Ms.Polyanna


59   0   0   0
10.nəsil yazar
entry: 59
reytinq: 265
karma: 138
izləyən: 8
oxunma: 76,073
sifariş sayı: 7








birləşmiş krallıqda məhkəmə sistemi

bu gün bir az bu barədə araşdırmış ola bilərəmmm. sadəcə bölüşmək istədim. deməli, birləşmiş krallıqda məhkəmə sistemi 150 il əvvəl olduğu kimi hələ də öz orjinallığını qoruyur. qanunlarıyla yanaşı geyimləri də dəyişməzdi. əgər orda məhkəmədə iştirak etsək özümüzü teatrda hiss edərik. çoxumuza onların geyindiyi geyimlər və pariklər gülməli gəlsə də, onlar bütün ciddiyyətləri ilə ədaləti təmin etməkdədirlər. məhkəmədə 12 münsiflər heyəti var. adətən münsiflər heyəti kimi müxtəlif peşə sahibləri və fərqli dünya görüşünə sahib insanlar seçilir və əgər seçilirlərsə, həmin gün işdən icazə alıb, o məhkəmədə iştirak etmələri vacibdir. 1 insanın günahkar yaxud da cinayətkar elan edilməsi üçün 12 nəfərin bunu təsdiqləməsi onlar üçün olduqca vacibdir. məsələn, münsiflər heyətidən 11 nəfər bu insanı günahkar olaraq təyin edir və 1 nəfərsə onun günahsız olduğunu iddia edirsə, o insan həbs edilmir və məhkəməsi uzadılır yaxud da başqa bir günə təyin edilir. münsiflər heyəti kimi də yalnız ingilis vətəndaşları çağırılırmış, nə qədər dəqiqdir bilmirəm və bu mövzu barədə daha çoxunu bilən varsa məni məlumatlandırsa ya da entry yazsa sevinərdim. təşəkkürlərr.

7 əjdaha! Ms.Polyanna

28.04.2022 - 13:49 #349188 mesaj facebook twitter

sözaltı günlük

uzun müddətdir burda deyiləm. amma yaşayıram hələ də. sadəcə bunu yazmaq istədim. oxuduğunuz üçün sağ olun.

4 əjdaha! Ms.Polyanna

27.03.2022 - 12:59 #348003 mesaj facebook twitter

sözaltı günlük

Bəzən hər şey qaydasındadı dediyin zaman qaydasında olan şeylərin sıradan çıxması idi yaşamaq. Seçim arasında qalmaq idi çox vaxtlarda da. Əvvəl səni xoşbəxt edən şeylər bir andaca sənə bəxş edilər. sonra isə "kifayətdir" deyilərək əlindən alınar sənə bəxş olunanlar. sorğulayıram,görəsən, hansı günahlarımın bədəlidir? layiq olacaq nəsə etmişəm də ,yəqin ki.. yoxsa bir insan niyə üzü güləndən sonra yenidən əvvəlki vəziyyəti ilə sınansın ki, elə deyil? biri ortaya çıxıb hər şeyi mənə izah etsin istəyirəm. niyəsini,sonumun necə olacağını, ümumiyyətlə, xüsusilə məni mi seçiblər belə hissləri yaşamaq üçün. ya da çıxıb biri desin ki, sən bu dünyadakı ən əclaf adamsan və bunlara layiqsən. heç olmasa gəlib bunu deyən olsa, bəlkə də, "layiqəmsə, yaşamalıyam və dözməliyəm" deyib, yoluma davam edərəm. amma heç biri olmur. nə kimsə gəlib mənə elə bir şey demir, nə də ki mən niyəsini aşkar edə bilmirəm. hər kəsin istifadə etdiyi şablon bir cümlə ilə bitirmək istəyirəm yazımı : "həyat davam edir"

5 əjdaha! Ms.Polyanna

16.11.2021 - 21:19 #340010 mesaj facebook twitter

2 əjdaha! Ms.Polyanna

10.10.2021 - 17:33 #337878 mesaj facebook twitter

5 əjdaha! Ms.Polyanna

03.10.2021 - 13:21 #337603 mesaj facebook twitter

sevmək qorxusu

Birini sevməyə başlayanda, qorxuruq ki, hər hansı bir qüvvə o şəxsi bizim həyatımızdan çıxaracaq. Buna görə də kimisə sevəndə belə məntiqi yolla sevirik. Sevmək qəlb işi olsa belə, əsas işlər beyin tərəfindən icra olunur. Məsələn, metroda gördüyünüz birinə aşiq ola bilərsiniz, amma onu sevə bilmərsiniz. Çünki onu bir də görməyəcəksiz. Həm də beyin tez - tez görməyə öyrəşdiyi insanlar arasından seçər sevəcəyi insanı, sonra da işi qəlbə buraxar. Duyğular, qayğılar hamısı qəlbə bağlı olar. Şəxsi fikrimdi bu mənim, ola bilər ki, belə düşünməyənlər də olsun. Xülasə, sevmək qorxusunun arxasında yatan əsas səbəb məntiqin ön planda olmasıdır deyə düşünürəm. Emosiyaları ilə yaşayan insanlar belə şeylərdən qorxmurlar. Hamı kimi onlara da ağır təsir edir, amma qorxmaq məsələsi onlarda ümumiyyətlə olmur..ola bilər ki, bu qorxu əvvəldən sevib qarşı tərəfdən həmin sevgini görməyən birinə məxsus bir qorxu olsun. Tək bildiyim mənə tanış qorxudur. Və qorxmayın, qorxan gözə həmişə çöp düşüb və düşəcək də.. təsadüfi deyil ki, çox qorxduqlarımız başımıza gəlir.
Eyni şey haqqında nə qədər çox düşünsəniz onun başınıza gəlmə ehtimalını o qədər çox artırmış olacaqsınız.

5 əjdaha! Ms.Polyanna

02.10.2021 - 22:39 #337589 mesaj facebook twitter

insanı yoran şeylər

1. Həyatında kiçik bir addım atanda belə ətrafındakıları nəzərə almaq və sonda da heç nəyin gözlədiyin kimi olmaması.

2. Başa düşmək istəməyən birinə başa salmağa çalışmaq.

3. Mübahisə edərək yola gedə bildiyin birinin , əslində, hamıdan daha çox sənə yaxın olması.

4. Geyiminə baxıb, xarakter analizi edən insanlar.

5. Evin qapısını kilidlədikdən ,sonra bu sualların beyində fəaliyyətə başlaması:
- görəsən işığı söndürdüm?
- ay da, ocaqda nəsə qalmadı ki..

6. Çağırılan yerə çox tez gəlib uzun müddət gözləmək məcburiyyətində qalmaq.

7. "Allah eləməsin" dediyin şeylə sınanmaq..

8. Hər şey haqqında çox düşünmək.

17 əjdaha! Ms.Polyanna

28.09.2021 - 08:18 #337350 mesaj facebook twitter

2 əjdaha! Ms.Polyanna

26.09.2021 - 21:06 #337290 mesaj facebook twitter

heç vaxt axtarılmayan adam

Heç kəslə işi olmayan sadə insanlar, heç vaxt axtarılmır. Nə birinə xeyir verirlər, nə də ki ziyan. istəsəniz, dərdinizi danışa bilərsiniz, gözəl dinləyəcidirlər. Amma çox da gözəl susurlar. Həyatı bilən insanlar var ha, bax eynən onlardan. Heç kəsə dərdini deməz onlar, heç kəsdən də xeyir ummaz, bütün şərdən uzaqda olmaq, sakit bir ruh, beyin onlar üçün xoşbəxtlikdir. Sakitlik həyat fəlsəfəsidir onlar üçün. Çoxumuz asosyal da adlandırırıq onları. O qədər öyrəşmiş olurlar ki, həyatlarında bir nəfər belə istəməzlər. Təklik onlar üçün reallıqdır. Heç vaxt axtarılmamaq onlar üçün ağırlıq deyil, "axtarılırmış" kimi olmaqsa onlar üçün faciədir.

10 əjdaha! Ms.Polyanna

26.09.2021 - 15:03 #337280 mesaj facebook twitter

darıxmaq

Qəribə bir hissdir. Bu hissi yaşayanların əvvəl gözləri dolur, sonra da bir az üşüməyə başlayırlar. Ya da ki "tükləri biz biz olur". Darıxan insanları gözlərindən oxumaq mümkündür. Nəsə bir soyuqluq olur onlarda həmişə. Gülürlər, amma gözləri elə demir. Kimisi uşaqlığı üçün darıxır bir neçə saniyəlik, kimisi isə ilərlədir ki, eyni ləzzəti almadığı köhnə həyatı üçün darıxır, bir başqası da kimsə üçün darıxır . Darıxanlar çoxdur, bəs Vüsal? O barədə məlumatımız yoxdur. Nə deyək, darıxanlar üçün Vüsal yaxın olsun.

7 əjdaha! Ms.Polyanna

26.09.2021 - 01:22 #337244 mesaj facebook twitter

ataya demək istədiklərimiz

Elə bilirsən ki, yaxşıyam. Və həmişə bu cür bilməyini istəyirəm. Üzümdə anlıq da olsa kədər görsən, kədərlənirsən. Bizə olan səbrin və qayğın üçün çox sağ ol, ata. Bu cümlələri sənə deyə bilmirəm, bilirsən soyuq biriyəm. Dəyər verirəm, amma dilə gətirə bilmirəm. Dilə gətirəndə qəribə oluram, elə bilirəm ki, dildə olanlar qəlbdə deyil..qəribə biriyəm mən bir az , ata. Amma sənə və ümumi ailəyə həmişə dəyər verirəm bunu bil. Nə olursa olsun, həmişə yanında olacam. Çünki sən mənim atamsan. Büdrəməkdən də əsla qorxma, ata. Yanındayam, yanındayıq. Və bu ömrünün axırına kimi belə də davam edəcək. Qəlbimdə sənə olan sevgimi göstərə bilməyəcək qədər soyuq olduğum üçün də bağışla məni. Səni çox istəyirəm, yaxşı ki, varsan.

3 əjdaha! Ms.Polyanna

24.09.2021 - 22:04 #337164 mesaj facebook twitter

cəmiyyətə demək istənilənlər

Bu gün bir şey məni aşırı dərəcədə əsəbiləşdirdi. Yeri gəlmişkən bu barədə də yazmaq istədim.
Axı niyə bu qədər kobudsunuz? Yaxud da kassirlərə qarşı niyə bu qədər qəddarsınız? Aldıqlarınızı solafana yığandan sonra kassirə kiçik bir "sağolun" desəniz, diliniz quruyacaq? Cəhənnəm "sağolun" demirsiniz deməyin, heç olmaya səbrli olun. Ya da ki, nəsə soruşanda it sifət olmasanız olmaz? Hər kəs çörək pulunu qazanır, heç kəs sizin it sifətinizi görmək üçün durmayıb orda. Cəmiyyətin hər bir fərdinə hörmət edin! Və bir hərəkəti etməzdən əvvəl düşünün ki, onun yerində siz olsaydınız, bu, sizə necə hiss etdirərdi? Əminəm ki, xoş təsir bağışlamazdı, ona görə də, insan olun və insan kimi rəftar edin.

17 əjdaha! Ms.Polyanna

24.09.2021 - 21:49 #337159 mesaj facebook twitter

koreya serialları

Baxdıqlarım arasından ən keyfiyyətlisi Doctor Stranger olub. Qalanları türk serialları kimidir. Ssenarilər bir - birinə oxşar yazılıb. Fərqlilik yox dərəcəsindədir.

1 əjdaha! Ms.Polyanna

24.09.2021 - 21:25 #337158 mesaj facebook twitter

kitab almağa pulun olmaması

PDF drive deyə bir sayt var. Bir də bir neçə telegram qrupu bilirəm.
1) Cinciva Books və Cinciva Books 1
2) Cinciva Audio Books
3) PDF kitablar
4)Datavinci Books

Buyurun, xoş oxumalar.

8 əjdaha! Ms.Polyanna

23.09.2021 - 20:34 #337060 mesaj facebook twitter

3 əjdaha! Ms.Polyanna

23.09.2021 - 19:36 #337055 mesaj facebook twitter

sözaltı günlük

Yorğunam, özümdən zəhləm gedir, ölmək istəyirəm ,amma yaşamalıyam. Bir səbəb yoxdur ölümə. Özümü ziyanverici kimi hiss edirəm. Udduğum havaya belə heyfim gəlir. Hərdən deyirəm ki, olmayardım bundan yaxşı idi. Göylərdə olmaq istəyirəm. Oradan sadəcə həyatları izləmək istəyirəm sakitcə. Aciz hiss edirəm özümü. Boş hiss edirəm. Ağlamaq istəyirəm, amma ağlamağa gücüm qalmamış kimiyəm. Yaşadığım günlər mənasız gəlir. Boşluqdayam. Səbəbi olsa həll edə bilərdim ,bəlkə də... Yaxşı deyiləm. Elə bu..

8 əjdaha! Ms.Polyanna

22.09.2021 - 23:48 #337016 mesaj facebook twitter

güvən nəşriyyatı

Adını eşidəndə ağlıma gələnlər:
1) Abituriyentlik dönəmimdə özündən kəşf elədiyi suallarla ömrümü yeyən kitabların yiyəsi.
2)Müəllimlərin "çətin test" adı ilə işlətdiyi kitablar.
3) "Güvən sınağında nə toplasanız DiM'də də o olacaq. Ondan artıq gözləməyin" kimi goplamaları eşitməyimə səbəb olan tək nəşriyyat.

5 əjdaha! Ms.Polyanna

22.09.2021 - 23:42 #337015 mesaj facebook twitter

yüz ilin yalanları

"necəsən?" sualına "yaxşıyam" cavabını yaxşı olmayan hər kəs dediyi üçün ən tanınmış yalan olduğunu düşünürəm.

4 əjdaha! Ms.Polyanna

22.09.2021 - 23:35 #337009 mesaj facebook twitter

bakı

qədimi fotolarda qız qalası , içərişəhər ilə tanıdığımız estetik görünüşü ilə bizi valeh edən, amma hal-hazırda vəziyyəti elə də xoş olmayan paytaxt. kimisinin sirrlərinə şahidlik edən, kimisini gündən-günə öldürən, az sayda insanı xoşbəxt edən həmin şəhər. insanların çıxış yolu olaraq bilinir bu şəhər. bəzi insanların ümidlərini puç edərkən, bəzilərinə isə ümid olan yer.

7 əjdaha! Ms.Polyanna

20.09.2021 - 22:31 #336905 mesaj facebook twitter

tom and jerry

hər izləyəndə bizə uşaqlığımızın rəngarəng xatirələrini xatırladan həmin mükəmməl cizgi filmi.

10 əjdaha! Ms.Polyanna

20.09.2021 - 22:21 #336904 mesaj facebook twitter

/ 20 »

blok -   başlıqlarını gizlət

Son bəyənilənlər