər yerdə qapı açıqdır.