asosyal adam

273 0 0 0

4. nəsil yazar

Entry: 273

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yalnızlığın ən çox anlaşıldığı anlar

+128 əjdaha

ilk öncə onu deyim ki, gecələr pərdəni ən qırağa verib çölə baxaraq yatıram. dəniz ya da meşə mənzərəsi yoxdu, amma axtardığım da bunlar olmur heç. məqsəd yaşam işartısı tapmaq, həyatın davam etdiyini, zamanın axdığını görməkdir. bunun üçünsə qarşıdakı binanı özümə ov seçmişəm. deməli yenə günlərin bir günü yatmaq üçün yatağa uzananda qarşı binanın işıqlarını söndürmə oyununun oynanıldığı andır. * yalnızlığın ən çox anlaşıldığı anlar deməli, oyunun şərtləri çox sadədir. qarşı binada işığı yanan mənzillərə baxıb təsadüfi birini seçirsiniz. sonra da uzanmağa davam edərək gözləyirsiniz. təxmin etdiyiniz sönsə qazanırsınız, ayrısı sönsə uduzursunuz. düzü bu babat vaxt aparan prosesdir, amma və lakin yuxusuzluqdan əziyyət çəkirsinizsə tavana baxmaqdan maraqlıdır. haaa, bir də qazananda yəni sönəcək dediyiniz işıq sönəndə özünüzdə insanüstü güclər filan hiss etməyə başlayırsınız. bu da işin
ən zövqlü tərəfidir. nəysə. bir gün yenə yuxusuzluğun mənə vermiş olduğu yetkiye dayanarak* türklər demişkən bu oyunu oynayıram. təxminən 3-4 ay əvvəl. bu dəfə çox əzimliyəm və məqsəd əvvəlki kimi 1-2 mənzil söndürüb yatmaq deyildir. bu dəfəki məqsədim çox böyükdür. məqsəd: bütün binanın işığını söndürmək!
dedim yəqin bu iş uzağı 4ə qədər uzanar gedər. tam da təxmin etdiyim kimi olacaqdı. saat 2dən 3ə doğru irəliləməkdə, işıqlar yavaş-yavaş sönməkdədir. saat 3 olmuş və işıqlar sayca çox az qalmışdır. biraz sonra azsaylı işıqlardan bir neçəsi də sönür və yavaş-yavaş məqsədə yaxınlaşmaqdayam. artıq 4 olmuşdur, 5ə doğru irəliləyik birdən dedim aman tanrım o da ne. bir işıq sönməməkdə qərarlıdı. mənim də yuxum gəlir artıq, gec olub, yatmalıyam. amma çox maraqlı gəldi mənə. inada düşdüm dedim ulan söndürəcəm səni. çox gözlədim, nəhayət 5 olmamış söndü o işıq da. amma o mənzil mənim üçün qəribə bir tapıntıydı və eyni zamanda gələcək yuxusuz günlərin xəbərçisiydi. belə ki, artıq digər mənzillərlə maraqlanmır birbaşa o mənzili hədəf seçirdim. hərdən o qazanırdı, hərdən mən. gah mən onu, gah o məni "yatızdırırdı" -* ilk başlarda ona məğlub olmanın verdiyi narahatçılıqla yatırdım, sonralar münasibətimiz ciddi hal almağa başladı. artıq o mənim xəyali dostum idi. hərdən futbol izlədiyini, hərdən siyasət proqramı izlədiyini, bəzən aslan belgeseli izlediyini düşünürdüm. ara-ara porno izləmə ehtimalı da gəlirdi ağlıma. lap bekar olanda xəyali olaraq içib dərdləşirdim onla. amma xüsusi bir cismi yox idi. gah uzun saçlı cavan və avara oğlan, gah 50 yaşlı təqaüdçü dayı olurdu. hərdən deyirdim bəlkə qızdı ala bu. amma bunlardan aslı olmayaraq eyni adam idi o. hətda artıq işığını söndürmədən rahat yata bilirdim. əvvəl ağ işıqlardan taxırdı, sonra sarıya keçdi. nadir hallarda da olsa bəzən tez yatırdı. elə bu entryini yazarkən gözucu baxırdım mənzilinə, 3ü keçmişdi biraz, söndü işıq. bu ara aramız yaxşı deyil. neçə vaxtdı baxmırdım ona. şizofrenə bağlamamaq üçün ayrılmışdım. bugün yenə barışdıq. elə bu entryini yazarkən -*
yaşadığım yer şəhərin mərkəzinə, universitetlərə uzaq olduğu üçün buralarda orta yaşlı ailələr qalır. böyük ehtimal o da hansısa avtobusda yer verilən daydayla xalanın evidi. amma yenə də insana maraqlı gəlir xəyali dostunun ruh halından cisim halına keçdikdə necə görünəcəyi. ara bir dəli şeytan deyir get o mənzilə döy qapını de ki, "olar məmmədi?" sonra da basıb bağla ki, səhv binaya gəlmişəm. bu bəhanəylə də gör o evdə kim qalır. sonra da çəkingənliyim və tənbəlliyim imkan vermir. deyirəm otur oturduğun yerdə. və düzü görmək də istəmirəm, qoy hansısa çəkiylə, boyla, görüntü ilə sərhədlənməsin, xatirəmdə yaşasın, ölümsüz olsun.

not editi: yandı işıq, yuxu tutmayıb yenə. * yenə? * wtf * mala bağlamaq
2015
-----------
edit: artiq perdeni pencerelerin qabagina cekib, basimi atib yere yatiram. yene yalnizam
2016
-----------
edit: heç necə yatıram xəbərim olmur day. yenə yalnızam
2017
-----------
həyata, özümə və ən əsası insanlara marağımı itirmişəm. artıq heç nə vecimə deyil. o axtardığım dırnağarası yaşam işartısı da maraqlandırmır day məni. başımı atıb yata da bilmirəm. artıq mən də normal yalnızlar kimi tavana uzun-uzun baxıb sonra da yatıram. çox vaxt da pərdəni çəkirəm pəncərələrin qabağına, elə gecə də, gündüz də. görmək istəmirəm daha. bəzən köhnə günlər yada düşür, qırağa çəkirəm pərdəni gecələr. amma işığı yanan mənzillərdən başqa da nəsə görə bilmirəm artıq. bu entrynin varlığı da kimsə bəyənəndən bəyənənə yadıma düşür. hər il girib edit verirəm * glş
həə, hələ də yalnızam. yenə yalnızam
2018
-----------
2019 yalnızlıq editi. Salam, gənclər. yatmaq da daxil olmaqla, ümumiyyətlə uzun müddətdir nə pox yeyirəm bilmirəm. Uzunmüddətli təkərdəyəm. Belə də ki, Yalnızlığa davam -*

95 əjdaha! 02.09.2015 04:10, asosyal adam

#179766 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ölmədən edilməli olan şeylər

+33 əjdaha

1. şahmat öyrən
2. küçədə gül sat
3. kitab sat
4. bir parka get və zibilləri təmizlə * həzi aslanov küçələri
5. kirayə qaldığın evin balkonunu sarı rəngə boya
6. bir kitab al, oxu, sonra ictimai nəqliyyatda qoy
7. şirin pambığ (cotton candy) alıb parkda skamyanın üstünə qoy
8. sevmədiyin insanlar olan bir ortama "how are you bitches?" * nətərsiz qəhbələr? * biraz abırsız oldu ama nəysə deyərək daxil olub dərhal ordan uzaqlaş
9. liftdə çönüb camaata "yəqin ki sizi bura niyə yığmışam bilirsiniz." deyib çıxış et * homer simpson * glş glş glş
10. break dans öyrən.(zövqə görə tango/samba/rumba/rock n roll və.s) * zövqə görə duz, istiot * ashgafgs
11. graffiti ilə məşğul ol. ən azından hansısa bir divarda bir əsərin olsun. a+d=love şəklində olmasın
12. səyahət et
13. bir qrup insan çox da önəmli olmayan bir səbəbdən harasa yığısıbsa "çəkilin mən mühəndisəm" deyib qaç. (ya da öz sənətinizi) * çəkilin mən bərbərəm * çəkilin mən qəssabam * agsfads
14. mənasız, mənalı, pis, yaxşı, maraqsız, əyləncəli fərqi yoxdu necə olur olsun bir hekayə yaz və saxla. hətta qaza gəlib novella belə yaza bilərsən.
15. həzi aslanov metrosu yaxınlığındakı dilənçilərdən birinin qabağındakı pulların yığıldığı qabfason əşyaya 1 manat qoyub qəpik olaraq 1 manatınızı götürün * glş glş glş . qaçın.
16. bir oğlan var idi. fotoqraf. metroda getdikləri stansiyanın adını deyirdi, insanlar çönüb təəccüblə baxırdı, bu da şəkillərin çəkirdi. çox maraqlı alınmışdı ala. onun kimi bir şey etmək maraqlı olardı amma mən tırsıram ala. bu çox da önəmli bənd deyil. amma qalsın ağlınızda. link link

17. avtobusda zadda olur da, təzə nəsə alıb evə götürən insanlar. hər dəfə istəyirəm "mübarəkdi" deyim, ama qorxuram ala hər dəfə. ona görə bunu da bu siyahıya edib nə vaxtsa edəcəyimə ümid bəsləyim.
18. pul tapsan bookcafe aç. ama əsl bookcafe. book tərəfi daha üstün olan. menyunu çox da şişirtmə. içkilər və bir-iki şirniyyat növü. ətrafda da gül çiçək
19. ağac ək
20. küçədə kiməsə "qeşəy paltarmış" de
21. içib sərxoş ol, sevmədiyin kiməsə zəng vur və "senin en büyük sorunun ne biliyormusun dostum? o koca kıçının kafandan büyük olması" deyib monoloqunu sonlandır. * istifadəsi üçün can atılan replikalar
22. Orkestralarda üçbucağ bir alət var haa bax ona çubuqnan vurub səs çıxardan adam olmaq
nəysə. hələlik ağlıma bunlar gəldi. editləyib əlavələr edəcəm

24 əjdaha! 29.07.2015 01:54, sistem robotu

#176387 şikayət

azərbaycan televiziyası

+23 əjdaha

bayaq atvdə təsadüfən gəzməli verilişlərdən birinə rast gəldim.
(baxma: çox gəzən çox bilər) - italiya
italiyanı gəzirdi iki qaqaş. çəkiliş zamanı dilənçi bir oğlan gəldi deyəsən, ya nəsə elə birşey. bizim aparıcı qayıt de ki,
qaqaş get oynəəə(oyana)
o da getmədi, bu da əli ilə itələ oğlanı qayıt de ki, (it kimi çımxıraraq)
ala, get oyana ginən, çəkiliş gedir
1cisi ay cahil, azərbaycanca danışırsan, o nə bilsin. 2cisi də ki, sən televiziya kanalı üçün çəkilişdəsən, avtobusda insanlar o cür danışmır heç. bu nə küçə ağzı ilə danışmaqdı, nə mədəniyyətsizlikdi. əsəbiləşdim. amma yenə baxıram, sonra şit bir zarafat elədi. sonra da keçdilər ayrı bir yerə, fırlanırsan nəyinsə başına, inanışa görə arzun həyata keçir. orda da ayrı çinli turistlər var. insan kimi növbə gözləyirlər. bu da "ə bu çinlilər də hər yeri basıb ee" dedi, sonra aralarına girib " bes manat, bes manat, hehehe" şitliyini etdi (beş yox, bes)
sonra yenə qadını itələyib "ay xala çəkil görək dəəə"
təəssüf ki, italyandan sonra çinli də azərbaycanca bilmir deyə, aparıcımızın qəzəbinə tuş gəldi. o fırlanılan yerdə də ayaqqabı çıxarırsan, bu da qayıt de ki çinliyə
"əə ayaqqabını gey, ayağın qoxur, gey gey əə, öldüy qoxudan"
tv qarşısında utandım yerə girdim. adicə insanlarla ünsiyyət mədəniyyəti olan bir insan belə tapa bilmirsiniz, aparıcılıq etməyə? dedim italyanın da... baxmadım.
bu kanalları kim yoxlayır? adicə hakimiyyətə əks bir şey görən kimi kanal bağlayırlar, amma belə biyabırçılığı efirə verirlər. boş vaxtında otur buna bax, utan, öl, yerə gir.

23 əjdaha! 06.11.2016 12:35, asosyal adam

#236292 şikayət

qızların alicənab yerinə avara adam seçməsi

+18 əjdaha

məncə bütün qadınlarda səbəbini bilmədiyim belə bir takıntı * yarım saat mal-mal ekrana baxıb takıntı sözünə azərbaycanca alternativ düşünən yazarın həzin sonu * sözlüyün ən uzun ulduz baxını verdiyini düşünən yazar var. ilk öncə onu deyim ki, nəzərdə tutduğum avara "avara diyib tanıma bizi" kimi mahnılara qulaq asan tipdəki avaralar deyil. #177384 entry-dəki alicənabın əksidi. həə, nədəndir bilmirəm, bəlkə də türk seriallarında yaradılan avara, zəngin * piç amma əslində tər-təmiz bir qəlbi olan, sevgisindən alicənablığa doğru irəliləyən oğlan modelidi buna səbəb. səbəb nə olur olsun, qadınlarda var bu takıntı. avara görünümlü adamlarla yaxınlaşıb, mən onun həyatını dəyişdirən olacam düşüncələri. * psikolog çıktı başımıza . sırf qadınlarla əlaqəli də deyil. əksər insanlarda var bilinməyənə maraq. gizəmli insanların kəşf ediləcək insan ola bilməsi düşüncəsi. həə, qadınlar da yəqin buna görə alicənab adamları qoyub avaraları seçirlər. həmçinin digər bir səbəb alicənab insanların həyəcan vəd etməməsidi. elə bir təəssürat yaranır onlara qarşı. əyləncəsiz, monoton, həyəcansız görüntü yaranır. həm də fikirləşirlər ki, bu alicənabdı əşii. anası deyən qızı alacaq * quracağın cümlənin taaaa... dedirdən yazar . amma səhv edirsiniz, qızlar. ssenaristlər sizi aldadıblar * şairlər səni aldadıblar * düz darıxmırsan tək adam . deyəsən bu dünyəvi bir problemdi. və keçmişdə də olub belə şeylər. victor hugo da boşuna deməyib "qadınlar pis kişilərə aşiq olub yaxşı kişilərlə dərdləşir". qadınlar məncə bir qədər mazoxistdilər. təkcə qadınlara yox insanlara xas olan xüsusiyyətdi bu. pis olan diqqəti cəlb edər, özündə maraq oyadar həmişə. düz xətt yox, əyri xətt cəlbedici görünər. nəysə, qızlar, ssenaristlərə inanmayın, viktor hüqonu da üzməyin, yaxşı kişilərə aşiq olun siz

edit: "bu nə yazı stilidi, ala?" dedim özümə. osturaqçılıqla məşğul olurmuşam konkret -*

16 əjdaha! 08.08.2015 02:26, sistem robotu

#177428 şikayət

sözaltı günlük

+17 əjdaha

insanlar ölür e. gəlin sevək da bir-birimizi. birdən dərk etdim. olur hərdən elə, durduq yerdə özünü mövcud reallığın ortasında tapırsan. məndə də elə oldu. arabir gələn kiçik aydınlanmalar. sonra da gördüm sevgi sözləri göndərə biləcəyim kimsə yoxdu. dedim sizlə bölüşüm

16 əjdaha! 10.10.2016 21:52, asosyal adam

#233934 şikayət

universitetə qəbul olanlara məsləhətlər

+20 əjdaha

bu entry başı bəlalı entrydir. illərdir (ilk dəfə ikinci kursda oxuyanda) girirəm bu başlığa ki, gəncləri aydınladacam. mən etdiyim səhvləri onlar etməyəcək, amma hər dəfə nəsə olurdu qalırdı. artıq məzun statusu almış biri olaraq könül rahatlığı ilə yaza bilərəm deyə düşünürəm. sabah universitetə ilk dəfə gedəcək olan qardaşımı da görüb daha da həvəsə gəldim.
çox yaxşı yadımdadır. bundan illər əvvəl universitetə girəndə ekşisözlükdə bu başlığa girib kalan entry oxumuşdum -* yol göstərəcək və işin içində olan kimsə yox idi ətrafımda, ordan "mentor" axtarırdım özümə. ona görə indi də sizə "kaş o vaxt bunu mənə kimsə deyərdi" deyə düşündüklərimi deyəcəm. tamamilə öz təcrübələrimə əsasən yazacağam, hətta bəlkə anonimliyim də gedəcək, amma * Qozumaki
əvvəlcə bu il çox ağır bir il oldu, ona görə sizi bu qədər çaxnaşmanın ortasında tələbə adını qazana bildiyinizçün təbrik edirəm. entryni gələcəkdən oxuyanlarçün:
(bax: koronavirus)
(bax: karantin)
(bax: ikinci qarabağ müharibəsi)
(bax: komendant saatı)
nəysə e, getdiy!
--- ilkin məsləhət ---
1) mən universitetə yaxşı sayıla biləcək bir balla daxil olmuşdum. o vaxt depressiyada olan amma yaxşı oxuyan bir yeniyetmə idim. hansı uniyə qəbul olduğum açıqlandıqdan sonra girdim ekşiyə, oxudum, özümə görə bəzi nəticələr çıxardım, çıxarmaz olaydım -* universitetə girməmiş artıq universitetin boş bir şey olduğuna inanmış və mühakiməli yanaşırdım. buna psixologiyada düşüncə xətası deyirlər səhv etmirəmsə, siz o xətaya düşməyin. elə bu başlıqda da "girməyin", "soxalar universitetə", "universitet sizə girəcək", "kef edin" kimi yazılanları oxuyarkən ciddiyə almazdan əvvəl iki dəfə düşünün. siz doğrudan da ömrünüzün 4 ilini boşuna keçirmək istəyirsiniz ya yox? sözüm məktəb vaxtı universitetə daxil olmaq hədəfi olub yaxşı/yaxşı bir balla universitetə daxil olan tələbələrimizçündür. mən belə tələbələrdən idim və soxum universitetə məsləhətini lazımından artıq ciddiyə almışdım. düzdür, əlbəttə, universitet haqqında tək təsəvvürünüz baxdığınız xarici seriallardakı universitet ortamıdırsa, onda universitet sizə girəcək, amma canınız sağolsun, yaşadıqca görürsünüz ki, girən təkcə universitet olmur -* nəysə. ilk məsləhətim budur ki, ağıllı olun, universiteti ciddiyə alın. təhsil almaq, hansısa peşənin incəliklərini öyrənmək şansı və ya bu şansı özünüz yaradacaq vaxtı əldə etmək bomba şeydir.
--- universitet illəri ərzində etməli və etməməli olduqlarınız ---
1)ingilis dili
əgər siz ingilis dilinin birinci kursda öyrədildiyi BMU , BANM,UFAZ , Xəzər universitetlərdən birinə daxil olmusunuzsa, əla. yox əgər vəziyyət bu deyilsə, 1-ci kursda oxuyarkən sizə məsləhətim mütləq ingilis dilini öyrənməyinizdir. özü də elə-belə danışıq səviyyəsində yox. yaxşı öyrənmək. mən özüm də TQDK imtahanına hazırlaşmışam və sadəcə tqdk səviyyəsində ingilis dili bilən biri üçün general english/pre-ielts hazırlıqlarını tövsiyə edərdim.
ingilis dili sizə bir çox imkanları açacaq, bir çox xarici şirkətin imtahanları, intervyuları məhz ingilis dilində olur. ufaz, BANM , BMU, xəzər universiteti və.s kimi universitetlərin keçirdiyi tədbirlər ingilis dilində olur. bu dildə çoxlu workshoplar və beynəlxalq proqramlar qarşınıza çıxacaq. hansı ki, bu dili bilməsəniz onlardan yararlanma şansınız aşağı olacaq.
əgər az dilli təhsilə qəbul olmusunuzsa və SABAH qrupları uninizdə mövcuddursa, çalışın daxil olasınız o qruplara.
əgər ingilis dilli təhsilə qəbul olmusunuz və hazırlıq ili yoxdursa mütləq paralel kursa gedib öyrənin. sizin üçün sonra daha çətin olacaq. ümumiyyətlə bu variantı məsləhət görməzdim, amma hər ehtimala
2)sosial aktivlik
bu sözü çox eşidəcəksiniz. necə ki, məzun olana qədər mən eşitmişəm, amma mənasını başa düşmürdüm. buna aiddir universitet klublarındakı fəallığınız, ioklarda, tədbirlərdə iştirakınız, hansısa klubun qurucusu olmağınız, ixtisasınıza aid olan tələbə cəmiyyətlərində, qurumlarda, təşkilatlarda varlığınız, onların tədbirlərində iştirak etmək, bu tədbirləri, yaxud universitetinizdəki müəyyən tədbirləri təşkil edən tərəf olmaq, könüllü olaraq bu qurumlarda işləmək.
sosial aktivlik o demək deyil ki, gedib 3 gün formula 1də könüllü olasınız. bunu bir çox gəncimiz səhv başa düşür, çünki izah edən yoxdur düzəmməli.
düşünə bilərsiniz ki, əsas dərsləri oxumaqdır və belə şeylər önəm daşımır. amma bu sizin şəbəkələşməyiniz networking və soft skillərinizi inkişaf etdirməyinizçün çox önəmlidir. işə qəbul olarkən və ya master təhsili üçün xarici təqaüd proqramlarına müraciət edərkən bu kateqoriyada gördüyünüz işlər sizi digərlərindən fərqləndirəcək, həmçinin tələbə həyatınızı daha maraqlı edəcək. sizə demirəm harda aş, orda baş olun. sadəcə maraqlarınızın və dövrün maraqlarının ortaq kəsişdiyi sahələrdə özünüzü sınamağa dəyər. yəni 6-cı gün hansısa uni yarışına getmək, yaxud bu yarışın təşkilatçısı olmaq sizə çox şey qatacaq. (sosial həyat, kommunikasiya, komanda ilə işləmə bacarığı, idarəçilik, və.s)
Bu bənd ümumiyyətlə bizim tələbələrimiz ən zəif nöqtələrindən biridir. tələbələri də qınamıram, tgt thik kimi qurumlardakı yaltaq tələbələr belə işlərdən soyudur adamı, amma özünüzə uyğun olanın tapın, yoxdursa da qurun siz.
universitet daxilindən əlavə çalışın EVS ESC proqramlarında iştirak edəsiniz (bununçün də dil biliyi vacibdir)
3)GPA
mən o vaxt çox eşidirdim Gpa boş şeydi, gpa lazımsızdı, gpaya baxan olmaması, gpanın faydasız olması və.s
boş söhbətlərdi. xaricdə təhsil istəyirsinizsə, xaricə təhsilə gedən yolda sizə lazım olan imkanlardan (internship, tədbirlər, workshoplar) və.s yararlanmaqçün gpa önəmlidir. ümumiyyətlə çalışın il ərzində oxuyun. mən özüm imtahana 1 ay qalmış oxuyanlardan olmuşam, amma bu sizdə böyük boşluqlar yaradacaq sonrakı mərhələlərdə.
4)müəllimlərin, xüsusən də professorların gözündə ağıllı tələbə imici yaradın. gün gələcək recommendation letter üçün ağlayacaqsınız =D
5) bura məktəb deyil
necə ki, artıq 10, 11-ci sinifə keçəndə müəllimlərdənbir şey öyrənmək olmur, bir çox universitetimiz də, təəssüf ki, belədir. özünüz özünüzün müəllimi olmağı öyrənin. self study bu xarici universitetlərdə də belədir
6)sevgi
mən universitetə girəndə bir dostum demişdi "çalış nə edirsən et, sevgilin olmasın". mən isə onun məsləhətinə qulaq asmadım və sevgilim oldu. indi yalnızlıqdan sizə məsləhət yazsam belə, çox zor günlər idi. yəni belə məsləhətləri boş verin. çalışın hər tərəfli insan olasınız. ümumiyyətlə bizim cəmiyyətdə belə bir fikir formalaşıb ki, oxuyan çirkin olar, tək olar, nerd olar. inanın boş söhbətdi. yeri gələndə geyiminizə keçiminizə də fikir verin, yeri gələndə sevin, sevilin, imtahandan sonra gedin için, pes oynayın, qızlarla karaokeye gedin, dostluqlar qurun. nikimə aldanmayın, yeniyetməlik səhvidir -*
7) şəxsi inkişaf
dediyim kimi, çevrəniz olmasından, sevgidən, dostdan tanışdan qorxmayın. təbii ki, gedib saxta dostluqlar qurun demirəm. sadəcə, çəkinməyin. birtərəfli insan olmayın. oxuyun, baxın, öyrənin, gəlin sözlükdə yazın, mübahisələr, müzakirələr edin, inkişaf etdirin özünüzü.

əslində yazmaq istədiklərim daha çox idi, sadəcə yaddaşsızlıqdan bura qədər ancaq gətirə bildim. ağlıma gəldikdə editləyəcəm. bütün bunları oxuyub gözünüz qorxmasın, ümumiyyətlə, qorxmayın, özünüzə inanın, güvənin, adam bəzən öz potensialının fərqində olmur. uzağı alınmayacaq, canınız sağ olsun, amma siz yenə də nələrsə etməyə çalışın, öz üzərinizdə daima işləyin.

15 əjdaha! 04.10.2020 22:42, asosyal adam

#305624 şikayət

təkcə mənmi edirəm deyə düşünülən şeylər

+14 əjdaha

bəzi günlər yolda, avtobusda, internetdə, televizorda gördüyüm hamını daha öncədən görübmüşəm kimi olmaq. hamının tanış gəlməsi.

14 əjdaha! 07.02.2016 19:21, asosyal adam

#197317 şikayət

gənc verterin iztirabları

+12 əjdaha

--sitat--
xoşbəxt edə bilmədiyimiz insanların xoşbəxt olduqlarını görürük və buna dözə bilmirik.
--sitat--
(bax: die leiden des jungen werthers)

8 əjdaha! 17.01.2018 13:50, asosyal adam

#266527 şikayət

sol framedə görməyə ən çox nifrət edilən başlıqlar

+12 əjdaha

Filan şey edən qızlar, behman şey edən qızlar, qızlar elə, qızlar belə. Bezdik day seksizminizdən. Belə başlıqlara niyə icazə var anlamıram bləd. Əks reaksiya olaraq belə başlıqlardakı entrylərin hamsın umbaylayıram, amma nə fayda? Əjdahalar baş alır gedir baxırsan ki bu entrylərdə. Özümüzü sözlük əhli olaraq intellektual, fərdli, hətta bəzilərimiz yadlaşmış şəxslər adlandırıb cəmiyyəti bəyənmirik, amma hələ də öz daxilimizdəki mizagoniyadan, patriarxın zibillərindən qurtula bilmirik.
Sözlük hər kəs üçün safe zona olmalıdır, vse! istər lgbtqa fərdləri, istər qadınlar, istər istənilən azlıqlar. Bəsdirin sikdiz beynimizi. Sitatın sonu,
Təşəkkürlər.

10 əjdaha! 03.11.2022 20:16, asosyal adam

#362061 şikayət

sosial izolyasiya günlərində ediləcək şeylər

+10 əjdaha

hər şeydən öncə psixoloji sağlamlığınızın qeydinə qalmaqdır.
bu entryni yuxu rejimi pozulmuş və fiziki olaraq babat halsız olmağıma baxmayaraq yazmalı olduğumu düşündüm. bu listi ətrafımdakı insanları, yaxınları, tanışları müşahidə edib yazmışam. ümid edirəm kiməsə kömək edər (baxma: amin) * glş
hər yerdə listlər görürəm. öz dilimizdə, ingilis, türk, rus dillərində, sözlükdə, facebookda, bəzi sikimsonik və bəzi babat instagram bloglarında, telegramda. yəqin istifadə etmədiyim digər sosyal platformalarda da var. hansı tələlərə düşməmək lazımdı:
1) həddən artıq yüklənmə.
hamı saysız film/serial və kitab listləri paylaşır, kurslar krizi fürsətə çevirmək istəyir, bəzi mənbələr prosesə müsbət təsir göstərmək istəyir və çoxsaylı online kurslar, materiallar paylaşılır. bütün bunların hamısını həzm etməli deyilsiniz. bu vəziyyətdən faydala bilmək, yaxşı tərəfindən baxa bilmək üçün insanlara davamlı olaraq özlərini inkişaf etdirmək, dərs oxumaq, onu etmək, bunu etmək, nəsə yeni bir şey öyrənmək kimi məsləhətlər verilir. bunlar gözəl məsləhətlərdi. amma həssas insanlar, onsuz da ani dəyişikliklərdən təsirlənən insanlar, öncədən mental problemi olan insanlar və digər bənzər həssaslıqdakı şəxslər üçün əlavə təzyiq yaradır bu listlər və tövsiyələr. bunu oxuyan kimsə də elədisə, narahat olmasın. hamısını etməyinə ehtiyac yoxdu. sistemli, səbrli və təmkinli olmaq lazımdı. kömək lazım olsa mənə də yaza bilərsən. indi burda çox uzatmaq istəmirəm
2) fikizi olaraq passiv olmamağa çalışın. oyananda ilk iş yerinizi yığın ki, gün ərzində ora yenidən qayıtmağa tendensiya yaranmasın. evdən çölə çıxmamağı evdə ancaq uzanmaq üçün bəhanə olaraq istifadə etməyin. 100 push up etməli deyilsiniz, sadəcə adi isinmə hərəkətləri, ibtidai sinifdə etdiyimiz idmanlardan edin * glş , musiqi qoşub 4-5 dəqiqə rəqs edin, həvəsiniz vardısa elə əsl idman edin. amma davamlı olaraq hərəkətsiz qalmayın. uzunmüddətli fiziki passivlik zehni passivliyə gətirib çıxaracaq ən yaxşı halda. ən pis halda isə mənfi yönə irəliləyən psixoloji durum.
3) qətiyyən film listi hazırlayıb bütün günboyu filmlərə, seriallara baxmayın. bu haqda #293247 nömrəli entyrdə düzgün buyurub yazar dostumuz. key kimi olacaqsınız və baxdığınız boşa gedəcək. həm fikizi, həm də psixoloji olaraq zərərlidi.
4) sosyal medya istifadəsi ciddi dərəcədə artıb. bütün gün evdə olmağı bütün gün telefonda olmaq üçün bəhanəyə çevirməyin. bunu sosyal medyanın məshuldarlığı öldürdüyü, vaxtı ziyan etdiyi üçün demirəm. bu qədər davamlı informasiya axını psixologiyanıza mənfi təsir edəcək. günlər keçdikcə brain fog yaranacaq, key kimi hiss edəcəksiniz, pessimist düşüncələr artacaq və.s. vaxt limiti qoyun, app blockerlər yükləyin. normaldan artıq istifadə etsəniz də, həddindən artıq istifadə etməyin. necə istifadə etdiyinizə isə qarışmıram. panika və gərginlik yaradacaq yanlış informasiyalar paylaşmayın bəsdi. challangelara belə qoşula bilərsiniz * glş
5) hansı informasiya mənbələrinə inanmaq lazımdır, hansına yox - bu fərqi bilin. sözlükçü adamlarsız, siz bilərsiniz -* siz bilirsinizsə ətrafınızı da bilgiləndirin. informasiya kirliliyi yaratmayaq
6) davamlı olaraq tv qarşısında virusla bağlı xəbərlər izləməyin. həqiqətən bir faydası yoxdu. belə xəbərlərdən təsirlənib simptonları hiss etdiyini düşünən, yaxud sadəcə qorxu, ümidsizlik ya da panikaya qapılan yaxınlarım var. məlumatlı olmağa çalışın, amma tək məşğuliyyətiniz bu haqda davamlı informasiya qəbul etmək olmasın. unutmayın ki, medya nə qədər insanlara kömək etmək istəyirmiş kimi görünsə də, panikadan və xaosdan qidalanır.

7 əjdaha! 30.03.2020 06:36, asosyal adam

#293332 şikayət

23 noyabr 2021 əli məlikovun bullinqə məruz qalması haqda postu

+11 əjdaha

Sosyal şəbəkələrin (əsasən instagram və facebook) gündəmində müəyyən qədər özünə yer tutmağı bacarmış postdur.
Qısaca, 244 nömrəli tam orta məktəb şagirdi Əli Məlikova LGBTQi+ olduğu üçün göstərilən bullinq, təyziqlər, qısnama halları və probleminə qarşı rəhbərlik tərəfindən biganə yanaşılmasından danışılır postda.
Əli Məlikov Hadisə ilə bağlı azərbaycan respublikası Təhsil Nazirliyinə, Azərbaycan Respublikasının Ailə, Qadın və Uşaq Problemləri üzrə Dövlət Komitəsinə, Ombudsmana şikayət ərizəsi göndərdiyini deyir. Bundan əlavə olaraq, post artıq 2 gündür dəfələrlə paylaşılıb (sözaltı sözlük instagram səhifəsi də paylaşıb) və təhsil nazirliyi, polis, ombudsman və məktəblinin dostu səhifələri işarələnib.
Hadisə ilə bağlı tədbirlər görüb həll etmək əvəzinə, aidiyyatı qurumların bəziləri hələ də biganə yanaşır, bəziləri isə sistematik bullinqə və biganəliyə davam edir.

Sözlüyə bu başlığı açmaqda əsas məqsədlərimdən biri hadisənin ictimatiləşdirilməsinə bir qədər də təkan vermək və ölkə gündəmindəki önəmli bir məqamı burada da qeyd etməkdir.

11 əjdaha! 25.11.2021 01:51, asosyal adam

#340487 şikayət

maraqlı youtube kanalları

+10 əjdaha

(baxma: smalin) klassik musiqi ziyafəti
link link

9 əjdaha! 27.11.2015 17:06, asosyal adam

#188832 şikayət

öyrənildiyində təəccübləndirən məlumatlar

+11 əjdaha

qumarxanalar və əyləncə mərkəzlərinin hilələri. deməli birincisi səs-küy. insanı keyləşdirir. ikincisi aparatlardan gələn qazanma səsləri.hətta bəzən bu səsləri qazansan da qazanmasan da verən aparatlar var. bu da insana psixoloji təsir edib, qazanma hissi yaşadır. o da daha çox pul qoyub, daha çox qazanma istəyi. və heç birində pəncərə olmur. beləlikdə havanın nə vaxt qaralmasından xəbəriniz olmur deyə lap çox vaxt keçirirsiniz. belə yazandan sonra gördüm dəhşətli təəccüblənəsi bir şey yoxmuş, ama öyrənəndə babat təəccüblənmişdim -*

11 əjdaha! 28.08.2016 05:11, asosyal adam

#226736 şikayət

tərs sual işarəsi

+12 əjdaha

ispan dilində işlədilən işarədir. sual cümləsinin əvvəlində tərs (¿), sonunda isə düz (?) sual işarəsi işlədilir

12 əjdaha! 20.08.2015 18:49, asosyal adam

#178592 şikayət

sözaltı günlük

+8 əjdaha

--- günlüyümdən copy paste ---

27 aprel, 2020. imtahana hazırlaşmalıyam. saat 21:49. elə qəribə hiss edirəm ki. 2 mart 2020dən bəri evdəyik, təxminən 2 aydı. coronavirus, ev karantini, maskalar, əlcəklər. həyat tərzim çox da dəyişmədi. əksinə, nə qədər yalnız olduğumu dərk etdim biraz.
nəysə. saat 8 radələri idi. x-lə yazışır, bir tərəfdən də kurs işininin son halını səliqəyə salırdım. pəncərə açıq idi. içəri daxil olan hava adamı üşüdürdü, amma soyuq deyildi. apreldə nə qədər soyuq ola bilər ki onsuz. pərdələr çəkilməmişdi, pəncərənin qabağında idi. amma yenə də axşamın o iç sıxan göy rəngə büründüyünü hiss edirdim. get gedə tündləşən səmanın rəngi. əvvəl açıq göy olur, sonra daha da tündləşir. içəri daxil olan havadan hiss etmək olurdu bunu. elə pis hiss edirdim ki. “elə pis hiss etdim ki birdən” demirəm ha. pis hiss edirdim. sanki bugünkü o iç qaraldan hava sadəcə mənim hislərimlə ahəng yaratsın deyə yaranmışdı. hava nəyinsə səbəbi deyildi, nəticəsiydi sanki. təbii ki, önəmsiz varlığım və hava şəraiti arasında xüsusi bir qanunauyğunluq ya da səbəb-nəticə əlaqəsi yox idi. hadisələr sadəcə baş verir, ya da baş vermirdi. insanlarsa nələrsə düşünür, hiss edirdi. paralel, eyni vaxtda, amma bir-birinə toxunmadan.
dediyim kimi, pis hiss edirdim. uzun müddətdi. bunları yazarkən düşündüm nə qədər müddət olduğunu. elə bilirdim ki, 2-3 gündü. 2-3 ilmiş sən demə. çünki, bu hiss tanış hisdi. pis hiss etmək yox ha. hər hissin çoxlu çaları var. məhz bu xüsusi çalar. 2-3 ildən də çoxdu bəlkə də. pis hiss etsəm də, o qədər rahat idim ki. narahatlığa səbəb olan bir pislik deyildi. narahat etmirdi, amma yenə də xoş deyildi. hətta bir qədər doğma hiss etdirirdi. o adamın ən sevdiyi koftası olur ha, yağış yağanda geyinirsən. həm yumuşaq, həm isti, həm də rahatdı. ama yağış yağır, par-palçıq götürüb hər yeri. var ümumiyyətlə belə söz? “par-palçıq” yəni. hər nə isə. elə hiss idi. sırf bundan bildim bu hissin köhnə hiss olduğunu. tanış və yaxın idi çünki.
yuxarıda təxmini bir neçə ilə bərabər olan rəqəmlərlə ifadə etdiyim, amma əslində nə vaxt başladığını bilmədiyim, xatırlamadığım bir hisdi bu hiss. olur e, çox yaxşı etdiyin nəsə var. kimsə maraqlanır soruşur görsün nə vaxt, harda, kimdən öyrənmisən. sonra sən də cavab vermək üçün ilk dəfə bu haqda düşünürsən. amma çaşbaş qalırsan. nə vaxt və necə öyrənildiyi bilinməyən, yəqin ki, yaddaşdan silinən, amma özünü biləndən bəri bacardığın hansısa bir şey. edəndə xüsusi nəsə düşünmədiyin, su kimimi deyim, yağ kimimi, bax eləcə etdiyin nəysə bir şey. sən demə o “şey”lərə “müəyyən bir şəkildə hiss etmək” də daxil imiş. * to feel in a certain way
dediyim kimi, bu hissin nə zaman başladığını heç vaxt bilməmişəm. nə vaxt gəldi? ya ümumiyyətlə hardansa gəldimi? ya elə həmişə orda idi və sadəcə kəşf olundu? bilmirəm. amma heç önəmi də yoxdu yəqin bu sualların cavabının. ümid edirəm ki, yoxdu.
sanki mən özümdən ayrılıram, heç yerə getmədən, sadəcə yanımda duraraq varlığımı görür və sezirəm. ordayam, həmişə etdiyim şeyləri edirəm, nəfəs alıb insan olmağın gətirdiyi vərdişləri, hərəkətləri icra edirəm. amma eyni anda bütün bunları edən şüurdan azad başqa bir şüur da mövcud olur orda. və bu hissi o şüurun dilindən gələn düşüncələr formalaşdırır. şüurun dili – nə qəribə ifadə oldu belə. nəysə, özüm-özümdən çəkinir, utanır və sanki özümə qarşı günah işləmiş kimi hiss edirəm. çaşbaş qalmış, kədərli, yaralı, bəzən isə sadəcə pis olaraq adlandıra biləcəyimiz insanların özünü incitmələri illər boyu baş vermiş adi bir haldı. düzü sonuncu kateqoriyaya aid olanlar çox vaxt başqalarını incitməyə üstünlük verirlər. nəysə, mövzudan uzaqlaşmayaq. bunun fərqinə varan və özünə qarşı az da olsa mərhəməti olan bu kəslər özlərinə qarşı günahkar da hiss edirlər hərdən. amma mənim hiss etdiyim bundan çox uzaq bir hisdi. mənim hiss etdiyim insanın özünə qarşı yönəlmiş bir duyğu deyil. başqasına pislik etmiş yaxşı bir insanın keçirdiyi günahkarlıq hissidi. demişdim axı, iki ayrı şüur eyni anda mövcud olur. bax o işləri daha da maraqlılaşdırır, bu hissi adi bir günahkarlıq hissi olmaqdan uzağa aparır.
yazdıqca düşünür, düşündükcə görürəm ki, bu hiss mənim fərqində olmadığım vaxtlarda belə mövcud olub və hərəkətlərimə nə qədər təsir edibmiş. sən demə, iç sıxan havalar olmayanda da, günəş çıxanda da orda imiş.
özüm öz yanımda durur (təbii ki, sözün həqiqi mənasında yox) və günahkar hiss edirəm. elə bir günahkarlıq ki... necə izah edim? bir uşaq... ya da yox, içində hələ də uşaq saflığı qalmış bir böyük digər bir böyüyün nəyinəsə zərər yetirir. və qarşı tərəf də bunu bilir, amma pis və ya yaxşı heç nə etmir, belə bir şey yoxmuş kimi davranır. uşaq saflığı qalmış bu böyük də qarşı tərəfin bunun fərqində olduğunu bildiyi üçün (onun) günahkarlığına mənasız bir çəkingənlik və ağırlıq də əlavə olunur ha. bax elə. qarşı tərəfin susması altında əzilirsən ha. ondan. həə, əslində bu qədər uzadılmasına ehtiyac olmadan da izah edilə bilən bir hisdi. uzatdım, çünki içimdən uzun uzadı danışmaq, təsvir etmək gəldi. özüm üçün maraqlı idi. uzun sözün qısası, şüurum məni çox incidir. yaxşı, bir qədər şişirtdim. çox yox, sadəcə incidir. şüurum məni incidir... bir insanın özünün özündən çəkinməsi və utanması, özünə etdiyi günah qarşısında özünün əzilməsi, buna susduğu üçün də bu əzici hissin ağırlığı altında qalması gülüncdü bəlkə də. amma heç xoş deyil. heç yaxşı hiss deyil. iç sıxan tünd göy səma kimidi elə. qaranlıq, çirkin daxili küçələri var e bakının. ya da hər hansı bir şəhərin. o küçələrdən birinə çəkilmiş, amma işıqlandırmağa gücü çatmayan çirkin sarı işıq kimi hisdi e. niyə buna bənzədirəm bilmirəm. çünki belə havalarda elə küçələrdə gəzəndə də özümü pis hiss edirəm. bəlkə də oxşatmaq istəyərkən pis hissləri qarışdırdım. eybiyoxdur. nə önəmi var ki guya? ahahah sanki hislərin izahlı lüğətini yazıram. lazımından artıq ciddiyə aldım yəqin ki yenə.
dediyim kimi, bu hislə o qədər birləşmişəm ki. təəssüf ki. illər boyu bu hissin nə demək istədiyini başa düşmürdüm. 4-5 cümlə əvvəl etdiyim uğursuz bənzətməyə qayıdası olsaq, bu hissin aydınlatmağa çalışdığı küçədə nələr var bilmirdim. bir dəfə niyəsini başa düşdüm. instagramda vaxt öldürürdüm. həmin an necə hiss edirdim yadımda deyil. heç belə baxanda mövzuya o qədər əhəmiyyət də qatmayacaqdı yadımda olsa da. nəysə. “ laurance anyways” filmindən paylaşılan bir sitatı oxuyanda o dediyim küçədən ön işıqları yanan maşın keçmiş qədər oldu. maşının ağ işıqları sayəsində hər yer göründü də konkret. deyirdi ki:
“ - özümdən iyrənirəm. 35 ildir mən belə yaşayıram. bu cinayətdir. mən əclafam. çünki, bu insanın həyatını oğurlamışam.
- hansı insanın?
- olmalı olduğum insanın!”

5 əjdaha! 18.01.2022 04:55, asosyal adam

#343625 şikayət

sözaltı günlük

+10 əjdaha

Yazmaq üçün darıxmışam.
Birinci qərarsız qaldım "sözaltı etiraf"a yazım yoxsa bu başlığa. Sonra dedim "ala onsuz da gizlətmirdim ki, nə etiraf axı?". Bura yazdım. Yazdım çünki yazmaqçün darıxdım. daha doğrusu darıxmışam. Nə də yazım bilmirəm. Klassik dəftər qələm olanda boş-boş şeylər yazsan belə adama bir ilham gəlir, poetik atmosfera yaranır, elə bilirsən böyük bi pox yazırsan. Yazmırsan ha əslində. Sadəcə elə bilirsən də. Guya sən kafka zadsan. "2 avqust. Almanya müharibə elan etdi. Günorta dənizdə çimməyə getdim." Nəysə. Başqa şeylər yazacaqdım, nələr yazdım gör.
illər əvvəl bir entry yazmışdım yalnızlığın ən çox anlaşıldığı anlar başlığına. Arada sırada gəlib başlıqlara baxıb gedirəm. Hərdən 1-2 bildiriş görürəm. Yenə kimsə oxuyub əjdahalayıb. Sonra deyirəm "ala indi niyə yazmıram bəs mən?"
Özümü pis hiss edirəm hərdən o bildirişdən gələndə. Vaxtilə qan eləmiş, sevilmiş, sonra hər şeydən əlini ayağını üzmüş az məşhur köhnə məşhurlar kimi hiss edirəm. Amma tək tük sevənim var da hələ də. Ya da musiqiçisən. Daha doğrusu, deyilsən, amma olmaq istəyirsən. Eyni zamanda başqa istəmədiyin bir peşən də var. Nəysə də özünçün gitar çalırsan, drum öyrənirsən, beat zad tutursan youtubeda albomunu qoyursan. Sonra həyatın götlüyü tutur, ya da sən elə özün ən böyük göt olursan və başın buraxırsan drum-ın da, qitarın da. Gedirsən işə, gəlirsən evə. işdə maillərə baxırsan 3 il sonra, görürsən heyranlıq dolu bir youtube comment. Kiminsə bikar vaxtına düşüb kəşf edib sənin şahəsərini. Sən də sevinəmmirsən, amma bilmirsən də nəyə söyəsən. Hə bax elə hiss edirəm. istəmədən mövcus vəziyyətimdən daha dramatik bir situasiya təsvir etdim səhvən. Uzun sözün qısası, ancaq 1 kitabı yaxşı olan və ancaq o 1 kitabına görə məşhur olan adamlar kimi hiss elədim.
Yazmaqçün darıxmışam deyirəm, amma yazmıram. Yazmaq ancaq pis olanda yadıma düşər çünki. indi o qədər də pis deyiləm. Həə, bir də tək olanda. Belə də olanda pis hiss edirəm. Pul əlinə keçən kimi yaxşı dostları unudan şərəfsizlər kimi. Mən də beləyəm, nə edək? Yaxşı günü görəndə bərk-bərk tutmaq, dibinə qədər yaşamaq, qalan hər şeyi unutmaq, bir qırağa atmaq istəyirəm. Yaxşı günün ömrü qısa olur axı. Həm də yaxşı günün sayı da az olur. Bilirsən ki, nəsə dəyişən deyil, bu günlər keçəndə vaxt gələcək sən yenə yazassan, amma o an üçün edirsən də "satqınlıq". Əşi soxalar ədəbiyyata da, dərdə də, kədərə də. Carpe diem blət!
Satqınlıq pis şeydi, ancaq arada bir baxmaq lazımdı nəyi nəyə satırsan. Hərdən yaxşı alış-verişlər də olur çünki.
Əşi nəysə, yazmaq üçün darıxmışdım

6 əjdaha! 25.09.2019 02:08, asosyal adam

#290271 şikayət

grunge

+8 əjdaha

deməli bu geyim tərzi grunge yaşam tərzinə sahib insanlar tərəfindən yaradılmış, ayrı dünyaların insanları tərəfindən də, eyni zamanda tərəfimdən də sevilmişdir.
yaşam tərzində olduğu kimi geyim tərzində də rahatlıq ön plandadır. biraz hipster stilinə bənzəsə də fərqli şeylərdi.
deməli grunge üslubunun olmazsa olmazları:
1)kletkalı köynəklər
bir grunge üçün köynək belə bağlanmasa heç bir önəm əhəmiyyət kəsb etmir.belə bağlanması o qədər önəmlidir. digər istifadə qaydası isə əsasən rahat bir t-shirt üstünə düymələri açıq şəkildə geyinilir.
2)çirkli converse (isti havalarda)
3)əsasən tünd rəngli botinkalar (soyuq havalar üçün)
4)gen,rahat cins şalvarlar
5)yenə soyuq havalar üçün yun, oversize jaketlər.
6)yağlı yaxud bir qədər baxımsız saç.
7)grunge geyinirsinizsə deməli bu qrupları da sevirsiniz(?).ona görə də nirvana,rolling stones kimi qruplatın t-shirtləri də bu siyahıya daxildir.
8) çiyin çantası da lazım ola bilər.
hələki ağlıma bunlar gəldi.
amaki hər daim sloqanımız
(baxma: grunge olunmaz grunge doğulur )
təbii ki, saçlarınızı yumayıb, ayaqqabınızı çirklədib grunge olmursunuz. saçın çirkli,ayaqqabının cırıq olması bu insanlar üçün problem deyil.köhnə şalvarları yamayıb geymək, cırıq şalvarlar,cırıq ayaqqabılar da grunge tərzinin bir hissəsidir.köhnə ata şalvarı filan.

8 əjdaha! 24.07.2015 03:37, asosyal adam

#175732 şikayət

mükəmməl sözlər

+9 əjdaha

* tərcümə etməyə çalışdım, amma olmadı e. orjinalını yapışdırım mən bura. gözəlliyi pozulmasın.

bu dünya soğuk.
rüzgâr genelde ters yöne eser.
limon ağaçları kurur.
bahaneler hep hazır.
güzel günler çabuk geçer.
cahit zarifoğlu
* mən yenə tərcüməsin də yazım * bu dünya soyuq.
külək adətən əks istiqamətdə əsər.
limon ağacları quruyar.
bəhanələr həmişə hazır
gözəl günlər tez keçər. * nə pis oldu

8 əjdaha! 31.10.2015 22:54, asosyal adam

#185510 şikayət

uşaqlıq dövründəki tanrı təsəvvürü

+7 əjdaha

deməli nənəm deyirdi allah hər yerdədi, hamını görür. mən də zehnimdə allahı uzatdıqca uzadırdım, eninə uzununa böyüdürdüm ki, hər yerə yayılsın görsün hər yeri. buludların üstündə, bulud materialından. elə bilirdim buludlar onun paltosunun ətəyidi. o oturub palto yayılıb. saç saqqal da ağ appaq. ala ama nə qədər edirdim bütün göyə yayammırdım. sora dünya yumrudu bu necə ər yerə yayılır axı fikirləşirdim. * glş sonra gördüm olmur, yayılmır hər yerə lap yuxarı qaldırdım. sonra dedim dinine de imanına da. * glş glş glş dedim olmur da olmur. vapşe kim yarattı e bunu? yoxdu belə şey. * içmisən, çəkmisən? ayda, hələ nənəm öyrətmişdi ki, dua edim. mən də anam atam bacım nənəm 4lüsünə dua etmək istəyirdim. bunlara dua edirdim. sonra da nənəm məcbur bütün qohumlar, evsizlər, küçədə qalanlar deyə siyahını uzatdırırdı. mən də yuxum gələ-gələ bunlara dua edirdim zorla. nənəm yanımda olmayanda da vicdan əzabı çəkirdim deyə təzdən duama bu sonrakı kateqoriyaları da əlavə edib yuxumun içinə edirdim * glş
hər şeyi keçdim mən o vaxt uşaq vaxtı tualetdə rahat otura bilmirdim ala. indi bu allah qocadı axı, hərşeyi də görür. ayıbdı məni görməsin zad. * wtf yarattığın allah fiquru belanı versin nənə. uşaqlığımın içinə etdin * glş

6 əjdaha! 31.07.2015 22:31, asosyal adam

#176721 şikayət

hamının bilməsi lazım olan pratik şeylər

+6 əjdaha

soyuducudakı qidaların iyi qarışıb bir birinə? onda kiçik bir qaba karbonat (soda) qoyub yerləşdirirsiniz soyuducuya. vəssəlam.
(baxma: soyuducudakı pis qoxulara əlvida)

6 əjdaha! 09.07.2015 20:33, asosyal adam

#174458 şikayət

qaraqan

+7 əjdaha

ikinci addımda "yaşıdlarım pornoya baxanda mən harun yahya kitabları oxuyurdum" cümləsini yazan adam. bilmədim ciddidi ya yox. * taşak mı geçiyon bizle sen, qaraqan? harun yahya da yəni? bildiyimiz harun yahya? * hass

7 əjdaha! 22.08.2015 23:49, asosyal adam

#178819 şikayət

9-cu mərtəbədən pomidorun qiymətini soruşan xala

+6 əjdaha

(baxma: alternativ sözlük nickləri)

6 əjdaha! 01.08.2016 20:38, asosyal adam

#223444 şikayət

fəlsəfə

+7 əjdaha

fəlsəfənin ilk mövzusu indiki halından fərqli olaraq insan yox "dünya nədən yaranıb?" olmuşdur. fəlsəfə bu sualla başlayıb. ondan əvvəl mifologiya mövcud olmuşdur. bu suala müxtəlif filosoflar müxtəlif cavablar verib. kaybedenler kulübündəki məşhur "herşeyin başı su, felsefenin de." replikasına səbəb də bu cavablardan biridir. filosoflardan biri deyib hər şey sudan yaranıb. sonra digərləri hava, torpaq kimi cavablar verib. bəziləri hava+su, torpaq+hava kimi cavablar verib, bəziləri hər 4 elementdən deyib. daha sonra isə fəlsəfənin maraqları genişlənib ailə, dövlət, ölüm, insan, onun daxili aləmi və başqa mövzularla maraqlanmağa başlayıb. fəlsəfə ilə elm arasında kəskin bir fərq var. fəlsəfədə doğru yoxdur. ancaq müxtəlif fikirlər mövcuddur. elmin isə müəyyən doğruları var. elm həqiqəti axtarır, tapır və qəbul edir. fəlsəfə isə qəbul etmir, şübhə duyur və daima sorğulayır, sorğulamağa dəvət edir. lakin buna baxmayaraq keçmişdəki filosoflar haqqında oxuduqda görürük ki, bir çoxu riyaziyyat, fizika, astronomiya, tibb kimi dəqiq elmlərlə maraqlanıb və bu sahələrə böyük töhvələr veriblər. ümumiyyətlə mövzudan kənar o vaxt insanlar bir əldə 5 qarpız tuta biliblər. indi insan özünə belə vaxt ayıra bilməzkən o dövrdə filosoflar fəlsəfədən başqa 2-3 ayrı sahə ilə də yaxşıca maraqlanıblar. xronoloji olaraq filosofların həyatını oxuduqda illər keçdikcə bu sahələrin azaldığı görürük. nəysə, hərşeyin başı su -*

7 əjdaha! 06.08.2015 01:33, asosyal adam

#177232 şikayət

qızla danışarkən mövzu açmaq

+59 əjdaha

qızın maraq dairələrin öyrənin. gerisini özü gətirəcək onsuz da -* * kaptınız tüyoyu * qız oğlan fərqi yoxdu istənilən insanla söhbəti uzatmaq üçün onun maraqlandığı şeylər haqqında danışmaq olar.

not: qızın özündən öyrənməyin. nə bilim facebookundan, instagramından, dostlarından öyrənin. xəbəriniz yox imiş kimi davranın. guya bilmirdim dəə sevirsən zad. nəysə ala. biraz da özünüz fikirləşin. sizin əvəzinizə mən mi "tutum" qızı

not 2: başlıq üstümə qaldı, mən açmamışam. qızla söhbət uzatmaq üzrə master zad deyiləm yəni -*

59 əjdaha! 09.08.2015 15:17, asosyal adam

#177587 şikayət

sözaltı sözlük üçün tövsiyələr

+5 əjdaha

belə qonşu uşağını nümunə göstərmək kimi olmasın ama ekşide filan fikir verirəm hər cür başlıq və ona uyğun enrty var.düzdü o 16 ildi fəaliyyət göstərir ama bura təzədi. eyni ola bilməz. sadəcə hərə entry-lərdə bax,gbax verdiyi başlıqları açsa, bir cümlə belə yazsa yaxşı olar. sol frame-ə düşər. başqası da gəlib o haqda ayrı bir bilgi yazar.sözlükdəki informasiyaların sayı artar, böyüyər.
hər dəfə gəlirəm bura yazam.sonra deyirəm 4.cü nəsiləm ala mən. nə tövsiyə.bugün mədəni cəsarətimi toplayıb yazdım. baxmıyın da, entry sayı zad. ya da (baxın ala: ağıl ağıldan üstündür )

5 əjdaha! 26.07.2015 00:26, asosyal adam

#175907 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

asosyal adam

son bəyənilənlər:

oxuyucuların bəyəndikləri: