13 iyul 2014 almaniya argentina oyunu

4 gündü orda-burda mazqimizi xarab eliyənlərin almaniyanın qələbəni qarantilədiyini zənn etdikləri matç.
-qaqa, argentina isveçrəni keçə bilməz. qrupdaı oyunlarını görmədin? biyabırçılıq.
.....
-ay bıradd, belçika? onu keçəcək argentina?
.....
-qaqaş bu dəfə yox. ala, hollandiya. van qal. dahi! o bir dənə taktika qursun. hollandiya minər. hələ robbeni demirəm.
.....
ya bu camaat həqiqətən umbaydı, ya da biz ayrı-ayrı çempionatlara baxmışıq.
ilk öncə biraz geriyə gedək. qrup oyunlarına. deyəsən, bu almaniya, pepenin ağılsızlığı ucbatından 10 nəfər qalandan sonra portuqallara 4 top vuran, amerikaya cəmi 1 top vuran, az qala qanaya uduzan (hansı ki, qana biraz diqqətli oynasaydı rahat udardı almanları), play-offda 90 dəqiqə (!) əlcəzairə top vura bilməyən, fransanı dirəklərin hesabına keçib yarımfinala gələn almaniyadı axı. axı, deyəsən həmin almanlar idi 2010-da avstraliyanın, ingiltərənin, elə argentinanın hərəsinə 4 top vura-vura yarımfinala gələn almanlar. axırda da ispanlar iynəsini vurdu.
elə 2012-də də elə oldu axı. axı deyəsən, almanlar həmin çempionatda da portuqaliyanın, danimarkanın, hollandiyanın olduğu qrupdan 9 xalla birinci çıxıb, yunanlara yenə 4 də top vurub yarımfinala gəlmişdilər. noldu axırı. balotelli təkbaşına iynəsini vurdu onların.
lippi 2006-cı il haqda təxmini belə bir şey demişdi "dünya çempionatı marafonunu sona qədər getmək üçün ilk növbədə gücünü bölüşdürməyi bacarmalısan".
iş orasındadı ki, almanlar son 12 ildi öz güclərini düzgün paylaşdıra bilmirlər. görək bu dəfə necə olacaq.
yəni deməyim odur ki, almanları gözdə çox böyütməyə ehtiyac yoxdu. nolsun ki, brazilyaya 7 top vurdular. o 100 ildə olan bir şeydi. adnan hocamızın da burada

(youtube: )

əfsanə dördlüklər

(bax: fenerbahçe)

hizbullah

müxtəlif vaxtlarda "islam haqq məhkəməsi təşkilatı", "islam müqaviməti", "məhəmməd peyğəmbərin davamçıları" adları altında fəaliyyət göstərən təşkilat. livanda, israilin bu ölkəyə təcavüzündən bir qədər sonra, 1982-ci ilin sonlarında iranın köməyindən istifadə edən və ayətullah xomeyninin ideyalarına əsaslanan radikal şiə təşkilatı kimi yaradılmışdı. xomeyni ideyalarının ruhuna müvafiq olaraq, təşkilata lap əvvəlindən şiə ruhani liderləri rəhbərlik edib. onun nnüvəsini livanda islam hərəkatını təşkil etmək və israilə qarşı cihad başlamaq üçün suriya ərazisindən keçərək irandan gəlmiş islam inqilab keşikçiləri korpusunun döyüşçü dəstəsi təşkil edirdi. hizbullahın fəaliyyət göstərdiyi əsas rayon livanın bekaa dərəsinin şimalındakı baalbek şəhəri idi. təşkilatın infrastrukturu iran və suriyanın köməyilə inkişaf etdikcə, hizbullahın güclü hərbi şəbəkəsi yaradılır. buradan bir neçə min silahlı beyrutdan cənubi livana səpələnir və bu rayonlarda şiə icmaları arasında könüllülərin yığılmasıyla məşğul olan mərkəzlər yaradılır.
1985-ci ildə israilin öz qoşunlarını livandan geri çəkməsi ərəfəsində və bilavasitə qoşunların çıxarılmasından sonra hizbullah bir neçə xüsusi əməliyyat keçirir və eyni vaxtda da öz qüvvələrini daha da möhkəmləndirə bilir. silah-surhat, dərman ambarları, yeni təlim düşərgələri və səfərbərlik mərkəzləri yaradılır.
elə həmin dövrdə də hizbullah livanda fələstinlilərin qaçqın düşərgələrində qalan fath və fat zabitləri və döyüşçülərinin bir çoxunu öz sıralarına cəlb edə bilir (özü də, onların bəziləri fat-da üzvlüklərini də saxlayırdılar).
sonralar hizbullah livandan kənarda, konkret olaraq, qəzza sektorunda da bir neçə bölməsini yaradır. bunun təşəbbüskarı yasər ərəfatın yaxın köməkçilərindən biri, eyni zamanda da hizbullahın yüksək səviyyəli fəallarından olan masud ayyad idi (ayyad 2001-ci il 13 fevralda israil vertolyotundan açılmış raket atəşilə öz şəxsi avtomaşınında öldürülüb).
birinci intifadanın (1987-1992-ci illər) sonuna yaxın, fat hökumətilə israil hökuməti arasında sülh nizamlanması artıq nəzərə çarpmağa başlayan vaxt, hizbullah livanda fəallaşmağa başlayır.
bu vaxt hizbullah israil qoşunları və mövqelərinə qarşı 6 il ərzində(1990-95) 823 dəfə hücum həyata keçirmişdi.
livanda "suriya nizamlanması"nın başlanmasıyla hizbullah suriya hökumətinin tələblərinə uyğunlaşmaq məcburiyyətində qalır. lakin israillilərin hesab etdikləri kimi, suriyanın cənubi livanda hücumların davam etdirilməsində maraqlı olması hizbullaha livanda tərk-silah olunmamış yeganə qüvvə kimi qalmağa imkan verir. suriya hökuməti buna livan hakimiyyətindən israilin yeni təcavüzünün mümkünlüyü bəhanəsilə nail olur. yalnız israil qoşunlarının 1993-cü ilin iyulunda "məsuliyyət" adı altında keçirdikləri hərbi əməliyyatdan və bunun ardınca suriya prezidenti əsədin klintonla 1994-cü ilin yanvarındakı görüşündən sona suriyalılar hizbullah üzərində öz nəzarətlərini gücləndirirlər və onu tərk-silah etməyə imkan verirlər.
bundan sonra hizbullah öz təsirini itirməyə başlayır və yerli fəalları sayəsində lokal səviyyədə fəaliyyət göstərir. sonradan seyyid həsən nəsrallah dövrünün sonrakı illərində əvvəlki gücünü bərpa edir.
hizbullahın ideologiyası ayətullah xomeyninin ideyalarına əsaslanır və təşkilat bu ideyaları yaxın şərqdə fəal surətdə yayır. hizbullahın siyasi proqramının əsas tələbi israilin bir dövlət kimi məhv edilməsi və islama və müsəlmanlara təhlükə təşkil etdiyi üçün regionda xaricilərin istənilən varlığının aradan qaldırılması, eləcə də qüdsün azad olunmasıdır ki, bu hər bir müsaəlman üçün müqəddəs dini borc elan edilmişdir.

taliban

molla ömərin pakistan xüsusi xidmətinin və pakistanlı dini-fundamentalist xadimlərin köməyilə yaratdığı təşkilat. hakimiyyətdə olduğu dönəmdə taliban hərəkatının əsasında duran ideologiya demək olar ki, primitiv olacaq qədər sadə idi. məsələn, taliban rejimi dövründə dərc edilmiş riyaziyyat üzrə dərslikdə şagirdlərə nə cür məsələlər həll etmək təklif olunurdu: "kərim adlı mücahidin avtomat üçün 5 darağı və bunların hər birində 30 gülləsi var. kərim daraqların 3-nü kafirlərə boşaldıb və onlardan 45-ni öldürüb. mücahiddə hələ iki daraq qalıb. bir kafir öldürmək üçün kərimə neçə güllə lazımdır? onda qalan güllələrlə kərim hələ neçə kafir öldürə bilər?"
talibanın ideologiyası hətta hekmətiyarın və rəbbaninin baxışlarıyla müqayisə olunsa belə, onun fundamentalistlikdən çox, ictimai münasibətlərin və davranışın patriarxal normalarını müdafiə edən ideologiya kimi qəbul etmək olar. tradisionolist bir ideologiya.

molla ömər

1996-2001-ci illərdə əfqanıstanı idarə etmiş taliban lideri, abş tərəfindən 11 sentyabrın əsas səbəbkarlarından biri olaraq görülən şəxs.
tam adı seyid məhəmməd ömər axundzadə olan molla ömər 1954-cü ildə (başqa məlumatlara görə 1961-ci ildə)
qəndahar vilayətində anadan olur. 7 sinif bitirdiyi bilinsə də, tərəfdarları onun kvettada (bəlucistanda) mədrəsə bitirdiyini və mauləvi ruhani adını aldığını iddia edirlər. molla ömərin 4 arvadı və bir neçə övladı var, özü də bəzi məlumatlara görə, onun qızlarından biri 1990-cı illərdə osama bin ladenə ərə getmişdir. əfqanıstanda 1978-ci il aprel inqilabına qədər ömər qəndaharda molla olmuşdu. inqilabdan sonra o mücahidlərə qoşulmuş və müxalifətin tərəfində müxtəlif səhra komandirlərinin dəstələrinin tərkibində döyüşlərdə iştirak etmişdir. döyüşlərin birində yaralanır və bir gözü itirir. görünür, bu yaralanmanın nəticəsidir ki, o, 1983-cü ildə silahlı mübarizədən kənarlaşmış və pakistanda dini fəaliyyətlə məşğul olmağa başlamışdı. burada o, deobandi dini fundamentalist məktəblərindən birinə mənsub olan və pakistanda 7 mədrəsəyə nəzarət edən cəmiət-ül-ülemae-islami partiyasının lideri fazlul rahmanla yaxınlaşmışdı. molla ömər fazlul rahmanın köməyilə taliban hərəkatını yaradır və onun şura sədri olur (taliban sözünün özü - talib sözünün cəm halıdır; mədrəsələrin və digər dini təhsil müəssisələrinin tələbələrini belə adlandırılar).

1996-cı il aprelin 3-də 1500 din xadiminin iştirak etdiyi iclasda molla ömər özünü əmir-ül-mömünin (möminlərin əmiri) elan edir və ölkənin "əfqanıstan islam dövləti" adının "əfqanıstan islam əmirliyi"lə dəyişdirildiyini bildirir.
ümumiyyətlə, molla ömərin həyatı haqqında, hər halda 1996-cı ilə qədər, çox az məlumat var, onlar da kifayət qədər ziddiyyətlidir.
taliblərin yaydıqları əfsanəyə görə, 1994-cü ilin payızında məhəmməd peyğəmbər onun yuxusuna girmiş və ona öz qəbiləsini pakistanın xüsusi xidməti tərəfindən təyin edilmiş və öz qarətləri, zorlamaları və qətllərilə ad çıxarmış yerli səhra komandirinin əsarətindən qurtarmağı əmr etmişdir.
yerli molladan xeyir-dua alan məhəmməd ömər əvvəllər sovet qoşunlarına qarşı döyüşən keçmiş mücahidlərdən ibarət 50 nəfərlik dəstə təşkil edir və despotik qəbilə başçısını öldürür. bundan sonra onun var dövləti və ələ keçirilmiş ərzaq qəndahar rayonunda yoxsullar arasında paylanır. qənimət götürülən silahları məhəmməd ömərin adamları özlərinə saxlayır, keçmiş qəbilə başçısının peşman olan döyüşçüləri isə onun dəstəsinə qoşulurlar. onlar özlərini "taliblər" adlandırmağa başlayırlar. beləcə, molla ömər yoxsulların müdafiəçisi adını qazanır. əhalinin belə bir köməyi sayəsində onun dəstəsi tezliklə bir neçə yüz nəfərə qədər artır.
bütün bunlar olmuş hadisəyə kifayət qədər oxşasa da, çoxları bu əfsanənin həqiqət olduğuna şübhəylə yanaşır. bodanski bildirir ki, bu əfsanədə həqiqət yalnız, talibanın nüvəsini pəştu əsilli tələbələrdən - ruhanilər və radikal əhval-ruhiyyəli yerli dindarlardan təşkil olunmasindan ibarətdir, özü də onların əksəriyyəti əfqanıstanda 1980-ci illər müharibəsinin veteranlarıdır və praktiki olaraq hamısı pakistanda və iranda silahlıların təlim düşərgələrindən və məktəblərindən keçib.
molla ömər 1996-2001-ci illərdə əfqanıstanı de-facto idarə etsə də, başda bmt olmaqla, bir çox dövlətlər onun hakimiyyətini tanımamışdı.
molla ömərin əfqanıstanın 2001-ci ildə abş tərəfindən işğalından sonra pakistana qaçdığı iddia edilir. bəziləri isə, onun kəraçidə olduğunu deyirlər.

nabucco

italyan bəstəkar giuseppe verdinin bəstələdiyi 4 pərdəlik bir opera əsəridir. əslində operanın tam adı nabucodonosordur. bu da babilin yeddinci hökmdarının adı ilə bağlıdı (babil asma bağlarını tikdirən oğlandan söhbət gedir.). bizim kitablarda navoxodonosor olaraq keçirdi səhv eləmirəmsə.
elə nabucco qaz xəttinin adı da həmin operadan götürülüb. qaz xəttinin tikintisi ilə bağlı müqavilə türkiyədə imzalansa sa, ilkin anlaşma vyanada imzalanıb. elə nabucco adı da orada nazirlər operada olarkən ağıllarına gəlib.

(baxma: 30 aprel 2009 adna`da terror hadisəsi )

sabirabadda vəhhabinin saqqalının kəsilməsi

millətimizin vəhabiliyi, sələfiliyi, təkfirçiliyi bir-birindən ayıra bilmədiyini göstərən hadisədi. biri deyir sabirabadı partladacaqlar, biri deyir baş kəsəcəklər.
ay qardaş, azərbaycanda özünə sələfi deyən adamların 99 fazizi vəhabidi. vəhabiliklə də sələfilik arasında dağlar qədər fərq var. bizim sələfilər yəni vəhabilər birbaşa səudiyyəyə bağlı adamlardı. o səudiyyə ki, orda siyasi fəaliyyət qadağandı. sələfi rəhbərlərinin də hamısı mədinədə təhsil alanlardı. başda qamət süleymanov olmaqla.
qısacası azərbaycan nə iraqdı, nə də suriya ki, burada məzhəb savaşı filan olsun. nə də ki, bizim sələfilər təkfirçi deyil ki, gedib haranısa bombalasınlar. onların başı üçün deyil.
qamət süleymanov özü dövləti ibadət üçün bir vasitə olaraq görən adamlardandı. o da qaldı ki, dövlətə qarşı ya da digər məzhəblərə qarşı nə isə artıq hərəkət eləsin. elə bu hadisəni də sələfilər sadəcə olaraq bir fitnə olaraq görürlər və 1-2 günə yaddan çıxıb gedəcək. rahat olun yəni.