ignooramus


41   0   0   0
9.nəsil yazar
entry: 41
reytinq: 132
karma: 3
izləyən: 1
oxunma: 1,183





performance issues



"thunderbolt and lightning

very very frightening me" - galileo












within

amerikan-fransız duo daft punk-ın 2013-cü ildə yayımladıqları random access memories albomundan, mənə görə, touch ilə birlikdə ən underrated olan parçasıdır.

albomun özü başlı-başlına bir monumentdir. daft-punk o biri dövlətdən olanların təbirincə desək ‘hiç bir masrafdan kaçınmamış’ və ortaya orkestral səslərin, əjdaha vokalistlərin, valehedici liriklərin daxil olduğu bir əsər çıxardıb. ancaq bugün mövzumuz bu deyil -*. keçək bir get lucky qədər önə çıxmayan within-ə.

albomdan 4-cü parça olan within, daft punk-ın chilly gonzales ilə birgə işindən doğulub. piano girişləri başlayan və aşağı tempoda davam edən musiqi, yüngül caz ritmləri ilə robotik ruhun mükəmməl sintezi nəticəsində, dadından doyulmayan bir ahəng yaradır. musiqi özünə nəzər yetirməyinə, daxilində baş verənlərlə ətrafın arasındakı fərqə baxmağa vadar edir adamı. bəlkə, həqiqətən də, özünüdərketmənin insan irqinin hazırki dövrə gəlib çıxdığı yolda bir səhv olduğunu düşündürür. bəzən varlığının nə qədər əzab verdiyini, gətirdiyi ağırlıqları necə ört-basdır etməyə çalışdığını xatırladır.

there are so many things that i don’t understand,
there’s a world within me that i cannot explain.

(youtube: )

not: loop-a salıb qulaq asanda insanı süstləşdirib sifətdə yarımçıq gülümsəmə buraxdığı barədə yerlərdən məlumatlar gəldiyi müşahidə olunmuşdur.

4 əjdaha! ignooramus

25.08.2021 - 10:45 #334770 mesaj facebook twitter

0 əjdaha! ignooramus

12.08.2021 - 10:35 #333952 mesaj facebook twitter

beyin

özü özünə ad vermiş orqandır *. mükəmməl bir xidmətçi olduğu halda, bərbad və səriştəsiz də bir ağadır. arada çox toksikdir, arada da zərərsiz və faydalıdır.
belə götürəndə də, hələ özü-özündən baş çıxarda bilmir, anlamır necə hər şeyi bacarıb hər şeyi də bacarmadığını. daha artıq nə gözləyək ki?!

3 əjdaha! ignooramus

26.07.2021 - 02:30 #332916 mesaj facebook twitter

the silence of the lambs

hannibal lecter obrazı üçün al pacino, sean connery, robert de niro və s. düşünülsə də, sonda obraz üçün anthony hopkins seçilib və nə yaxşı da seçilib. zira bütün film boyu sadəcə 16 dəqiqəyə yaxın bir müddətdə ekranda görünən hopkins hocam, həmin il ən yaxşı kişi aktyor nominasiyasında oskarı qazanır və həqiqətən də performansıyla cinsinin nadir örnəklərindən olduğunu bir daha sübut edir.

ümumiyyətlə, film 1991-ci ildə 5 ən güclü nominasiya üzrə oskara layiq görülür və tarixdə bu uğuru əldə edən 3-cü film olur. *

8 əjdaha! ignooramus

20.06.2021 - 22:15 #330337 mesaj facebook twitter

ocean drive

həmçinin məşhur gta vice city-də toninin sürət qonkaları keçirdiyi magistral olaraq da bilinir.


6 əjdaha! ignooramus

15.06.2021 - 14:23 #329855 mesaj facebook twitter

social anxiety

evdən qulaqcıqsız çıxmamağımın səbəbidir. özü də iki dənə olmalıdır. hər halda, ehtiyat təkər olmadan yola çıxmaq sizin qeyri-peşəkarlığınızdan xəbər verir.

əvvəllər həqiqətən durum bu qədər vahiməliydi. son bir neçə ildə sanki aradan qaldırmışam, böyük miqdarda. ancaq qulaqcıqsız insanların arasına dalmaq bəzən hələ də sıxıntı gətirir. qulağımda olmasa belə, üzərimdə hər zaman olması rahatladıcıdır.

(bax: tarixin ən böyük icadı)
(bax: everybody is a fucking drama queen nowadays)

7 əjdaha! ignooramus

04.06.2021 - 14:26 #329140 mesaj facebook twitter

it

barmağımızla hər hansı bir tərəfi işarə etdikdə barmağımıza yox, işarə etdiyimiz tərəfə baxırlar. müqayisə üçün, ən yaxın qohumlarımız olan primatlarda belə, bu hal müşahidə olunmur.

(bax: evolutionary bond)
(bax: mən itimi pişiyimə dəyişmərəm)

5 əjdaha! ignooramus

25.05.2021 - 13:50 #328245 mesaj facebook twitter

enjoy the silence

planetdə geridə qoyduğum hər növbəti dəqiqəylə bərabər doğmalaşan, yaxınlaşan bir depeche mode klassikidir.
uşaq vaxtı danışmaq istəyirdik, qulaq asmırdılar. indi də qulaq asmağa adam tapılır, ancaq danışmaq istəyən o uşaq tapılmır. elə bil vaxt keçdikcə ünsiyyət tələbatım əriyib yox olur. dindirib-danışdıran olmasa heç ağzımı açmağa belə həvəs olmur. bəlkə də bu ətrafımdakı insanlarla da bağlıdı. amma əsas məsələ mənim bununla razı olmağım və barışmağımdır. nəyə görəsə bu, qorxudur məni.
sosiallaşıb həyatda qalmağa çalışan atalarımızı başa düşdüm, ancaq bu tərz mənlik deyil deyəsən. bəlkə də gələcəkdə bu fikirlərimi xatırlayıb gülüb istehza edə bilərəm. amma hələki əldə olan budur və sanki uzun müddət də belə davam edəcək.
hər nəysə, onsuz da out of context getmiş bu entrini dave gahanın adından elə burdaca təntənəli şəkildə sonlandırıram.
all I ever wanted
all I ever needed
is here in my arms
words are very unnecessary
they can only do harm

(youtube: )

5 əjdaha! ignooramus

19.05.2021 - 23:06 #327937 mesaj facebook twitter

8 əjdaha! ignooramus

09.05.2021 - 09:13 #327141 mesaj facebook twitter

bojack horseman

"it gets easier. every day it gets a little easier. but you gotta do it every day. that's the hard part. but it does get easier."
uzun zamandan bəri eşitdiyim ən yaxşı quote-la ikinci sezonunu bitirmiş serialın qaçmaqda çətinlik çəkən yarı at, yarı insan qəhrəmanıdır.

(youtube: )

5 əjdaha! ignooramus

01.05.2021 - 21:29 #326312 mesaj facebook twitter

waxahatchee

son albomu saint cloud ilə həyatda qalma səbəblərimi* artıran ifaçı, söz yazarıdır. adı keçən albomdakı mahnıları tam yazlıq, insanın içini rahatladan, marafon qaçmağa impulslayan, ona-buna dinlətdirib paylaşma coşğusu yaradan* mahnılardır. uzun sözün qısası, 2020-nin indie janrında ən yaxşı albomlarından olduğu dəqiqdir.

aldığım kəşfiyyat məlumatlarına görə sayca 5-ci albomu olur. öz adı katie crutchfield-dir. waxahatchee* böyüdüyü kiçik town-un adıdır, özünə ad kimi götürüb. how cute?

bundan belə nəzərimdəsən, ey alabama gözəli. yaşa, yarat!

(youtube: )

2 əjdaha! ignooramus

29.04.2021 - 10:21 #326002 mesaj facebook twitter

lady bird

"it was given by myself to myself". leydi bird adının hardan gəldiyini belə izah edir.

çox insanın bəyənə biləcəyi film olmaya bilər. sacramento kimi kiçik şəhərdə doğulub böyüyən və bundan xoşu gəlməyən yeniyətmə leydi birdin həyatının bu mərhələsindəki hadisələr ekranda görünür. filmə yazarı və ssenaristi greta gerwigin avtobiaqrafiyası kimi də baxmaq olar. sacramentoda böyümək, katolik məktəbinə getmək, new-yorka gedərək high school-a davam etmək və s.

hər nəysə. yenə başından sonuna kimi filmi üzümdə kiçik bir təbəssümlə izlədim. yeniyətməlik dövrü insan həyatının ən qəribə dövrüdür. gələcək həyatın aşağı-yuxarı bu dövrdə formalaşır. ilk eksperimentlərini yaşayırsan. özünü həyatda harasa pərçimləməyə çalışırsan. bu dövr həyata qarşı həm ən etinasız, həm də çox həssas olduğun bir dövrdür. universitetə hazırlıq, dərslər, böyüklər tərəfindən üzərinə qoyulan məsuliyyətlər, yar-yarımçıq münasibətlərin
fonunda əylənə bilən, bəzən kədərli, bəzən xoşbəxt, bəzən özündən, bəzən ətrafından nifrət edən, ona buna yerli yersiz küsən bu varlıq 3-4 il ərzində həyatına beləcə davam edir.

beləcə, bu varlığı mənə xatırladan hər bir filmi də əvvəlindən axırına kimi həmin xoş təbəssümlə izləyəcəm.

(bax: dazed and confused)
(bax: a summer's tale)
(bax: the breakfast club)
(bax: boyhood)
(bax: submarine)

0 əjdaha! ignooramus

24.04.2021 - 01:15 #325341 mesaj facebook twitter

7 əjdaha! ignooramus

24.03.2021 - 13:06 #322798 mesaj facebook twitter

creep

həmçinin, qrup üzvlərinin ən sevmədikləri musiqiləri siyahısına daxil olmağı ilə də bilinir.
səbəbi isə mahnının populyarlığından dolayı konsertlərdə kütlə tərəfindən həmişə istənilməsi və qrup üzvlərinin artıq ifa etməkdən bezmələridir. daha sonralar yeni fərqli tərzlər yoxlayan qrup üçün də hər dəfə debüt albomlarına daxil olan single-i tələb edən dinləyicilərini görmək sıxılmaqları üçün yetərli səbəb ola bilər, hardasa.-*

kiçik bir maraqlı fakt da, qrupun gitaristi john greenwood elə mahnının ilk recording dövründə də musiqini çox banal hesab edib və nəticədə, ortada eşidilən o sərt gitara tonlarını əlavə etmişdir.

2 əjdaha! ignooramus

23.03.2021 - 01:27 #322693 mesaj facebook twitter

inglourious basterds



yuxarıdakı kimi xırda detallara sahib olan tarantino filmidir. tarantino sifəti ilə film haqqında deyilə biləcək bir dəstə sözü əvəz edirəm və ümid edirəm ki, ən azı bir dəfə də olsa, tarantino filmi izləmisiniz.

6 əjdaha! ignooramus

18.02.2021 - 14:35 #320188 mesaj facebook twitter

charles bukowski

"afrikaya dərman yollamaq qərarına gəldik, üzərinə yeməkdən sonra için yazılmışdı."

2 əjdaha! ignooramus

03.02.2021 - 15:53 #319168 mesaj facebook twitter

clubhouse

2020-nin aprel ayından bazara girən və qısa müddətdə 100 milyon dollardan çox investisiya alan yeni sosial platforma və ya "daha nə qədər sosiallaşa bilərik" sualının cavabıdır hal-hazırda.

əsas özəlliyi audio-based olmasıdır. app-i açdıqdan sonra əsas səhifədə, maraqlarına, izlədiyin insanlara, dostlarına əsasən müxtəlif virtual otaqlarla qarşılaşırsan. istədiyin otağa daxil olaraq içəridə gedən disskusiyaya qoşula bilərsən. otaqlarda danışma haqqını otağı yaradan insanlar istədiyi adamlara verir və əgər mövzu haqqında fikir bildirmək istəyirsənsə, "əl qaldırıb" danışa bilərsən. istifadəçi istənilən otağa daxil ola bilər və özü də otaq yarada bilər.

bir növ live podcast şəklində olan söhbətlərin bir önəmli tərəfi də, danışılanların qeydə alınmasının və daha sonra başqa platformalarda paylaşılmasının qəti olaraq qadağan olmasıdır. yəni ki, burda olan, burda da qalar.

hazırda app-ə yalnız dəvət vasitəsilə qoşula bilərsiz. ios istifadəçiləri dəvətsiz şəkildə app-i yükləyib hesab yarada bilər. ancaq otaqlara daxil olmaq mümkün olmayacaq, qarşınıza sadəcə virtual növbədə olduğunuz haqda mesaj gələcək. bu, hazırda app-i özəl hala salır və tam şəkildə istifadə edən istifadəçilərinə imtiyazlı hiss etmələrinə səbəb olur. ancaq yaradıcıları kiçik komandalarının olduğundan, birdən-birə milyonlarla istifadəçi axınında platformanın çökə biləcəyindən və ya keyfiyyətinin aşağı düşəcəyindən ehtiyatlanaraq bu şəkildə siyasət yürütdüklərini və platformanı gələcəkdə hər kəsin istifadəsi üçün mümkün hala gətirməyə çalışdıqlarını deyirlər.

hazırda 600 000 - dən çox istifadəçisi olan platformada məşhurlara da tez-tez rast gələ və onlarla birbaşa müzakirəyə qoşula bilərsiz. elə bu entry yazılarkən elon musk tviter hesabından sabah quracağı virtual otağın anonsunu etmişdi artıq.

pandemiyada sıxılan minlərlə insanın pənah yeri olan clubhouse-un gələcəyi parlaq kimidir. bizi kimi sosial heyvanların istəklərini ödəməyə iddialı olduğu hiss olunur. daha bir istifadəçi profilinin açılmasının vaxtı çoxdan gəlib keçmişdi belə, əllərim gicişirdi.

16 əjdaha! ignooramus

01.02.2021 - 03:44 #318995 mesaj facebook twitter

in the mood for love

2000-ci ildə işıq üzü görən, ssenarisi və rejissorluğu wong kar-wai-yə məxsus möhtəşəm bir əsərdir.

film bir çox kino tənqidçiləri tərəfindən 21-ci əsrin ən yaxşı filmləri arasında göstərilir. mövzu cəhətdən çox bir fərqlilik olmasa da hekayənin rejissor tərəfindən ələ alınış tərzi mükəmməldir. sinematik kadrlar, filmin rəngləri, aktyor işi, musiqilər hamısı filmi tamamlayır və unikallıq yaradır. hətta noodle almağa getmək belə hələ bu qədər cəlbedici olmamışdı.

ümumiyyətlə dəfələrlə oturub izləyə biləcəyim film tapanda sevinirəm. after all, kədərli bir günü kədərli bir filmlə sonlandırmaqdan daha gözəl nə ola bilər ki?

(youtube: )

6 əjdaha! ignooramus

30.01.2021 - 02:03 #318778 mesaj facebook twitter

chris cornell

spesifik, ağzını açanda "aha bu odur, özüdür ki var" deyilə biləcək səsə malik musiqiçi, söz yazarı, ifaçıdır.

soundgarden, audioslave, temple of the dog qruplarında vokalist olaraq yer almışdır. arada solo karyera ilə də məşğul olmuşluğu var. rolling stone dərgisi tərəfindən gəlib keçmiş ən yaxşı lead singer-lər arasında ilk 10-a seçilmişdir.
temple of the dog qrupunu yaxın musiqiçi dostu, heroin dozasını qaçıraraq ölən andrew wood-un şərəfinə yaratmışdır. sonradan həmin qrup dağılaraq pearl jam-in yaranmasına gətirib çıxarmışdır.

özü 12 yaşından etibarən hər cür "uçurducu" maddələrlə yaxın əlaqə qurmuş, nəticəsi 14 yaşından panic disorder, aqrofobiya qazanması olmuşdur. həyatının bir çox dönəmində depressiyadan əziyyət çəkmişdir. intervyularının birində depressiya haqqında aşağıdakıları söyləmişdir:
heç kim əslində depressiyanın nə olduğunu bilmir. kiminsə depressiyada olduğunu fikirləşirsən və növbəti bildiyin şey həmin adamın özünü asdığı olur. aradakı fərqi demək çətindir. ancaq məncə depressiya xeyirli ola bilər. bəzən bu sadəcə təbii bir hissdir, heç nədən qaynaqlanmır. əgər həyatım boyunca nə vaxtsa depressiyada olmuşamsa, ondan qaçmağı fikirləşmək, təşviş içində olmaq əvəzinə, səhərisi gün ayılacağımı və artıq onu geridə buraxmış şəkildə həyatıma davam edəcəyimi özümə xatırladıram. eyni zamanda özümü yaxşı hiss edərkən də depressiyada olduğum vaxtları yada salaraq fərqləri görməyə çalışıram və hər hansı bir şəkildə əksinə çıxmamağı düşünürəm. sadəcə bütün bunların həyatın içində olduğunu anlamaq və birgə yaşamağı öyrənmək lazımdır.

əfsanəvi musiqiçi 2017-ci ildə, 52 yaşında səhnə performansından sonra otel otağında ölü olaraq tapılmışdır. ölüm səbəbi olaraq özünü asmaq göstərilmişdir.

5 əjdaha! ignooramus

23.01.2021 - 16:38 #318114 mesaj facebook twitter

contrapposto

avropanın hər hansı şəhərindəsən və sənət eşqinin coşub daşdığını hiss edib hansısa muzeyə və ya art qalereyaya girmisən. əgər burda renessans və ya öncəsi dövrdən bir heykəllə rastlaşacaqsansa, bu çox ehtimalla contrapposto adlanan vəziyyətdə dayanmış heykəl olacaq.

artıq anlaşıla bildiyi kimi, contrapposto duruş şəklidir, formasıdır. ilk nümunələrinə eramızdan əvvəl 5-ci əsrdə qədim yunanıstanda * rast gəlindiyi məlumdur. italyancadan gələn mənasını balans, mütənasiblik, tarazlıq kimi yozmaq mümkündür. bu da orta əsrlərdə itib-batan strukturun italiyada renessans dönəminin incəsənət adamları tərəfindən yenidən dirildilməsi ilə əlaqədardır. ən məşhur örnəyi kimi mikelancelonun davidini misal göstərmək olar.



bu üsulla düzəldilən heykəllərdən əvvəlki dönəmə baxsaq, heykəllərin daha çox düz formada, bədənin simmetrikliyinin maksimum dərəcədə qorunduğu şəkildə düzəldildiyini görə bilərik. kouros* adlanan bu qədim sənət nümunələrinin oxşar cəhətləri bədənin ağırlığının hər iki ayaqda eyni şəkildə paylanması, bir ayağın digərindən bir az qabaqda olması və ümumilikdə ciddilik, sərtlik kimi nişanələr sezdirməsidir.



contrapposto-nun inkişafı ənənəvi formada düzəldilən insan fiqurlarının əvəzinə daha dinamik, insanın anatomik quruluşunu ön plana çıxardan əl işlərinin düzəldilməsinə səbəb oldu. bu, həmçinin qədim yunan mədəniyyətində əsas mövqe tutan humanizmi, insanı mərkəzə qoyan fəlsəfi axınları heykəltəraşların öz işlərində canlandıra bilməsinə, insanı rahat, gündəlik həyatdakı tərzində təsvir edə bilməsinə yol açdı. *

yuxarıdakı nümunəyə nəzər yetirsək, davidin bir ayağının boşda qalaraq bədənin bütün ağırlığının digər ayaqda toplanması, sağ çiynin sola nisbətən daha yuxarıda olması, bədənin s forması alması və s. kimi contrapposto əlamətlərini saymaq olar. ümumiyyətlə, contrapposto-da bədənin demək olar ki, bütün hissələrinin duruşu refleksləndirməsi sənətkarın daha çox əmək sərf etməsinə və ortaya daha realistik insan vücudunun çıxmasına səbəb olur.

bunun daha bir örnəyini tiziano veçellinin (bax: tiziano vecellio) venus rising from the see rəsmində görə bilərik, məsələn. rəsmdə veneranın bədənini əyilmiş formada təsvir edən rəssam onun hərəkətdə olub sudan çıxmasını göstərməyə çalışmışdır.



sandro botiçellinin (bax: sandro botticelli) the birth of venus əsərində veneranın duruşunu da gözəl bir contrapposto nümunəsi olaraq göstərmək olar.



entrynin başında da yazdığım kimi bu cür nümunələr qərb incəsənətində yetərincədir və hələ də artistlər öz işlərində geniş şəkildə istifadə edir.

6 əjdaha! ignooramus

21.01.2021 - 13:59 #317971 mesaj facebook twitter

/ 20 »

blok -   başlıqlarını gizlət

Son bəyənilənlər