hououin kyouma

626 0 0 0

2. nəsil yazar

Entry: 626

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yalnızlıq

+43 əjdaha

5 il filan əvvəl bu başlığa yazmışdım amma sonralıqca sildim o yazdığımı. O vaxtlar yalnızlığın nə olduğu artıq anlamağa başlamışdım amma heç cürə içindən çıxa bilmirdim. Əksinə bataqlıq kimi daha batırdım, kömək etməyə çalışanlara qarşı da aqressivləşirdim. indi isə illər sonra daha fərqli bir bucaqdan fikirlərimi yazmaq istəyirəm. Bəlkə kimsə oxuyar və az da olsa ayılmasına səbəb olar. Ən azından gec olmaz və daha tez bir müddətdə çıxar içində olduğu burulğandan. Çünki, həyatda insanı mental olaraq ən məhv edən ən axmaq şeylərdən biridi yalnızlıq. içində olanda ayrı, ondan çıxdıqdan sonra belə ayrıca əzir insanı. Əslində təkcə yalnızlıq yox, depressiya filan da içinə daxildir bunun amma yazdıqca görəcəm görüm hara qədər gedə bilirəm. Uzun müddətdir də yazmıram sözlüyə amma bunu yazmaq istədim ki, bəlkə bir insana kömək göstərər.
Düz 6 il boyunca, yalnızlıqla boğuşdum və bəlkə 10 ildən də çox bir zaman ərzində də depressiyadan əziyyətdən çəkdim* hələ də böyük ehtimalla izləri var üstümdə . Hamısı da yığıla-yığıla oldu böyük bir dağ. Demək olar ki, məhv elədim həyatımı öz əllərimlə. Bəlkə də ola biləcək ən maraqlı 6 ilimi puç elədim getdi. Bilə-bilə içinə girdim amma necə bir bəlaya özümü saldığımı çox gec anladım. 6 il ərzində hər kəsdən uzaqlaşdım. Heç nə etmirdim, sanki həyatımı dondurmuşdum. Yaxınıma gəlib, əlini uzadanlara da az qala peşman elədim kömək etmək istədikləri üçün. Əslində qətiyyən tək qalmaq istəmirdim amma necə içinə işləyirsə bir yerdən sonra olur sənin komfort zonan. Nə qədər mızıldansan da rahat olur sənə tək qalıb, heç nə etməmək. Yenidən insan içinə çıxmaq, yenidən cəhd eləmək, yenidən yıxılmaq qorxuları filan ilk baxışdan çox ciddi görünməsə də əzilmiş, dəfələrlə yıxılmış və artıq yorulmuş biri üçün çox qorxulu hisslərdir. Mənim üçün də elə oldu. Guya nəyisə "sübut" etməyə görə edirdim bunu amma içdən-içə bilirdim səbəbini. Sadəcə üzləşə bilmirdim. Ancaq, bir gün üzləşdim. Bir gün içində oldu özü də hamısı. Bakıya gəldim, 11 illik, ən yaxın dostlarımdan biriylə görüşəcəkdim, səhərisi gün də konsertə gedəcəkdik amma o qaranlıq fikirlər yenidən dolmuşdu beynimə. Qayıdıb, gedirdim yenə Bakıdan. Daha doğrusu qaçırdım həmişə etdiyim kimi. Yol boyunca da ağlamaq tutmuşdu. Sahildən içərişəhərə qədər oradan da bayıla qədər iti addımlarla gedirdim. Çünki, hiss edirdim ki, qalmaq istəyirəm Bakıda, yenidən normal insan olmaq istəyirəm amma bunları etmək üçün keçməli olduğum yoldan qorxurdum. Rayona gedən taksilərin qarşısında dayandım. O taksiyə minsəm bu səfər həqiqətən də hər şeyin bitəcəkdi. Son şansımın olub, olmadığını deyə bilmərəm, münəccim deyiləm nəticədə amma ən azından növbəti bir neçə il ərzindəki son şansım olduğunu anlayırdım. Edə bildiyim tək şey güc bəla dostuma zəng edib, kömək istəmək oldu. Sonra isə taksi tərəfə baxmadan içərişəhərə doğru qaçmağa başladım ki, yenə fikrim dəyişməmiş gedim dostumla görüşüm və növbəti gün də həyatımda getdiyim ən bomba konsertlərdən birinə getdim. O gündən sonra cəmi 6 ay ərzində həyatımdakı hər şeyi dəyişdim. Dəhşət çətin oldu. Stressdən öldüyüm, başımı divarlara(məcazi mənada yox, ciddi-ciddi) vurduğum, özümü dünyanın ən aciz insanlarından biri kimi hiss etdiyim günlər oldu amma bacardım bunu. Normal bir iş tapıb, yenidən Bakıya qayıtdım. ilk dəfədi yalnızlıqdan, depressiyadan tamamilə uzaqlaşdığımı düşünürdüm amma Bakıya geri qayıdandan sonra yalnızlığın, depressiyanın verdiyi fəsadları daha yaxşı görməyə başladım. Çünki, artıq dostum qalmamışdı. Bəziləriylə ümumiyyətlə əlaqəm kəsilmişdi, bəziləri ölkədən çıxıb, getmişdi, bəziləri evlənmişdi və s. Tək ortaq nöqtələri o idi ki, hamısı həyatında bir səviyyəyə gəlmişdi. Mən isə çox geridəydim hamıdan. 6 il sonra komadan ayılmış bir insan idim. Bir neçə gün əvvəl bunu dibinə qədər hiss etdim. O 6 il ərzində nələr itirdiyim daha da aydın görə bildim. Dediyim kimi yalnızlıq içində olanda ayrı əziyyət çəkirsən amma içindən çıxanda da verdiyi fəsadları görüb, yenidən ayrı cür əziyyət çəkirsən. 6 il ərzində düşünürdüm ki, mənim hər şeyim Bakıdadı. Ora qayıtdığım an hər şey düzələcək. Halbuki, artıq bu şəhərdə belə demək olar ki, heç kimim qalmayıb, ilk dəfədir Bakıda belə yalnızam. itirdim hamını. Nəinki insanları, bir insan üçün ən dəyərli mövhumatlardan biri olan "zaman"ımı itirdim. Özü də nə az nə çox düz 6 ilini. Bir dəqiqəsi belə geri qayıtmayacaq artıq. Geriyə dönüb, baxmağın da bir mənası yoxdur amma insanıq nəticədə. istər-istəməz baxırsan və geridə qoyduqlarımın verdiyi yükün ağırlığını indi çox daha yaxşı hiss edirəm. Təmir oluna bilməz bir şeydimi? Məncə yox amma təmiri üçün ediləsi şeylər çoxdur, özü də həddindən artıq çox və bu yolda təmir olunmayacaq nüanslar da olacaq. Bunun hamısına özünü hazırlamaq da heç asan deyil. Həyat bitməyib nəticədə amma yaşanmamış bir çox şeyi itirdiyini bilmək insanı yeyir içdən. indi düşünürsən ki, "mən axı niyə 6 ilimi belə asanlıqla tulladım çölə?". Hal-hazırda isə az-çox bilirəm nələr etməliyəm amma bunları etmək üçün artq dayanacaq bir saniyəm belə qalmayıb. Bir anı belə itirə bilmərəm və itirmək də istəmirəm. Növbəti 6 il də başıma nə gələcəyini bilmirəm amma tək sevindiyim nöqtə orasıdır ki, artıq nələrisə yaşayacam. Bu pis də ola bilər, yaxşı da amma əsas odur ki, yaşayacam. O 6 il ərzindəki kimi yaşamadan itirməyəcəm bunları.
Həyatınızın hər anının, hər hissəsinin, içində hər bir parçasının, hər bir nüansının qədrini bilin. Nələrisə edin, nəticəsi pis də ola bilər, yaxşı da amma əsas odur ki, dayanmayın. Çünki, dayandığınız an yenidən hərəkət etmək göründüyü qədər asan deyil.

32 əjdaha! 14.01.2023 00:34, hououin kyouma

#365778 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

itirmək

+20 əjdaha

Çətindir. Neçə ildir əlaqəm olmasa da bir dövrdə ən yaxın dostlarımdan olan birinin vəfat etdiyini öyrəndim keçən həftə. Sonuncu dəfə 2021-də bir ünsiyyətimiz olmuşdu. Hər insan kimi həm yaxşı tərəfləri həm də mənfi tərəfləri var idi və mənfi tərəfləri mənə artıq ağır gəldiyi üçün qopmuşduq vaxtında amma xətrini çox istəyirdim üstündən illər keçsə də. Qəribə bir hiss idi öldüyünü öyrənmək. Sanki içimdən bir parçanı itirmiş kimi oldum. Əlaqəm olmasa da bilirdim ki, hardasa yaşayır amma belə bir xəbəri heç gözləmirdim. indi hələ ki, həzm etməyə çalışıram amma qəbullanmaq asan bir proses deyil. Bir neçə tanışın onunla olan şəkillərin paylaşdığım görəndə heyfisləndim ki, neçə il dostluğumuz olsa da cəmi 1 dəfə şəkil çəkmişdik və o şəkili də telefonu format olanda getmişdi. indi yalnız kafelərdə saatlarca oturub, danışdığımız söhbətlər və bir yerdə etdiyimiz gijliklər yadıma düşür. Belə olmamalı idi deyirsən amma kimin sonunun necə olacağına da təəssüf ki, özümüz qərar verə bilmərik.

17 əjdaha! 31.07.2023 19:38, hououin kyouma

#376696 şikayət

mor ve ötesi

+11 əjdaha

Bakıdakı konsertlərində təşkilatçılıq sıfır yox, biabirçılıq səviyyəsində olsa belə konsert özü çox yaxşı keçdi. Çünki, həm gələn insanlar qrupu tanıyan, bilən insanlar idi həm də ac idilər belə bir konsertə. Bir mahnını belə tək oxumadılar ki, qrup üzvləri, daha doğrusu Harunun dediklərinə görə nə bu qədər insanın gələcəyini gözləyirmişlər nə də bu qədər iştirak edəcəklərini. Sırf buna görə də gələn il yenidən gəlmək istədiklərini qeyd etdi. Əslində bundan qat-qat çox insan gələrdi amma konsert düz əməlli reklam olunmadığı üçün bir çox insan çox gec xəbər tutdu.
Səs keyfiyyəti də gözləniləndən yaxşı idi, səbəbi də odur ki, gördüyüm qədərilə öz komandaları ilə gəlmişdilər Bakıya. Yəni, bütün hər şeyi özləri qurmuşdu deyəsən. Çünki, qrupun arxasındakı monitordan hər ifaya uyğun klipin yayımlanması, işıq sistemləri, səsin zalın hər nöqtəsində eyni səviyyədə səslənməsi kimi faktorları daha çox qrupla tez-tez işləyən insanlar bu qədər səlis edir.
Konserti 3 kamera çəkirdi. Ümid edirəm bu çəkiliş boşuna deyildi və youtube tipli bir sayta yüklənilər nə vaxtsa.
Son olaraq başa düşürəm 90 dəqiqə əksər insana az gəldi amma az gəlməsinin səbəbi onda idi ki, demək olar fasilə vermədilər. Fasilə vermədikləri üçün də insanlar hansı ara 90 dəqiqə keçdi bilmədi. Ancaq, bir çox qrupların konserti elə 90-120 dəqiqə arası dəyişir. Çünki, optimalı budur. Bunlara baxmayaraq, əgər tamaşaçıların belə olacaqların bilsəydilər 120-ə çəkərdilər fikrimcə. Bunun da cavabını ümid edirəm növbəti ildəki konsertlərində biləcəyik.

9 əjdaha! 26.12.2021 18:52, hououin kyouma

#342207 şikayət

duman

+11 əjdaha

Təşkilatçıları konkret tülkülüklə məşğuldu. iticket.az sırf ucuz(səhv etmirəmsə 15-30 azn-lik) biletlər satıldıqdan sonra instagramda konsertin elanını verdi. indi yerdə qalan biletlər isə 90-190 azn arasıdır. Meet&greet olmadığı müddətcə hər 2-3 ildən bir gələn türk qrupu üçün belə qiymətlər qoymaq absürddür. Onda deməli muse filan gəlsə bilet qiymətləri 250 azn-dən başlayacaq.

Bunlardan savayı hansı ağılla rock konsertini konqres mərkəzində etmək qərarına gəliblər? 2019-cu ildə gül kimi elektrada konsert vermişdilər. Məqsəd daha çox bilet satmaqdırsa onda expoya keçirtsinlər konserti amma konqres mərkəzinin nə əlaqəsi var? Bilmirəm bu konqres mərkəziylə müqaviləmi bağlayıblar ya sponsorlarıdımı nədirsə açıqlanan 5 konsertdən 4-ü burada keçirilir. Bakıda oturacaqlı zaldan çox ayaq üstü konsertlərin keçirilə biləcəyi zallar lazımdır amma onda biletləri sıraya görə dədə-baba qiymətinə sata bilməyəcəkləri üçün yapışırlar belə oturacaqlı məkanlardan. Təbii ki, başa düşüləndir, təşkilatçılar da pulun qazanmalıdır konsertlərdən amma arada bu konsertlərə gələn izləyiciləri də fikirləşsələr əla olar.

10 əjdaha! 26.03.2022 23:30, hououin kyouma

#347986 şikayət

battle royale

+7 əjdaha

Rejissorluğunu Kinji Fukasaku-nun etdiyi 2000-ci ildə çıxmış bir Yapon filmidir. Film özü isə 1999-cu ildə Koushun Takami tərəfindən yazılmış eyni adlı romanın adaptasiyasıdır. "battle royale" janrının banisi sayılır bu film. Filmin mövzusuna gəldikdə isə qısaca desək bir qrup məktəblinin Yaponiya dövləti tərəfindən ölüm oyununu oynamağa məcbur edilməsindən bəhs edir. ilk çıxdığı andan etibarən bir çox ölkədə siyasi fikirlərə görə yayımlanması qadağan olunmuşdu. Filmin haqqlarının sahibi olan Toei şirkəti 10 il boyunca filmin yayım haqqlarını Amerikan şirkətlərinə satmaqdan imtina etmişdi içindəki siyasi ideyalara və onlara qarşı açıla biləcək məhkəmələrə görə. 2010-cu ildə isə nəhayət Anchor Bay Entertainment aldı filmin Amerika tərəfi üçün haqqlarını.

Fortnite, PUBG kimi oyunlar və Hunger Games seriyası sayəsində bu janr yenidən məşhurlaşdı və Squid game ilə tamam pik həddə çatdı məşhurluğu amma çoxunun bilmədiyi nüans odur ki, bu janrın adı elə bu filmdən gəlir. Qərb ölkələrində yayımlanmasa da 2000-dən sonra Asiya ölkələrində bu janrda onlarla filmlər çəkilib.

5 əjdaha! 02.11.2021 22:47, hououin kyouma

#339078 şikayət

a nightmare on elm street

+6 əjdaha

Yox olmağa doğru gedən slasher janrına yenidən həyat verən bir franchise-di A Nightmare on Elm street. Çünki, bu filmə qədər olan slasher kinoların həm büdcəsi kifayət qədər az idi həm də əksəriyyətinin mövzusu bir-birinin bənzəri idi. Danışmayan, iri cüssəli, maskası olan bir antaqonistin əlindəki fərqli alət/silahlarla yeniyetmələri öldürməsindən o tərəfə keçmirdi temaları. Leatherface, Michael Myers, Jason voorhees və s. hamısı az-çox bir-birinə bənzər antaqonistlər idi.
Wes Craven isə tamamilə fərqli bir yol seçdi Freddy Krueger üçün. Digərlərinin əksinə Freddy çox danışan, qurbanlarını tez öldürmək əvəzinə onlarla məzələnən, əzabla öldürən bir personaj idi və bunların hamısını yuxularında edirdi. Yəni, adi bir insan yox, fərqli bir varlıq idi. Düzdür birinci filmdən sonra Craven növbəti beş film boyunca demək olar ki, franchise-dan uzaq dursa da Freddy-ni canlandıran Robert Englund sayəsində hər növbəti filmdə mövzu nə qədər bayağılaşsa da Robert sayəsində filmlər kifayət qədər izlənilirdi. 2010-cu ildə çıxmış remake-dən savayı qalan bütün filmlərdə personajı Robert özü canlandırdı. Freddy Krueger personajı hal-hazırda "larger than life" personajlarından biri kimi tanınır. Qorxu filmi deyiləndə ağıla gələn ilk antaqonistlərdən biridir.
Hal-hazırda franchise-in aqibəti haqqında dəqiq bir məlumat olmasa da çıxan xəbərlərə görə həm yeni film həm də serial üzərində işlər davam edir. Freddy rolu üçünsə yenidən Robert Englundlə görüşürlər.

3 əjdaha! 26.11.2021 22:26, hououin kyouma

#340562 şikayət

berserk

+5 əjdaha

Usta mangaka Kentaro Miura tərəfindən çəkilən 1989-2021-ci illər arası yayımlanmış seinen mangasıdır. 1989-1992-ci illər arası hakusenshanın Monthly Animal House adlı, 1992-2021-ci illər arası isə Young animal adlı jurnalında yayımlanmıdır. Manga/anime dünyasının ən məşhur işlərindən biri kimi görülür Berserk. Bu günə qədər yüzlərlə manga və anime sırf Berserkdən ilhamlanaraq çəkilib. Personajlarından tutmuş qrafikasına qədər hər şeyilə əfsanəvi bir mangadır. Demək olar ki, myanimelist saytı açıldığı gündən bu yana da ən yaxşı mangalar siyahısında birinci yeri heç kimə verməyib. Bu günə qədər isə mangası 50 milyondan çox satış əldə edib və bununla ən çox satılan mangalar arasında üst sıralarda yerini alıb. Mövzusunu qısaca desək Guts adlı personajın başından keçənləri bəhs edir, tək başına müharibəyə qoşulması, sonralıqca bir qrupa daxil olması, qrupun başçısı ilə arasındakı mübarizəsi, eyni qrupda olduğu bir qıza qarşı olan sevgisi və ən sonda o başçısına qarşı olan intiqamından bəhs edir. Manganın fantaziyadan dramaya, romantikadan macəralara qədər demək olar ki, hər şeydən bir az var.

Adaptasiya olaraq bir neçə dəfə fərqli arclar üzərinə qurulmuş animelər çəkilsə də heç biri istənilən səviyyədə olmayıb. Yalnız 1997-1998-ci illər arası yayımlanmış Kenpuu Denki Berserk 25 bölümlük animesi bir çoxları tərəfindən bəyənilir amma burada da manga həddindən artıq geniş olduğu üçün mövzu daxilində xırda dəyişiklər olub. 2012-2013 illəri arasında isə 3 filmi yayımlandı və bu 3 film isə yalnızca golden age hekayəsinə həsr olunmuşdu.

Təssüf ki, kentaro miura 26 may 2021-ci ildə 54 yaşında vəfat etdi. Əslində mangası qətiyyən bitməyə yaxın belə deyildi amma hələ ki, miuranın çəkdiyi qədərilə bitirilmiş kimi görünür. Verilən məlumatlara görə miura illərdir birgə işlədiyi köməkçilərinə hekayəni davam etdirmələri üçün mövzunun sonuna qədər necə gedəcəyini draft kimi yazıb, qoyub amma hələ ki, manganın yayımlandığı şirkət və köməkçilər qərar verməyiblər ki, bu draft üzərində işləsinlər yoxsa manganı elə burada bitirsinlər.

5 əjdaha! 06.12.2021 02:42, hououin kyouma

#341080 şikayət

goat ripper

+5 əjdaha

Azərbaycanda fikrimcə bu günə qədər yaradılmış ən heyvan qruplardan biridir. 2 dəfə canlı dinləmə şansım olub. Hər ikisində fərqli qrup üzvləri olmasına baxmayaraq, bir qram keyfiyyətdə azalma olmamışdı. iyunun 2-si də üçüncü dəfə dinləyəcəm. Ümid edirəm yeni albomdan mahnılar ifa edərlər. Nə vaxtsa azərbaycandan brutal death metal qrupu çıxacağına inanmazdım amma bunu da etsə-etsə Nicat edə bilərdi.

4 əjdaha! 28.05.2023 22:24, hououin kyouma

#373082 şikayət

ali koç

+4 əjdaha

Fenerbahçe prezidenti olduğu gündən bu yana hələ ki, futbol komandasında bir sezonu eyni məşqçiylə bitirə bilməmiş prezidentdir. Azarkeşlərə futbol komandasıyla bağlı nə söz vermişdisə hamısının əksini etdi. Komandanı mən yox, məşqçi və "sporting director" idarə edəcək dedi və nəticədə yenə öz bildiyini elədi. Hər ilin əvvəlində "bu il pilot klubumuzu açıqlayacağıq" deyib, sonda heç bir klubla razılaşa bilmədi. idarə heyətinə futboldan anlayışı olan insanlar yox, hər dediyinə "hə" deyəcək tipləri gətirdi. Kömək etmək istəyənləri də bir-bir uzaqlaşdırdı heyətindən. Gətirdiyi hər məşqçi üçün "bu məşqçiylə bir neçə illik planlarımız var" deyib, hər birini 4-5 ay ərzində komandadan uzaqlaşdırdı. Həm cocu həm ersun həm erol həm də vitor pis məşqçi idi? Yox, sadəcə heç birinə rahat istədiklərini etmək şansı vermədi. Mətbuata, hər yerindən duran tv şərhçisinə əzdirdi məşqçilərini. Birini belə qorumadı. Digər yanda isə Beşiktaş hal-hazırda müvəqqəti məşqçisi olan Önder Karaveli-ni pisləyən bir proqrama görə o dəqiqə twitter-dən yazı yayımladı və göstərdi ki, məşqçilərini elə hər yerindən duran pisləyə bilməz. Hər məşqçiyə yarım-yamalaq komanda heyəti verib, bununla məni çempion elə dedi. Məşqçilərin istədiyi 1-2 oyunçunu alıb, qalanlarını ya rogon-dan ya da öz bildiyi yerlərdən aldı. Əlindəki komandaya uyğun yox, maddi və başqa səbəblərə görə məşqçilər seçdi. Cocu-nun əlindən ən vacib iki futbolçusunu(Josef və Giuliano) avqustun axırına yaxın göndərib, yerinə düz əməlli oyunçu gətirə bilmədi sonra günah cocu-da oldu, Ersun-un komandasının nə sol cinah müdafiəçisi var idi nə də düz əməlli müdafiəçisi amma səhv edən Ersun kimi görüldü, Erol-un komandası kağızda yaxşı görünsə də qətiyyən onun oynadığı stilə uyğun deyildi amma günahkar Erol oldu, Vitor əlindəkilərlə bir sistem uyğunlaşdırmağa çalışırdı ki, bu səfər də Rıdvan Dilmen kimi insanların sözünə görə bütün komandanı qatdı bir-birinə amma nəticədə yenə Vitor bacarmadı deyildi. Ən əsas məsələ bu 4 sezonda da bəzi oyunçular sırf bəyənmədikləri üçün məşqçilərinin ayağının altını qazdılar və prezident olaraq görünən bu insan heç nə edə bilmədi bunlara qarşı. Bəzən hətta əksinə bir az da özü mobbing etdi məşqçilərinə. Hər məşqçisində bir nöqsan tapdı amma bir dəfə də "biz səhv elədik" deyə bilmədi. Bundan sonra da çətin ki, bir uğur qazana bilsin. Fenerbahçe-yə gələndə kadıköydə az qalsın qucaqlarda gəzdirilən insan, indi eyni yerdən yalnız polislərin köməyilə çıxa bilir. Seçkiyə nə vaxt gedəcək məlum deyil amma getmədiyi müddətcə fenerbahçe futbol komandasından bir uğur gözləmək ütopik sayılar. Heç olmasa artıq bəllidir ki, növbəti seçkidə qarşısında Eyüp Yeşilyurt tipli biri yox, Saadettin Saran, Gürel Aydın kimi insanlar olacaq. Aziz Yıldırım kimi pis niyyətli, klubu öz biznesi üçün istifadə edən biri deyil Ali Koç, əksinə klubu ən yüksək yerlərdə görmək istəyir amma istəməklə bacarmaq bir-birindən fərqli şeylərdir. Çox böyük ümidlərlə gələn bir prezident idi amma artıq gedəcəyi günü azarkeşlər həvəslə gözləyir.

2 əjdaha! 22.12.2021 00:35, hououin kyouma

#341981 şikayət

the man who would be king

+3 əjdaha

iron Maiden qrupunun 16 avqust 2010-cu ildə çıxmış The Final Frontier adlı albomundakı 9-cu ifadır.

Sözləri:
as he travels on the
beast of burden,
moving up along the mountainside,
as he gazes looking down the
valley,
no regrets but his pride.

as he journeys across
mountain passes
insignificance sweeps over him.
his reflection of the beauty
round him.
feeling empty inside.

he is running from his
wildest thoughts.
he is running from his everything.
he is looking now to
find something,
hoping he could be saved.

he's searching for the answer now.
it's something that he's managed to
avoid up 'til now.
real conviction, that he craves.
he needs to find the answer
sooner than later.

pushed himself to the limits.
he had to strive for all the harder
things in life,
but what the cost of giving now?
his life and his time are the only things
that he has.

life is is not a rehearsal.
all he has is the one chance
to get it right.
leaving really is the only
way to know.

maybe one day they'll forgive him
what he's done,
but now the pain of lying too
early in the grave.

destiny, no good to hide away.
penance now will be his only way.
understand, no good to run away.
penance now will be his saving
grace.

he tries to make his peace
with god.
all is forgivable but it's left
a little late.
trying something that he's not.
is it possible to change such a lot?

he's taken someone's life away.
there's not a day goes by.
he regrets what he's done.
he should have found another way
but the good book says:
an eye for an eye.

in reflecting on decisions
that were made.
on the judgements that will
haunt him 'til his grave.
no one has the right to
take another life
but in his mind he had no choice.
so be it.

destiny, no good to hide away.
penance now will be his only way.
understand, no good to run away.
penance now will be his saving
grace.

destiny, no good to hide away.
penance now will be his only way.
understand, no good to run away.
penance now will be his saving
grace.

far, far away, the man
who would be king.
far, far away, the man
who would be king.
so far away, the man
who would be king
so far away, the man
who would be king
far, far away, the man
who would be king

2 əjdaha! 28.09.2021 02:21, hououin kyouma

#337346 şikayət

powerwolf

+3 əjdaha

2004-cü ildə Saarbrücken, Saarland, Almaniyada qurulmuş power Metal qrupudur. Debut albomları Return in Bloodred dövründən məlum idi ki, növbəti illərin headliner qruplarından biri olacaqdı. ilk 4 albomları metal blade records leyblı adı altında çıxsa da sonralıqca Napalm Records kimi onları daha yaxşı reklam edəcək bir şirkətə keçid etdilər. Bir metal qrupu fikirləşin ki, hər klipi filan minimum 4-5 milyon baxış sayı əldə edir youtube-da. Digər musiqi janrlarına baxdıqda az görünə bilər amma metal janrı altında kifayət qədər yaxşıdır. Nəticə olaraq da hal-hazırda festlərin qrup listində adı ən üstdə yazılan qruplarından birinə çevrilib. Hit ifa yazmağı çox gözəl bilirlər və digər qruplar kimi ciddi davranmaqdansa daha öz keflərinə uyğun hərəkət edirlər. Satanizmdən xristianlığa, seksdən qurdlara, mifik hekayələrə qədər bir çox fərqli mövzu barəsində ifaları mövcuddur.

3 əjdaha! 06.12.2021 00:46, hououin kyouma

#341072 şikayət

vinland saga

+4 əjdaha

13 aprel 2005-ci ildən bəri Kodanshanın aylıq çıxan afternoon adlı sırf seinen mangaların yayımlandığı jurnada çıxan, Makoto Yukimura tərəfindən çəkilən mangadır. Mangasında hal-hazırda 188-ci chapterə çatmışıq. Mövzusunu qısaca desək ən güclü Vikinglərdən birinin oğlu olan yeniyetmə Thorfinnin atasının qatili Askeladdı öldürməyə gedən yolundan bəhs edərək başlayır amma sonralıqca artıq Thorfinn-in illər keçdikcə başından keçənlərdən bəhs edən bir seinen mangasıdır. Mangaka çalışdığı qədər Viking tarixinə sadiq qalmağa çalışıb. Hətta sırf buna görə səhv etmirəmsə islandiyaya getmişdi ki, təbiətini filan mümkün qədər bənzər çəkə bilsin. Ancaq, manga boyunca sırf Skandinav ölkələrindən yox, bəzi Avropa ölkələrinə də səyahətləri olur.

Fikrimcə Vinland Saga son illərdə çıxmış ən gözəl və maraqlı mangalardan biridir. Xüsusilə berserk, vagabond, kingdom kimi mangaları bəyənənlər üçün çox uyğun seçimdir. Boşuna deyil ki, myanimelist kimi bir saytda hal-hazırda ən yaxşı 11-ci mangadır.

2019-cu ildə mangaya sadiq qalaraq anime adaptasiyası çəkildi. Animesinin ilk sezonu 24 bölümdən ibarətdir. 2-ci sezonunun elanı verilsə də hələ ki, nə vaxt yayımlanacağı məlum deyil. Animesini izləmədiyim üçün mangadakı hansı hissəyə qədər çatdıqlarını və ya mangasından çox fərqlənib-fərqlənmədiyini bilmirəm. Ancaq, myanimelist kimi bir saytdan 8.73 bal alıbsa böyük ehtimalla izləməyə dəyər animesi var.

3 əjdaha! 06.12.2021 02:19, hououin kyouma

#341075 şikayət

sofiane pamart

+3 əjdaha

25 aprel 1990-cı ildə Fransada doğulmuş, əslən mərakeşli olan məşhur Fransız pianistidir. Fransada tipik klassik pianisti stilindən uzaq görünümü ilə tanınmışdı. Konservatoriya oxumağına və öz bəstələrinin demək olar ki, hamısı sırf modern classical janrında olmasına baxmayaraq, Koba LaD, Vald, Maes, Sneazzy kimi bir çox rap ifaçısı ilə də duetləri var. Bu günə qədər 6 albomu çıxmışdır.

LOVE:

(youtube:

)

3 əjdaha! 08.03.2022 22:54, hououin kyouma

#346879 şikayət

city pop

+3 əjdaha

Tatsuro Yamashita-nin kralı sayıldığı janrdır. Bir janrdan daha çox bir stildir. Yəni, ifa soul da ola bilər, pop da amma əsas olan o urban abu-havanı yaratmaqdı. Son dövrlərdə qərb ölkələrində çox məşhurlaşmağa başladı. həm Animelərin həm də ifaların loop-a meylliliyi bu janrın yenidən məşhurlaşmasında böyük rolu oldu. Sırf bu stil sayəsində indi Vaporwave, future funk adlı iki yeni janr yarandı.

1 əjdaha! 02.11.2021 23:17, hououin kyouma

#339079 şikayət

born of osiris

+3 əjdaha

2003-cü ildə yaranmış ilk başlarda progressive deathcore sonralıqca isə progressive metalcore/djent ifa edən qrupu Amerikan qrupudur. Mənə görə hələ də qrupun ən dəyərli albomu the discovery-dir. Ondan sonra isə djentin suyunu çıxartmağa başladılar. Xüsusilə Soul Sphere albomları elə bil Ai tərəfindən generate olunmuş qədər yorucu idi amma sonraki albomlarında yenidən özlərinə gələ bildilər. Sumerian recordsun bir dövrdə həddindən artıq məşhurlaşmasındakı ən başlıca səbəblərdən biri idi bu qrup.

2 əjdaha! 28.05.2023 22:39, hououin kyouma

#373084 şikayət

hellraiser

+3 əjdaha

Bu günə qədər tam 10 filmi çıxmış, 90-cı illərin məşhur qorxu franchise-lərdən biridir. Filmlərin ümumi ideyası Clive Barkerin 1986-cı ildə yayımlanmış The Hellbound Heart adlı kitabından götürülmüşdür. 1987-ci ildə çıxmış ilk filmin rejissorluğu və sujetini də yazan elə Clive Barker özü idi. Sonraki filmlərin çəkilişi zamanı isə başqa proyektlərlə məşğul olduğu üçün daha çox sujetin yazılmasında və ya prodüser kimi iştirak etmişdir. ilk dörd film franchise-in əsas hissəsi kimi görülür. Çünki, beşinci filmlə bərabər qalan bütün filmlər az büdcəli olduğundan kinoteatrlarda nümayiş olunmaqdansa birdəfəlik video kaset/vcd/dvd kimi satışa çıxırdı.

Filmin ümumi mövzusu mistik bir tapmaca qutusundan kubik rubika bənzər ibarətdir. Açıldığı zaman cəhənnəmə bənzər bir diyarda yaşayan Cenobite-ların dünyaya gəlməsinə yol açır və bunlar insanları sadistik yollarla öldürərək ruhlarını yığırlar. Cenobite-lar isə bu dünyadan olmayan şeytani varlıqlar olaraq bilinir. Hansılar ki, bir zamanlar insan idilər. Bütün filmlərdə qutunu istəyərək və ya istəməyərək açan insanların cenobite-ları yenidən öz dünyalarına geri göndərməsi üzərinə qurulub. ilk iki filmdə sadomazoxizm, ağrı və həzz kimi mövzular filmin əsas temalarından olsa da üçüncü filmlə bərabər daha tipik qorxu filmi temalarına yönəldilər.

ilk film çəkilən zaman heç kim filmin bu qədər uğurlu olacağına inanmırdı. Əslində filmin özündən çox cenobite-ların lideri olan pinhead personajı sayəsində film bu qədər uğurlu oldu. ilk filmdə ekranda az görünən personaj, fanatların sevgisi sayəsində bir anda nəinki franchise-in qorxu filmlərinin ikon personajlarından birinə çevrildi. ilk 8 film boyunca da bu personajı ingilis aktyor Doug Bradley canlandırmışdır.

Hazır ki, məlumatlara görə franchise-in növbəti filmi 2022-ci ildə yayımlanacaq və buna əlavə olaraq da filmin davamı kimi hazırlanan serialı da HBO-da yayımlanacaq.

1 əjdaha! 26.11.2021 21:48, hououin kyouma

#340555 şikayət

whitechapel

+3 əjdaha

2006-cı ildə Knoxville, Tennessee, ABŞda yaranmış deathcore qrupudur. ilk çıxdıqları dövrdən bəri janrın ən məşhur qruplarından biri olublar həmişə. Bu günə qədər tam 8 albomları çıxıb. Sonuncu albomları olan Kin isə 29 oktyabr 2021-ci ildə yayımlandı. Qrupun qurucularından biri olan vokalist Phil Bozeman bundan əvvəlki albomla* The Valley başlayan hekayəsini bu albomda da davam etdirir. 10 yaşında atasını, 15 yaşında isə anasını itirib Phil. Atası öldükdən sonra şəxsiyyət pozulması yaşayan anası əlil biriylə evlənir və sonrasında da kokain aludəçiliyindən ötürü vəfat edir. Son 2 albomun da mövzusu sırf bu uşaqlıq illərində yaşadığı problemlər üzərinədir.

2 əjdaha! 27.11.2021 03:09, hououin kyouma

#340580 şikayət

helheim

+3 əjdaha

1992-ci ildə Bergen, Norveçdə yaranmış Viking/Black Metal qrupudur. Bu günə qədər 2 Ep və tam 11 albomu çıxmışdır. Ən sonuncu albomları olan Woduridar da 28 oktyabr da yayımlandı.

3 əjdaha! 24.11.2021 01:32, hououin kyouma

#340409 şikayət

olivia rodrigo

+2 əjdaha

Billie Eilish ilə birlikdə mainstream musiqinin yeni üzlərindən biri olma yolunda Sour albomuyla ilk addımı atdı. Albomda indie popdan alternative rocka, pop punka qədər bir çox janrdan elementlərindən olduğu ifalar mövcuddu. Sözlərinə gəldikdə bu yaşda albom çıxardan əksər indie pop ifaçısı kimi Sourda da sözlər daha çox alınmamış bir münasibət üzərindən gedir. Sadəcə sözlərinin bu qədər sevilməsinin səbəbi ondadır ki, metaforlar filan istifadə etmək yerinə, baş vermiş hadisəni olduğu kimi danışır. Son illərdə belə sözlərini ifaçının özünün yazdığı albomlar daha çox bəyənilir. Hər halda dinləyiciyə də səmimi gəldiyi üçün ola bilər.

2 əjdaha! 25.11.2021 02:32, hououin kyouma

#340495 şikayət

monolord

+2 əjdaha

2013-cü ildə qurulmuş, Gothenburg, isveç çıxışlı Stoner/Sludge/Doom Metal qrupudur. Windhand, Khemmis, Pallbearer kimi qruparla birgə son illərdəki doom metal janrının yenidən məşhurlaşmasında rolu olan qruplardan biridir. Bu günə qədər 5 albomları çıxmışdır və sonuncu albomları olan Your time to shine 29 oktyabr 2021-ci ildə yayımlandı.

2 əjdaha! 25.11.2021 01:35, hououin kyouma

#340483 şikayət

time in a bottle

+4 əjdaha

Jim Croce-nin 1972-ci ildə çıxmış You Don't Mess Around with Jim adlı albomundakı 8-ci ifadır. 1970-ci ilin dekabr ayında Jim-in həyat yoldaşı ingrid ona hamilə olduğunu deyəndən sonra Jim bu mahnının sözlərini yazıb. ABC Records albom çıxdığı dövrdə ifanı ayrıca single olaraq yayımlamaq niyyəti yox idi amma Jim-in 1973-cü ildəki vəfatından sonra single olaraq çıxartmaq qərarına gəldilər. Çünki, sözləri ölüm, həyatda bir az daha çox zamanın olması arzusu kimi fikirlərdən bəhs edirdi və Jim də erkən yaşda həyata gözlərini yumduğundan ifa artıq fərqli bir mahiyyət daşıyırdı. Chartlarda çıxdığı andan etibarən 1-ci yeri əldə etdi. 1974-cü ildə 2 həftə boyunca chartlarda birinci olaraq yerini qorudu və sonrasında da yerini yenə bu ifanın da içində olduğu You Don't Mess Around with Jim albomuna yerini itirdi.

indiki dövrdə isə əksər insan bu ifanı ilk dəfə X-Men: Days of Future Past filmindəki Peter Maximoff/ Quicksilver personajının səhnəsində eşitmişdir.

Sözləri:
If I could save time in a bottle
The first thing that I'd like to do
Is to save everyday 'til eternity passes away
Just to spend it with you
And if I could make days last forever
And if words could make wishes come true
We'd walk through the fields of ripening corn
And time would flow through us and you
And I'd save everyday like a treasure and then
Again and again I'd spend them with you
And I've looked around enough to know
You're the one I wanna go through time with (ooh-ooh)
Through time with (ooh-ooh)
Through time with
If I had a box just for wishes
And dreams that had never come true
The box would be empty except for the memory
Of how they were answered by you
So if only I could save time in a bottle
The first thing that I'd like to do
Is to save everyday 'til eternity passes away
Just to spend them with you
And I'd save everyday like a treasure and then
Again and again I'd spend them with you (spend them with you)
I've looked around enough to know
You're the one I wanna go through time with (ooh-ooh)
Through time with (ooh-ooh)
Through time with

4 əjdaha! 01.11.2021 16:16, hououin kyouma

#338990 şikayət

the killers

+2 əjdaha

2001-ci ildə qurulmuş Amerikan indie pop/alternative/indie rock qrupudur. 2004-cü ildə çıxan hot fuss albomları ilə bir anda dünyada ən çox tanınan rock qruplarından birinə çevrildilər. Amerikan qrupu olmalarına baxmayaraq janr və üslub olaraq daha çox ingilis qruplarını xatırladırlar. Qrupun bu günə qədər tam 7 albomı çıxıb və bundan əlavə demək olar ki, bütün üzvlərinin də özlərinin solo albomları var.

1 əjdaha! 28.04.2023 22:03, hououin kyouma

#371364 şikayət

azecon

+2 əjdaha

hər il 1 ovuc insan keçən ildəkindən daha yaxşı etmək üçün əlindən gələni edir. nə 1 qram xeyirləri nə də başqa bir şey. sırf azərbaycanda da olsun deyə əllərindən gələni edirlər amma həmişə olduğu kimi yenə də mız qoyanları olur. sırf azecon sayəsində həyatında heç vaxt bu tip geyimləri geyinməyəcək adamlar o əhval-ruhiyyəni yaşamaq üçün cosplay edir. ümid edirəm illər sonra yubileyini edəcək qədər davam edər bu proyekt.

2 əjdaha! 03.04.2017 01:11, hououin kyouma

#250102 şikayət

flyleaf

+2 əjdaha

2002-2016-ci illər arası fəaliyyət olmuş, Bell County, Texas, ABŞ çıxışlı Alternative rock qrupudur. Bu dövr ərzində 4 albomları çıxmışdır və elə ilk albomdan məşhurluq qazanmışdılar. Debut albomları* hansı ki, qrupla eyni adı daşıyır 1 milyondan çox satış əldə etmişdi. 2000-lərin ən məşhur alternative rock qruplarından biri idi Flyleaf. Bəzi ifalarındakı dini temalara görə də daha çox christian rock qrupu kimi də görülürdülər.
ilk üç albom boyunca vokalda Lacey Sturm idi amma 2012-ci ildə oğlu dünyaya gələndən sonra qrupdan ayrılmışdı. Yerinə isə qısa bir müddət əvvəl dağılmış Vedera qrupunun vokaliti Kristen May keçdi və onunla da bir albom çıxardılar. 2016-cı ildə də May həm ailəsiylə daha çox vaxt keçirmək istədiyini həm də bu 4 il ərzində heç vaxt özünü qrupun bir parçası kimi hiss etmədiyini qeyd edərək qrupdan ayrıldığını açıqlamışdı. Lacey qrupun məşhurlaşmasında böyük rol oynamışdı deyə bir çox dinləyici heç vaxt May-i yeni vokal kimi qəbullana bilməmişdi. Əslində tam olaraq dağıldıqlarını heç vaxt açıqlamayıblar amma 2016-cı ildən bəri qrup bu barədə məlumat verməyib deyə bir çox yerdə hələ ki, "on hiatus" yazılır.

1 əjdaha! 09.12.2021 04:41, hououin kyouma

#341211 şikayət

dissection

+2 əjdaha

Əvvəlcə 1989-1997 sonra 2004-2006-cı illər arası fəaliyyətdə olmuş, Strömstad, isveçdə qurulmuş Melodic Black Metal qrupudur. Dissection Melodic black metal janrının ən məşhur qruplarından biri olaraq tanınır. Jon ilk albomları olan The Somberlain-i yazanda 17-18 yaşlarında idi. Qrup fəaliyyətdə olduğu dövr boyunca da cəmi 3 albom yayımlaya bildi. Buna baxmayaraq, hələ də melodic black metal deyiləndə ağıla ilk gələn qruplardan biridir Dissection. Hələ də bir çox qrup onun ifalarından ilhamlanaraq albomlar yazmağa davam edir.
1997-ci ildə qrupun dağılma səbəbi isə Dissection-un yaradıcısı olan Jon Nödtveidtin 38 yaşlı Əlcəzayirli homoseksual Josef Ben Meddourun ölümündə təqsirkarlardan biri olaraq 10 illik həbsə məhkum edilməsi idi. 2004-cü ildə həbsdən çıxdığı kimi qrupu yenidən qurdu. Ancaq, 2006-cı ildə Jon intihar etdikdən sonra isə qrup da təbii olaraq dağıldı. Bədəni şamlarla çevrili bir dairənin içində tapılmışdı və yanında deyilənlərə görə Satanic Grimoire kitabı var idi. intihar səbəbinə gəldikdə isə Jon satanist idi və Dissection ilə yaratdığı musiqini bir növ insanlara fikirlərini çatdırmaq üçün bir yol kimi görürdü. Onu tanıyanların fikrincə özünü öldürmə səbəbi də budur ki, artıq bu həyatda əldə etmək istədiyi hər şeyi əldə etmişdi və artıq onun getmə vaxtı gəlmişdi.

1 əjdaha! 25.11.2021 22:25, hououin kyouma

#340521 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

hououin kyouma

son bəyənilənlər:

oxuyucuların bəyəndikləri: