Notice: Undefined variable: querycheckrows2 in /var/www/soz6/sds-themes/vengeful-light/header.php on line 171

chill pill


33   2   0   0
chill pill
10.nəsil yazar
reytinq xalı: 41
entry sayı:33
karma xalı: 31
izləyənlər: 2
sifariş sayı: 1







son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

rafiki 2018-ci ildə yayımlanan kenya istehsalı film. filmdə dindar və konservativ mühitdə yaşayan və bir-birinə aşiq olan iki yeniyetmə qızdan, münasibətləri səbəbilə başlarına gələn hadisələrdən bəhs edilir. kann festivalı üçün seçilən ilk kenya istehsalı filmdir. ilk olaraq kenyada "lgbtq təbliğatı" səbəbilə qadağan olunsa da, sonradan bu qadağa ləğv olunmuş və film kinoteatrlarda nümayiş etdirilmişdir.
yazarların icad etdiyi yeməklər kəşf etmiş sayılmaram çox güman, amma daha əvvəl başqa yerdə eyni cür resept qarşıma çıxmayıb.
hazır satılan yufkaları radial şəkildə 8 hissəyə bölürük, içərisinə çəkmək üçün isladacaq və yapışmağa kömək edəcək qarışıq məhlul hazırlayırıq: mən qatıqla yumurtanı birlikdə çırpıb duru halda məhlul hazırladım, sonra əvvəlcədən qaynadılıb püre halına saldığımız kartofları və bir neçə dəqiqə qızartdığımız doğranmış göbələkləri (göbələksiz eləyib püreyə ağ pendir qarışdırmaq olar) bir qabda qarışdırdım. böldüyümüz yufka hissələrinin içərisini əvvəlcə duru qarışımla fırçalayıb sonra göbələk püre qarışığından içərisinə qoyub fırladıb roll şəklinə salırıq, üstünə ya egg wash ya süd çəkmək olar ki, qızarsın. burdan da birbaşa sobaya, 180 dərəcədə 20 dəqiqəyə olurlar möhtəşəm.

bu cür rollar əlbəttə var, göbələk qarışdırmaq mənim ağlıma gəlmişdi, bir az qürurlanıram bunun üçün.
sommer ray bu sifarişi verən: adsızinsan
gəlmiş keçmiş ən qəşəng ass sahibi instagram modeli. əsas instagram hesabında adətən öz şəkillərini, bəzən workout videolarını paylaşır. öz adını daşıyan şəxsi activewear brendinin sahibidir.
durante la tormenta (bax: mirage)

mystery-drama janrında ispan filmi. filmdə 25 il fasilə ilə baş verən iki güclü tufan və bunların davam etdiyi 72 saat ərzində olan qəribə hadisələrdən bəhs olunur. tufan təkcə veranın yox, hamının həyatını dəyişir, amma bundan ancaq onun xəbəri olur.
yoxdur etibarın həmçinin o gözlər olaraq da tanınan, sözləri cabir novruza, musiqisi oqtay kazımiyə məxsus yalçın rzazadə mahnısı. mahnı toyda görüş filmində səslənib.

mənə görə ən incə sözləri olan, eləcə də ilk vurulduğum yalçın rzazadə mahnısıdır.


ilk şeirim, ilk duyğum,
ilk qəmim, ilk qorxum
Sən oldun, sən oldun, yar

Bir vaxt sən oldun ömrümün axarı,
Şimşəyi-çaxarı, buludu-tufanı, hey
Bir vaxt sən oldun könlümün gümanı,
Mizrabı-kamanı, fəryadı-amanı, hey

Nə soyuqmuş etibarın, yar
Heçə çıxmış etibarın, yar
Demə yoxmuş etibarın, yar
Demə yoxmuş, yoxmuş sənin etibarın, ey yar

Yada düşdü o illər, o görüşlər,
O əllər, o baxışlar,
O gözlər, o sözlər, o illər, e-hey
O tellər, o əllər, o gözlər, e-hey

Bir vaxt sən oldun şeirimin ahəngi,
Dünyamın qəşəngi, arzumun çələngi, hey
Bir vaxt sən oldun fikrimin surəti,
Qəlbimin niyəti, əqlimin hikməti, hey.
hints exam head impulse- nystagmus- test of vertical skew exam. başgicəllənmənin (vertigo) etiologiyasının aydınlaşdırılmasında, daha dəqiq desək, səbəbin insult olub olmadığının dəqiqləşdirilməsində ən önəmli fiziki müayinə kompleksidir.

müayinənin ilk hissəsi baş impulsu ilə başlanır. bu müayinə vestibulo-okulyar refleksin ölçülməsinə əsaslanır. müayinə zamanı şəxsin başı sağa və sola tərəf döndərilir, özünə isə gözlərini müayinə aparan şəxsin üzündən çəkməmək tapşırılır. sağlam şəxslərdə başın çevrilmə sürətindən asılı olmayaraq baxış dəyişmir, gözlər fokus nöqtəsində qalmağa davam edir. həmçinin insult keçirən şəxslərdə də bu refleks qorunub saxlanır, nəticədə vertigo simptomu mövcud olduqda head impulse testinin nəticəsinin normal çıxması prosesin mərkəzi olduğuna dəlalət edir. lakin vestibulyar aparat patologiyaları nəticəsində əmələ gələn vertigolarda bu testin nəticəsi qeyri-normal çıxır və belə hallarda gözlərin hərəkətində dəyişkənlik - sakkadlar əmələ gəlir.
(youtube: )


nistaqmın növü də insultun təsdiqlənməsi və ya inkar edilməsində xüsusi rol oynayır. adətən şaquli nistaqm və bilateral nistaqm insulta işarə edir.

test of skew həm də çəpgözlülüklərdə tətbiq olunan fiziki müayinə üsullarından biridir. test zamanı bir göz lövhəcik ilə qapadılır, pasiyentdən həkimin burnuna fokuslanması istənir, dərhal lövhəcik digər gözün önünə keçirilir və bu zaman üzəri açılan gözün hərəkət edib etməməsinə diqqət edilir. vertigonun dəyərləndirilməsində bu üsulun istifadəsi zamanı isə adətən fokusun şaquli istiqamətdə korreksiyası müşahidə olunur.
(youtube: )


beləliklə vertigo zamanı hints müayinəsinin nəticələrinə əsasən əgər baş impulsu mənfi, nistaqm bilateral və vertical skew test müsbət olarsa bu şəxslər üçün insult halı düşünülməlidir.
şəfiqə məmmədova azərbaycan kinematoqrafiyasının cəfakeş həyat yoldaşı. bizim cəbiş müəllim filmində cəbiş müəllimin arvadını, istintaq filmində isə yenə də müstəntiqin arvadını canlandıraraq bu obrazlara özünəməxsus şəkildə həyat verib.

azərbaycan kinematoqrafçılar ittifaqının ilk sədridir.
charles bonnet sindromu psixiatrik pozuntularla müşahidə olunmayan hallüsinasiya tipi. bu hallüsinasiyalara xas olan əlamət görülən cisimlərin adətən həqiqi ölçülərindən kiçik olmasıdır, adətən gözlər açıq olduqda görülür və gözləri qırpdıqda yaxud baxış bucağını dəyişdikdə itirlər. pasiyentlərin əksəriyyətində özünütənqid saxlanılır.

ətraflı link
daha çox link
cirə toxumlar şəklində və ya üyüdülmüş halda istifadə edilən qəhvəyi-sarımtıl ədviyyat. həmçinin kimyon, jeera olaraq da bilinən cirə latın amerikası, yaxın şərq, hind mətbəxləri də daxil olmaqla bir çox ölkələrdə fərqli reseptlərdə xüsusi yer tutur. bir çox ədviyyat qarışımlarının tərkibində cirəyə rast gəlmək mümkündür, chili powder, garam masala, curry tozu, bahaarat bunlardan bəziləridir.

cirə toxumları görünüş cəhətdən zirəni xatırladır, bir çox hallarda bu ikisi bir-biri ilə səhv salınır, lakin cirənin dad profili daha "isti", ətri kifayət qədər fərqli və daha ekzotikdir. keşniş toxumları ilə birlikdə istifadəsi ləzzətli nəticə verir.

əgər üyüdülmüş deyil tam şəkildə istifadə edirsinizsə, toxumların dad intensivliyini artırmaq üçün onları tavada qızdırmaq olar. ən çox yaraşdığı qidalar qırmızı ət və paxlalılardır. mərci şorbasında, baked beans, chili con carne, falafel və yaxud elə kotletlərdə istifadə edib bütün bu sözügedən yeməkləri bir səviyyə yuxarı daşımaq olar.
adventure time sadəcə animasiyadan daha artığı olan cizgi film serialı.

--sitat--

If just being born is the greatest act of creation, then what are you supposed to do after that? Isn’t everything that comes next sort of a disappointment? Slowly entropying until we devolve into a pile of mush?

--sitat--
abunə olunası youtube kanalları brainbook link
bir neyrocərrahın gündəliyi, həmçinin ixtisası ilə əlaqəli məlumatlandırıcı content də paylaşır.

dr elliott carthy link
psixiatriya ilə əlaqəli, bəzi xəstəlikləri qısaca izah edən və klinik bacarıqları öyrədən videoları ilə yanaşı həmçinin mediada və filmlərdə nümayiş etdirilən psixiatrik xəstəlikləri təhlil edən kanal.

tom scott link
tarix, elm, texnologiya və sair mövzuları əhatə edən öyrədici və maraqlı videolar paylaşır.

einfach geschichte link
adından da məlum olduğu kimi, sadəcə tarix

der erste weltkrieg link
birinci dünya müharibəsi ilə bağlı hər şey

english heritage link
ingiltərə tarixi, mədəniyyəti və mətbəxini təqdim edən materiallar

James Hoffmann link
james hoffmannın qəhvə haqqında hər şeydən danışdığı kanalı

French Cooking Academy link
fransız şefdən fransız reseptləri və bunların hazırlanması zamanı yararlı olacaq tipslər

Adam Ragusea link
adam ragusea bizə bişirməyin heç də həmişə resept izləmək, xüsusi qaydalara riayət etməyi tələb etmədiyini və hər kəsin içindən gəldiyi kimi bişirə biləcəyini öyrədir

Peaceful Cuisine link
heç bir səsləndirmə olmadan, reseptləri və hazırlanma prosesini olduğu kimi təqdim edən, bir çox videonu həm də no music halıyla əlavə edən, insanın ruhunu oxşayan yemək kanalı

dogen link
yapon dili müəllimindən gündəlik situasiyalara uyğun, ingiliscə subtitrlı qısa videolar

Михаил Нестеров link
sürücülük imtahanına hazırlaşanlar üçün bizim yol hərəkəti qaydalarına çox oxşar qaydaları izah edərək videolar paylaşır

Azərbaycan Filmləri link
azərbaycan filmlərinin tammetrajlı arxivini əhatə edən youtube kanalı
midsommar mükəmməl gore scenelərə sahib film.

--spoiler--

ölməli olan yaşlı adamın son dəfə çəkiclə başının əzilməsi, simonun bəzəkli şəkildə hələ sağ ikən literally daxili orqanlarından asılması həm disturbing, həm də satisfying səhnələrdir. filmin bir az da cult həyatını özəndirdiyini demək olar. ən sevdiyim hissəsi: sonda çiçəklər içində gülümsəyən dani.

--spoiler--
whiskas pişik yemi brendi. 1936-cı ildə kal kan adıyla fəaliyyətə başlasa da, sonradan 1958-ci ildə uk bazarında, 89-cu ildən etibarən beynəlxalq arenada whiskas adıyla fəaliyyət göstərir.

mars, snickers, skittles və sair məhsulları da istehsal edən mars inc. şirkətinin tərkib hissəsidir.
zirə (bax: caraway)
(bax: tmin)

qəhvəyi rəngli ədviyyat. çətirkimilər fəsiləsindən olan zirə bitkisinin meyvələrinin bütöv halda və ya üyüdülmüş formada həm ədviyyat, həm də dərman bitkisi kimi istifadəsi məlumdur.

xalq təbabətində həzmi yaxşılaşdırmaq üçün, sidikqovucu kimi və sair məqsədlərlə istifadə edilir.

aroması və dadına görə zirə ədviyyat kimi həm yeməklərin, həm dessert və içkilərin dadlandırılması üçün işlənilir. dadı və ətri anasonu (anise, cirəgülü) xatırladır, bunun əsas səbəbi isə tərkibində carvone, limonene, anethole efir yağlarının olmasıdır.

zirə ən çox çörəklərin, xüsusən çovdar çörəyinin hazırlanmasında, bəzi mətbəxlərdə ət üçün, digərlərində pendirlərdə və bir çox digər yeməklərdə əsas dadlandırıcı rolu oynayır.
(bax: sauerkraut)
(bax: goulash)

xüsusi ədviyyat qarışımlarında da zirənin istifadəsi yayğındır. hind yeməklərinin bir çoxunda əlavə edilən garam masalanın tərkibinə, həmçinin şimali afrika, xüsusən tunisdə hazırlanan harissa pastasının reseptinə də daxildir.

zirəni bəzi digər ədviyyatlarla səhv salmamaq məsləhətdir, ən çox edilən yanlış cirə (kimyon) eləcə də cirəgülü ilə zirəni qarışdırmaqdır. halbuki, bütün bunların kifayət qədər fərqli dad profilləri var.

burada link zirənin əks-təsir (ürəkbulanma, sinədə yanğı, qaşınma) və əks-göstərişləri (hamiləlik, şəkərli diabet) sadalanır. -*
1 2 3 4 5 6 7 8 9 10 11 12 13 14 15 16 17 18 19 20