citizenerased


41   0   0   0
citizenerased 5.nəsil yazar
reytinq xalı: 122
karma xalı:-63
entry sayı:41
izləyənlər:0
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə/blog

holcim Satıcılarına hər il hədiyyələr, xüsusilə də keyfiyyətli dəftərlər göndərib onları (ya da onların uşaqlarını) sevindirən sement şirkəti. Həmçinin holcim plus kompaniyası ilə alınan mal sayına uyğun xallar toplayıb, sonra o xallarla ps4-dən tutmuş iphone-a kimi müxtəlif cihazları pulsuz əldə etmək olur. Keyfiyyət baxımından isə müqayisə olunmazdır, məncə. Yəni ki, holcim is always better than norm.
evin ortancıl uşağı olmaq Nə böyük uşaq kimi diqqət mərkəzində olursan, nə də son uşaq kimi qayğını çəkirlər, qısası, özünə bir yer tapa bilmirsən. Bütün uşaqlığın onlara göstərilən münasibəti izləməklə keçir. Heç kim səninlə maraqlanmır, öz başına böyüyürsən elə. Arada nəsə anlaşılmazlıq olsa, haqsız tərəf də sən olursan: böyükdür hörmət elə, kiçikdir yola ver. Diqqətləri üzərinə çəkmək üçün ya nəsə səhv etməlisən, ya da uğur qazanmalısan, onda yadlarına düşür ki, bizim belə bir övladımız da varmış. Amma belə bir müsbət tərəfi də var ki, özün öz doğrularını tapa bilirsən, heç kim səni yönləndirmir. Həm də uşaqlıqdan ilgisizliyə öyrəşdiyindən, böyüyəndə də kimdənsə çox ilgi gözləmirsən, bu da yaşayışı nisbətən asanlaşdırır.
ederlezi Balkan ərazisində yaşayan qaraçıların xalq mahnısı və baharın gəlişini təmsil edən eyni adlı şənlik. Sözün kökü türkiyədə keçirilən hıdırellez bayramına dayanır. Şənlik bir çox ölkələrdə müxtəlif adlarda, vaxtlarda və adət-ənənələrlə keçirilir. Məsələn, serbiya, albaniya, bolqaristan kimi ölkələrdə müqəddəs george günü (bax: durdevdan) adı ilə 6 may, bizim ölkədə isə xıdır ilyas və ya xıdır nəbi adı ilə fevralın ilk 10 günündə qeyd olunur.
Ederlezi günü qaraçı ailələri hər yeri çiçəklərlə bəzəyir, əksər bayramlarda olduğu kimi, əsasən, çay kənarında, çəmənlikdə bir yerə toplaşıb mahnılar oxuyur, rəqs edirlər. Həmin gündə tutduqları arzuların reallaşacağına, baharın gəlişi ilə xəstəliklərin, bədbəxtliyin uzaqlaşacağına inanırlar.
Mahnıya gəldikdə isə əsas dom za vesanje filmindən sonra tanınmışdır. Musiqinin dili yoxdur cümləsinin qarşılığını tam verir. Bir çox dillərə tərcümə edilib ifa olunmuşdur, amma yenə də təsirini və gözəlliyini itirməmişdir.
(youtube: )

(youtube: )

(youtube: )

(youtube: )

(youtube: )
thalidomide thalidomide faciəsi ilə yadda qalan dərmandır.
Thalidomide 1953-cü ildə Wilhelm Kunz tərəfindən almaniyada kəşf olunmuşdur. ilk vaxtlar antibiotik olaraq ixrac edilmişdir. Dərmanın həmçinin sedativ, trankvilizator və immunstimulyator təsiri də vardır. Sedativ təsirdə barbituratlar kimi toksiki olmadığına görə daha yararlı olduğu iddia olunurdu. Sonradan hamilələrdə ürək bulanmasının qarşısını kəsməsi aşkar olunduğundan bu məqsədlə də istifadəyə verilmişdir. Testlər isə heyvanlar üzərində aparılmış, amma teratogen təsiri yetərincə araşdırılmamışdır.
1956-cı ildən etibarən dərman həm sedativ maddə kimi, həm də hamilələrə istifadə üçün 20 ölkədə, onlardan da digər ölkələrə doğru yayılmağa başladı. Amerika, Türkiyə kimi ölkələr isə satışa icazə verməyərək bəladan uzaq oldular.
1959-cu ildə dərman istifadə edən şəxslərdə ciddi nevroloji zədələnmələr, nevritlər, 60-cı illərin əvvəllərindən isə hamilə qadınların doğulan uşaqlarının 40%-nin ölü, geriyə qalanların isə anadangəlmə anomaliyalara malik olduğu müşahidə olundu. Bu anomaliyalara isə əsas fokomeliya, yəni ətrafların olmaması, həmçinin gözlərin, daxili orqanların zədələnməsi aid idi.
1962-ci ildən etibarən bir çox ölkədə dərmanın satışına qadağa qoyulmuşdur. Lakin bəzi ölkələrdə geniş yayıldığından hələ də təsiri davam etməkdədir.
Əks effektlərin baxmayaraq hazırda dərman cüzam və xərçəng xəstəliyinin bəzi növlərində kimyəvi terapiya zamanı istifadə olunur.
gerard way my chemical romance qrupunun qurucusu və vokalisti. Ərgən vaxtlarımda welcome to the black parade, famous last words mahnılarını dinləyəndə bağıraraq oxuyub gee-ni tək qoymadığım yadımdadır. Qrup dağıldıqdan sonra özü musiqi kariyerasına davam edəcəyini açıqladı, amma ondan əlavə keçmiş işi olan comics yazmağa da davam etdi. umbrella academy adlı comic-book böyük maraq gördükdən sonra, iş irəlilədilib netflix-də eyni adlı serialın çəkimlərinə başlanıldı. Serialdakı soundtrack-lərin seçimi ilə də özü məşğul olur. Hətta sırf bunun üçün keçmiş qrup üzvlərindən biri olan ray toro ilə birlikdə bəzi mahnıları cover edib, mcr fanlarını həyəcanlandırmışdır. 4-5 ay əvvəl müsahibəsinə baxdıqda bir zamanlar platonik aşiq olduğum gee-nin, indi şirin, göbəkli, amma hələ də xarizmatik olan dayıya çevrildiyini gördüm. Amma önəmli deyil, görünüşü dəyişsə də, səsi və mənim onu yeni mahnılarda belə tək qoymadığım gerçəyi dəyişmir.
Həmin müsahibə:
(youtube: )

Və cover edilən mahnılar:
(youtube: )

(youtube: )
apophenia Bir-biri ilə əlaqəsiz, təsadüfi olan hadisələr və ya mənalar arasında əlaqə qurmağa meyillilikdir. ilk dəfə 1958-ci ildə alman psixiatrı və nevroloqu klaus conrad tərəfindən şizofreniyanın ilkin mərhələsini təsvir etmək üçün istifadə edilmişdir.
Beynimiz random şəkildə bənzətmə aparmağı sevir. Daim yaxın gördüyümüz nöqtələri bir-biri ilə birləşdirməyə çalışırıq. Məsələn, səmaya baxdıqda buludları hər hansı heyvana, sifətə və ya fiqura oxşadırıq. Ya da bir hadisənin baş verməsinin səbəbini başqa bir hadisədə görüb, əlaqələndiririk. Apofeniya narahatedici vəziyyət aldıqda isə insan həddən artıq əslində olmayan modellər qurmağa çalışır.
Məntiq, intellekt, analitik təfəkkür beynin sol yarımkürəsi ilə, pattern recognition - model tanıma isə sağ yarımkürə ilə əlaqələdir. Bundan belə nəticə çıxarmaq mümkündür ki, apofeniya ilə məntiq bir-birlərinə tərs olan anlayışlardır. Həmçinin sol yarımkürədə dominantlığın azalması, sağ yarımkürədə artması da şizofreniya zamanı müşahidə olunur. Ona görə də paranoid şizofreniyası olan şəxslər gördüklərini tamamilə əlaqəsiz şeylərə bənzədib, onları gördüklərini iddia edə bilirlər.
Apofeniyanın bəzi əsas növləri vardır:
pareidolia - ən çox rast gəlinən növüdür. Hansısa əşyada müxtəlif sifətlər, fiqurlar görülməsi fenomenidir.
gambler’s fallacy - ehtimal nəzəriyyəsində şansa bağlı olan hər hadisə bir-biri ilə əlaqəsizdir. Bunu inkar etmə vəziyyətinə isə qumarbaz yanılması deyilir. Bu zaman bərabər ehtimalı olan hadisələrdən biri yaşananda, insan səhvən o hadisənin yenidən yaşanma ehtimalının azalacağını düşünür. Daha çox qumarbazlar oyun əsnasında bu düşüncəyə düşdüklərindən belə ad almışdır.
clustering illusion - təsadüfi yaşanan hadisələr qrupunun əslində təsadüfi olmadığını düşünməyə verilən addır. insan yaşana biləcək hadisələrin müxtəlifliyini qavraya bilmir və onlar arasında əlaqə qurmağa çalışır.
confirmation bias - insanın müəyyən bir məlumatı araşdıranda, qərar alanda, hansısa vəziyyəti dəyərləndirəndə öz istəklərinə, inanclarına, doğrularına uyğun fikirləri qəbul edib, uyğun olmayanları isə görməzdən gəlməyə meyillənməsidir.
Ümumiyyətlə, apofeniya pis bir şey deyil. Sərhədlərin genişlənməsinə, xəyal gücümüzün böyüməsinə kömək edir, Gördüklərimizi seçmə azadlığı verir. Lakin bəzən bu azadlıq aldadıcı ola bilər və biz məntiqdən uzaqlaşaraq olmayan şeyləri fərz edə bilərik.
stranger things Dünəndən etibarən 3-cü sezonu yayımlanan, əyləncəli səhnələri ilə bugünlərdə üzümü güldürməyi bacarmış serial. 80-lərə xüsusi sevginiz varsa, böyük ehtimalla musiqiləri, obrazların tərzləri ilə istəməsəniz də özünə bağlayacaqdır.
balta Son bölümü nisbətən sıxıcı olsa da, son səhnə ilə nöqtəni qoymuşdur:
(youtube: )
etibar əsədli Musiqiçi ailəsində doğulmuş, ilk təhsilini ölkəmizdə almışdır. sonradan caz musiqi təhsili almaq üçün parisə getmişdir. Hazırda azərbaycanın ən istedadlı gənclərindən biridir. Özü yeni mahnılar bəstələməsinə baxmayaraq, həm də azərbaycan musiqilərinin cover-larını bizlərlə paylaşır. Bu yaxınlarda 1 saatlıq video paylaşaraq, bir çox insanın ruhunu dincəltməyə nail olmuşdur.
(youtube: )
həyatın nə qədər gözəl olduğunun anlaşıldığı anlar Bugün yaşadığım andır. Kefsiz, fikirli şəkildə avtobusda qapının kənarıda durub paralel gedən maşınları izləyirdim. Biraz tıxac olduğu üçün avtobus dayanmışdı. Bu zaman gözüm sağımızda olan maşına ilişdi. Maşının pəncərəsi buğlanmışdı və arxada bir uşaq oturmuşdu. Uşaq da avtobusun içinə nəzər salır, insanları süzürdü. Birdən məni gördü və ona baxdığımın fərqinə vardı. Barmağı ilə pəncərədə hərflər yazmağa başladı: h-e-l-l-o. Üzümdə gülümsəmə yarandı. Uşaq kifayətlənməyib, yazının yanına çubuq adam da əlavə etdi. Sonra başını qaldırıb mənə baxdı, mən isə ona gülümsəyib, əl salladım və o da mənə gülümsədi. Sonra yenə avtobus hərəkətə keçdi, amma bu dəfə fərqli olaraq içində üzündə mənasız gülümsəmə olan bir qız vardı -*
roxanne AnnenMayKantereit və Milky Chance’ın da birlikdə ifa etdikləri və möhtəşəm coverı olan mahnı
(youtube: )
the elegant universe brian greene tərəfindən 1999-cu ildə yazılmış kitab və onun əsasında çəkilmiş sənədli film. string theory haqqında məlumatı az olan və ya olmayanlar üçün əsas anlayışlar sadə dillə başa salınır. ilk hissədə newton qanunlarından, einstein'ın nisbilik nəzəriyyəsindən, kvant mexanikasından bəhs edilir və bunlar arasındakı uyğunsuzluqlar araşdırılır, sonra isə string theory ilə bu problemlərin həlli yolu göstərilir.
interstella 5555 interstella 5555: the 5tory of the 5ecret 5tar 5ystem 2003-cü ildə nümayiş olunmuş yapon animasiya filmidir. Animasiya musical film janrındadır və musiqi kimi daft punk'ın discovery albomundakı musiqilərdən istifadə olunmuşdur və romanthony tərəfindən bəzi yeni musiqilər bəstələnmişdir. Mövzu isə başqa planetdə yaşayan və çox məşhur olan crescendolls adlı qrupun qaçırılaraq dünyada gətirilməsi və rənglərini dəyişərək (əslində rəngləri mavi idi) səhnəyə çıxarılması haqqındadır. Baş qəhrəmanlar:
Stella: qrupun yeganə qadın üzvü, crescendolls'un basçısı.
Arpegius: crescendolls'un gitaristi
Baryl: crescendolls'un drummer'i, qrupun ən cavan üzvü. Digər obrazlara görə daha kiçik boyludur.
Octave: qrupun vokalisti və klavişçisi.
Shep: crescendolls'u qurtarmaq üçün gələn yadplanetli astronavt. Stellaya aşiqdir.
The earl de darkwood: qrupu əsir alan insam və filmin başlıca pis obrazı.
Filmdə heç bir dialoq yoxdur. Ən sevdiyim hissə isə something about usdır. Filmdəki mahnılar:
One more time:
(youtube: )

Aerodynamic:
(youtube: )

Digital love:
(youtube: )

Harder, better, faster, stronger:
(youtube: )

Crescendolls:
(youtube: )

Nightvision:
(youtube: )

Superheroes:
(youtube: )

High life:
(youtube: )

Something about us:
(youtube: )

Voyager:
(youtube: )

Veridis quo:
(youtube: )

Short circuit:
(youtube: )

Face to face:
(youtube: )

Too long:
(youtube: )
həzz verən klassik musiqilər Chopin - waltz in b minor
(youtube: )

Chopin - prelude in e minor op 28 no 4
(youtube: )

Chopin - waltz no 3 in a minor op 34 no 2
(youtube: )

Chopin - waltz in c-sharp minor op 64 no 2
(youtube: )

Franz Schubert - waltz in b minor op 18 no 6
(youtube: )

Franz liszt - Hungarian rhapsody no 2
(youtube: )

Tchaikovsky - neapolitan dance
(youtube: )

Mosart - lacrymosa
(youtube: )

Franz liszt - la campanella
(youtube: )

Chopin - Marche funebre
(youtube: )
banu muradova hər şəkillərin görəndə əsəbləşidiyim uşaq. gözəlliyinə bir söz demirəm. məni qıcıqlandıran yaşından çox böyük davranmasıdır.verdiyi pozalar, çəkdirdiyi fotosessiyalar gələcəkdə necə biri olacağından az da olsa məlumat verir. bunu edən də ailəsidir, məncə. uşağa bu yaşda bunları etdirmək düzgün deyil. indidən davranışlarına baxanda əsəbləşirəm ki, bu yaşda bu nə özündənrazılıqdır. böyüyəndə camaatı pulu ilə əzən eqoist insanlardan olmamasını arzulayıram.
1 2 3 4 5 6 7 8 9 10 11 12 13 14 15 16 17 18 19 20