hank moody

286 0 0 0

4. nəsil yazar

Entry: 286

blok başlıqlarını gizlət

milan kundera

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

spirtli içkilər

+103 əjdaha

p.s.başlıqdan bəlli olduğu kimi ağır miqdarda spirt iyi verəcək bir entry'dir!
iki cür içən var:
1) içə bilən
2) içə bilməyən
içə bilən insan içəcəyi və bədəninin aldığı alkoqol miqdarını biləndir.qaydanı məst olmaq xaricində pozmur.
içə bilməyən insan qədərini bilməyən, nə gəldi içən və bir damaq zövqünə sahib olmayandır.
yerli-yersiz içib ağlayan, hər şeyə bir dramatizm gətirənlərdə ayrı qəribədir.
içmək sadəcə uyuşdurur acı çəkənlərə görə.
məndən soruşsanız, içkili insan(kefli)-adından bəlli olduğu kimi kef üçün içilər və ya içilməlidir.təbii hər şey bu qədər bəsit deyildir.içdiyin insan, seçdiyin məkan və ya şərəfinə içəcəyin insana(ürəyi burda olub, özü burda olmayanlara) görə dəyişən bir fəlsəfədir-içmək!

içkini hər qurtumda hiss edənlər üçündür içmək.əgər şərab daddığın zaman ağızda buraxdığı üzüm dadını (başqa meyvələrdə buna daxil) və ya köhnə şərabdan kif iyini hiss etmirsənsə, pivə içdiyin zaman arpa dadı ala bilmirsənsə ya sən içə bilmirsən ya da içdiyin içki-saxtadır!
bir whisky(irlandiya və ingiltərədə-whiskey) dadarkən istehsal edildiyi o taxıl maltının dadını almırsansa, bir qurtum aldıqdan sonra:
bu nə bərbad içkidir?! boğazımı yandırdı
deyirsənsə içməməlisən...
ya da daha yüngül içkilər və ya kokteylərlə o anlıq həvəsi öldürə bilərsən.
içki başlıca fəlsəfədir.içərkən hər qurtumu hiss etmək(daha çox whiskydə bu baş verir), o dadın damağınla harmoniyası, boğazını yandırarkən verdiyi acılıq, mədənə endikdən sonra gətirdiyi hərarət və bonus olaraqda məst etməsi.yaxşı və ya pis bu fəlsəfədir(mənim üçün).
gələk içkilər və bardaqlara.çünki hər içki öz bardağında dadlıdır:

beer/pivə-səhv etmirəmsə kökü buğdayla daha çox məzələnən şumerlərə dayanır.sonra almaniya və çexiya deyə bilərik.susuzluğa daha çox təsir edə bildiyi və alkoqol miqdarı az olduğu üçün daha çox istifadə olunan içkidir.ümumi şəkildə daha çox arpa malt'ından istifadə olunur, pivənin istehsalında.bu arada malt/rusca солод-hər hansı bir məhsulda istifadə edilmək üçün cücərdilən taxıla deyilir.aşağı yuxarı bizim dildə səməni kimi tərcümə oluna bilər.
pivə qulplu geniş bardaqlarda ya da qulpsuz geniş bardaqlarda içilər.bundan əlavə ağ və ya qırmızı şərab ya da glencairn (viski bardağı) bardaqlarında içənlərdə vardır ki, zövq məsələsidir deyək

rakı-türk mədəniyyətinə xas olan, üzümlə əncirin süzülməsindən alınan içkinin cirə(anason)bitkisi ilə təkrar süzülməsindən alınır.suyla qarışdırılmasının səbəbi içindəki alkoqol miqdarının azalmasıdır.və aldığı rəng cirənin təsirindəndir.ümumi olaraq rakıda alkoqol miqdarı 40-45 dərəcədir (градус-degree)
rakı türklərdə limonata bardağı deyilən, düz silindir şəklindəki bardaqlarda içilər.əlavə olaraq rakıya aslan südü deyilməsinin səbəbi də, osmanlı dövründə rakının aslan işləməli qablarda içilməsi və su qatıldığında südə dönüşməsidir

wine/şərab-ümumi olaraq 12/17 dərəcə alkoqol miqdarına sahib olan bu içkin çox fransız içkidir.çünki dünyada ən çox şərab istehsalı fransaya aitdir.ardınca italiya, ispaniya gəlir.ümumiyyətlə üzümdən hazırlanan(digər meyvələrdəndə hazırlanır-meyvə şərabı), üzümün mayalandırılması ilə əmələ gələn içkidir.
köhnə, illərlə gözlədilmiş şərablar daha çox sevilir, istifadə edilir və olduqca dadlı qiymətlərə satılır.
şərabı dadmaq isə ayrıca bir fəlsəədir.bu işin oenologue (yunanca şərab elmi) qismi də ayrıca bir elmdir. (öyrdəilməlidir mütlə məktəblərdə).o kif qoxusunu, o ilk burun dadını şübhəsiz hiss edilməlidir.
unutmamışkən daha çox bilinən və içilən iki növü vardır:
qırmızı və ağ/çəhrayı da(rose) üzərində bonusdur.
qırmızı şərab alt hissəsi geniş və daha böyük bardaqda içilər, ağ şərab isə daha dar və balaca bardaqlarda içilər.
çünki qırmızı şərabda bardaqla təmas edilir, əlimizin hərarəti şəraba yansısın deyə.amma ağ şərab soyuq içildiyindən ancaq bardağın sapından tutular, isinməsin deyə.və təbii şərab qurtumla içildiyi üçün 3/1 hissəi bardağa süzülər.hər qurtumdan sonra bardağın havalanması və iyinin havayla qarışması, hər qurtumdan, iyindən dad alınması üçün!

champagne/şampan-hər şeydən öncə şampan bir şərab növüdür və o da fransızdır.vətəni fransa olan bu içki ağ şərabın fərqli bir plastika əməliyyatla dadını dəyişmiş halıdır.alkoqol miqdarı 12/15 dərəcədir.
nazik və uzun sapı olan çox da geniş olmayan bardaqda içilə bilər.

водка/araq-gələk əsas məsələlərə:
bizim dilə araq kimi tərcümə olunsa da rusca вoда-su kəliməsindən almış bu içki russian paradise hissini verir.ümumi olaraq taxıl bitkilərindən hazırlanan içkidir.vətəni rusiyadır.amma polşa(dadılmalı mütləq) və finlandiyada vodka istehsal edir.daha tez sərxoş edə biləndir.sek(heç bir su, buz və ya hər hansısa içəcək qatılmamış) içilməsini məsləhət görərəm.bloody mary kokteyli xaricində təbii.çünki qanlı meri kokteylində pomidor suyu ilə ağzıda buraxdıyı hiss şübhəsiz dadlıdır.
sərtdir, tərzdir, içilməlidir!
vodka soyuq içiləcəksə long-uzun bardaqlar, sek içiləcəksə shut bardaqlar istifadə edilə bilər

whisky/whiskey/viski-atasının adı ferintosh'dur.adının mənası ab-ı həyat-həyat suyudur.3 qardaşdır:
scotch whisky, irish whisky ve bourbon
ümumi olaraq taxıldan və malt taxıldan süzülən içkidir.
şotlandiya, irlandiya və amerika istehsalıdır.
whisky yazılan şüşələr şotlandiyaya aitdir.whiskey yazanlar isə digər ölkələrə.
viski istər dadı istər iyi istərsə sərtliyi ilə şübhəsiz dadılmalıdır.ölümsüzləşdirə bilmə ehtimalı qaçınılmazdır.çünki həyat suyudur.
viskini buzla içmə şəklinəon the rocks deyilir.scotch və irish viskilər buzla içilərkən, malt viskilər dadının və iyinin məhv olmaması üçün biraz suyla içilər.eyni ilə şərabda olduğu kimi viskidə qurtumluq içkidir.
dadın zövq alın sadəcə! verdiyi yüksək əhvallı məstlik hissi də bonusdur.
viski glencairn (şotlandiya viski birliyi tərəfindən qəbul edilmiş bardaq) old fashioned və snifter bardaqlarda içilər.crystal old fashioned bardaq isə əzəli viski bardağıdır

tequila/tekila-meksika xalqına xas olan, ölkəmizdə səbr otu olaraq bilinən (əslində çox da bilinməyən), adını meksikanın eyni adlı qəsəbəsindən alan, meksikaya xas agave tequiliana bitkisindən süzülən içkidir.
sərt və tərzdir, içilməlidir!
limon və duzla(həyat sənə tekila verirsə, limon və duz da istə) içilən içkidir.çünki duz boğazın yanmasının qarşısını alarkən, limon mədəyə qoruyucu qalxan olar.
tekilanın bildiyimiz shut bardağında içilməsi savabdır.

və son olaraq içkinin hər qurtumunu hiss edənlərə biraz bukowski təsiri edək (hərçənd ki, entry'nin ardı olacaq):
heç bir şey əsla uyğun deyildi.
insanlar tapdıqları hər şeyi kor-koranə mənimsəyirdilər;
kommunizm, sağlam qidalanma, zənn, sörfinq, balet, ipnotima, qrup terapiya, toplu seks, velosiped, otlar, katoliklik, ştanq, səyahət, inziva, vegetaryanlıq, hindistan, rəsm, yazmaq, yonmaq, bəstələmək, orkestr idarə etmək, kürək çantasıyla yollara düşmək, düşüb qalxmaq, qumar oynamaq, içki içmək, bərkidilmək, qatıq,
bethoven, bach, budda, isa, tm, heroin, kök suyu, intihar, sifarişlə paltarlar, təyyarə ilə səyahət, new york;
sonra hər şey buxarlanıb uçurdu.ölməyi gözləyərkən edəcək şey axtarırdı insanlar. seçki sahibi olmaq da gözəldi.

mən öz seçimimə müraciət etdim.vodka şüşəsini qaldırıb içdim,
sek.
axmaq deyildi bu ruslar!

76 əjdaha! 09.12.2015 06:16, hank moody

#189805 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı günlük

+29 əjdaha

bu gün səni öldürdüm tanrı blət!

keçən 25 payız boyunca səninlə əlaqədar verdiyim savaşlarda, sənin bir hissiyatdan ibarət olduğunu bilsəm belə, sənin üçün savaşdım.həm də inandığım hər şeyi susduraraq blət!
verdiyim konfranslarda kilsən üçün savaşan bir xaçlı,bəzi söhbətlərdə bir ravvin, bəzən isə california street 66 oldum sənə.və sənin üçün hər şeyi etdim bu illər ərzində

səninlə ilk söhbətim garden of eden'də olmuşdu.və sənin məni inandırma səbəbin sadəcə bəsit bir cümlə idi:

məni görmədən, sorğusuz-sualsız mənə inanan tanrıdır blət!(bunun mənası başqadır, söhbət yaradan olmaqdan getmir).

tanrı olmaq mənə görə deyildi bilirsən.və bu gün sən öz istəyinlə mənim hisslərimdən çıxmış 45'lik magnum mərmisi ilə özünü öldürməyi seçdin.

əslində sən çoxdan ölməli idin blət! səni var edən mən idim.səninlə aramızda bir pactum var idi:
sən mənə toxunmayacaqdın, məndə sənə atəş etməyəckdim tanrı parçası blət!
çünki yalnız sən və mən bilirdik kim olduğumuzu, nələrə qadir olduğumuzu(kimliyini açıqlamayacam tanrı blət! don't panic, i'm ruhanist).
amma bu gün sən o pactum'u pozdun.və mən də sənə qarşı verdiyim söz olaraq, 33-cü dərəcədən olan itaətimi və susqunluğumu pozuram blət!

nə voltaire kimi sənə nifrət edəcəm, nə də kant kimi öz toruma düşəcəm.səni öz silahınla hack'ləmənin zamanıdır.php'lərin və sql'larını qoru blət! çünki zəif bir ddos hücumuna tabb gətirə bilməyəssən.

məni john wick olaraq sən seçdin.ya da bu genimdə var idi.seçilmə səbəbim bu idi bəlkə də.sonra bu wick'ə sus və sev hər şeyi dedin.sənin rəngin qırmızı idi tanrı blət!
amma bu gün o wick geri qayıdır.və sən bunun sonunu yaxşı bilirsən.

bu gün sənin son qalan 2 doz ümidimi, 1%'lik həyat nisbiliyimi öldürməyindən sonra,sinaqoq'a gedib yandırdığım şamları söndürdüm, kilsə də rahibinlə bərabər kəsdim ümidin biləyini və son olaraq məscidində yıxdım kəbəni.çünki həyatda hər şey nisbi idi.buna inamışdım daima.məni ayaqda tutan, vəhşiləşdirməyən 1% nisbilik və 2 doz ümid idi.sən bunu da öldürməyi bacardın.

artıq sənlə mən düşman belə deyilik tanrı blət!

sən yaxşı bilirdin ki, mən səni gizləndiyin 40-cı otaqda, bardağın dibində, bir sevgilinin ürəyində daima tapmağı bacarırdım.sənə sayısız inanc bəxş etdim.amma sən bilə-bilə bu gün məni qurd'laşmağa, əvvəlki mən olmağa vadar etdin.vəhşi olan məni qaytardın.

əhilləşmir! vəhşilər blət!

bu gün burda son entry'ni yazıram.çünki sənlə birgə entry'lərimi də öldürürəm.onlar sənə olan bir ibadət idi.sən də anlamadın bunu tanrı parçası!
sən artıq ruhan'ı qaytardın.sən yaxşı bilirsən o kimdir blət!

və istərdim ki, entry'lərin hamısını delete ilə öldürəm.amma sözlüyə və burdakı insanlara haqsızlıq olar bu.mənim müharibəm sənlədir.və bu artıq başladı.gecə bunu sən və mən yaxşıca aydınlaşdıracağıq blət!

bu son entry'dir sözlük əhli.çoxunuzla ünsiyyətdə olmasam da, dadlı insanlarsınız!

preisner:yəqin ki, anlarsan bunu.

inandığınız dəyərlərin və ümidinizin qırılmaması istəyi ilə

adios amigos təbii ki, əbədiyyətdə!

23 əjdaha! 11.05.2015 18:18, hank moody

#162850 şikayət

sufizm

+19 əjdaha

sufizm dedikdə cəlaləddini-i rumi'dən başlayaq c minor notlarla:

"bu gece yine sema, sema, sema
akla veda, veda, veda"
gələlim rumi'yə.rumi ilə tanışlığımız bir neçə əsr bundan öncəsinə dayanır.yaxşı xatırlayıram konya'da moizə verməyə gedərkən yaranan qarmaqarışıqlığı.qısaca desək,bu gün mühitimizə təsir edən 3 səmavi dini birləşdirən yeganə adam idi.çünki onu dinləməyə hər dindən, hər məzhəbdən insanlar gəlirdi.rumi dini gözəl qavramışdı amma dindəki mistikanı ona təbrizli şəms (əslində şəmsəddin) öyrətdi.

"şəriət deyir ki:səninki sənin, mənimki mənim
təriqət deyir ki:səninki sənin, mənimki də sənin
mərifət deyir ki:nə səninki var, nə də mənimki
həqiqət deyir ki:nə sən varsan nə də mən"
nietzsche ilə olan söhbətlərimin birində bu qədər nihilist olmağın rumi'dən gəldiyini ağzından qaçırmışdı.
şəriət, təriqət, mərifət, həqiqət dördlüsünü bilirdi.amma çatışmayan tək şey al-ghazali'nin dediyi kimi:"sufizmin fikir yürütməkdən deyil, hissiyatdan ibarət olması"idi.yəni qısacası sufi qəlbi lazımdır, bunları qavramaq üçün.

"insan danışan qurandır"
şəms quranı məcazi mənada yazılmış, metafora ilə qəlizləşdirilmiş bir kitab kimi açıqlayırdı.əslində kitabda yazılan hərşey bu dünyada baş verirdi.sadəcə görmək üçün sufi qəlbinə ehtiyyac vardı.coelho'nun dediyi kimi:
"hər günün öz möcüzəli saatı var.sadəcə görmək gərəkdir"

"həqiqi allah aşiqi meyxanəyə girdimi, ora namazgah olar"
şəms rumi'də mistika yaratmışdı.bilirsən əslində hər işdə maraq yaxşı şeydir.rumi'ni şərab almağa göndərməsi və orda rumini dinləyən sərxoş'lar dinin təktərəfli olmadığının sübutu idi ki, indiki din xadimi və ya mollaları dinləsən "əl vurma öldürər"şüarını eşitmək iki saniyə çəkər.

nəysə sonda demək istərik ki, sufizm islamı ən yaxşı təbliğ edən məzhəbdir.bir də bunların arasında said nursi var ki, o da dinin mahiyyətini anlamış və quranı hər 4 dərəcədə oxumuş birisidir.
həmçinin bunuda qeyd edək ki, bu günü nursi və ya fethullah gülen kimilərin təbliğ etdiyi nursilik bediüzzaman said nursi'nin təbliği ilə ziddiyət təşkil edir.çünki nursi deyə bir şey yoxdur.
mustafa kemal atatürkdən:
"din işləri ilə dövlət işləri bir-birinə qarışdırılmamalıdır"
entry'nin sonu

13 əjdaha! 20.02.2015 07:41, hank moody

#149497 şikayət

gecələri yatmayan insan

+21 əjdaha

gecələr yatmayan insan bir yazardır.günəşin doğuşunu yazır,fuji'də.gecənin ölüşünü yazır, öz içində.öz qaranlığını, dərinliyini yazır, bir dostoyevsky kitabını yenicə bitirərək.ya da entry yazır elə bu an, gecələri yatmayan insan başlığına.

gecələr yatmayan insan bir rəssamdır.dənizin rəsmini çəkir, üzərinə günəşin ilk şəfəqləri saçarkən.ya da bir coelho əsərinə rəssam obrazı olmuşdur, eiffel qülləsi qarşısında.işığın və kölgənin rəsmini çəkərək, bir rembrandt olmağı seçmişdir.ya da modigliani kimi içməyə davam edir hələ də.və ya yazacağı bu entry'nin tablosunu yaradır düşüncəsində.

gecələri yatmayan insan aşiqdir.sabah ilk görüşə çıxacaqdır, sevgilisinə necə davranacağını düşünür.ilk görüşün buraxacağı izləri abjad cədvəlində hesablayır.ya da ayrılmışdır bu insan, sevdiyindən.və hələ də aşiqdir.onsuz yata bilmir, öz yaratdığı yorğanaltı krallığı ona dar gəlir artıq.və ya yazdığı entry'ə nə qədər sevgi load edəcəyini düşünür.

gecə yatmayan insan şairdir.tanrıyla söhbətləşir, şeirlərini ilahiləşdirmək adına.ya da ismet özel'dir bu şair, yaşamağı bilmədiyi üçün yazanlardan, yatmağı bilmədiyi üçün yazanlardan.və ya bu entry'ni necə şeirləndirəcəyini düşünən bir sözlük yazarıdır.

yaşamayı bileydim yazar mıydım hiç şiir?
yaşamayabileydim yazar mıydım hiç şiir?
-yaşama!
-ya bileydim?
yazar: mıydım
hiç: şiir.

gecələri yatmayan insan sadə bir işçidir.2 uşağı olan, gecələri onları düşünməklə keçirən.arada bir həyat yoldaşına baxıb, belə bir ailəsi olduğuna sevinən.aldığı maaşla 1 ayını keçirməyə çalışan, gecələri də bunu düşünən.arada bir qalxıb bir siqaret yandıran və haradan gəldiyi bilinməyən bu sözü xatırlayan:

kədər çəkirsən, dərd çəkirsən, qəm çəkirsən amma hamı elə bilirki, siqaret çəkirsən
ya da elə bu entry'ni iş yerindən yazan bir işçi.

və sonda gecələri yatmayan insan sərxoş bir sözlük yazarıdır, elə bu saat bu entry'ni yazan.biraz yatmaq üçün içən, birazca yuxu adına.ya da bu entry'ni yazmaq üçün içən, içməsə yaza bilməyən.və ya içki də təsir etmir, təsir etsin deyə içən, sözlüyünə az da olsa bir şeylər qatmaq adına içkili bir entry yazan sözlük yazarı

p.s.entry

(youtube:

)

bu mahnının yoldaşlığı ilə yazılmışdır

20 əjdaha! 03.05.2015 06:30, hank moody

#160768 şikayət

mənasızlıq

+18 əjdaha

volume ıx;
bir insan tavana nə qədər baxarsa o qədər baxıb, özümü asdım. sonra siqaret yandırdım. sonra çürük manyokaları qızardıb, dadını bəyənməyib pəncərədən atdım. sonra qonşu qadına, mətbəxdə təcavüz etdim.
yox etmədim. rəssam ola biləydim kaş. işlənmiş qara rəngin iki misli çoxunu istifadə edərdim. yox etməzdim bəlkə də.
bilmirəm.

born to be wild:
yaşayaraq öyrənmək, öyrənərək yaşamaq arasında seçim edə bilmədim. indi isə yaşamağı təqlid edirəm. kimsəsizlik qoxan dar küçələrdən, sevgisizlik qoxan dar küçələrə keçərkən gölməçədə əksimi gördüm. tapdalayıb gecənin sonsuzluğuna davam etdim. insanlığın üz qarası olmamaq üçün məqsədləri olan və qələbə şəhvəti ilə alışan, daim təmiz qırxılmış üzləri, ciddi geyimləri olan adamlarla eyni ehtirası paylaşmalısan. sıfırdan həyat yaradanlar və həyatından sıfır yaradanlar deyə bir cümlə oxumuşdum.

iyirmi altı ilə böyük sıfır altında imzam.

valideyinlərimə göstərmə, kədərlənməsinlər. iyirmi altı il səhv yarış atına oynadıqlarını və o yarış atının yerindən tərpənmədiyi həqiqətini bir anda vurma üzlərinə. dayana bilməzlər, mənim heçliyimə, yoxluq ilə varlıq arasında qalmağımı qəbullana bilməzlər. mənim heç bir baltaya sap olaya bilməyənlər universitetindən məzun olmağıma qürurlanan bilməzlər. həyatın harasından tutdumsa əlimdə qaldı deyir ha oğuz atay.
cənab, səhviniz var;
həyatın harasından tutdumsa üstümə dağıldı. ağırlığında əzildim. bu cümlə alınmadı. alınma sözlər varsa cümlələr də ola bilər.

born to be wild:
fikirlər heçdən yaranmır. fikirlər iki yerə bölünür. fikirlər primitivlikdən mükəmməlliyə mutasiya edir. iki fikrin toqquşmasından üçüncü möhtəşəm fikir yaranır. və ya hamısına morfin sulfat qəlpəli həblər, olmadı subetex, o da olmadı valium.
mən tavan arasındayam sevgilim.

dead to be free: vis major-
“fərdin yerinə yetirməkdə hökümlü olduğu hərəkəti reallaşdıra bilməməsi üçün üzürlü sayılan səbəb”. bir səbəb tapa bilsəydim.
var olmaq üçün.
hər kəs kimi mədəniyyəti yalayıb, həzm edərdim altıncı hissim intihar olmasaydı.
bir səbəb tapa bilsəydim. bağlana bilməməyimin azad iradədən yoxsa qorxudan olmağının adını qoya bilməmişəm.
köhnə dostlarla görüşürəm ayda bir neçə dəfə. nifrət etdikləri nə varsa hər birinə dönüşüblər. daha pisi onlar kimi kinayə ilə gözlərimə baxıb, ironiya ilə başdan ayağa süzüb yenidən gözlərini gözlərimə calayırlar. bu baxışlar bədənimi ürpəştirir, tüklərimi tikan edib bədənimə batırır.
yaşamaq üçün dəli olmağa ehtiyacın yoxdu amma olsan pis olmaz?!
teleskopun tərs tərəfindən baxmağı xoşbəxtlik olaraq necə istifadə etdiniz?!
bizi, sizə və mənə parçaladınız...
birləşməmiş millətlərin yaydığı məlumata görə:
hər kəs getdi sizlər yalnız qaldınız!

13 əjdaha! 10.08.2016 02:52, hank moody

#224195 şikayət

milan kundera

+19 əjdaha

kundera'dan yazarkən beckett və broch'dan başlayıb, ionesco və malaparte'yə qədər gedər bu entry.
1929'larda ailəsinə 1 aprel zarafatı kimi dünyaya göz açdı kundera həmdə elə aprelin 1'i.həqiqətən də zarafat olunacaq dərəcədə varlıqla vəhdət içində idi.
o praqaya aşiq idi, necə demişdi zivot je jinde dadlısında:
"sevgililər yaralar, analar təsəlli edər"

bir aşiq qədər yaralamışdı praqa'nı amma bir ana kimidə təsəlli olmuşdu ona əsərləri ilə.

yəqin ki, müsyö kundera bir həkim olsaydı biz xəstələrinə l'ignorance'də vurğuladığı kimi:
"nostalgiya çatışmamazlığından əziyyət çəkir"diaqnozunu qoyardı.

şeirsəl adam üçün şeirlər hər deyilənin real olduğu bir ölkəydi.şeir kimi utopiya'larda az gəzməmişik onunla.şair, həyatın göz yaşları qədər boş idi onun üçün.ali khayyam demişkən:
"o bir şair, tanrısı şeir"
ona görə şairlərin dünyasında qadınlar höküm sürürdü.

kundera ilə xatirələr çoxdur.o keçmişi sevirdi ən az gələcəyi boş gördüyü qədər.

praqada'yıq.il 1972.polis tərəfindən qorxudulan bir qız, kundera'ya qorxularını izah edir.onun yaşadığı təcavüz qorxusu kundera'nın francis bacon'un şiddət dolu şəkillərini anlamasında açar rolunu oynamışdı.

ya da:

bir gün məndən:
"“a survivor from warsaw”’ haqqında nəsə bilib-bilmədiyimi soruşdu.elə birini tanımadığımı söylədim(mənə görə kundera varşava’dan sağ qurtulan birindən bəhs edirdi).bu mövzüda ən adi belə bir fikrim yox idi.o zamanlar içməklə məşğul idim, hər zamanki kimi.schoenberg’in soyqırıma həsr edilmiş, yəhudilərin 20. əsrdə yaşadıqları acılardan bəhs edən dadlı əsərini eşitməmişdim.qatilləri unutmamaq üçün savaşırıq amma schoenberg nümunəsi bizə çoxdan qatilləri unutduğumuzu göstərirdi”

yenə bir gün kundera, emil və mən varıq.kundera anatole france'dan danışır.məlum proust, mallarme, rimbaud intellektuallar arasında şah əsər olarkən, anatole sətir aralarında itmişdi ki, onsuzda emil cioran söhbətin sonunda:
"bu adı birdə heç harda yüksək səslə söyləməyin, yoxsa sizə gülərlər"deməsi ilə nöqtəyi qoymuşdu.

sonda isə celine və mişkin'in gülüşü ilə, lawrence'in intim münasibətə baxış tərzi ilə və philip roth'la entry'ə bacon'vari şiddətli bir baxış atıb, entry'ni bitiririk.kundera demişkən:

"onlar yazar deyil, içimizdəkiləri göstərən ayna'lardır".elə kundera'nın özüdə.

p.s.bu entry'də keçən bütün hadisələr kundera əsərlərindən alınan bir xəyalın entry formasıdır.

16 əjdaha! 24.02.2015 05:14, hank moody

#150019 şikayət

2001: a space odyssey

+16 əjdaha

il 4 milyon il bundan öncə, afrikadayıq.meymun-insan tipi bir haldayıq.içimizdə qorxu, maraq və bilinməyənlər var.
gecənin birində hardan gəldiyi bilinməyən bir monolith düşür dünyamıza.bu monolith əslində bizim evrimimizi yansıdan bir kubrick filmi və insanın aynasıdır.

film dedikdə, insan hərəkətlərini bir neçə hissəyə bölərək,sıralı bir şəkildə, göstərici yardımıyla qaranlıq bir yerdə pərdə üzərində yansıdaraq hərəkəti yenidən yaratma işidir.bizim monolith kimi.

illər ötür dünyanın sahibi insan artıq kosmosdadır.özünü yansıdan bu monolith'i tanımaq istəyir.amma orda olma səbəbi bəlli deyildir.
kubrick burda yer çəkimi olmadan yeriməyi öyrənmək, qutularda verilən uşaq yeməkləri kimi yeməkləri və həmçinin zero gravity toilet'i göstərməklə deyir ki:

dünyanın sahibi insan, kosmosda bir uşaq kimidir

gələlim insanın doğuşuna.filmdə nəfəs səsləri insan dəli kimi nəfəs aldırır.texnologiyaya qarışan bu dünyada kubrick bizə nəfəs aldığımızı, insan olduğumuzu və var olduğumuzu deyir.

insan kosmosda sudan çıxmış balıqdır

çünki bizim bu hər gün tv izləyib yemək yeyib, işləməkdən başqa bir işə yaramayan bədənlərimiz filmin hər haldan anlayan hal 9000'i üçün heç bir məna ifadə etmir.çünki onun bir üst səviyyə süni zəka kompyuter olmasına baxmayaraq, ona görə biz ondan daha ölüyük.və buna görə də hal 9000 bizi qapının önünə qoymağa hər zaman hazırdır.

insan allahı yaradıb ki, allah onu xilas etsin
emile zola

yaratdığımız hər şeyi məhv etmə gücünə sahib bizlər, özümüzdən başqa hər şeyi mükəmməl yarada bildiyimiz üçün, onu çox asanlıqla da məhv edə bilirik.həmdə adi bir vintaçan'la hal 9000'ə 4, 5 əl atəş.və budur insanlığın başladığı nöqtəyə dönməsi.insanın texnologiya ilə savaşı.

sonda isə sonsuzluğun yəni bu döngünün davam edişi.həyat bir döngüdür.son səhnədə bardağın qırılıb, şərabın yerə tökülməməsi, bədən və ruh ikilisini açıqlayır.və sonda yenidən doğan ulduz uşaq.
yəni:
allahdan gəldik allah gedirik

ifadəsi kimi:
kosmosdan gəldik kosmosa gedirik bəylər.

kubrick demişkən:
"nə çəkdiyini bir o, birdə allah bilir"

və budur sizə yaxşı seyirlər.qarşınızda:

2001 a space odyssey

entry'ə hal 9000'in qırmızı baxışını atıb, schopenhauer'in ölüm üzərinə düşüncələri ilə son veririk:

həyatın qısa yuxusuna qarşılıq, sərhədsiz olan zamanın gecəsi nə qədər uzun!

p.s. preisner'ə də təşəkkür.özü bilir niyəsini

12 əjdaha! 26.02.2015 12:27, hank moody

#150218 şikayət

mənasızlıq

+18 əjdaha

volume ıı;
öz cənazəsini çiyinlərində daşıyanları,
yaşayaraq intihar edənləri,
xaç üzərində "elli elli lama sabachthani" deyərək haray qoparanları,
ən gözəl sevgililərin tinlərdə döyüldüyünü görüb,
başqa döngələrə döndüm.
dəvət olunduğun məclisə tez getməyin ayıb,gecikməyin vecsizlik olduğunu anlayıb,
getməməyi seçdim.
adamların arasına qarışdım amma qaynaya bilmədim.
ata,oğul,müqəddəs fahişələr adına!
siqaret filterlərinin üzərində ki,pomada izlərinə vuruldum.
wilde'ye,selin'ə,salinger'ə xəyanət olsun deyə, syble-lara yaş fərqi qoymadan yuxuda təcavüz edib,baş hərfimi qollarına cızdım.
karamazov qardaşlarına meth satıb,
dorian grey'lə over,
ablamov'la lover,
bardamu'yla loser doz qəbul etdik!
primitiviliyin maqnit olduğunu anladıq.harda olursan ol,içindəki dəmir ona doğru cəzb olunur.nəzir qutusundan pul oğurlamağımı danışdım onlara.
həyatımdakı tək həyacanlı hadisəni.
gülərək vurdular məni.
qəlpələri sayıb,cəsədimi unutdular.pyesi bəyənməyib,yarıda dirildim.
müqəddəs,saf olan tək şey dostluqdu!
amma hələ turquta rast gəlməmişəm.günseli'lər çox olub.
bəlli zamandan sonra qadınlarla münasibətim prezervativlərlə hara qədərdisə onlarla da ora qədər.
turqutsuz və günseli'siz heç kim asan asan selim ola bilməz.
sen de mi brütüs?!
əgər ürəkləri qaldırıb,başları döndərməyəcəksə,dünyanın fırlanmağı qəzaya düşmüş avtomobilin arxa təkərinin fırlanmağı qədər mənasızdı.

birləşməmiş millətlərin yaydığı məlumata görə:
heç bir yazıya 10 dəqiqədən artıq vaxt sərf etmirəm!

birləşməmiş millətlərin qərarına görə,cəza olaraq:
ömürlük yazmamaq qadağası!

son söz olaraq müttəhim:
amma siz beni yanlız anladınız!

16 əjdaha! 01.05.2016 01:49, hank moody

#212308 şikayət

qucaqlaşmaq

+14 əjdaha

.səmimiyyətin ən üst level'lərindən biridir.
qucaqlaşmaq aom'dur.
qucaqlaşmaq meditasiya'dır.
qucaqlaşmaq terapiya'dır.
qucaqlaşmaq namaz qılmaq'dır.
qucaqlaşmaq ying yang'dır.
qucaqlaşmaq dao'dur.
qucaqlaşmaq zen'dir.
qısaca rahatladar və güvən verər.hərkəs üçün fərqli hiss etmə şəklidir.
bunun kimi bir çox misal çəkmək olar.və sonda qucaqlaşmaq pelin buzluk'dan ağaclara aid bir cümlə tamamlanası mövzüdur:
"bir ağacı qucaqlamaq həyat qurtarar"

13 əjdaha! 21.01.2015 15:56, hank moody

#145502 şikayət

sözaltı sözlük

+12 əjdaha

son vaxtlar azərilərə məxsus olduğunu yaxşıca hiss etdirən sözlük.
1)reytinq məsələsi ilə inqilab edənlər
2)türklərə qarşı inqilab edənlər
3) dindarlara qarşı inqilab edənlər.
4) lağ edərək inqilab edənlər
5)inqilaba qarşı inqilab edənlər.
sanki sözlük üsyan6.com'dur.
inqilab küçələrdədi.küçədə edin bunu.
sözlüyün mottosu dəyişib inqilab olmalıymış.
son olaraq yazın.yaxşı yazın.tərəfsiz yazın.reytinqsiz yazın, dindarsız yazın, türklərsiz yazın amma dadlı yazın.
onsuzda hər birimizin sətirləri tarım çəkilib.
yazmaq həvəsimizi yerlərdə süründürməyin.
hörmətlər hər birinizə

9 əjdaha! 20.02.2015 02:59, hank moody

#149490 şikayət

mənasızlıq

+13 əjdaha

volume vı;
beş sevgi şeiri yazıb özümə daha çox nifrət etdim.üzü qibləyə diz çöküb yalvaranların, üzü qibləyə baş kəsməklərindən qorx.
metamarfoza...
romb üzərində yaradacam oyunu.daşların adı mən və siz olacaq.siz məni və ya məni sizi mat edəcəm.hələlik qalib sizsiniz.partladın axırına qədər gillədin şampanları.
fikirləşmək ürəyimi bulandırır,sadəcə fotosintez etməliyəm.
tanrı yuxarıdan mənə baxırsa,utanmalıdı.utanmırsa oynaya bilər.
mən sözləri, radio isə masturbasiya dalğalarını ötürür.voyb-nu48 adlı robotun,”insanların səhvi”kitabının bütün nümunələrində mən varam.nə bilirsiz onu edin. bilmədiklərivizi də edin.
yuxuda jean seberg'i görmüşəm.saçın saçımdan uzundu deyə bizdə alınmaz,deyirdi.əgər saçın qısadısa və yuxuda görəcəksənsə sizdə mütləq alınar,ümidlən.

neron romanı yandırmaq əvəzinə tərsinə çevirsəydi;
amor.
himlerin əlini sıxıb ss-sə qoşulacam, qırxılmış başla.
lone starın sonuncu qurtumunu içib, sweet aftonu dodaqlarıma bərkidib susacam.
tutmağa bir yer qalmayıb.həyatımı tikmisiz.özüdə stereotiplərivizə.
dərindəyəm.
dib.
enter the void.
electra,what is your ultimate fantasy?!

11 əjdaha! 06.07.2016 00:52, hank moody

#220391 şikayət

kitab oxumaqla özünü bir şey zənn etmək

+12 əjdaha

hitler'in mein kampf əsərində təxmini belə bir hissə var:
"bəzi kəslər vardır ki,bunlar heç ara vermədən kitab oxuyurlar.oxuduqlarından bir nəticə çıxartmadan davamlı oxuyub dururlar.bu o kəslərdə bir yığın məlumat yaradır.lakin beyinləri bu məlumatları bir əsasa görə təsnif edib qiymətləndirə bilmir.bir kitabın bütün məzmununu sanki əzbərləyirlər.qabiliyyətləri,oxuduqları kitabın içindən detalı atıb,əsası zehinlərində tutmağa yetir və bu məlumat irəlidə özünü istifadəyə çatmır.kitab hər kəsin öz peşəsinin və ya idealının təsbit etdiyi müəyyən bir sərhədi doldurmaq üçün qiymətli bir vasitədir.kitablar həyat mübarizəsinə atılmış olanlara və ya böyük ideal sahiblərinin geniş üfüqlərinə,yeni üfüqlər qatmaqda köməkçi olarlar.demək ki,oxumaq bir məqsəd deyil.oxumanın və məlumat götürdükdən sonra mütaliədə olmağın hədəfi, dünya haqqında ümumi bir fikrə və görüşə sahib olmaqdır.sistemli şəkildə oxuyaraq əldə ediləcək məlumatlar,bir mozaika parçası kimi yerinə yerləşdirilməlidir.beləcə kitab oxuyanın zehinində dünya haqqında ümumi bir fikir meydana gətirməlidir.yoxsa oxucunun başında böyük bir dəyərdən məhrum bir məlumat salatı meydana gəlməməlidir.bu məlumat salatı sahibinə bir qürur vəsiləsi olsa da,hər hansı bir işə yaramaz.başlarının içində məlumat salatı daşıyan kəslər,özlərinin çox şeylər bildiklərinə hökm edərlər.lakin bu kimi kəslərin həyatları ya bir xəstəxanada ya da siyasət çuxurunda son tapar.belə qarmaqarışıq məlumat və fikirlərlə dolu beyin,istədiyi məlumatı,özünə lazımlı olduğu an,bu kütlənin içindən tutub çıxara bilməz.çünki beyindəki məlumat yığını heç bir şey eləməyə tabe tutulmamışdır.yalnız oxunan kitabların ehtiva etdiyi məlumatlarla birlikdə bir çox detal üst-üstə yığılıb qalmışdır..."
və sonda kitablar oxumaqdan ziyadə istifadə etmək üçündür.
p.s.təbii ki,tualet kağızı kimi və günəbaxan tumu satmaq üçün istifadədən söhbət getmir.

9 əjdaha! 21.01.2015 10:59, hank moody

#145465 şikayət

sözaltı sözlük

+14 əjdaha

heroine kimidir-2 və ya 3 entry'dən bağımlılıq yaradır.
cocaine kimidir-qramı belə bahalı yazarları var.
norepinephrine kimidir-cəsarət qatır," flight or write"
antimatter kimidir-qədəri bilinməyən enerji verir.
var olmalı,yaşamalıdır
p.s.entry "siqaretə bənzədirəm mən bu sözlüyü"kimi görünsə də, baxış tərzinə görə dəyişkən ola bilər.
(baxma: iguana entry)

13 əjdaha! 21.01.2015 22:15, hank moody

#145549 şikayət

ümid

+11 əjdaha

ümid:bitib tükənməyən tək hissiyatdır.ümid'lə əllərim tətikdə ikən,çıxan son mərminin məni öldürməyəcəyi hissinə qapıldığım anda tanış oldum.halbuki 100%'lik intihar məni gözləyirdi.

bilirsən sözlük ümid dünyanın kürə şəklində olmasıdır.hər şey sonsuzdur.məsələ isə bəsitdir:
biz primatlığa davam edirik, o sonsuzluğa.

hər bir hissin bitib tükəndiyi anda ümid elektro-şok təsiri yarada bilir bütün hisslərə.yenidən doğur və böyüyür.əslində etməmiz gərəkən tək şey:
sadəcə sərhədləməmək olmalıdır bəlkə.

osho, yaşamaq üçün cəsarət deyir, stephen hawking yaşamaq üçün ümid.və bəlkə də hər şeyin teoriyası budur.
mr.sonsuzluq and mrs.limitless

ümid, hər zaman ruha açılan iki əl atəş və oyanma təsiridir.yenidən doğulmaq, həyata atılmaq və yenidən başlamaq.həyat bir çox anlarda olmasa da, limitless yaşandığında yaşamağa dəyər be sözlük

sonda isə hərkəsə limitless həyat və ümid.

9 əjdaha! 23.04.2015 11:23, hank moody

#159269 şikayət

mənasızlıq

+11 əjdaha

volume v;
.taksidə 3 nəfər gedirik.dördüncünün sevgilisi çıxıb.birdə içkilərin içiləni yox atılanı.
xoşbəxtlik həbləri isə çıxmayacaqmış.valiumlar da yalanmış.hamı özü tapmalıymış.hər yerdə ola bilərmiş,mağarada,funikulyorda,andromeda və ya üç'ün dördə şəkilillərdə.
salam,pollyanna.
niyə yazmırsan mənə?!
sənki…
az yuxu gördüyüm üçün həyatımı qarışdırmışam.düşən düyünləri aça bilərsiz?!
şalvarımın arxa ciblərində iki şeir var hamısını sizə verərəm.

mən sənin bildiyin oğlanlardan dəliyəm!

soyuqdan üşüyəndə tələsirdim həmişə tərk etmək istədiyim evə.dəniz mənzərəli pəncərələri olub sevginin olmadığı evi deyirəm.
dodaq qaçmaları,yanaq batmaları,stop kadr olmadı.aktirisanın makyajını təzələyin.zəhmət olmasa yan masaya iki çay və rulet.amma rus ruleti olsun.
tükənmişəm.
al axmaq daha betər ol.
taksidə üç nəfər gedirik dördüncünün sevgilisi çıxıb.
birdə tabu qıranlar,əzbər pozanlar.hara baxırsan onlardı.heç vaxt çata bilməyəcəkləri mədəniyyətin qırıntıları.
madakı'n 128 tikişli şeirləri,sonu n ilə bitən adım var. kofeli stəkan dairəvi üz qoyub masada.kitabın yanma istiliyi 451f olmalıdı,yansın bütün kitablar.
onlar adamı…
pollyanna.
sənki…
ona qədər sayıram,kimdisə kitablara ön sözləri yazanlar bir addım qabağa.
maestro,məncə priest və ya pianissimo'dan sonra sətəlcəm olmalısınız.sözləri ilə qırdıqlarını əlləri ilə düzəldə bilmir adam.
bir yazı elə başlayıb və belə nöqtələnməz(ona görə də nida)

11 əjdaha! 04.07.2016 00:10, hank moody

#220143 şikayət

mənasızlıq

+11 əjdaha

mundus vult decipi ergo decipiatur, vol.1;

kəlimələr müqəddəsdir...
tükədin, israf edin, hər şeyi israf etdiyiniz kimi, onlara da ağız mürəkkəbinizi bulaşdırın!
necə də olsa bu yerüzünün altında söylənməmiş kəlimə yoxdur.
ağzından iki kəlimə çıxara bilənlər;
artıq evlənməli olduğumu ifadə edir.hərkəs oturaq həyat tərzinə keçibmiş, bir mən qalmışam ayaqüstə, bir mən qalmışam özünə yer tapa bilməyən bu dünya masasında;
ölümü ayaqüstə gözləmək olmurmuş.
tualetdə belə oturmağa çarələr tapdılar ərəbistanlı alimlər...
bu dünyada dik gəzmək qadağanmış, harda bucaq gördün oturmalısan;
həm də prizmavari!
maestro, bütün bunlara do'dan sifon və ian curtis' in epilepsiya rəqsi zəhmət olmasa...
vodkalı qəhvəm var, bir də bahalı söhbətlər edən matruşkalarım
vaxtında sebottendorf'a qoşulub babylon'da brainstorm etməli idim.amma mən bloglarda brainstorm in babylon olmağı seçdim.
yayın ortasında üşümək kimidir, niktofiliya...
israf etməklə hər şeyi, o qədər yaralamısınız ki, kəlimələri;
bütün kəlimələrimə buz qoymuşam.ti'nin profilini deaktiv edib, qabağına soyuq bir qış qoymuşam...
dönəcəm...
qış da dönənlər kimi...
berkli, hume və lokk üçlüsünü kanta qarışdırıb, 4ü birində mono, di, tri - polinitrobirləşmələr əldə etmişəm.sirrimi orion və lemuria kimi gizləyirəm.bu dəfə fərqli olacaq, mən dünyanı təpikləyirəm;
nasistlikdən magiliyə doğru keçidlər etdim;
şeytanı kim doğdu?!

8 əjdaha! 09.08.2016 21:42, hank moody

#224156 şikayət

sevgiliyə gül almaq

+10 əjdaha

tək bir gül alınacaqsa bu olduqca sevgi göstərgəsidir.ama geniş gül buketi alınırsa bu sadəcə özünü göstərməkdir.həm kişi dediyinin ağırlığı bəlli olmalıdır burda.əlində gül buketi ilə yavşak yavşak gəzmək yerinə, pencəyinin qoltuq cibindən çıxan bir ədəd gül qarşındakına özünü anlatmağa yetəcəkdir.

10 əjdaha! 28.01.2015 20:54, hank moody

#146491 şikayət

oğlanla qızın dostluğu

+10 əjdaha

oğlanla oğlanın dostluğu'ndan daha səviyyəli,mədəni bir dostluq şəklidir.birlikdə içə biləcəyin,hərşeyinlə maraqlana bilən bir qız dostun olması önəmlidir.oğlan qıza öz həmcinslərini,qızda oğlana öz həmcinslərini tanımaqda və gələcəkdəki əlaqələrin daha yaxşı qurulmasında kömək edəcəkdir.önəmli ünsür budur.artıq bu münasibət gələcəkdəki sevgiyə də,dostluğa da öz bəhrəsini daha yaxşı verəcəkdir.yoxsa bir-birini tanımadan zırt pırt sevgili olanlar ya da heç görmədən etmədən " evlən,sonra sevərsən"duasıyla evlənənlərin dolub daşdığı bir cəmiyyət yaranır.
(bax: azərbaycan)

10 əjdaha! 24.01.2015 21:35, hank moody

#145887 şikayət

van den budenmayer

+10 əjdaha

hə preisner:
"dünya fırlanmağı tərgidib, dostum"

sən yaz ki, mən də yaza bilim.özün bilərsən niyəsini.
gerisi fırlanar özü üçün.

bəzən əllərin titrəyib nota'lara basmağa çəkindiyi o an da, sən yenə də bas o nota'lara.

hər insana müqəddəslik bir dəfə verilir dostum.

8 əjdaha! 28.02.2015 02:20, hank moody

#150391 şikayət

14 fevral

+10 əjdaha

bu gün 14 fevraldır və biz romadayıq.lupercalia bayramına hazırlıq gedir.bilirsən romalı olsamda əslində mən bu bayrama inanmıram.atam deyir ki,fevral bərəkət ayıdır.bu bayram bizə atalarımızdan miras qalıb.yəqin ki atam yunanlı olduğu üçün bayramın zeus və hera'dan gəldiyini düşünür.müəllimim plotin heç bu tərəflərə baxmır belə.son vaxtlar ezoterizm, mistika ilə başı qarışıqdır.soruşsam deyəcək ki, eşq bir cadudur.14 fevralda cadular bayramı.bu aralar elə müqəddəs 3lükdən danışır.yox ata, oğul və müqəddəs ruhu demirəm,ona görə müqəddəs 3lü nescafe'dir.bu sözün mənasını bilmirəm amma onun müqəddəslərinə belə demək xoşuma gəlir.bilirsən filosoflar qəribə adam olurlar hər vəziyyətdən çıxış tapa bilirlər.bu bayram məndə artıq özümə xəyal etdiyim qızı seçməyi düşünürəm.niyəsə bayramın bu tərəfi xoşuma gəlir.bu qız romalı valentine'in qızıdır.hərçənd ki, mənim onunla birlikdə olmaq şansım olmasa da bu bayram bunun üçündür.ən azından bayram müddəti boyunca onunla birlikdə vaxt keçirəcəm.deyirlər ki, xəyal gücüm çox genişdir mənim.məsələn bundan 19 əsr sonrasını xəyal edə bilirəm.insanlar bu günü qeyd edir, hekayəsini belə bilmədən.amma mənə görə başda dediyim kimi mənasızdır.ritual halını almış bir şey nə qədər mənalı ola bilər ki?! düşün ki,21-ci əsrdəsən və bir çox insan bu günü sevgililər günü kimi qeyd edir.hərkəs eyni hədiyyələr alır, eyni sözləri deyir.hərkəsin sevgisi eyniləşib deyəsən.ya da mənə elə gəlir.ya da yox çox düşünürəm bu aralar.məncə bu gün hərkəsin özünə, sevgisinə aid bir gün olmalıdır.nəysə plotin son vaxtlar məni çox düşünməyə vadar edir.budur valentine'nin qızı helena da gəlir.deyəsən bir günlükdə olsa sevib, sevilmək vaxtıdır.mənə uğurlar diləyin

9 əjdaha! 14.02.2015 10:37, hank moody

#148690 şikayət

mənasızlıq

+12 əjdaha

yeni kəşflər edirəm;
diqqət aramızda insanlar var.içkidən içkiyə insanları içirəm.nə süd oğlansınız siz.
yanımda poe var, birdə quzğunu.
durğu işarələrini unudub dururam.
nə dad qızsınız siz.
barmen brandy təklif edir, halbuki brandy çox yumşaq içkidir.mən də çox sərt görünmürəm, halbuki çox mərhəmətsizəm.
bir iş yerim var.yeni dəyişdirmişəm.həmişəki kimidir.
insan şərəfsizlikləri ilə dolu;
ilahi qanunauyğunluq, insani qanunauyğunsuzluq deyirəm buna daima.
bir pişik sahibi olmuşam amma bu neçə ildə heç pişiklərlə yola getməmişəm...
üç nöqtəli bitir cümlə, nə də olsa atasızlıq 3dən deyir.
burdan timidusa səslənirəm;
mümkünsə bu başlığın adını absurdizm elə!
və sonra kierkegaard, camus və mən sənə minnətdar olaq.
olmasaq da olar.amma biz yenə oluruq...
bir də ağ yandıran işlətmə!
sözlük və cəmiyyət hələ hazır deyil buna;
türkmənistanın vatzapa hazır olmadığı kimi...
dadlılar və saygılar!
qıssadan hissə...

11 əjdaha! 08.01.2017 09:05, hank moody

#241706 şikayət

sənsizlik

+8 əjdaha

bağlanmanın butterfly effect'idir.yəni insan sistemində hər cür bilinməyən dəyişiklik əmələ gətirə biləcək gücə sahib bağlanma şəklidir.insanına görə dəyişkəndir.sənsizliyi ifadə etmə şəkli hərkəs üçün başqadır.ali khayyam'a aid olan bu parça da sənsizliyin bilinməyən tərəflərinə rast gələ bilərik:
sənsizliyin bir ucu intihardır
sənsizliyin rəngi gecədir
sənsizliyin o biri adı kədərdir
sənsizliyin dadı acıdır
sənsizliyin mahnısı hıçqırıqdır
sənsizliyin yuxusu ölümdür
sənsizliyin tanrısı küfrdür
sənsizliyin dostu qələmdir
sənsizliyin şeirləri yarımçıqdır
sənsizliyin kitabları zafondur
sənsizliyin yeməyi aclıqdır
sənsizliyin havası payızdır
sənsizliyin şəhəri bakıdır
sənsizliyin duası söyüşdür
sənsizliyin suyu çaxırdır
sənsizliyin nəfəsləri siqaretdir
sənsizliyin düşməni sevgililərdir
sənzizliyin söyüşü adındır
sənsizliyin saatı 9-dur
sənsizliyin adresi otağımdır
sənsizlik çox pis şeydi.

7 əjdaha! 22.01.2015 07:22, hank moody

#145584 şikayət

mənasızlıq

+8 əjdaha

volume peak;
sonuncu stansiya pax dei.
qapılar açılmır .qapılar ilişib.qapılar poxa düşüb! hamımızdan daha çox.
bəzi anaların ayağının altında məşuqlarının alt geyimləri var!.
fövqəladə hallarda çəkiclə başıvıza vurun.böyük ehtimalla özüvüzdən gedib necə öldüyüvüzü görməyəcəksiz.
bəzi anaların uşaqlarının öldüyünü görmədiyi kimi.bəzi anaların uşaqları öldüyündə sifət ifadəsi heç dəyişmir.təcrübə üçün "madonna of pinks" rəsim əsərində ki, körpəni soyuq və ya odlu silahla vura bilərsiz.

tanrı kimi fahişələrdə hər kəsi qucaqlamağa hazırdır!

yaxşı sevişməyi bacaran,kafka'nı,proust'u,paul'u,de sade'ni oxuyan mensa fahişələri isə hər tərəfli orqazm yaratmağa qadirdi.
nagy von cziser üzünün sarışın borghildlərdə olmağı kimi.
ölüm ordusu ss'in himlerinin ilk borghildi sınaqdan keçirib razı qalmağı kimi.
qapıların səhvini düzəldib açılmağı kimi.
başlanğıcda olduğu kimi pax dei, tanrı və fahişələr hamını qucaqlamağa hazırdı!

8 əjdaha! 07.07.2016 03:19, hank moody

#220492 şikayət

azərbaycanda qıza oral seks etməyin qəbuledilməz olması

+13 əjdaha

bu qədər qabardılacaq bir məsələ deyildir.elin oğlu atomun nüvə reaktorunun iş prinsipini düşünürkən,bizimkilərin seks haqqında olan fikirləri bu qədər qlobal hala gətirməsinin özü inkişafın hansı level'də olduğunu göstərir.
təsəvvür edin ki, iki nəfər roma'nı gəzib azərbaycana dönür.biri üçün roma sadəcə spagetti'dən, pizza'dan və navona meydanındakı bernini tərəfindən inşa edilən 4 çay şəlaləsində selfie elətdirməkdən ibarət olur.amma ikincisi üçün roma pantheon məbədindən,hansı hələdə onun bir günəş saatı olduğu mövzüsü aktualdır. viva del corso'dakı ispan nərdivanlarından,ispan meydanındakı fontana di trevi'dən, gladiatorların vaxtı ilə döyüş keçirdiyi colloseo'dan,mələklər və şeytanlar filmindən tanıdığımız castelo angelo'dan ibarət olur.hətda bu ikinci şəxs roma sözünün tərsinə oxunuşunun amor olduğunun fərqinə varıb özünə bir italyan eşqi'də tapır.qısacası deməm o ki, iki insan arasında gördüyünüz kimi dağlar qədər fərq var.halbuki ikisidə danışanda romanı gəzmişəm deyir.məsələ budur ki, birincisi bunun bu qədər qabardılması birinci şəxs olan romalıdır çox primitivdir.ikinici budur ki, bizdə nə legaldı ki, bu legal olsun.bu da ikinci şəxs romalıdır dinləsələrdə dinləməsələrdə heç kimə vacib deyil onun romanın bu yerlərini gəzməsi.anlayan anlar yəqinki nə demək istədiyimi.anlamayana da amor olsun.sonda isə osho'dan din haqqında qısa bir alıntı:
"din yataq otağın kimidir, şəxsi məsələdir, kiminsə bilməyinə ehtiyyac yoxdur"=oral seks...

13 əjdaha! 31.01.2015 03:20, hank moody

#146910 şikayət

rock

+7 əjdaha

rock motorcycle,
rock harley davidson,
rock bir dəri pencək,
rock 2 cüt qulaqlıq,
rock cool'dur.
rock yenidən dirilişin yaşam fəlsəfəsidir.rock özünü seçilmiş sayanların tərzidir.musiqi hiss etmə volume'nun verdiyi həzz o qədər yüksək olur ki,öz aləmlərində özlərini aldadaraq yaşayan insanlar oyanar deyə dinləmək istəmirlər.azərbaycanında bir çox hissəsi yatdığı üçün rock lüğətdə səs-küylü musiqi növü olaraq gedir.
rock susqunluğun, səssizliyin hıçqırığı, bağırtısıdır.
və sonda rock ilahların, peyğəmbərlərin, seçilmişlərin musiqisidir.
(baxma: rock'n roll baby)

5 əjdaha! 29.01.2015 08:49, hank moody

#146567 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

hank moody

son bəyənilənlər:

oxuyucuların bəyəndikləri: