orxan əfəndi

orxanı dinləmirsinizsə itirirsiniz, dostlar. özü yazır, ifa edir, bəstələyir, həm də ingilis dilində. və bu uşağın hüquq təhsili var. musiqi sərhəd tanımır, bunu orxan bizə isbat edir hər yeni mahnısı ilə. bilmirəm öz adıma, düz edirəm ya yox, amma mən onun hər yeni mahnısı gözləyirəm və adam hüquq təhsilinin arxası ilə getdikcə onun yeni musiqilərini eşidə bilməyəcəyik deyə pis oluram. azərbaycanda yəqin ki, sənə layiqincə qiymət verməyəcəklər, orxan, əsas yaxşı yaşamağın üçün pul qazanmağa bax, amma bizim kimi səni sevənləri unutmayıb heç olmasa ildə 4-5 dəfə yeni mahnılarınla sevindir bizi. -*

sözlük yazarları

bekarsınız siz, dostlar. son vaxtlar hər hansı bir yazarın başlığının altına baxanda ancaq şikayət görmək olur, sən ondan nəsə oğurladın, sən bundan nəsə plagiat elədin. qruplaşlamalar filan yaratmısınız, başım da çıxmır, hərə birini müdafiə edir, guya biri kimisə ifşa edəndə ona nəsə mükafat verəcəklər, elə həvəslə girişirsiniz ki. bütün dünənin ən çox bəyənilənləri'ndə bir-birinizə atdığınız sözlər olur, vallah görməzlikdən gəlməyə çalışıram neçə gündür, görürəm ki, dayanmaq bilmirsiniz. bunu oxuyanda da çox da qoz qoymayacaqsınız yəqin ki, amma olsun. sizin yazdığınız entry-ləri oxuyanda (iki tərəfi də nəzərdə tuturam.) ancaq ego görmək olur, yəni heç də sözlüyün gələcəyi, plagiatlığın üstünün açılması filan elə də maraqlandırmır, bunu uşaq da seçər yazılarınıza baxanda.
sonra utanmadan bir-birinizin intellektuallığını tənqid edirsiniz, tanımadığınız anonim yazarlardan daha savadlı olduğunuzu filan iddia edirsiniz. məsələn götürək məni, hardan bilirsiniz ala kiməm mən? ay sosioloji tarixindən elə edərsiniz, ay ekşi sözlükdə belə yazaram, mənə nə dəxli var? mən soz6-da sənin real kimliyinə qiymət verirəm ki? oxuduğun ünvanı zad yaz da onda özün haqda, biz də işimizi bilək. yəni niyə elə düşünürsünüz ki, siz məndən savadlısınız? hardan elə qərara gəlirsiniz? burda mən deyəndə də ego partlaması eləmək istəmirəm, mən altında bütün yazarları ümumiləşdirirəm.
tamam, biz də bilirik ki, plagiat pisdir, amma bunu entry filan da yazanda daha səmimi, başa düşülən yazmaq olmaz? bir-birinizə niyə söz soxursunuz ki? ala uşaq bağçasına dönüb bura bütün, mən bu söhbətləri 9-10cu sinifdə filan eləmirdim. biri səviyyəsiz şəkildə sataşır, o biri də cavab verib bu səviyyəsiz şəkildə sataşmaqla məzələnir. hə, canım, sən cavab yazanda elə bilirsən ki, eyni səviyyəyə düşmədin.
özünüzə gəlməyə səsləyirəm sizi. neçə gündür sizin ucbatınızdan sözlüyə girib baxışmaqla çıxıram. adamın həyata həvəsini öldürürsünüz, və eyni zamanda sözlüyə də. bilirəm ki, mən tək deyiləm, çoxdur belə yazarlar da. öz adıma deyim ki, mən burda heç bir yazara adına görə qiymət vermirəm, yəni söz6-da sanbalım var adı ilə gəzməyinizin elə də adı yoxdur, sizi yazar kimi isbat edən yazdığınız entry-lərdir, belə yekə-yekə hamınız zor yazaram iddiası edib son yazdığınız entry-lərdə yeniyetmələrdən fərqlənmirsiniz. bitirin day bu söhbəti, vallah ayıbdır. elə bil söz6 entryləri deyil, azərbaycan səhifəsində "erməniyi öldürən neçə nəfər olar?" başlığı ilə atılmış şəklin kommentləridi.

nifrət edilən sözlər

(baxma: niyə görə)
grammar nazi bir xarakterə sahib deyiləm əslində, yəni insanlara elədiyi qrammatik səhvlərə görə filan qiymət vermirəm adətən. amma bu niyə görə temasına gələndə çox pis əsəbiləşirəm, elə bil kimsə ciddi-ciddi danışır, birdən niyə görə deyəndə harlam shake yaranır, bütün ciddiyyət itir saniyəyə. səbəbim də sadədir ki, bizim dildə niyə görə sözü yoxdur, görə yönlük halla işlənən qoşmadı, yəni nəyə görə yazılmalı və deyilməlidir. o hansı petlə olub bilmirəm ilk dəfə niyə görə işlədən, amma bundan sonra hamı istifadə edir. a kişi, da-dəni hardasa bitişik yazsaq durub dünyanı dağıdarsınız, sizdən eyni təəssübkeşliyi "nəyə görə" sual əvəzliyi və qoşması üçün də istəyirəm. bütün dünya azərbaycandilliləri birləşsin və nəyə görə'nin əzilən haqlarını bərpa etsin! uca mahmud qaşqari adına!

güldürən hadisələr

xarici qız dostum gəlmişdi bakıya, bütün gün gəzdirirdim buna şəhəri. gecələr də qalmağa həzi aslanov'a gedirdik. bu təzə gələndə ancaq taksi ilə filan gəzirdik, sonra gördüm yox e, evdeki hesap çarşıya uymur, dedim bir avtobusla gedək. saat 12-ə yaxın 28 may'dan mindik sonuncu 11'ə. axrıncı 11, təsəvvür eləyin bizdən başqa hamısı içkili, sərxoş adamlardı. elə bil bir-birinin yanında oturana da söyüş qoyublar, hərə bir oturacaqda oturub zad, hələ onu keçdim biri ümumiyyətlə çantasını atıb oturacağa tək. araq iyisi filan dolub. avtobusa minən kimi qız yazıq başladı ki, kartını çıxar yükləyək, yetimin ağlı gedib xarici ölkəyə zada, elə bilir ki, birinci karta pul yükləmisən, özü də açıb riqada, praqada olan avtobus kartlarını göstərdi mənə. elə buna öz ölkəmizdəki sistemi başa salana qədər mənimki mənə dəydi. nəysə, bu oturdu tək oturacaqda çantanın yanında, mən də ayaqüstə durmuşam, amma yer edir mənə, çanta oturur, mən oturmuram. başladım avtobusda sorğu-sual eləməyə ki, bəs kimindi çanta zad. arxada rusa oxşayan qaqaşdan soruşdum ki, sənindimi çanta. xiyar qayıtdı ki, gəl yanımda otur, nə oturacam ala sənin yanında? niyə oturum? götür də çantanı. əl çəkmir ki, məndən gəl yanımda otur, qız da narahat olur ki, nolub. nəysə, bir təhər başa saldım ki, yox, gecə saat 12-də bir piyanla yanaşı oturmağı istəmək kimi bir arzum olmayıb, sənlə oturmaq istəmirəm. avtobus 5-6 dəqiqədi uje gedir, qalıb axı içimdə, 20 manatlıq idman çantası oturur, mən qalmışam ayaqüstə, bir sorğu da apardım ki, bəs kimindi bu. bütün piyanların düşmüşəm canına, axırda bu rus qaqaş çantanı götürdü, qoydu yanına, mene de qayıtdı ki, otur. (rus dilinde gedir burdan sonra dialoqlar.) avtobusda öz verdiyim halal 20 qəpiklə oturmağa da kimdənsə icazə alası oldum. nəysə, qızla danışıram, nə bilim yolda gördüyümüz yerlərdən zad izah edirəm. avtobusda bir səssizlik çöküb ki, gecə saat 12-də ingilis dili düşüb 11-ə. görünməyən bir şey, hamı bizə gic-gic baxır filan. piyan adamlar, mən də qorxuram ki, zibili çıxacaq nəsə. nəysə qara qarayevdə bu qaqaş qalxdı, arxamızda otururdu. (çantanı da götürmədi, çantanın yiyəsi o da deyilmiş.) mənə qayıtdı ki (rus dilində):
- onu sevirsən? (qaldım belə ki, nə deyim ala buna. üstündən gələn araq iyisi xəzərdən gələn neft iyisindən belə güclüdü, dedim uzatmayım.)
- hə
- evlənəcəksən?
- hə.
- xoşbəxt olun!
qaqaş bunu denən mənə 20 manat ver. avtobusun ortasında çıxmışıq davaya indi, qaqaş 20 manatı verir, deyirəm a kişi lazım deyil zad. neynirəm. deyir götür, xoşbəxt olun. bir də istəmirəm dedim, 11-in ortasında qaqaş üstümə qışqırır, qolumu bururdu adam verdiyi 20 manatı götürmürəm deyə. həm 20 manat alıb, həm döyülən tək adam olacağam deyə öz-özümə dedim ki, day lənət şeytana, götürüm, sabah dilənçiyə filan verərəm. avtobusdan düşəndə də bir dəfə də qışqırdı ki, xoşbəxt olun :d
yanımdakı qız yazıq da bilmir axı tema nədi, gördüm ağappaq olub bu. dedim nolub, qayıt denən ki, "sən məni satdın hə?" :d yetim görüb 20 manat veriblər, hamısı da piyan zad, elə bilib ki, bu 20 manatı verir ki, bunu alsın məndən. gəlməmişdən də qabaq oxuyub ki, azərbaycanda qızları pulla satırlar (bunu deyəndə də başlıq pulunu nəzərdə tuturdu.) avtobusda da ana-baba günü. yazığı gücnən inandırmışam ki, vallah piyan idi prosta kimsə, elə bilib nişanlıyıq.
p.s. 20 manatı dilənçiyə zad da vermədim, sabah taksiyə mindik qayıtdıq :d
p.s.s. sən öl həzi-də düşəndə hələ də o çanta yiyəsiz dururdu orda. hadisənin ən maraqlı tərəfi o çantadı elə.

alter ego

#147991 nömrəli entrydə sözaltı sözlüyü günahkar çıxararaq intellektual sferada yazdıqlarının atmacalardan daha az bəyənildiyini vurğulayır. hörmətli gənc, orda istinad verdiyin #147969 entry-ini sən bilgi qaynağı olaraqmı görürsən? hər hansı şirkətlər arasında olan davanı qeyd etmisən orda sən, bunu da onsuz hal-hazırda yazarlarımız soz6-da edirlər hər gün. yəni istinadında özün super bir paradoksa imza atmısan. bilgi elmə dayanmalıdır və soz6-da ancaq bilgi paylaşılacaq deyə də bir qayda yoxdur. ekşi sözlük-ün bütün en beğenilen entry-lərini oxuyan biri kimi deyə bilərəm ki, ilk 100-ə demək olar ki, heç bir intellektual paylaşım düşmür. bu vikipediyada məqalə yaratmağa bənzəyir, yəni könüllü şəkildə insanlara yardım edirsən, necə deyərlər bunu sən yox, gələcən nəsillər qiymətləndirəcək. #147439 entry-mdə də bildirdiyim məsələlərdi, çox da şey eləmə yəni. özün vaxtilə sözaltı-dan qızı necə öpmək lazımdı deyə məsləhət almısan, indi burdan bilgi mənbəyi kimi filan gözləyəndə çox səmimi çıxmır. nothing personal deyərək çıxışıma yekun vururam.

sözaltı sözlük

salam, sözlük. yaxşısan ümid edirəm ki. sənə demək istədiklərim var, çox vaxtını almayacağam yəqin ki. bir az dinlə, gör haqq verirsənmi mənə. bilmirəm, bəlkə də günah məndədir, amma mən səni həmişə bir forumdan, tanış adamların kruqundan daha çox intellektual bir baza kimi düşünmüşəm, fərqli insanların daxil olduğu və öz fikirlərini bölüşdüyü bir yer kimi. burda olan yazarların çoxunun da sənlə tanış olma hekayəsi elədir onsuz, google-da nəsə axtarışa verirsən və birdən özünü burda tapırsan, sonra da sehrinə düşürsən buranın. amma son vaxtlar nəsə hər şey fərqli olub elə bil, hiss eləmisən bunu? baxıram, hələ də yaxşı yazarlar var, daim yeni məlumatlar əlavə edirlər, bəziləri gündəmdəki məsələlərə uğurlu kommentariyalar verirlər, bunları mən də görürəm, səhv başa düşmə, məni narahat edən bilirsən nədir? like sayının entry marağı ilə tərs mütənasib olması... məsələn #147383 entry-si. səmimi olmaq istəyirəm, kimdir axı orxan ata? niyə bu qədər like alır onun haqda olan dəxlisiz bir entry? başa düşə bilmirəm səni... burda elə bil hamımız fərqli yerlərdən deyilik, sözlük. özümü tək hiss edirəm bəzən, elə bilirəm hamınız ictimai sektordan olan adamlarsınız, sektor deyəndə özün başa düşdün də, tvitterdə filan olan aktiv gənclik. bir mən qıraqda qalmışam, bir mən uzaq düşmüşəm kimi gəlir bəzən. girirəm ki nəsə məlumat yazım, amma bilirəm ki heç biriniz vecinizə də almayacaqsınız. bilirsiniz necədir, söhbət like etməkdə deyil, onu heç də vecimə almıram, alsa idim orxan ata haqqında bir ağzıma gələn hadisə basardım, onu əsrimizin səyavuşu edərdim, siz də like edərdiniz, söhbət vnimatelni olmaqdadır... ola bilmirsən sözlük, sən 6-7 yazarından başqa heç kimə qarşı diqqətcil ola bilmirsən...
sən artıq bizim deyilsən, hər entry altına seks yazan bir gəncliyin nümayəndəsisən, bura doluşmuş abituriyentlərinsən sən. sən soz6-dan belə qız tutmaq üçün istifadə edə biləcək bir şüuru özünə qəbul etmisən. entry-lərdə müstəqillik bağırırsan, azad seksdən dəm vurursan, amma özünə ən geribeyinli adamları qəbul edirsən, sözlük.
not. səni hələ də sevirəm, gələcəyinə görə yox, keçmişinə görə.

məsləhət ediləsi bloqlar

1) https://fotosintez.wordpress.com - Azərbaycan dilində olan, müxtəlif elmi məlumatlar ala biləcəyiniz bloq.
2) http://fuckyeahbehindthescenes.tumblr.com - müxtəlif filmlərin pərdə arxasını görə biləcəyiniz bloq.
3) http://thisisnthappiness.com - çox müxtəlif şəkillər və məlumatlarla könlünüzdə taxt quracaq bloq.
4) http://kenanogan.tumblr.com - Azərbaycan dilindəki yazıları ilə adamı alt-üst edən gənc yazarın bloqu.
5) http://nabiyevbakir.tumblr.com - Məhəmməd Hadi sevənlər üçün.
6) http://arabamolsamontgiymezdim.tumblr.com - bu da ortaya qarışıq türk mizahı.