Maria

39 0 0 0

12. nəsil yazar

Entry: 39

blok başlıqlarını gizlət

vigilant ədalət

sözaltı fotoqrafiya

rənglərin reallığı

səsini dünyaya çatdırmaq

keçən ay yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı günlük

+13 əjdaha

Ölümün var olduğu, sonsuzluğun isə olmadığı bir dünyada heçnəyi ciddiyə almağa dəyməz, çünki belə olanda artıq biz bu yuxudan ayılanda ətrafımızda sadəcə olaraq möhtəşəm peşmanlıqların və özümüzün təmtək qaldığını görərik...

Həyatımda istisnasız həmişə məsuliyyətdən qaçmağa çalışmışam, ətrafımda mənə çox dəyər verən insanları görəndə onları özümdən uzaqlaşdırmağa çalışıram, çünki bu dəyər hissinin mənə inanılmaz bir məsuliyyət yüklədiyini düşünmüşəm həmişə, o verilən dəyərin altında qalaraq boğulmaqdan qorxmuşam və hələ də it kimi qorxuram,hər nə qədər bu dəyər qarşılıqsızdır deyilsə də elə deyil ,verilən dəyərin qarşısında əzilmeyin,niye belə biri olmağını sorğulamaq həyatımda inanılmaz əzabverici duyğu hisslərimdən biridir.Bacara bilməməkdən qorxuram, ki, onsuzda bacarmıram insanlar mənə görə hər hansı bir gözləntiyə girəndə sanki onları da özümle birlikdə bir bataqlıqda qarışıq duyğularla,heç bir tarazlığını tapa bilmeyen hisslərimlə boğacam.Istəyirəm ki, ətrafımdaki heç bir insanın məndən heç bir gözləntisi olmasın duyğu baxımından vəfa, dəyər, sevgi kimi.
Ele ki, insanların mənə qarşı bir dəyər formalaşdırdığını görürəm onda ordan arxama belə baxmadan qaçaraq uzaqlaşmaq istəyirəm,ele bu anda da özümlə möhtəşəm peşmanlıqlar aparıram, bəs o insanı çox istəmirəmmi?! It kimi də çox istəyirəm (ki, həyatımda dəyər verə bilmədiyim və çox istəmədiyim insanları heç vaxt saxlamıram)amma nə fərqi.
Necə deyərlər niye belə biri, yəni insanların lüğətində "pis" bir insan olduğumu soruşanda isə,mən sevməyi və dəyər verməyi bacarmadığımı deyirəm,ruhumda sevgi hissim çoxdur hər şeyə qarşı ən əsası da həyata qarşı amma mən bunu göstərmək məcburiyyətində qalmaq istəmirəm,özümdən çıxardığım dərsə görə deyə bilərəm ki,insanlar demədən və göstərmədən də birilərini çox sevə və dəyər verə bilər, çünki həyatda belə insanlar var, necə ki, mənim kimi. Sadəcə qəlblərində sevirlər heç bir şərt,heç bir gözlənti olmadan.

Niye belə olduğumu sorğulamadığım tek bir gün yoxdur,bəlkə də özüm özümə həmişə bəs etməyə çalışıram ki,yaşamaq daha rahat olsun, əks halda qurmağa çalışdığım hər bir insani münasibətdə özümdən nə qədər taviz verərək mənəvi bir çöküşün və məhv oluşun içində çabaladığıma şahid olacam...
Bu arada məncə həyatda hər zaman yaşamaq üçün bir səbəb vardır, yəni siz bilməsəniz də sizi qəlbində həqiqətən çox sevən amma bunu nə göstərməyi, nə də ki, deməyi bacara bilməyən insanlar ola bilər.
Cümlələrim də özüm kimi qarışıq və anlaşılmazdır.

11 əjdaha! 21.04.2024 01:52, Maria

#384093 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

yazarları düşündürən suallar

+10 əjdaha

Görəsən,kim deyib ki,bu həyatı bir xarakterli, hamının bildiyi tək kimlikli biri kimi başa vurmalısan? Məncə bir çoxunun içində həmişə ortaya çıxarmağa çəkindiyi başqa kimliyi də var ( hansıki həmişə bunu da olmaq istədiyi, amma risk edə bilmədiyi) məncə bunu da hamının tanıdığı kimliyimizdən əlavə başqa bir insan olaraq yaşaya bilərik günün digər vaxtlarında.

9 əjdaha! 07.12.2023 01:56, Maria

#380864 şikayət

rənglərin reallığı

+16 əjdaha

Öncəliklə bunu bildirim ki, bu proses çox dərin və geniş bir mövzudur, və internetdə elmi dildə bu haqda istənilən qədər elmi araşdırmalar və məqaləler var amma mən bu prosesi tam sadə dillə izzah etməyə çalışacam.kvant fizikasına görə cisimlər əslində rəngsizdir və bizim onları gördüyümüz rəng tonları sadə dillə onların bizə yansıtdığı işıq dalğalarının əks etdiridiyi rənglər ilə əlaqəlidir.
Gələk izzaha: bildiyimiz kimi Hər bir cismin özünəməxsus atomik quruluşu və kimyəvi tərkibi var. Buna görə də, işıq dalğası bu cisimlərə çatdıqda,bu cisimlər öz quruluşlarına uyğun olaraq işığın bəzi dalğa uzunluqlarını udur və bəzilərini geri əks etdirirlər. Obyektlər işıq spektrində əks olunan dalğa uzunluğunun rəngində görünür. Məsələn, sadə dillə misal çəkim; banan orta dalğa uzunluğu 570 nanometr olan işığı udmur və onu geriyə əks etdirir.Bu dalğa uzunluğu spektrdə sarı rəngə aid olduğu üçün biz bananı kənardan sarı kimi görürük və fizikada hər bir dalğa uzunluğunun özünə uyğun rəng spektri var buna görə də buna uyğun olaraq cisimlər hansı dalğa uzunluğu aralığına aiddirsə o rəngi bizə yansıdırlar.

Daha dərinə gedək, niyə bananlar işığı 500 nanometr yox, 570 nanometr dalğa uzunluğu ilə əks etdirir? Və ya niye bütün cisimlər rəngsizdirse biz onları eyni görmürük? Bunun cavabı, əvvəl qeyd etdiyim kimi , bananın quruluşundakı atomlar, molekullar və banana xas olan kimyəvi maddələrdir(hansı ki, bütün cisimlərin ferqli quruluşu və kimyəvi tərkibi olduğu üçün onlarin hamısı ferqli rənglərdə və daha dəqiq desək müxtəlif enerji səviyyələrində olurlar). Atomdan atoma və molekuldan molekula dəyişən bu enerji səviyyəsinə uyğun gəlməyən və bu səbəbdən udulmayan və geri əks olunmayan dalğa uzunluğu obyektə öz rəngini verir.
Sonra isə belə bir sual ortaya çıxa bilər bəs necə rənglərin çoxlu tonları var bunun səbəbi isə əsas spektrdə ana rəng tonu 7 dənə olsa belə sən onun tonlarını görə bilərsən ( belə düşünün ki, məsələn sarı rəng aralığı 600-700 nm dalğa uzunluğuna aiddirsə hər hansı cisim 680 nm dalğa uzunluğunda olanda biz onu artıq sarının hər hansı bir tonunda görmüş olacayıq). şəkildə görə bilərsiniz tonları;
https://i.imgur.com/cfSFxQx.png

Gəlin birazda bəzi cisimlərlə gözümüzü müqayisə edək. Burada gördüyüm qədərilə bir çox insanın fotoaparata marağı var bunu elə müqayisə etsek: Beynimizdə əmələ gələn rəngli təsvirlər sensora düşən işığın dalğa uzunluğuna əsaslanır.yəni, bir növü zehni kodlaşdırmadan ibarətdir. Kameralarla bağlı vəziyyət də bizdə olduğu kimidir. Sensorun üzərinə düşən işığın dalğa uzunluğu kodlaşdırılır və ekranda əks olunur. Müxtəlif marka və modellərin hər bir sensoru bu dalğa uzunluqlarını aşkar etmək qabiliyyətindən asılı olaraq sensora düşən dalğa uzunluğunu fərqli şəkildə kodlayır(sensoru görə necə ki, fotoların effekti fərqli olursa buda ele bu hadisə ilə bağlıdır bir növü). Eyni zamanda, hər bir ekran öz imkanlarından asılı olaraq bu kodlaşdırılmış dalğa uzunluğunu fərqli şəkildə əks etdirir. Telefonunuzun ekranı qırılanda və ekranı düzəltdirdikdən sonra çox zaman rənglərin dəyişdiyini görürük. Bununla belə, sensorunuz dəyişməyib, hələ də eyni kodlaşdırma edir? Kameralar və ekranlar kimi beyin də sensordan, yəni gözdən gələn kodları kimyəvi siqnala çevirir və bu kimyəvi maddələr sayəsində zehnimizdə rəngli görüntü əmələ gəlir. Hər insanın sensor keyfiyyəti, yəni gözləri və hər bir insanın ekran keyfiyyəti, yəni ağlı fərqli olduğu üçün bu rəngli görüntülər də bir-birindən fərqlidir. Məsələn: uzağı zəif görən insanlarda (bir növü gözün optikasında sensoru zəifləyir kimi düşünsək) cisimləri tam seçə bilmədiyi kimi rəngləri də solğun və ala-toranlıq seçir (sensoru zəif kameralarda görüntünün aşağı keyfiyyətdə olmağı kimi).
Son olaraq isə rənglər mövcud deyil demək doğru deyil sadəcə nəsnələr və cisimlər rəngsizdir və işıq sayəsində onları fərqli rənglərdə görə bilirik. yaxşıki bu işıq yansıması mövcuddur, yoxsa onsuzda maraqsız olan dünya rəngsiz daha soyuq və mənasız olardı. Rəngli günlər diləyirəm hərkəsə..

10 əjdaha! 03.12.2023 22:28, Maria

#380772 şikayət

pion

+9 əjdaha

Pion çiçəyi (ing: peony; trk: şakayık) özünəməxsus gözəlliyi və çəkiciliyi ilə seçilən özəl çiçəklərdəndir.Pion o qədər zərif və çəkici bir gözəlliyi varki ona baxmağa insan doya bilmir, qoxusu isə öz növbəsində insana sehrli hisslər bağışlayır.maraqlısı odur ki, hər rəngin özünəməxsus fərqli xoş qoxusu var, ürək nota qoxusu eyni olsa belə, qoxular fərqli duyulur hər rəngində.bir çox ətirlərin ürək notasında geniş istifadə olunur.çiçəyin görünüşü ilkin mərhələdə introvert qızılgülü xatırladır.Bir müddət sonra rəngarəng yarpaqlar çölə açılaraq, yoldan keçənlərə xoş bir qoxu yayır.
Pion çiçəyi hər bağçaya uyğunlaşır və evdə ona qulluq etmək çox asandır.ideal temperatur və suvarma təmin edildikdə, evlərə rəng və gözəl qoxu qatır.
Peony çiçəkləri bir çox rəngdə böyüyür, ən çox yayılmışı çəhrayıdır.bundan başqa. Ağ, qırmızı, sarı və çəhrayınin bir çox tonlarında olur.
Soğanaqlı bir çiçək olan pion öz soğanağından böyüməyə başlayır.
Çəhrayı, sarı, ağ kimi rəngləri olan çiçəkləri budaqlardan qat-qat yüksəlir.Pion çiçəyi mərhəməti simvollaşdırır. Görkəmli və zərif pion çiçəyinin botanika adının Paeonia olduğunu haradan aldığı haqqında çoxlu müxtəlif hekayələr var. Bu hekayələrin ən məşhuru yunan mifologiyasına əsaslanır. Bir-biri ilə amansız mübarizə aparan məşhur mifologiya tanrıları Herakl və Plutonun da yer aldığı bu hekayənin çiçəyə adını verdiyi düşünülür. Paeon adlı biri döyüşlərin birində yaralanan Plutonu sağaltmaq üçün pion kökündən istifadə edir. Öz tələbəsinin tibbi uğuruna qısqanan Təbib Asklepius Paeonu öldürür. Hekayənin sonunda Zevs Paeonu tapır və onu pion çiçəyi olan Paeonia-ya çevirir ki, ömürlük yaşasın.
Pion çiçəyinin mənasını daşıyan başqa bir mifoloji hekayədə Apollon Paeonia adlı pəriyə aşiq olur. Bunu öyrəndikdən sonra qısqanclıqdan hirslənən Afrodita Paeoniyanı çiçəyə çevirir və beləliklə pion çiçəyi meydana çıxır.(bunlar sadəcə olaraq əfsanələrdir maraqlanan insanlar üçün təbiki hərkəs qəbul etmək məcburiyyətində deyil,Amma bunu da etiraf edim ki, həyatımız hekayələr olmadan sıxıcı və xəyal edə bilməyəcək qədər maraqsız olardı məncə.,)
Bitkinin sağ qalması üçün pionun suvarma qaydası vacibdir. Yaz aylarında lazım olduqca suvarılmalıdır. Nəmli torpağı sevdiyi üçün kökləri sərin qalmalıdır. Pion çiçəyi müəyyən qədər soyuğa dözə bilsə də, soyuğunu çox sevən bir növ deyil. Yayın əvvəlində açan bitkinin çiçəkləri yaza qədər sərin mühitlərdə saxlandıqda daha canlı çiçəkləyə bilir.necə də zərif bir bitkidir ilahi..
Pion çiçəkləri yaza qədər soyuğu sevir və istəyir, amma çiçək açdıqdan sonra eyni soyuğa dözə bilmir və yarpaqlarını tökürlər.
günəşi sevir və günəş işığına ehtiyacı olan bir bitkidir. Bununla belə, birbaşa günəşə məruz qalmamalı və xüsusilə günəş şaquli olduqda birbaşa təmasda olmamalıdır.
Bu heyrətamiz çiçəyin tarixi eramızdan 1000 il əvvələ gedib çıxır. Bu o deməkdir ki, pion çiçəyi təxminən üç min il əvvəl yetişdirilib.ilk dəfə Çinin möhtəşəm bağlarında peyda olan bu zərif çiçək bu gün güclü çiçək istehsalçısı olan Yaponiyaya 8-ci əsrdə gəlib çıxmışdır. Çiçəyin ağrıkəsici xüsusiyyəti o dövrdə çox məşhur olmasının

səbəblərindən biridir. 1800-cü illərdə pion çiçəyi Avropa ölkələrinə çatmışdır və göz oxşayan gözəlliyi ilə çox məşhur olması qaçınılmaz idi. Həmin tarixdən etibarən çiçək bütün Avropa və Şimali Amerikanın bağlarında sərgilənməyə başladı.iri, lələk kimi yumşaq və ətirli çiçəkləri ilə geniş rəng diapazonuna malik olan pion bütün dünyada ən məşhur çiçək növlərindən biridir. Hətta min yarpaqlı çiçəkdə adlandırılar bəzi mənbələrdə. Ümumiyətlə uzaq asiyada çox geniş yayılmış çiçək olduğundan, məndə bu çiçəyi ilk dəfə uzaq şərqi tarixi Asiya filmlərinin birində rastlaşmışdım və bu filmdə eşqi və üzrü təmsil edirdi hədiyə edildiyi insana qarşı ,bu çox diqqətimi çəkmişdi, sonra araşdırdıqca bu çiçəyə birazda aşiq olmağa səbəblər, mənalar tapdım.
Pion çiçəyi bütün dünyada bir çox fərqli məna və simvollara malikdir. Bəlkə də çiçəyi bu qədər məşhur və cəzbedici qılan şeylərdən biri də budur.pion çiçəyinin bəzi mənaları...
Pion çiçəyi əfsanəyə görə meşə pərisi Paeonia hekayəsinə görə utancaqlığı və utanc hissini simvollaşdırır.
Eyni hekayəyə görə, Viktoriya dövründə bir pion çiçəyinin qoparılması və ya kökündən çıxarılmasının bədbəxtlik gətirdiyinə inanılırdı.
Pion çiçəyi Çində çiçəklərin kralı hesab olunur. Zənginlik və bolluğu təmsil etdiyi üçün Çin Yeni ili qeyd etmələri zamanı da geniş şəkildə seçilir.
Bu zərif çiçək Yaponiyada cəsarət, qürur və uğurlar simvoludur.
Bütün dünyada pion çiçəyi firavanlıq, uğur, şans və ən əsası eşqi təmsil edir.
Pion Çiçəklərinin Rənglərinə Görə necə ki qoxuları fərqlidir bunların mənaları da fərqlidir.
Bütün çiçəklərdə olduğu kimi, pion çiçəyi də müxtəlif rənglərdə fərqli mənalar ifadə edə bilər.
Ağ pion: Ağ pion çiçəyi utancaqlıq hissi və üzr rəmzidir. Bu səbəbdən ağ pion çiçəkləri üzrxahlıq hədiyyəsi üçün ən mənalı hədiyyədir məncə .
Çəhrayı pion: Çəhrayı pion çiçəyi firavanlıq və uğuru təmsil edir.
Qırmızı pion: Digər çiçəklərdə olduğu kimi pion çiçəyində də qırmızı eşqin və ehtirasın rəngidir.

Pion çiçəklərinin dipçək formasında həmçinin soğanaqlarını Bakıda əksər çiçək mağazalarında tapmaq mümkündür.Bu çiçəklər çox incə, cəzbedici çiçəklərdəndir mənə görə, qoxusu isə sizi başqa bir dünyaya səyahət etdirəcək qədər heyrətamizdir.

9 əjdaha! 26.11.2023 02:19, Maria

#380561 şikayət

yazarların pulqabılarında gəzdirdiyi qəribə şeylər

+11 əjdaha

Həmişə pulqabımda yazda yerdən topladığım bəzi kiçik çiçəklərin ləçəkləri (saplağı kiçik olanları bütöv halda) olur,əslində dəhşət bir qoxusu da olmur amma niyəsə xoşum gəlir, sanki çiçəklər quruyanda ömrü daha uzun olurmuş kimi hiss edirəm, eynilə kitab aralarında da o gülləri qurudub saxlamağı sevirəm.pulqabımda olan çiçəklər isə tam bir il qalır və gələn yaz yenidən təzələyirəm.

sifarişi verən: ares

9 əjdaha! 09.11.2023 20:19, Maria

#380160 şikayət

səsini dünyaya çatdırmaq

+20 əjdaha

Sözlükdə təzəlikcə yuxarı menyuda olan xalça şəkilləri mənə uzun müddət əvvəl rastlaşdığım bir məlumatı xatırlatdı və burda da qeyd etmək istədim.
Əfqanıstan yaxın Şərq sivilizasiya ilə yanaşı xalçaların da beşiyi hesab olunur. Əfqan xalçaları əsrlər boyu əl istehsalı xalçaların mühüm tərkib hissəsi olub. Hətta o qədər ki, şöhrəti bütün dünyaya yayılmışdır, Əfqan Xalçaları tünd tonların üstünlük təşkil etdiyi, toxunma mədəniyyətinin özünəməxsus model və üslubuna malik xalçalardır. Orijinal və zəngin rənglərdən, nəbati naxışlardan və tək kənar motivlərdən istifadə edən dizaynlar mövzu olaraq yer cənnətini təmsil edən Fars bağlarını seçmələri ilə məşhurdur.
Bu gün gəlir mənbəyi kimi də mühüm yer tutan xalçalar ümumiyyətlə yun, pambıq və ipəkdən toxunur. Hətta toxuculuq ölkənin ən mühüm gəlir mənbələrindən biridir.
Indi gələk əsas maraqlı məlumata,Müharibənin səngimədiyi, zorakılığın, qarşıdurmanın davam etdiyi bu torpaqlarda toxunan xalçalarda bu psixologiyanın əksini görmək mümkündür. Əfqan qadın və uşaqlarının toxunduğu müharibənin izlərini daşıyan xalçalardakı silahlar, partlayış fiqurları, vertolyotlar, döyüş tankları kimi detallar bu coğrafiyanın illərdir yaşadığı reallığı ortaya qoyur.Bir növü müharibəni, haqsızlığı bütün dünyaya çatdırmaq idi niyyət, çünki bu çarəsiz insanlar bilirki,bu xalçalar xaricə ixrac olunur və bu isə dünyaya bu haqsızlığı çatdırmağın yaxşı yolu ola bilərdi.əslində bir növü böyük bir çarəsizlikdir əlinizdən bir şey gəlmir sadəcə şahid olduğunuz o dəhşəti ən yaxşı etdiyiniz şey ilə (toxumaqla) səsinizi dünyaya çatdırmaq istəyirsiniz.
Scotsdale Müasir incəsənət Muzeyində keçirilən Əfqan Müharibəsi Xalçaları Sərgisindəki xalçalar onları görənləri bir az düşündürür və sorğulamağa imkan verir. Bu xalçalarda xüsusilə yaxın tarixdən bəri Əfqanıstan torpaqlarında baş verən işğallar, dəyişən və ya müsadirə olunan idarələr, bitməyən müharibələr əks olunub. Bu xalçaların bəzilərini bura yükləyirəm baxmaq istəyənlər üçün.
https://i.imgur.com/HjA3Zx3.jpg

https://i.imgur.com/ZeJ8bDr.jpg

https://i.imgur.com/hETe5pH.jpg

14 əjdaha! 08.11.2023 23:55, Maria

#380134 şikayət

sözaltı fotoqrafiya

+8 əjdaha

Qaranlıqda itən izlər..

8 əjdaha! 04.11.2023 21:26, Maria

#380047 şikayət

sözaltı günlük

+10 əjdaha

Qeyri müəyyənliklər içindəyəm,davamlı olaraq kim olduğumu kəşf etməkdəyəm, bəzən özümü qətiyyən mənə aid olmayan bir həyatda yaşayıram kimimə gəlir amma bir şey edə bilmirəm,sanki onsuzda özümü tapmayacam kimisindən,daima durmadan duyğularımda, fikirlərimdə dəyişim yaşayıram.ətrafimdakı insanlar sanki daim meni bəzi şeylərə gecikmiş kimi hiss etdirirlər bu məni məhv edir halbuki nəyə gecikdiyimi də bilmirəm. Onlara görə düzənli həyatın, işin, münasibətlərin,sabit gəlirin olmalıdır mütləq, amma istədiyim həyat bu deyil ən azından mən özümü heç hara hiss etmirəm hazırda.davamlı olaraq insanların sənə sual verməyi ,indi nə düşünürsən həyatın barədə, işlədə, niyə vaxt itirirsən,bu imtahanı vaxtında versə idin indi gecikmezdin və 's kimi məsləhətlər uje beynimi deşir və bunu mənlə maraqlandıqları üçün yox onların zənnindən onlar bu kimi şeylərə nail olduqlarını üstü bağlı gözüme soxmağa çalışırlar sanki. Ruhum bədənimə sığışmır, bəzən ətrafda heç nə mənə yetmir, hərşeyi arxamda qoyub özümlə baş başa qalmaq istəyirəm ətrafımda heç kim olmadan.Heç kim onsuzda məni başa düşməyəcək, kiməsə əslində nə olmaq istəyirəm,hara aidəm bilmirəm deyəndə mənə gülürlər. bu axtarış mənim həyatıma şəxsi münasibətlərime də birbaşa təsir edir,tez bezirəm insanlardan,yoruluram buna görə onları qırıram davamlı olaraq heç kimə tab gətirə bilmirəm uzun müddət,pis və ya vəfasız insanam orası heç amma ən azından bir şeylər hiss edəcəyim məni dəhşətli xoşbəxt edə biləcək özümü tapa biləcəyimə az da olsa inancım var sadəcə.bəli,heçnə olmasa da var olan təkcə az da olsa qalan inancımdır...

9 əjdaha! 03.11.2023 21:03, Maria

#380012 şikayət

insanı sevindirən şeylər

+5 əjdaha

Həqiqətən gülümsəmə və xoşbəxtlik keçicidir deyirdilər inanmazdım.Xoşbəxtlik deyənde ümumi demirem, onsuz da xoşbəxtlik deyə bir şey yoxdur, insanın həyatında xoşbəxt anılar olur sadəcə olaraq.Deməli,bugün kafedə oturmuşdum kompüterle iş görürdüm, yenə necə deyərlər stresli ve yorğun günlərdən biri idi, birdən bir xanım mənə yaxınlaşıb yavaşca qulağıma(səs-küy çox olduğundan eşitməyim üçün qulağıma yaxınlaşdı)"çox gözəlsiniz, özəlliklə saçlarınız" qəribə şəkildə üzümdə gülümsəmə ortaya çıxdı və bundan inanılmaz dərəcədə həzz ve xoşbəxt hiss etdim ne yalan deyim ki, günüm bir anda gözəlləşdi ,kim olursa olsun tərif eşitdiyi zaman istəmədən də ondan utancaqlıq qarışıq bir xoşbəxtlik hiss edir,mende də bele bir şey oldu təxminən.Sonra mən bu hiss ilə biraz sonra kafedən çıxıb gedəndə, kimisə men de xoşbext hiss etdirmək istədim,keçiddən keçdiyim zaman bir xanım orda oturub bir şeyler satırdı sadəcə tərslikdən üstümde nəğd pul olmadığından kefim pozuldu amma sonra səhər xanımın mene dediklərini həmin xanıma yaxınlaşıb dedim və dehşet xoşbext olduğunu gördüm (bir an özümlə qürur duydum sanki dünyanı qurtarmışam kimisindən)) mənə çox sağol gözəl qızım dedi,sonra isə dua etdi halbuki mən heç bir şey etməmişdim onun üçün amma onun duasını ve üzündəki gülümsəmeni görə bilmişdim adi bir cümlə ilə.. günümüzü gözəlləşdiren insanlara eşq olsun.belə belə işlər..

5 əjdaha! 02.11.2023 21:41, Maria

#379993 şikayət

parfüm notları

+12 əjdaha

Parfümlərdə olan sehrli hissi ortaya çıxarmaq üçün bir-biri ilə uzlaşan notlardan istifadə olunur. Hər notun bir məqsədi var və hər not fərqli bir hiss yaradır. Sadə dillə desək,efir yağlarının( ətirlərin əsasını təşkil edən birləşmələrdir) parfümde istifadə olunma yerləridir. parfümlər 3 əsas notdan ibarətdir: üst not, orta (ürək) not və alt not.
Ətir seçdiyimiz zaman ilk qoxladığımız zaman ilk şey ətirin üst notudur. Bu Notada daha çox uçucu efir yağlarına (limon, berqamont, qreyfurt, portağal, naringi, yaşıl alma, nanə, lavanda, kokos, şaftalı, sitrus meyvələr və zəncəfil) üstünlük verilir. Parfümeriya haqqında ilk təəssüratımız bu notun qoxularıdır əslində.
Qısa müddət sonra Ürək notu dediyimiz bir təbəqə özünü büruzə verir. Üst notlar uçduqca daha çox nəzərə çarpan notlardır.Bunlara yasəmən, qızılgül, bənövşə, tuberoz, pion, darçın, mixək, portağal çiçəyi və bəzi meyvə ətirləri daxildir.ona görə də həmişə parfüm aldığımız zaman onu sıxdığımız zamandan sonra bir müddət daha gözləməyimiz və ürək notunu duyduqdan sonra qərar verməyimiz tövsiyə olunur. Parfümün xarakterini və ətirini təşkil edən əsas maddələr əsl bu təbəqədədir. Boşu boşuna bu hissəyə ürək not deyilmir.
Nəhayət, Alt not eşidilir. Bu, ətiri vurduğumuzdan bir müddət sonra hiss olunur. Bu təbəqə davamlılıq meyarlarını yeni sadə dillə qalıcılığını müəyyənləşdirir və aromatik yağların nisbətləri bu təbəqənin içərisindədir. Ətirin sabitliyini təmin edir. Bunlara daha çox qalıcılığı mümkün etmək üçün tünd yağlardan istifadə olunur: səndəl ağacı, vanil, müşk, kəhrəba, şokolad, qəhvə, paçuli, vetiver və's ağac kimi ətirlər daxildir.məsələn Yaz aylarında daha çiçəkli, sitrus və meyvəli qoxulardan istifadə olunur bu notda (vanil, Paçuli) qışda isə daha ədviyyatlı və odunlu yağlara üstünlük verilir.
Hər zaman demişəm həmişə də deyəcəm qoxular sehrlidir.bir qoxu sizin beyninizdə bir insanı tamam başqa bir yerə qoya bilər.bu arada hərkəsin öz bədən qoxusu fərqli olduğu üçün eyni bir parfüm 5 fərqli insanda da fərqli duyulacaq. Qoxu hafizəsi xatirələri ən canlı anımsada bilən vasitədir bu sehr isə çox dərin bir fəlsəfədir.

9 əjdaha! 31.10.2023 21:57, Maria

#379942 şikayət

sözaltı fotoqrafiya

+8 əjdaha

6 əjdaha! 19.02.2024 22:58, Maria

#382749 şikayət

astrolab

+4 əjdaha

Çox maraqlı bir alətdir. Belə ki,sadə formada bu, istifadəçiyə astronomik mövqeləri dəqiq hesablamağa imkan verib.Özəlliklə də, yarandığı eraya görə çox istifadəyə yararlı alət olub.Tarixən astronomlar tərəfindən daha çox istifadə edilib, gündüz və ya gecə göy cismlərinin ölçülərini,(üfüqi və şaquli) ölçməyə imkan yaradaraq, ulduzların və ya planetlərin yerli vaxtla verilən enliliyini müəyyən edərək tədqiqat işlərinə öz töhfəsini vermişdir.Astrolabanın əhəmiyyəti təkcə astronomiyanın öyrənilməsindəki tədqiqatlara deyil , həm də quruda və ya sakit dənizlərdə enliyi təyin etmək üçün də əhəmiyyətli olmuşdur. Buna görə də bir çox dənizçinin astrolabı olmuşdur.Hətta 10-cu əsrdə yaşamış bir astronom, astrolabın müxtəlif funksiyaları üçün təxminən 1000 tətbiqin olduğunu qeyd etmişdir. Bunlara astroloji, astronomik,dini, mövsümi və gündəlik vaxt və su axını cədvəllərinin təyini və s. kimi bir çox funksiya aid idi. Astrolabın dini funksiyası ilə əlaqədar olaraq, islamda namazın gündəlik dəqiq vaxtları,qibləni, məkkə istiqamətini təmin etmək üçün də istifadə edirmişlər. Çox təəccüblüdür ki,eramızdan əvvəl yarandığını nəzərə alaraq düşünsək, insana çox maraqlı gəlir çünki bu, alət o, dövr üçün həm də bir növü naviqator rolunu da oynayıb.

3 əjdaha! 30.07.2023 22:53, Maria

#376601 şikayət

insanı həyatdan soyudan dialoqlar

+11 əjdaha

hardan gəlirsən belə?
- psixoloq seansından
aa,noldu, nə dedi?
- "vital depressiya" diaqnozu qoydu
o nə deməkdi ki,indi?
- heçnə elmi dildə "sikdirmisən" deyir

10 əjdaha! 25.09.2023 18:06, Maria

#378912 şikayət

hind fəlsəfəsi

+9 əjdaha

Bir səhifədə bu başlıq altında "hind fəlsəfəsinin 4 əsas qaydası" haqqında bir şeylər oxudum. Mənə çox təsir etdi, çox qəribə hiss etdirdi istəyirem burda da tərcümə edib paylaşım.

Qayda 1:
"Qarşılaşdığınız insanlar kim olursa olsun, onlar doğru insanlardır. Bu o deməkdir ki, həyatımıza heç kim təsadüfən daxil olmur. Qarşımıza çıxan , ətrafımızda olan hər kəsin mütləq bir səbəbi vardır,onlar ya bizi bir yerə apararlar, ya da bizə bir şey öyrədərler.

Qayda 2:
"Yaşanmış olan hər nə isə, sadəcə yaşanacaq olandır. Heç bir şey, həm də heç bir şey yaşadıqlarımızı dəyişdirə bilməz. Həyatımızdakı ən kiçik detalı belə dəyişdirə bilmərik. "Əgər belə etsəydim, belə olardı"kimi bir cümlə yoxdur. Xeyr, nə olursa olsun, baş verməli olan şey baş verə biləcək bir şeydir ki, dərsi götürüb və Davam edə bilək. Hər nə qədər zehnimiz və egomuz bunu qəbul etmək istəməsə də, həyatımızda qarşılaşdığımız hər hadisə mükəmməldir.”

Qayda 3:
"içinizdə başlanğıc götürən hər an doğru andır. Hər şey doğru anda başlayır, nə erkən, nə də gec. Həyatımızda yeni bir şeyin baş verməsinə hazırıqsa, o da başlamağa hazırdır.”

Qayda 4:
"Bitmiş olan bir şey bitmişdir. Bu qədər bəsitdir. Həyatımızda bir şey bitərsə, inkişafımıza xidmət edir. Buna görə də, onu buraxmaq, sərbəst buraxmaq, getməsinə izin vermək və bu təcrübə ilə irəliyə baxmaq daha yaxşıdır.”
Rabindranath Tagore

7 əjdaha! 22.01.2024 20:09, Maria

#382079 şikayət

sikdirmişlik sindromu

+6 əjdaha

Hər şey maraqsızlaşıbsa, mənasını itiribsə əvvəllər dəhşətli həzz aldığımız duyğular artıq adi bir şeymiş kimi gəlirsə onda həqiqətən sikdirmişik.. Ne birini tanımağa həvəsin var,ne gəzməyə, nə yeni biri ilə münasibətə girməyə hamı səni sıxır... Qısacası sikdirib məhəbbət

4 əjdaha! 09.07.2023 23:17, Maria

#374988 şikayət

cəmiyyətdən iyrənmə səbəbləri

+11 əjdaha

O cəmiyyət ki,ele bir şərait yaradıb ki, ətrafımda hamıdan iyrənməyə başlayıram. Səbəb isə cəmiyyətin bizi bəzi şeylərə məcbur buraxması bilərək və ya bilməyərək.niyə axı cəmiyyətə uyğun və bu cəmiyyətin bizə qoyduğu və ya soxuşdurmağa çalışdığı anlayışlara tabe olaraq yaşamalıyıq ki?! O cəmiyyətə görə ki, hər insan doğulur, məktəbə gedir, universitet oxumalıdır mütləq (sonra camaatın uşağı allahın bir unisinə belə qəbul olmadı deməsinlər deyə), sonra adəti üzrə bu ölkədə həyatda qalması üçün məcbur olaraq fərqi yoxdur necəsə poxdan bir iş tapıb (hansı ki heç sevmədiyi, istəmədiyi) işləməlidir çünki, buna məcburdur həyatda qalmalıdır,sonra isə mütləq ki, evlilik yaşı çatır və tez bir zamanda evləndirilir(hansı ki,biraz gecikən kimi adına söz çıxardan cəmiyyətdə) və yenə bu poxdan cəmiyyətə adda yararlı olması üçün uşaq dünyaya gətirmək məcburiyyətində qalıb ( hansı ki, dünyada həyat bəxş edə biləcəyimiz minlərlə sahibsiz uşaq varkən) o saat azı 2-3 uşaq dünyaya gətirməlidir ki,cəmiyyətimizin ağzı yumulsun hansı ki,heç o uşaqlar necə inkişaf edəcək,o uşaqlara düzgün həyat verə bilərəmmi? hissəsini hesaba qatmadan, axına doğru üzən bir cəmiyyətdə yaşamağa çalışmaq canımı çox sıxır, məni tiksindirir,bezdirir. Artıq sikdiri çəkmək istəyirəm hamıya. Bir şey ki, bu cəmiyyət heç vaxt öz həyatlarına adaptasiya olmurlar, hamı standart hərkəs kimi olmaq istəyir və istisnasız hamının arxasınca danışmalıdır (kim kimlə yatdı durdu,kim harda işləyir,kim nə qədər maaş alır, o qız tərbiyəsizdir,bu oğlan petuxdur, sən müharibəyə qarşısansa onda xalq düşmənisən) müzakirə etməliyik və içimizi qaraltmalıyıq mütləq.
həyat bu qədər maraqsız və sadə olmamalıdır axı,əgər bu həyata bir dəfə gəliriksə kim nə deyər düşüncəsi və çoxalma instinktləri ilə yaşayan cəmiyyətdə axına doğru üzərək yaşamağa çalışmağımız böyük haqsızlıq olar.mən şəxsən bu insanların,bu cəmiyyətin bizə soxuşdurduğu məcburiyyətlər və qaydalar ilə yaşamaq istəmirəm, bu qədər sadə və mənasız həyat böyük bir əzabdır insan üçün.

10 əjdaha! 23.09.2023 00:43, Maria

#378843 şikayət

ölüm

+9 əjdaha

Onun öldüyünü qəbul etmək istəmirdim,bəlkə də tək insanlardan idi ki, kefim olmayanda çəkinmədən yığıb danışacağım insanlardan idi, sadə bir izzahla onu çox sevirdim və ondan ötrü çox darıxıram. Mənə çox qəribə gəlirdi,bir qan bağımız yox idi,amma məni ən yaxınları qədər çox istəyirdi, bu həyatda onun var olduğu üçün özümü çox şanslı və xoşbəxt hiss edirdim.məni ailəmdən başqa qarşılıqsız sevən yeganə insanlardan idi...kaş ölməsəydin...həyat o qədər fani gəlir ki, artıq, özəlliklə ölümün hüznünü hiss etdikdən sonra.kaş o, ölmədən onunla danışma şansım olsaydı,mənə hər şeydə inanan biri idi və məni qətiyyən sorğulamazdı,bu dəyəri onun gözündə necə yaratmışdım özüm də bilmirdim. Mənə həyatımda hər zaman xoşbəxt olmağımı deyirdi. Həyatın ən vacib nöqtəsi sağlamlıq və xoşbəxtlik idi,onun üçün onları da həmişə mənim üçün arzulayardı.Zaman məni daha da vəfasızlaşdırdı və mən əvvəlki qədər onunla danışa bilmirdim buna çox peşmanam, illər keçib amma hələ də məzarını ziyarət etməyə cəsarətim çatmayıb.Mənim üçün bir insanı sevmək üçün qan bağına ehtiyac olmadığını göstərən canlı nümunə idi. Onun sayəsində yaxınlarımdan başqa birini necə sevə bildiyimi,nə dərəcə dəyər verdiyimi görmüş oldum.

8 əjdaha! 18.09.2023 21:58, Maria

#378672 şikayət

universitetin ən kostyumlu tgt üzvləri

+6 əjdaha

Ciddi mənada heç bir poxa yaramayan dəstədir, təbii yaltaqlıq və artistliyi aid etmirəm,bunları çox gözəl bacarırlar. Insanın öz fikirləri olmalıdır e hansı ki,kim nə deyirsə desin, azad düşüncələrin, inandığın və müdafiə edə biləcəyin mövqelərin yoxdursa o, şəxs hələ böyüməyib.Bu insanların isə öz fikirləri olmur heç bir halda həmdə, sadəcə onlara deyilən və göstərilən hər zibili gözü bağlı qəbul edib, müdafiə edə bilirlər.Belə də ki,hamısı (thik,tgt ) tələbə təşkilatıdır amma tələbələrden başqa hamının işinə yarayırlar (özəlliklə də zamdekan,dekan, vəzifəli müəllimlər) ümid edirəm yığışar bu temalar nə vaxtsa unilerden.

6 əjdaha! 07.09.2023 01:03, Maria

#378369 şikayət

Notice: Trying to access array offset on value of type null in /var/www/soz6/sonhefte.php on line 66

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

azadlıq

+9 əjdaha

Balacalıqda həmişə pəncərədən quşlara baxıb onlar kimi uçmağı istəyirdim,bunu hər uşaq arzulayırdı yəqin ki, mənim nəzərimdən isə çox hür və azad görünürdülər necə deyərlər sanki heç kim onlara toxunamazmış kimi, istədikləri yerə istədikləri yoldan rahatca uçub gedə bilərdilər.

Oshonun Freedom(azadlıq) əsərini oxuyanda belə bir cümlə ağlımda qalmışdı "uçmaq qorxusu" adlı hissəsində : azadlıq bıçaq üstündə yerimək kimidir; hər an təhlükədə, öz yolunda savaşaraq, hər an bilinməzliyə bir meydan oxumaqdır. Bəzən çox istidir və bəzən də çox soyuqdur.azadlıq möhtəşəm bir məsuliyət deməkdir əslində.
sən təksən ve özünləsən.
Azadlıq dərin bir məsələdir hərkəs dildə istəyir, amma nə demək olduğunu tam dərk ede bilmirlər mence, çünki hər insan ətrafındakı gücün, zənginliyin, saygınlığını və's. bunların hamısı bizim məhkum olduğumuz və özümüzün seçdiyi qəfəslerdir. Ruhun isə həmişə azad,hür olmaq istəyir, bədənindən fərqli olaraq.
Bir küçə reportajında xoşbəxtlik nədir deyə soruşurdular, adamın biri "azadlığın içində boğulmaq istəyirəm" demişdi,mənə çox təsir etmişdi, çünki azadlığın içində hər zaman bir xoşbəxtlik vardır. Əsas odur ki, bütün mənliyimiz də ruhumuzun istədiyi kimi azad ola bilsin.

8 əjdaha! 17.08.2023 20:17, Maria

#377737 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

Maria

son bəyənilənlər:

oxuyucuların bəyəndikləri: