alabama


83   0   0   0
9.nəsil yazar
entry: 83
reytinq: 209
karma: 23
oxunma: 3,382






2 əjdaha! alabama

29.09.2021 - 21:53 #337443 mesaj facebook twitter

səməd seyidov

Bu gün Avropa Şurasının “Avropada ultrasağçı ideologiyanın demokratiyaya çağırışları və insan haqları” mövzusu üzrə məruzəçi seçilən azərbaycanlı deputat. Bir növ, quzunun tapşırıldığı qurd

0 əjdaha! alabama

29.09.2021 - 21:50 #337442 mesaj facebook twitter

jaba

bapbalaca boyu var, dam dolusu toyu var ifadəsinin vücud bulmuş hali. Azərbaycan çempionatında canlı izləyib zövq verən nadir oyunçulardan. Balaca boyuyla kəllə ilə xeyli qolu olan rəhmətlik Bakı futbol klubunun oyunçusu

1 əjdaha! alabama

25.04.2021 - 01:25 #325461 mesaj facebook twitter

orduda namaz qadağası

həyatımda yediyim ilk və tək şilləyə səbəb olmuş hadisədir. bizim divizyonda ilk vaxtlar qarışan yox idi əsgərlərin namazına. sonra bu dindar əsgərlər necəsə təbliğaya başladılar. 3-4 nəfər namaz qılan var idisə, bir neçə ay sonra bu rəqəm 10-u keçdi. (ümumi 70-80 əsgər idik). bundan sonra zampalit kazarmada namaz qılmağa qadağa qoydu. amma digər zabitlər o qədər də qarışmırdı deyə, zampalit olmayan vaxtlarda qılırdılar yenə. mən kiçik çavuş idim deyə kambat şənbə günü axşam öz otağının açarını mənə verib gedirdi ki, şəxsi heyətə nəsə lazım olsa götürək. (bazar günü gəlmirdilər) tərslikdən bazar günü divizyonda cavabdeh də zampalitlər olur. həmin bazar günlərinin birində bizim batareyadakı namaz qılan əsgər məndən xahiş etdi ki, bəs kapitan filankəsovdur cavabdeh, görməsin namaz qılıram, açarı ver girim kaptyorkada qılım. mən də verdim. sən demə bunu namaz qılanda həmin zampalit otaqda tutub elə. bu da açarı qaytaranda mənə heç nə demədi. birinci gün ağır gün olur hərbidə. sıra baxışı filan yekunlaşdı, divizyon komandiri zabitləri yığdı düzülüşə, əsgərlər arxada durub gözləyirik. sən demə zampalit gedib divizyon komandirinə məruzə edib, bu da bizim kambatı pazlayıb ki, əsgərlərin məscid açıb. nəysə, bunlar düzülüşdən gəldilər, əsgərlərin yanına çatan kimi kambat dedi ki, kiçik çavuş alabama və əsgər filankəsov sıradan çıx. mən də nə baş verdiyini anlamıram. sıradan çıxan kimi gəlib hərəmizə bir dənə şillə qoydu. (həmin vaxt aramız soyuq olan gizirlərin gülüşünü heç unutmaram...) mən şillədən sonra hələ də nə baş verdiyini başa düşmürəm. sonra qayıtdı ki, bəs sənə açar verirəm, sən də burda mollaxana açmısan? beləcə dinsiz mən, namaza görə şillə yemiş oldum..

12 əjdaha! alabama

14.04.2021 - 00:46 #324444 mesaj facebook twitter

8 noyabr prospekti

Çar Rusiyası zamanı Beloqorodskaya (Ağ şəhər) küçəsi, Sovet dönəmində Fəhlə (Raboçiy) prospekti, müstəqillikdən sonra Nobel prospekti , bu gündən isə 8 Noyabr prospekti adlandırılan və hər dövrün ictimai-siyasi meyillərini adında əks etdirən və yaşadığım ərazi. location baxımından çox əlverişli prospektir, şəhərin hər iki tərəfinə rahatlıqla qıs zamanda çatmaq olar. həm 28 maya, həm də xalqlar dostluğuna maşınla 10 dəqiqəyə gedə bilərsiniz.

1 əjdaha! alabama

12.04.2021 - 20:16 #324304 mesaj facebook twitter

hərbi qənimətlər parkı

Nobel prospektində, ağ şəhər bulvarına yaxın ərazidə yaradılan və müharibədə ələ keçirilən texnikaların nümayiş etdirildiyi, orada çəkiləcək tiktok videolarını təsəvvür edəndə adamın tüklərinin biz-biz olduğu park. ümid edirəm müvəqqəti sərgi kimi bir şeydir. o vurulmuş texnikaların orda qalması nə qədər insanın travmalarının daimi yada düşməsi deməkdir. Gərək o texnikaları parka yox hərb tarixi muzeyinə qoyardılar

17 əjdaha! alabama

11.04.2021 - 23:31 #324220 mesaj facebook twitter

5 əjdaha! alabama

11.04.2021 - 17:21 #324186 mesaj facebook twitter

4 əjdaha! alabama

08.04.2021 - 08:16 #323929 mesaj facebook twitter

narıncı inqilab

2005-ci ildə azərbaycanda da edilməyə çalışan və uğursuzluqla nəticələnən inqilab dalğasıdır. Hətta uzun illərdir bazarda olan bir marketinq direktorundan eşitmişdim ki, 2000-lərin ortasında narıncı rəngə üstünlük verən şirkətləri dövlət baba ekstra yoxlayırmış. mitinq günlərində söhbətdən xəbəri olmadan narıncı paltar geyinən və ya aksesuar taxan insanlardan həbs olunanların olduğu haqqında şəhər əfsanələri də var

2 əjdaha! alabama

20.03.2021 - 22:28 #322580 mesaj facebook twitter

telegram

orta statistik azərbaycanlılar arasında pornoqrafiq məzmunlu videolar olan kanallara görə məşhurlaşsa da, son dövrlər azərbaycan dilində orijinal və maraqlı kontenti olan kanallar (Mashalli, Çəpəki, Qlobus, Əcəbsəndəl, ScholarGram və s.) artmaqdadır və bu məqam telegramı daha da sevdirir.

3 əjdaha! alabama

20.03.2021 - 22:26 #322579 mesaj facebook twitter

0 əjdaha! alabama

20.03.2021 - 22:16 #322577 mesaj facebook twitter

faktyoxla.info

Azərbaycan internet məkanında ən maraqlı layihələrdən biridir. Azərbaycanda bir xeyli məmurun ağzına gələni danışdığının sübutudur. Yazılarda faktları yoxlamaqla yanaşı, xeyli yeni bilgi də əldə etmiş olursan. Türkiyədə və digər ölkələrdəki bu tipli saytlardan fərqli olaraq bizdə müxalif siyasətçilərin dediyi çox az yoxlanılır. Məncə bunun əsası səbəbi azərbayanlı siyasətçilərin heç bir konkret rəqəm və ya əsaslandırma etmədən sadəcə ümumi sözlər və fikirlər səsləndirməsindən irəli gəlir. araşdırmaya, dataya əsaslanıb tənqid edən müxalif siyasətçi yox deyəcək qədər azdır

1 əjdaha! alabama

20.03.2021 - 22:15 #322576 mesaj facebook twitter

1 əjdaha! alabama

16.02.2021 - 00:04 #320049 mesaj facebook twitter

5 yanvar 2021 benzin qiymətinin qalxması

Ən gülməlisi. odur ki, Tarif şurası dizeldəki qiymət artımını əsaslandırmaq üçün deyir ki, qiymət ən son 2013-də dəyişib və həmin vaxt ölkədə orta aylıq əmək haqqı 425 manat idi, indi isə 704 manatdır. Amma bir məsələ də var ki, 2013-dəki 425 manat 545 dollara bərabər idi,bugünkü 704 manat isə cəmi 414 dollardır..

7 əjdaha! alabama

05.01.2021 - 20:47 #316048 mesaj facebook twitter

humus

ərəblərin bəşəriyyətə ən böyük töhfəsi

1 əjdaha! alabama

15.11.2020 - 22:40 #310645 mesaj facebook twitter

0 əjdaha! alabama

15.11.2020 - 22:39 #310644 mesaj facebook twitter

31 oktyabr 2020 gürcüstanda parlament seçkiləri

Bu seçkilərdə 2012-ci ildən bəri iqtidar partiyası olan Gürcü Arzusu partiyası yenidən qalib gəlmək niyyətindədir. Birləşmiş Milli Hərəkat, Avropa Gürcüstanı, Girçi kimi partiyalar isə bunu dəyişdirmək istəyir.

Bu ilin əvvəlinə qədər davam edən və seçki sisteminin dəyişilməsi ilə bağlı etiraz və narazılıqların nəticəsi olaraq seçki sistemində ciddi dəyişikliklər edilib. 2024-cü ildə tam proporsional seçki sisteminə keçməyi planlayan Gürcüstanda keçirilən bugünkü seçkilər qarışıq sistemə əsaslanır: 150 yerlik parlamentin 120 deputatı partiya siyahıları əsasında proporsional sistemlə, 30 deputatı isə majoritar sistemlə seçiləcək. Daha əvvəl seçkilərdə 77 deputat proporsional və 73 deputat majoritar sistemlə seçilirdi.

Bu il həm də seçki bariyeri 5%-dən 1%-ə endirilib və seçki bloklarının iştirakına icazə verilib. Partiyalardan fərqli olaraq isə seçki blokları üçün bariyer tərkibindəki partiyaların sayına uyğun şəkildə müəyyənləşdirilib. Eyni zamanda partiyaların namizədlər siyahısına gender kvotası tətbiq edilib: siyahıdakı namizədlərin azı 25%-i əks-cinsdən olmalıdır.

Bu yeniliklərlə yanaşı təkbaşına hökumət qurmağı hədəfləyən hansısa partiya səslərin minimum 40,6%-i toplamalıdır. Lakin bu, parlamentdə sadəcə 48 yer demək olduğundan partiya üzvləri majoritar seçkilərdə də ən az 28 yer qazanmalıdır (cəmi 76 yer olması üçün). Əks halda koalisiya hökuməti qurulmalı olacaq.

Pandemiya və yoluxanların sayının kəskin artması da nəzərə alınaraq karantin və izolyasiya şəraitində olan seçicilərin səs verməsi üçün 127 ayrı məntəqə də təşkil edilib. Həmçinin, ölkə xaricində yaşayan vətəndaşlar üçün 38 ayrı ölkədə də məntəqələr yaradılıb. Ancaq Ümumi karantin rejiminə görə bəzi ölkələrdə Gürcüstan vətəndaşlarının parlament seçkilərində iştirak etməsi üçün seçki məntəqələri açılmayacaq. Bu ölkələrin arasında Azərbaycan da var.

1 əjdaha! alabama

31.10.2020 - 23:27 #308722 mesaj facebook twitter

səid rəşidzadə

Tvitter hesabında demokratik hakimiyyət qurulmadan müharibə istəməyin əxlaqsızlıq olduğunu, aprel döyüşlərində şəhid olan əsgər ailələrinə hələ də kompensasiya ödənilmədiyini yazacaq qədər vicdanlı, amma hər şeyə rəğmən müharibə başlayan ilk gün cəbhəyə yollanacaq qədər vətənini sevən, Hadrut istiqamətində erməni snayperinin gülləsinə tuş gələrək şəhid olan insan. Ölümüylə ictimai-siyasi çevrələrin müharibəni daha yaxından hiss etməsinə də səbəb oldu. Çünki həm Elçibəy dövründə Füzulinin icra başçısı və rayonun özünümüdafiə batalyonunun komandiri olmuş Nofəl Qasımovun oğlu idi, həm də Bakıda gənclər arasında məşhur olan "La chateau"-nun meneceri. Yəqin ki, Bakının ən əyləncəli məkanlarından biri olan Şatoda, bundan sonra əylənmək bir o qədər də asan olmayacaq. Dostları ona "komandir" deyə çağırardı. Yaxşı ki, dünyadan keçdin komandir. Gülər üzün və mehribanlığın heç zaman unudulmayacaq. Ruhun şad olsun.

39 əjdaha! alabama

14.10.2020 - 23:55 #306431 mesaj facebook twitter

z nəsli

Uzağa getməyək, elə Türkiyə və Rusiyada siyasətə ciddi təsir edən və hər iki ölkələrdə son yerli seçkilərdə müxalifətin uğur qazanmasına səbəb olan əhali qrupudur. Bu nəsil adamlar 90-ların keşməkeşli günlərini görməyib deyə biz ölkəyə sabitlik gətirdik təranələrinə o qədər də inanmırlar və yeni üzlər tələb edirlər. Dəhşətli politik olmasalar da, siyasi prosesi coollaşdırıb onları rahatlıqla cəlb etmək olar. 9 fevraldakı seçki öncəsi imzatoplama kampaniyasında bizdəki z nəslində də hiss etdim bunu. orta yaşlı insanların əksəriyyəti imza verməkdən imtina etdiyi halda 18-20 yaşlı insanlar çox rahatlıqla imza verirdilər.

4 əjdaha! alabama

03.08.2020 - 15:23 #302203 mesaj facebook twitter

fərda xudaverdiyev

iqtisad Universitetində oxuyanda bir müəllim Fərdanı səhnəyə özünün gətirdiyini deyirdi. Həmin müəllim özü tələbə olanda həmkarların sədri imiş və bir gün buna tapşırıq gəlib ki, universitetin KVN komandasını düzəltsin yarışa çıxmaq üçün. Bu isə heç kimi tapa bilmirmiş. Dediyinə görə bir dəfə kolidorda gedərkən otaqdan səs-küy gəldiyini görüb və qapını açıb ki, Fərda çıxıb stolun üstünə müəllimləri parodiya edir və hər kəsi güldürür. Müəllim iddia edirdi ki, onun vaxtında tələbə həmkarların sədrinə indiki kimi dırnaqarası yanaşmırdılar, hörmət var idi. Fərda da qorxub yaxınlaşıb bizim müəllimə ki, bəs bu məsələ burda qalsın, dekanatlığa demə və s. Müəlimin də deyib ki, bir şərtlə ki, universitetin KVN komandasına qoşul. Beləcə Fərdanı komandaya götürüblər və o da böyük səhnəyə elə KVN çempionlarından gəlib.

3 əjdaha! alabama

31.07.2020 - 19:08 #301900 mesaj facebook twitter

/ 20 »

blok -   başlıqlarını gizlət