hermetik yazılar

Əldəki mətnlərə görə Hermetik bilgilərin bir hissəsi:

Fiziki aləm suptil aləmin aynasıdır

Əzəli və əbədi olan tanrı düşüncələr ilə başa düşülə bilməz.

Ruh ilahi bir işıqdır

Ruhlar dünyaya imtahanlarla inkişaf üçün gəlirlər və almalı olduqları dərsləri alana qədər də təkrar-təkrar doğulurlar

insanı ölüm sonrasında vicdanı mühakimə edər, onun yerüzündə olarkən etdikləri unudulmaz.

Bu ruhlar bir müddətdən sonra böyük işığa doğru çəkilərlər. Onlara yol göstərilər.

Qədim insanların kökəni Dünya-xaricidir.

Kainatda kosmik qanunlar işləyir.

insanlar talehlərini etdikləri pis və ya yaxşı əməllərlə cizirlər.

insanlar yaşadıqları dünyayı kirlətdikcə 4 elementin baş qaldırmasına məruz qalacaqdırlar.

Yunuslar və aslanlar digər heyvanlardan daha inkişaf etmiş varlıqlardır.

seksist

Seksist qarşısındakına cinsiyyətinə görə hörmət edən və ya etməyən insanlara verilən addır. Kişilərə lazımından artıq məsuliyyət yükləmək, qadınları zəif varlıq görüb onların həyatına əngəl olacaq qərarlar almaq bunlar hamısı seksist düşüncələrə misaldır.
ictimai həyatda qadınların böyük bir əksəriyyəti kişilərdən hörmət adı altında zəif varlıq olaraq görünməyi normal sayırlar. Düzdü, qadınlar kişilərdən fiziki güc baxımından aşağıdadılar, amma bundan istifadə edərək bunu propaqandaya çevirmək, mən zərifəm, mən narinəm, mənə başqa cür davranmalısan deyərək kişilərdən bunu tələb eləmək əttökən bir ayrı seçkilindən başqa bir şey deyil.
Güclü olmağı özün bacar. Parazit kimi onun bunun həyatına yapışma. Tək ayaqda qalmağı öyrən. Seksistlik öz içimizdən gəlir. Hər iki cinsiyyətin də insan olduğunu unutmamalıyıq. Kişi qadın fərq etməz, irqçilik qədər ürəybulandırıcı bir durumdu bu.

supernatural

Sam və Dean adlı iki qardaş analarının şeytan tərəfindən yandırılaraq öldürülməsindən sonra fövqəltəbii varlıqları yox etməyə çalışan atalarının yolundan gedirlər və bu bir növ həyat məqsədlərinə çevirilir "Saving people, haunting things, the family businness"

Sam xakerdi və sakit, həssas, adil bir təbiəti var. Universitetə girməyinə rəğmən universiteti atır və qardaşına köməyə gəlir. Eyni zamanda vegeteriyandı və sağlamlığına çox önəm verir. -içki çox içirlər amma-
Dean isə tam tərsinə fastfood sevən, puding və turta xəstəsi bir insandı. Blues rocka qulaq asır və daha çox şöyüşçüldü. Əsəbinə məğlub olub almaması gərəkən qərarlar alır, adətən.

Hər bölüm fərqli mövzular əsasında çəkilir. Amma sezonlar artdıqca bölümlər daha çox bir-biriylə əlaqələndirilir.

Sizin bu serialda cəhənnəmin kralına simpatiyanız yaranar hətta yeri gələr mələklərə nifrət belə edə bilərsiniz.

Cinlər, şeytanlar, reptilianlar, leviathanlar, ruhlar, səkil dəyişdirənlər və başqa tarixdə də yeri olan yaratıqları ovlayırlar.
Və bunları bir çox spiritual inanclarda da var olan yollarla etdiklərini görürük. Duz, müqəddəs su/yağ. ibrani dilində sözlər. Efendime söyliyeyim şeytan çağırma ainləri, ruhunu şeytana satmaq, simvollar, qanla işarələmək və s. Çox vaxt uydurmurmadıqlarını, bunları bir yerlərdən mənbə alaraq etdiklərinə şahid olmuşam.

--spoiler--


Tanrı ilə üzləşir, ona suallar verirlər. Ölüm ilə savaşırlar. Dəfələrlə ölüb dirilir, cəhənnəmdən geri qayıdır, baş mələkləri öldürür, qaranlığa qalib gəlir, cənəttdən ölən yaxınlarını gətirirlər


--spoiler--

Bir çox bölümdə boyut dəyişdirirlər. Çox gülməli dialoqlar mövcuddur. Söz atışmaları nəyə desən dəyər.
Hər şeyə rəğmən, sona doğru tırtı çıxmış bir serial olmağa adaylıq göstərdiyini deməliyəm. Çox uzatdılar. Mənasız, gərəksiz, gülünc şeylər çəkdilər.
2005-dən bu yana Kanadada çəkilən bu 14 sezonluq serial sonlara yaxın mövzu tapmayıb bölüm olsun deyə etdilər kimimə gəlir. Son sezona yarımçıq baxmışam. Baxmağa nə cəsarətim nə də həvəsim qalıb.

yaran hadisələr

Sabirabadda gözəl bir kanal var, hansı ki çirkli sular bu kanala axır. Üstündə də qalın bir boru var, insanlar miladdan sonra 2015ci illərə qədər körpü niyətinə cambaz kimi bu borudan istifadə edirdilər. Hamımızın qorxulu yuxusu idi həmin bu 20 sm diametrindəki borudan keçmək. elə bil sirat körpüsü idi mübarek, yuxularımda dəfələrlə düşüb boğulduğum da olmuşdu.
Xalamın qızı nişanlıdı o vaxtlar, bizdədilər, birdən nişanlısı yığdı ki, bəs "hardasan, dostumla blokun qabağında səni gözləyirəm, kaset var tez onu ver mənə. vacib işim var"
Xalamqızı da yalandan atıb ki xalam xəstədi, onun yanına gəlmişik. Nişanlısı tələsdirir, bunlar da tez çıxırlar evdən. 20 dəqlik məsafədi max. Həmin o boruya çatanda xalamqızı öndə, xalam arxada tələsə-tələsə keçərkən xalamın ayağı sürüşür o qalın paltosu ilə lapps deyə düşür kanalın içinə. Kanal da deyib incəltməyim, bildiyimiz pis suların axdığı kanalizasiya anasını satayım! Tısbağalar qurbağalarla dolu. Boğazına qədər o iyrənc suyun içində, paltosu da dardı, düymələrin aça bilmir suyun altında. islanıb deyə çıxmaq istədikcə daha da batır. Xalamqızı da gülməkdən nəfəs ala bilmir. hey istəyir ki buna kömək etsin özü gülməkdən macal edib darta bilmir (Boru aşağıda, torpaq isə yuxarıdadır). o kirli suyun içində əlinə keçirdiyi kol-kosdan yapışıb dartınır, bir tərəfdən borunun üstünə çıxmağa çalışır, hər səfərində də bir az daha sürüşür. çabalayıır, ancaq heç nə fayda vermir. Palto islanıb ey bi kere. Deyir çıxardıb atsam onu suyun içindən heç kəs götürə bilməyəcək (O halda bir də paltonun dərdini çəkir). Xalam da xasiyyəti, hərəkətləri ilə Hababam sınıfındakı Adile Naşitlə çox oxşayır. indi özünüz düşünün.

Nişanlısı da dayanmadan yığır.
-"harda qaldın? Yarım saatdı səni gözləyirəm burda. Məni pis vəziyyətdə qoymusan dostumun yanında. hardasan sən?"
+"hahahahahahah"
-"nə gülürsən? Gəl Nişanı qaytaracam tez ol!"
-"hahhahahha hahahahahhahaahahahh"
-"gülməli nəsə deyirəm? Səninçün ayrılmağımız belə gülməli məsələdi?!"
+"ayy hahahahahah"
-"qaytaracam nişanı. Sənin başın çatmır. Xəstəsən sən."

Hava 6-ya işləyib artıq, alaqaranlıqdır.

Xalam da aşağıda yarım saat əlləşməkdən necə yorulubsa elə o vəziyyətdə də dayanıb iki əli borunun üstündə nəfəsini dərərək. "ilahi pərvərdigara, mən neyniyim, başıma haranın daşın çırpım?!" deyə-deyə pəjmurdə halına yanarkən, xalamqızı da dayanmadan gülür. "Nə gülürsən vıy-vıy. Hamısı sənin ucbatından oldu. Nişanlım nişanlım! Çıx get. Mən gecə yataram burda"
Amma özünü saxlaya bilmir qız. Nə qoyub gedə bilir, nə də çıxara. Nişanlısına yalan danışıb deyə kömək də istəyə bilmir, o da nişanı qaytaracam deyə dirəşib, vəziyyət getdikcə daha da gərginləşir.

Bir az sonra uzaqdan cavan bir oğlanın gəldiyini görür, yəqin o da baxıb fikirləşib ki, bu gicbəsər kimdi görəsən düşüb yolun ortasına gülməkdən ölür? Qız da üzünü çevirib baxmır bu oğlana, amma saxlaya bilmir özünü gülməkdən. Oğlan da öz-özlüyündə yüz faiz fikirləşib ki, bu qız görüşə gəlib, yəqin. Buna baxa-baxa keçirmiş. Xalam da altdan qızına baxır deyə oğlanı tərs-tərs süzür. Oğlan borunu keçəndə necə qorxu dolu bir səslə qışqırır ki "bıy pıssımıllah!"
təsəvvür edin, alaqaranlıqdı, vahiməli bir halda suyun içində 1 dənə yaşlı qadın başı, 1 cüt göz sizə pis-pis baxır. 5 dəq sonra vəziyyəti çakıb ki bəs qız buna gülür, qayıdıb olay yerinə ehtiyatla soruşub ki: "xala əlini ver kömək eləyim" xala da acıqlı əlin sallayaraq "lazım deyil. Çıx get. Özüm çıxaram." deyir, elə bil süd gölündə üzür allah saxlamış. Sonradan soruşublar ki niyə elə dedin? Deyir "baxdım bala cılız oğlandı, məni darta bilməyəcək özü də düşəcək sonra onun halına yanacam ki niyə elədim."
Birtəhər çıxıb, hava da təmiz qaralıb, xala ağlamsınaraq deyir ki "ayy balaaa qaça bilmirəmm, palto çox ağırdı əlimə gücüm çatmır" xalamqızı da əlindən tuta bilmir, "fırç-fırç" səsləri ilə gəlib çatırlar mənzil başına.
Xalamqızı gülməkdən bitab düşüb, heç kəsə də heç nəyi başa sala bilmir, yıxılıb yerə ölür.
Binanın qabağında görən-görən hamı təəccüblə soruşur, ay xala bu nə iyidi belə gəlir səndən?
Xalamın verdiyi bu cavab dillərə dastan olur: "heç e bala, kollektora düşmüşəm"
(bax: tragikomik hadisələr )

seksist

Cinsiyyətçilik etməkdi. Bir insana cinsiyyətinə görə hörmət etmək və ya etməmək. Mənfi-müsbət hər yöndən seksistlik irəli getməyimizə mane olur. Nə bir kişiyə kişi olduğu üçün məsuliyyət yükləmək və ya əzmək lazımdı, nə də bir qadına.
ictimai həyatda qadınların kişilərdən jest gözləməkləri qədər əttökən çox az şey var. Düzdü, fiziki güc baxımından kişilər qadınlardan öndə ola bilər, sən ondan gücsüz ola bilərsən, amma bu zəifliyi propaqandaya çevirmək çox ezik bi düşüncə tərzidi, a kişi!
Etmə eyləmə deməyi gəlir insanın. Bunu dəstəkləyən heç bir hərəkət nümayiş etdirməməli, tələb edənlərə də başa salmağa çalışmaq lazımdı. Hamımıza bu *çetin yolda uğurlar arzulayır, indidən səbrinizə başsağlığı diləyirəm.
Bizi "sağlam gələcəyə aparan addımlar" atarkən ayağımıza pranqa vurmayaq, ey insan oğlu!

ölüm

Ölüm bir son olaraq anlaşılır, amma fizikada son deyə bir şey yoxdur. Təbiətdə olan hər bir şey yalnız forma dəyişir. Və yenə təbiətə qarışır.
Ölüm məsələsi, bədənin həyatı funksiyalarını itirməsinə deyilir. bu da onun daxilindəki enerjinin -fizikadan aldığımız bilgiyə görə- yox ola bilməyəcəyi, bir şəkildən digərinə girəcəyi mənası verir. insanın bədəni ölür, amma enerjisi bir yerlərdə -necə və harada olduğunu mən də bilmirəm- varlığını sürdürməyə davam edir.
Ən konkret örnək, atomu parçaladıqda o partlayaraq enerjisini ətrafa yayır. Onun belə enerjisini yox etmək mümkün deyil. Bu insanda niyə başqa cür olsun.
Buna istərsəniz ruh adını verin, istərsəniz kosmik enerji, adı nə olur olsun, təbiətdə heç nə yox olmur.
(baxma: spiritual) (bax: spiritualizm)

azərbaycanlıların uşaq böyütmə üsulu

Azərbaycandakı ailələrin çox böyük bir əksəriyyətin əlində tutduğu səbəb budur ki, "Səni böyütmüşəm, boya başa çatdırmışam, indi sən də mənə bu əziyyətimin qarşılığını verməlisən." Bunu demək istəyirəm ki, uşaq dünyaya gətirəndə bu barədə uşağla müqavilə imzalamamısız.

Önəmli olan sayı deyil. 3 uşaq dünyaya gətirirlər, bunun da səbəbi əslində içdən-içə öz uşaqlarına güvənməmələridi. qocalanda salamat bir yerdə qala bilmə şanslarını artırmaq istəyirlər.

1 uşağın olsun, amma biləsən ki onun tərbiyəsi ilə pul verib yanına qoyduğun müəlliməsi yox, özün məşğul ola biləcəksən.
1 uşağın olsun, amma biləsən ki, dünya görüşlü, mədəni, özünə və cəmiyyətə faydalı ola biləcək bir fərd yetişdirirsən.

Nolar, əkdiyiniz fidanı təmiz suyla sulayın.

rus dillilərin bakını elitləşdirməsi

Sovet dövrü insanlarının qoruyub saxlayaraq sonrakı nəsillərə inadla aşıladığı, üstündə çox mübahisələr etdiyim mövzudur. Aydın məsələdir ki, poliqlot olmaq çox gözəl bir şeydi, lakin xalqımın rus dilli qismi anoloqu olmayan bir şəkildə bu dili sevərək öz ana dilinə yuxarıdan aşağı baxmaqdadı və buna səssiz qalmaq çətindi. istəyən istədiyi dildə danışsın, buna sözümüz yox, amma iş elitlik (bax: elita)