Pedaqoq

98 0 0 0

10. nəsil yazar

Entry: 98

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı etiraf

+45 əjdaha

Sözlükdə bilgi verməyən entrylər yazmamağa çalışıram. Amma bu entryni yazmaq istəyirəm. Mənim evim ruhi xəstəxananın ( el dilində dəlixana) yanında yerləşir. bir qonşum ruhi klinikadır, digər qonşum isə köhnə bir qəbirsanlıq. Bura köçdüyüm gündən heç ağlımın ucundan belə keçməyib ki, qəbirsanlıqdan qorxum. Tanışlarım hər dəfə qorxamadan necə yaşayırsan orda sualı qarşısında çaşıram. Etiraf edim ki, mən Ölülərdən qorxmuram. Mən dirilərdən qorxuram. Çünki dirilərdən hər cür pislik görmüşəm həyatda. Amma ölü biri mənə heç nə etməyib. Nə isə sözüm bu deyildi. Demək mənim sağ qonşum olan ruhi dispanserdəki xəstələr hər gecə saat 1-i keçən kimi qışqırmağa başlayırlar. Orada tam olaraq nə baş verir bilmirəm. Amma onların bu yolla öz narazılıqlarını bildirdiklərindən və səslərini bizə çatdırmaq istədiklərindən əminəm. Bu qışqırıqlar çox vahiməli olur və təxminən bir saat davam edir. Etiraf edirəm ki, səslər kəsildikdən sonra içimdən oraya getmək keçir. Ümumən ruhi xəstəxanada ruhi xəstə kimi yaşamaq istəyirəm. Əcəb istəkdir. Bir dəfə həmin xəstələrdən biri xəstəxanadan qaçıb mənim qarajımda gizlənmişdi. Həkimlər və polislər qapı-qapı gəzib xəstəni axtarlrdılar. Mənim həqiqətən xəbərim yox idi məsələdən. Bir az da həkimlərlə aramızda dava oldu. Amma xəstə mənim həyətimdən tapıldı deyə yaman pərt olmuşdum. Amma məsələ bu deyildi. Xəstəni tapdıqdan sonra işçilər elə döydülər ki, mən ömrüm boyu belə aqressiya, belə nifrət görməmişdim. Nə qədər qışqırsam, müdaxilə etsəm də xəstəni ala bilmədim onlardan. O xəstə oğlan da ağlımdan heç çıxmır. Daim onu düşünürəm. Düşünürəm ki, o oğlan bu dünyanın ən günahsız günahkarıdır. Pox olsun belə həyata.

35 əjdaha! 20.09.2021 01:29, Pedaqoq

#336847 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözaltı etiraf

+31 əjdaha

Hansından başlayım, hansında bitirim bilmirəm. 7- ildir hər ilin yanvar ayının ilk həftəsi yaşadığım ən çətin hadisəni xatırlayıram. Universiteti bitirdiyim il bir internatda işə girmişdim. Mənim məşğul olduğum sinfin 80%-i əqli qüsurlu uşaqlar idi. Çox qəribə idi ki, bircə uşaqdan başqa heç birinin normal ailəsi yox idi. Ya ana tərk edib, ya ata tərk edib, ya sırf uşaq xəstə olduğu üçün boşanıblar yəni o uşaqlar onsuzda həyata geridən başladıqları halda ağılsız valideynləri də onları bir pillə geri atmışdılar. Bəziləri uşaqları məktəbə qoyub heç maraqlanmazdılar ki, uşaq necədir. Təkcə bayram tətillərində gəlib aparırdılar. Və tətil bitən kimi yenidən gətirirdilər və yenə eynilə bir zəng belə etmirdilər. Ən çətin günlər məhz o tətildən sonrakı günlər olurdu. Çünki uşaqlar çox aqressivləşirdilər, həssaslaşırdılar. Evlərindən gəldikləri üçün adaptasiya olmaqları uzun zaman alırdı. Sinifdə bir oğlan vardı. Autizm idi. Özünü idarə edirdi, hər şeyi anlayırdı, danışa bilirdi. Sadəcə fərqli idi. Həmin uşağın ana atası ayrılmışdılar. Və anası nə normal qadın,nə də normal ana deyildi. Uşaq anasını çox sevirdi. Günlərlə ağlayırdı ki, bir dəfə telefonda səsini eşitsin. Və biz dəflərlə anaya zəng etdirdik lakin cavab vermirdi. Tətillərdə də çox zaman uşağı götürməzdi. Yeni il tətili başlayırdı və qadını zorla başa saldıq ki, bu uşaq ana istəyir gəl götür. Qadın gəlib apardı uşağı. Tətil bitdikdə uşaqları qarşılayırdıq. Həmin oğlanı da gətirmişdi anası. Biz uşaqları təhvil verəndə və təhvil alanda geyimsiz şəkillərini çəkirdik ki, uşaqlara şiddət böhtanı ilə qarşılaşmayaq. Və elə bir situasiya ilə qarşılaşdım ki, bir neçə saniyəlik beynim dondu. Nə edim,nə deyim bilmədim. Sadəcə çox böyük bir kədər oturdu ürəyimdə. Anası uşağın bir qulağını kəsmişdi. Bir insan bunu 12yaşlı bir uşağa edə bilərdi yəni? Hətta öz bətnində böyüdüb dünyaya gətirdiyi uşağına edə bilərmi? Bəlkə də qadın psiloxogiyası belə bir aqressiyaya qadirdir? Qadının psixoloji vəziyyəti pis idi bu aydındır. Güman ki, affekt vəziyyətində olub, ya da əsəblərini kontrol edə bilməyib. Anlamadığım tək şey o idi ki, axı nə səbəb ola bilərdi bunu etməyə? insan yeganə canlıdır ki, öz balasına şiddət göstərir. Nə isə, sözlük. Bu hadisəni yenə xatırladım kədər hissi ilə doldum. Kaş bütün uşaqları xilas etmək, onlara gözəl və sevgi dolu həyat vermək mümkün olardı. Tək qoruya bildiyimiz öz uşaqlarımızdır. Yəqin ki, bunu uşağı olan insanlar da oxuyacaqlar. Xahiş edirəm onları qoruyun, sevin, xoşbəxt böyümələrinə şərait yaradın. Uşaqlığınızı yaşamağınıza icazə verməyən ana,atalarınız kimi olmayın. Siz travmalı böyümüsüzsə, icazə verməyin uşaqlarınız da sizin kimi böyüsünlər. Onlara nə psixoloji, nə də fiziki zərər verməyin.

25 əjdaha! 03.01.2024 05:08, Pedaqoq

#381638 şikayət

uşaqlarda yalan danışmaq

+24 əjdaha

3 yaşa qədər uşaqlar yalan danışmırlar. Çünki dşüncələri vizual təsirli olur. Yəni onlar gördüklərinə uyğun davranırlar. Bir əşyanı gördükdə həmin əşya ilə maraqlanar, köhnə əşyanı unudarlar. Bu yaş dövründə uşaqlar elə bilirlər ki, gördükləri əşyanın bir əlaməti var. Məsələn süpürgə elə süpürgədir. 3 yaşa qədər uşaqlar yalan danışmağa qadir deyillər. Əgər bu yaş dövründə olan uşağınız nə isə deyirsə, onun yalan danışdığını düşünməyin. Həmin hadisəni araşdırın.
Uşaqlar 3 -3,5 yaşdan etibarən yalan danışmağa başlayırlar. Çünki düşüncələri yeni bir mərhələyə keçir. Bu yaşdan başlayaraq uşaqlar obrazlı düşünməyə başlayırlar. Bu zaman gördükləri əşyaları bir deyil bir neçə əlaməti olduğunu deyirlər. Məsələn süpürgə həm süpürgədir,həm də atdır. Bu zaman uşağa yalan danışırsan demək olmaz. icazə verməlisiz ki, uşaq xəyal etsin.

5-6yaşdan başlayaraq düşünülmüşformada məişət yalanları başlayır. Bu zaman uşağı düzgün istiqamətləndirmək çox vacibdir. Yalan danışan uşağa aqressiya göstərmək, fiziki və ya psixi şiddət etmək qətiyyən olmaz. Əksinə valideyn uşağı bu mövzuda sıxmamalı və hər zaman onun yanında olduğunu hiss etdirməlidir. Böyüklər unutmamalıdır ki, yalan uşağın özünü müdafiə üsuludur. Uşaq böyükdən qorxur və bu səbəbdən də yalan danışmağa əl atır.

19 əjdaha! 16.09.2021 00:06, Pedaqoq

#336509 şikayət

mükəmməliyyətçilik

+18 əjdaha

Mükəmməliyyətçilik duyğusunun yaranma səbəbi uşaqkən sevginin valideynlər tərəfindən şərtlə bağlı artıb-azalmasıdır. Yəni davranışları səbəbilə gah sevilən, gah aqressiya görən, gah da mənəvi olaraq tərk edilən uşaq, özünün sadəcə o olduğu üçün sevilməyə layiq olmadığını, davranışlarına görə sevildiyini anlayır. Şərtlə bağlı sevilən uşaq artıq ehtiyac duyduğu sevgini, qayğını insanlardan almaq üçün öz istəklərini bir kənara atıb başqalarını məmnun etməyə çalışacaq. Hər dəfə daha çox sevgi almaq və aid olma duyğusunu tətmin etmək üçün insanlardan daha çox aslı hala gələcək və bunun üçün daha çox çalışmalı olduğunu düşünəcək. Beləliklə xarici faktorlardan aslı hala gələn uşaq daha çox sevilmək, təsdiqlənmək və tənqidlərdən qaçmaq üçün özünü daha mükəmməl olmağa məcbur hiss edəcək.
Digər bir məqam isə valideynlərin özlərinin mükəmməliyyətçi xarakterə malik olmalarıdır. Məlumdur ki, valideyn uşağın aynasıdır. Uşaq o aynada nə görürsə onu alıb, qəbul edib həyatına davam edir.
Bəs əgər uşaq artıq mükəmməliyyətçidirsə nə edilməli?
Sevilməyən bir uşaq yanlış yollarla belə olsa sevilmə ehtiyacını qarşılamağa çalışır. ilk düzgün addım uşağı heç nəyə məcbur etmədən şərtsiz sevdiyinizi hiss etdirmənizdir. Uşağı cəsarətləndirərək səhvlərinin utanmaq üçün yox, öyrənmək üçün fürsət olduğunu öyrətməlisiz. Cəsarətləndirilən uşaq özgüvən və aid olma duyğusunu eyni zamanda yaşayar ki, aidiyyət şərtsiz sevginin bir nömrəli amilidir.

13 əjdaha! 22.06.2022 16:15, Pedaqoq

#352097 şikayət

topuq testi

+27 əjdaha

Topuq testi inkişaf etmiş ölkələrdə doğulan hər bir körpədən götürülməsi mütləqkən azərbaycanda bu testin varlığından xəbərsiz həkimlər var. Körpənin doğulduğu ilk 48 və ya 72 saatında daban hissədən qan alınması ilə götürülür və nəticə 1 həftəyə bəlli olur. Topuq testi körpədə ola biləcək metabolik xəstəlikləri öncədən bilmək və bununla mübarizə aparmaq üçün çox vacibdir. Nədir metabolik xəstəliklər?
Psixi inkişaf və nitq ləngiməsi
Yeriş problemləri
Epilepsiya
Autistik spektr pozuntusu və s.

27 əjdaha! 03.06.2022 16:59, Pedaqoq

#350812 şikayət

yalnızlığı insanlarla dolu olan adam

+12 əjdaha

#336496
Əsgərliklə bağlı yazdığınız çox təsirli idi. Paylaşa bilmək olduqca dəyərli bir davranış formasıdır. Çox təəssüf ki, azərbaycan ailələrində uşaqları tamamilə əksinə öyrədirlər. Eqoizm və nəinki paylaşmaq başqasının olanı da əlindən almaqla fəxr edilən bir cəmiyyətdə yaşayırıq. Millətimizdə paylaşmaq mədəniyyəti olmadığı üçün içimizdən seçib vəzifəyə məmur göndərdiklərimiz belə kasıb haqqı yeyir.
Orta məktəbdə işlədiyim vaxtlarımda bölüşməyin nə olduğunu bilməyən ibtidai 3-cü sinifim var idi. Bu sinifdə daim əşyalar üstündə uşaqlar dalaşırdılar. Bu uşaqlara paylaşmağın necə dəyərli və vacib bir şey olduğunu öyrətmək üçün sinifə bir tort alıb gətirirdim. Yan sinifdəki müəlliməyə verirdim ki, uşaqlar içəridə olanda müəllimə tortu gətirib mənə versin və desin ki, bu tort mənə göndərilib,hədiyyə edilib. Həmin tortu uşaqların sayına görə kəsib paylayırdım. Bunu bir ay içərisində bir neçə dəfə etdim. Bundan başqa qələmi, dəftəri olmayan uşaqlara öz qələmimi, dəftərimi verirdim. Bir ay müddətində uşaqlarda xeyli irəliləyiş oldu. Artıq əşyalar üçün dava etmir və bir əşyanı bir-birinə ötürərək istifadə edirdilər.
Yazarın entrydə qeyd etdiyi o çox hörmətli yaşlı-başlı müəllimə sovet vaxtının "pedaqoq"larından olub. Hansılar ki, uşaq üzəeində diktatorluğu hər zaman təbliğ edirlər. Yazara demək istədiyi də odur ki, yəni çox şeyini paylaşma vaxt gələr arvadını və ya namusunu da paylaşarsan. Əslində bu müəllimə məhz paylaşmağın nə olduğunu bilmədiyi üçün belə cavab verib. Çünki paylaşmaq və bölüşmək yalnız əşyalardan olur. insanları, hissləri paylaşmaq olmur.

8 əjdaha! 16.09.2021 00:25, Pedaqoq

#336512 şikayət

təhrif olunmuş cinsi meyllər

+12 əjdaha

Təhrif olunmuş (qeyri – normal) cinsi meyllər. Bu ad altında təsvir olunan meyl pozuntuları seksoloji xəstəliklərdən fərqəndirilməlidir. Belə ki, cinsi meylin qeyri- normal ödənilməsi formaları əsasən psixopatlarda (şəxsiyyətin pozuntuları ilə əlaqədar) rast gəlinir. Bir qayda olaraq belə şəxslər nəinki həkimə müraciət etmir, eyni zamanda özlərini xəstə hesab etmirlər və həyatları boyu patoloji cinsi meyllərlə yaşamağa həvəs göstərirlər. Bu növ pozuntulara sodomiya və zoofiliya (müxtəlif heyvanlarla cinsi əlaqədə olmaq), pedofiliya (kiçik yaşlı uşaqlara qarşı cinsi meyl), nekrofiliya (meyidə qarşı cinsi meyl), fetişizm (əks cinsin paltarına, istifadə etdiyi əşyalara qarşı cinsi meyl), sadizm (əks cinsdən olan şəxsə əzəb – əziyyət (işgəncə) verməkdən cinsi zövq almaq), mazaxizm (əks cinsdən olan şəxsin verdiyi əzab – əziyyətdən (işgəncədən) cinsi zövq almaq) və s. aiddir.
mənbə link

11 əjdaha! 06.09.2021 02:26, Pedaqoq

#335658 şikayət

bandwagon effect

+12 əjdaha

Başqalarından geri qalmamaq, daima çoxluğun tərəfində olmaq, bir növ sürü psixologiyası na tabe olmaq hesab edilən effektdir. Siyasi seçkilərdən nümunə versəm iki rəqibdən hansının səsi çoxdursa, ona səs verəcək olanlar bu təsirin altındadır.
Nəyə görə insanlarda bandwagon effekti baş verir?
Ümumi baxanda individual olaraq insanlar digər insan çoxluqlarının qəbul etdikləri normalar nöqteyi-nəzərdən təsirlənirlər. Ona görə də bu effektin baş vermə səbəbi birinci növbədə əksəriyyət tərəfindən qəbul olunmaq hissidir. ikinci səbəb insanların əksəriyyəti etdikləri hər şeyin doğru olmasını istəyir. Bir qayda olaraq cəmiyyətdə çoxluğun etdiyi şeylər doğru kimi qəbul olunur. Məhz bu səbəbdən insanlar çoxluğa yönəlməyə meyilli olurlar. Üçüncü səbəb isə bu effekt o zaman olur ki, insan özünü cəmiyyətdən təcrid olunmuş hiss edir. Bu hiss heç kimin sevmədiyi bir hissdir. Bu baxımdan cəmiyyətdən təcrid edilmiş insanlar sosiallaşmaq üçün bu effektin təsirinə məruz qalırlar.
Bunu da qeyd edim ki, günümüzdə sosial şəbəkələrdə trend adı altında insanların yaratdığı hərəkət məhz brandwagon effektidir.

10 əjdaha! 07.07.2022 17:46, Pedaqoq

#353639 şikayət

intihar etməmək üçün səbəblər

+13 əjdaha

Biriniz də seks yazmamısız nə deyim sizə. Sevgi və sevişmək naminə insan yaşamalıdır. Sizə bəsit fikir kimi görünə bilər. Fikrimcə insanın yaşama sevgisi məhz hisslərdir. Yaşamadığımız, təkarar yaşamaq istədiyimiz onlarla hisslər var. Heç sevməyən, sevişməyən bir insan intihar etmək istədikdə bu hissləri yaşayıb sonra ölmək istəyir. Belə insanları tanımışam. Və bu nəticəyə gəlmişəm ki, insanlığı yaşadan insanlar deyillər sadəcə hisslərdir.

10 əjdaha! 15.05.2022 02:52, Pedaqoq

#349846 şikayət

sincab

+10 əjdaha

#350832 bu enteyə öz fikrimi burada yazıram deyə yazardan üzr istəyirəm. Niyə görəsə bu kişilərdə olan cinsəl tələbat məsləsinə təkcə mən belə aqressiv yanaşmıram. Ya mən dəliyəm, ya da siz. Qaqaş tutaq ki, sevgilisinə sex təklif edib. Burda pis olan nədir? Bunun pis tərəfini biri mənə izah edə bilər? Bəzi qadınlar yazırlar ki, oy oğlan sex təklif etdisə demək evlənməyəcək. Bu nə düşüncədir axı? Gələcək həyatyoldaşı kimi görürsə, sex təklif etməməlidir? Mən anlamıram axı. Bəs bu xanım və bu bəy toyları günü sevişib bir-birilərini tanımalıdırlar? Bəlkə bu qız heç oğlanın performansın bəyənməyəcək? Və ya əksinə qız oğlanın arzuladığı kimi fantazilər qurmur? Bəs onda nə olacaq? Ayrılacaqlar? Bu bilirsiz nəyə bənzəyir? Ölkədə bəzi kişilər var ki, evindəki arvadı ilə bircə pozada sevişir. Amma gedib əxlaqsız qadınlarla( o qadınlar ki, məlum yerlərinə gündə 5müxtəlif penis dəyir) pul qarşılığında dil vurur. Və adını da qoyurlar ki, adam arvadlyla hər poxu yeməz. Bu kişilərin də anaları məhz ömründə ilk dəfə toyda sevişən qadınlardır. indi deyəcəksiz ki, hamımızın anası ilk dəfə toyunda sevişib də. Haqlısız. Bəs sizcə bu uğurdur? Yəni ilk dəfə toyunda sevişmək qadının uğurudur? Bəs o kişi o toyadək neçə dəfə sevişib? Görəsən niyə bu qızlar sevişməyi pis bir şey kimi qavrayırlar? Mən sevdiyim qadınla sevişib sonra evlənmişəm. Çünki bilməli idim ki, məni bəyənəcək mi? O mənim xəyal etdiyim kimidir mi? Bu qadınlar niyə kişiləri anlamırlar? Kişi sevdiyi qadınla yatmaq istəyər də, sevməsə bunu niyə istəsin.

silinmiş entry.

10 əjdaha! 04.06.2022 02:18, Pedaqoq

#350876 şikayət

otello sindromu

+8 əjdaha

Xəstədə həddən artıq qısqanclıq olur, həyat yoldaşının, həqiqi olmasa belə, onu aldatdığını düşünür və bunu sübut etməyə çalışır.

4 əjdaha! 06.09.2021 03:10, Pedaqoq

#335676 şikayət

biotin

+8 əjdaha

Biotin B vitamini ailəsinə aid bir vitamindir. Biotinə B7 vitamini və ya H vitamini də deyilir.
Biotin ürək-damar sistemi, maddələr mübadiləsi, həzm və sinir sistemində bir çox mühüm funksiyaları yerinə yetirir. Amin turşularının, qlükoza və yağ turşularının emalında iştirak edir və karbohidratları, zülalları və yağları enerjiyə çevirir. Biotin həmçinin qan hüceyrələrinin və sinir toxumasının saxlanmasını təmin edir. Qan şəkərinin səviyyəsini normallaşdırmağa və diabetin qarşısını almağa kömək edə bilər. Pis xolesterolu azaldır və yaxşı xolesterini artırır və ürək xəstəliklərinə qarşı qoruyucu təsir göstərir.

Biotin toxuma formalaşmasını və bərpasını dəstəkləyir. Saç, dəri və dırnaqların formalaşması üçün əsas protein olan keratinin istehsalında iştirak edir. Bu səbəbdən biotin dəri, saç və dırnaq sağlamlığı üçün vacib bir vitamindir. Biotin çatışmazlığı saçların zəifləməsinə və tökülməsinə və dırnaqların kövrək olmasına səbəb ola bilər. Dəridə əhəmiyyətli bir vitamin olan biotin dərinin su balansının tənzimlənməsində də rol oynayır.

Şəxsi təcrübəmə əsaslanıb deyim ki, illər öncə tökülmüş saçları yenidən çıxarmağa qadir vitamindir.

6 əjdaha! 08.01.2024 03:57, Pedaqoq

#381777 şikayət

yazarların linçə səbəb olacaq fikirləri

+15 əjdaha

Yaşlılara nifrət edirəm. Xüsusən də gənclik illəri sovet vaxtına düşənlər gözümün düşmanıdır. Özlərini hamıdan ağıllı, bilikli, əxlaqlı, düzgün sayırlar amma siz də məni bağışlayın heç pox da deyillər. Qoyasan ancaq cavanların həyatında problem yaradalar, ancaq boş-boş deyinələr. Guya bunlar cavan vaxtı vurub-yıxan, qazanan, düzgün, xeyirxah olublar da adama deyərlər hanı da hanı? il dəyişib deyə xarakter də dəyişib? Özlərini ağsaqqal,ağbirçək hesab edirlər. Guya cavanıqsa, yaşımız azdırsa, bunların dedikləri bizim üçün qanun olmalıdır. Nə desələr baş üstə deməliyik. Niyə də niyə? Axı niyəəəə? Məndən 40il əvvəl doğulmusan deyə böyük pox olmusan? Sən mənim yaşadığımın ,getdiyim yolun 40%in getməmisən, mənim dözdüyüm ağrılara iztirablara dözməmisən heç dözə də bilməzsəne, mənim oxuduqlarımın yarısın oxumamısan və mən sənin qulun kimi davranmalıyam? Mən nə cinsimi ,nə də yaşımı bəhanə edib ictimai nəqliyyatda yer dilənməmişəm bu yaşımadək. Ölənədək də dilənməyəcəm. Bunlar nəqliyyata minən kimi adamın üzünə söyürlər ki, dur yer ver. Axı siz hörmətə layiq nə etmisiz ki, bu qədər çox hörmət gözləyirsiz? Atom parçalamısız? Qarabağı almısız? demokratik ölkə qurmusuz? Ya adam balası kimi yaşamağımıza şərait qurmusuz? Bunların heç birin etməmisiz cəhənnəm qoyun, imkan verin yaşayaq da. Yaşayıb rahat ölək də. insanın əsəblərin tarimar edirsiz yəni heç qəti humanistliyiniz yoxdur? Sizin özünüzə belə davranılsa dünyanı dağıdarsıze amma özünüz ən böyük əxlaqsızlıqları edib hörmət gözləyirsiz.

14 əjdaha! 26.04.2022 23:11, Pedaqoq

#349130 şikayət

rebus

+8 əjdaha

Rebus - fiqurlar, işarələr və rəsmlər vasitəsilə düzəldilən tapmacalardır. Rebusda şifrələnmiş sözü, ifadəni və ya cümləni tapmaq tələb olunur. Məsələn bir qalanın sirri filmində Elşənin əlindəki qutuda əslində əşyalar ilə rebusdan istifadə olunmuşdu: sim+ nar yəni simnar xan.

7 əjdaha! 16.09.2021 01:17, Pedaqoq

#336516 şikayət

qırmızı və qara

+8 əjdaha

Stendalın “Qırmızı və Qara” əsəri ilk dəfə 1830-cu ildə nəşr olundu və dərhal tənqidi və ticari uğur qazandı. Lakin bəzi tənqidçilər romanın məzmunundan, xüsusən də onun baş qəhrəmanı Julien Sorelin şöhrətpərəstliyi və əxlaqsızlığının təsvirindən şoka düşdülər. Buna baxmayaraq, “Qırmızı və Qara” 19-cu əsr fransız ədəbiyyatının əsas əsəri kimi geniş şəkildə qəbul olunub. Rəyçilər əsərdəki personajların mürəkkəbliyi, psixoloji dərinlik və sosial satiralarına heyran qalıb.
ictimaiyyət də romandan məftun olur və qısa müddətdə Fransada və xaricdə bestseller oldu. Kitab bir neçə dilə tərcümə olunub və dünyanın bir çox yazıçı və rəssamlarına təsir edib.
Bu gün “Qırmızı və Qara” fransız ədəbiyyatının şah əsəri və insan psixologiyası və cəmiyyəti haqqında klassik tədqiqat əsəri hesab olunur.
Mənə görə ədəbiyyat oxumağı sevənlərin mütləq oxumalı olduğu 3 əsərdən biridir.

5 əjdaha! 09.01.2024 05:11, Pedaqoq

#381798 şikayət

b qrupu vitaminləri

+7 əjdaha

B qrupu vitaminləri həm heyvan, həm də bitki mənşəli məhsullarda olur. B qrupu vitaminləri B1,B2, B5, B6, B9, B12, B15 və s. dən ibarətdir.
B1 vitamini (tiamin) — B1 vitamini çatışmadıqda Beriberi xəstəliyi, polinevritlər, ayaqaltı və diz reflekslərinin itməsi,
biləklərin və əl barmaqlarının açıcı əzələlərinin, pəncənin iflici, qıcolmalar, paresteziya, hissiyatın itməsi, taxikardiya, anemiya, təngnəfəslik, aritmiyalar, qusma, qaytarma (pilorospazm), dərinin «mərmər» şəklində olması, kəskin ürək çatışmazlığı, anoreksiya, əzələ hipotrofiyası, ağız künclərində çatlar və s. qeyd edilir.
Gün ərzində 2-3 dəfə 5-10 mq olmaqla təyin edilir. Ağır hallarda doza sutkada 50 mq–a qədər artırıla bilər.
Bu vitamin südün, qaraciyərin, qozun, yumurta sarısının, qara çörəyin tərkibində daha çoxdur.
B2 vitamini (riboflavin) – B2 vitamini orqanizmdə çatışmadıqda xeyloz, dil məməciklərinin atrofiyası, seboreyalı dermatit, blefarit, paresteziya, ataksiya, boyun inkişafdan geri qalması, qıcolma, hipotrofiya, anqulyar stomatit və s. qeyd edilir.
Vitamin gündə 3 dəfə 0,003-0,005 qr olmaqla təyin edilir.Ağır hallarda doza 0,005-0,007 qr–a qədər artırıla bilər.
Bu vitamin qaraciyər, ət, balıq, qarğıdalı, toyuq, buğda, süd, kefir, yaşıl noxud, kəsmik və yumurtanın tərkibində vardır.
B5 vitamini (pantotenat turşusu) – bu vitamin çatmadıqda tez yorulma, paresteziyalar, ifliclər, böyrəküstü vəzin çatışmazlığı
və s. əlamətlər qeyd edilir. B5 vitamini çox vaxt digər vitaminlərin müştərək çatışmazlığı ilə müşahidə edilir. Vitamin gün ərzində 3-4
dəfə 0,05- 0,1 qr olmaqla təyin edilir.
Vitamin tərəvəzlərin, qaraciyərin, yumurtanın, düyü məhsullarının, qozun tərkibində çoxdur.
B6 vitamini(piridoksin) – B6 vitamini çatışmadıqda dərinin quruluğu, kəpəklənməsi, xeyloz, qlossit,fotodermatozlar, ekzema, qusma, diareya, parezlər, qıcolmalar, nevroloji pozuntular, mikrositar, hipoxrom anemiya,limfopeniya, depressiya və s. əlamətlər müşahidə edilir. Gün ərzində 4 dəfə olmaqla 0,005-0,01 qr təyin edilir.
Digər B qrup vitaminlərdə adı çəkilən qidaların tərkibində
vardır.
B12 vitamini (siankobalamin) – klinik olaraq bu vitamin çatışmadıqda əsasən meqaloblast anemiya, hipoasid qastrit, atrofik qlossit, psixomotor funksiyadan geri qalma, bəzən ağır hallarda koma, trombositopeniya, leykopeniya, müşahidə edilir.
Vitamin günaşırı 5-8 mkq/kq olmaqla əzələ daxilinə yeridilir.
Qaraciyər, ət, balıq, pendir, süd bu vitaminlə zəngindir.
Bc vitamini (fol turşusu) – bu vitamin çatışmadıqda xeyloz, xoralı qastrit, enterit, qlossit, stomatit, gingivit, seboreyalı
dermatit, ishal, fiziki və əqli inkişafdan geri qalma, mikrositar meqaloblast anemiya qeyd olunur. Gün ərzində 2-3 dəfə olmaqla
0,01-0,02 qr təyin edilir.

5 əjdaha! 20.09.2021 01:02, Pedaqoq

#336840 şikayət

hiposeksuallıq

+7 əjdaha

hiposeksuallıq depressiyalarda, şizofreniya xəstəliyinin bir sıra kliniki formalarında, mərkəzi sinir sisteminin orqanik pozuntularında, nevrasteniya zamanı və digər patoloji hallarda əlaqədar meydana çıxa bilər. Cinsi meylin zəifləməsinin xüsusi forması olan impotensiya (kişilərdə) və frikidlik (qadınlarda) “funksional xarakterli seksial pozuntular” mövzusunda təsvir edilmişdir.
mənbə link

5 əjdaha! 06.09.2021 02:23, Pedaqoq

#335656 şikayət

sosial fobiya

+7 əjdaha

Sosial fobiyanın əlamətləri:
Sosial fobiya xəstəliyində qorxu yaradan vəziyyətlə üz – üzə gəldikdə öncə həyəcanın somatik əlamətləri özünü biruzə verməyə başlayır. Bunlar üzün qızarması, ürəkdöyünmə, tərləmə, ağız quruluğu, boğulma, əzələ gərginliyi və ayaqyoluna getmək istəyi ola bilər. Bu anda insanın beynindən keçən “mənim üzümün qızarmağını, əlimin titrəməsini hamı gördü, mən axmağam, mən çox zəifəm, mən səhv etməməliyəm, mən mükəmməl olmalıyam” kimi düşüncələrdir. Bu düşüncələr insanın daha da həyəcanlanmasına gətirir. Sosial fobiyalı xəstələr tez-tez “qaçınma davranışları” edirlər ki, bu davranışlarla onlar özlərini “sakit etməyə və qorumağa” çalışırlar. Həmin davranışlar bunlardır: insanlar çox olan yerlərdən uzaq durmaq, tanımadığı yerlərə müxtəlif bəhanələrlə getməmək, dərs zamanı ən arxa partada oturmaq, sifətinin qızarmasını gizlətmək üçün iri yaxalıqlı köynəklərdən istifadə etmək.

Səbəbləri nədir?

Ailəsində və ya yaxın qohumları arasında sosial fobiyası olan insanaların bu xəstəliyə tutulma riski daha yüksəkdir. Bununla belə müasir elmi nəzəriyyəyə görə beyindəki serotonin adlandırdığımız maddənin azalması da bu problemi yarada bilər. Eləcə də əvvəllər utanc verici bir vəziyyətə düşmüş şəxslərdə də bu problem ola bilər. Məsələn, lövhə qarşısında dərs danışarkən səhv etmiş, bu səbəbdən də sinif yoldaşlarının gülüş hədəfinə çevrilmiş uşaq sifət qızarması, əl titrəməsi yaşayıb. Gələcəkdə bu hal hər dəfə lövhə qarşısında heç bir səbəb olmadan da təkrarlana bilər.

Sosial fobiyaya qalib gəlmək olarmı?

Bu fobiya müalicəsi olan bir xəstəlikdir. Hər şeydən əvvəl realist olmaq lazımdır. Sosial fobiya dərman terapiyası və psixoterapiya vasitəsi ilə müalicə olunur. Müalicənin ilk günlərində yüngül ürək bulanması, baş ağrıları və digər problemlər yaransa da qısa müddət ərzində keçir.Bu dərmanlar asılılıq yaratmır. Dərmanın təsirini gözləmək üçün 2 həftə lazım ola bilər. Müalicə müddəti 6-8 ay davam edə bilər.

5 əjdaha! 06.09.2021 02:53, Pedaqoq

#335666 şikayət

vendiqo sindromu

+6 əjdaha

Xəstənin insan ətinə qarşı həddən artıq istək duymasıdır

4 əjdaha! 06.09.2021 03:09, Pedaqoq

#335674 şikayət

çoxnövlü intellekt nəzəriyyəsi

+8 əjdaha

digər adı Qardner nəzəriyyəsi

hovard qardner in fikrincə hər bir şagird ruhlandırıldıqda, dəstək və düzgün təlimatlar aldıqda 8 qabiliyyəti də lazımı səviyyədə inkişaf etdirilə bilər. Bu xüsusiyyətlərin üzə çıxması üçün onlara şərait yaradılmalıdır. Bu qabiliyyətlər aşağıdakılardır:

1. Verbal (linqvistik) qabiliyyət – belə şagirdlər çoxlu suallar verir, danışmağı, oxumağı, yazmağı xoşlayır, yaxşı lüğətə malikdir, asanlıqla yeni dil öyrənə bilirlər.

2. Məntiqi (riyazi) qabiliyyət – belə şagirdlər rəqəmlərlə oynamağı, əşyaları toplamağı, qruplaşdırmağı xoşlayır, işlərin necə getdiyini bilmək istəyir, məntiqi ilə maraqlanırlar. Riyaziyyatı, məntiqi yaxşı bilirlər.

3. Vizual (fəza) qabiliyyət - belə şagirdlər şəkil çəkməyi, mexaniki cızma-qara etməyi, hadisələrə təcrid olunmuş şəkildə yanaşmağı xoşlayır, yerləri təsvirə, şəkillərə əsasən yadda saxlayırlar, əşyaları yaxşı təsvir edirlər, diaqramla və xəritələrlə asan işləyirlər.

4. Kinestetik (bədən) qabiliyyət – belə şagirdlər yaxşı müvazinət hissinə, ritm hissinə malikdir. Hərəkətləri qrasiyalıdır, bədən dilini (jestləri) oxuyurlar, fikirlərini jestlər vasitəsilə çatdırırlar.

5. Ritmik (musiqi) qabiliyyət - belə şagirdlər səslərə qarşı həssasdırlar, ritmlə tıkkıldanır və yellənirlər, səsləri bir-birindən ayıra bilir, musiqini xoşlayır, onu axtarır, ritmi tuta bilirlər.

6. Şəxsiyyətlərarası qabiliyyət - belə şagirdlər başqalarının hislərinə şərik olur, həmyaşıdları tərəfindən sevilir, özünə oxşar böyüklərlə yaxşı əlaqə saxlayırlar, liderlik bacarığı nümayiş etdirirlər, məsləhətçi və ya vasitəçi rolu oynayırlar, insanlar arasında ünsiyyət qura, bəzən onlarla manipulyasiya edə bilirlər.

7. Şəxsiyyətdaxili qabiliyyət – belə şagirdlər müəyyən fəaliyyətlə bağlı xoşuna gələn və gəlməyən cəhətləri açıq şəkildə ifadə edə bilirlər. Güclü və zəif cəhətlərindən xəbərdardırlar. Öz bacarıqlarına inanırlar, qarşılarına müəyyən məqsədlər qoyurlar, diqqətlərini hislərinə, arzularına yönəldirlər, orijinal olmağı sevirlər.

8. Naturalistik qabiliyyət – belə şagirdlər təbiət hadisələrini dərk edir, bitkiləri, heyvanları xoşlayır, bitki yetişdirməyə, heyvan saxlamağa həvəslidirlər, həvəskar astronomdurlar.

7 əjdaha! 01.09.2021 05:57, Pedaqoq

#335284 şikayət

çerofobiya

+6 əjdaha

Çerofobiya, xoşbəxtlik fobiyası və ya xoşbəxtlik qorxusu nədir? Çerofobiya xoşbəxt olduğu üçün bədbəxt olacağından qorxan insanlarda görülən psixoloji haldır. Psixoloqların fikrincə, bu fobiyadan əziyyət çəkən insanlar daim bədbəxt olmamaq üçün xoşbəxt olmaqdan qaçır. Bu fobiyadan əziyyət çəkən insanlar əyləncəli mühitlərdən uzaq dururlar. Çünki onlar elə düşünürlər ki, kiçik bir əyləncə öz ardından böyük bir bədbəxtlik gətirəcək. Bu pozğunluq hal-hazırda araşdırma mövzusu olmasa da, bəzi psixoloqlara görə narahatlıq növləri arasında sayılır. Səbəblər insanın xoşbəxt olduğu zaman başına pis bir şey gələcəyinə inanması ola bilər. Ümumiyyətlə introvert insanlar bu vəziyyəti daha çox yaşayır. Həmçinin Mükəmməlliyyətçi insanlarda bu pozğunluq çox rast gəlinir. Çünki onlar əyləncəli və xoşbəxt mühitləri lazımsız və vaxt itkisi kimi görürlər.

Çerofobiya simptomları hansılardır?
Çerofobiyanın simptomları ümumiyyətlə xoşbəxt və şən olmaqdan çəkinmək və ya qorxmaqdır. Bundan əlavə qrup fəaliyyətlərindən qaçınmaq, Şans və fürsətlərə sevinə bilməmək, xoşbəxtlik gətirən fikirlərdən yayınmaq, Xoşbəxt və şən olanda pis bir şey olacağını düşünmək, ətrafa xoşbəxt görünməkdən qaçmaq.
Çerofobiya fərqli bir psixoloji pozğunluq olaraq təyin olunmadığı üçün onun dərmanı və müalicəsi qəti şəkildə yoxdur. Bununla belə, psixoloqların fikrincə, hipnoterapiya ilə koqnitiv davranış terapiyasının qarşısını almaq olar. Ancaq bu vəziyyət həyatınıza zərər vermədiyi müddətcə müalicəyə ehtiyac duymur. Onun müalicəsi üçün ilk növbədə əsas səbəbləri tapmaq və aradan qaldırmaq lazımdır. Ona görə də onun müalicəsi psixoloqlar tərəfindən həyata keçirilir.

6 əjdaha! 06.07.2022 06:04, Pedaqoq

#353491 şikayət

refleksoloji masaj

+6 əjdaha

Dəstəkləyici müalicə üsulu olaraq istifadə edilən refleksoloji masaj xalq arasında ayaq masajı kimi tanınsa da, bədənin müxtəlif nahiyələrinə də tətbiq edilir. Müəyyən nöqtələrə təzyiq edərək sinirlərin stimullaşdırılmasını təmin edən refleksoloji müalicə üsuludur və insanlara rahatlıq verir. Qan axını artıran və mərkəzi sinir sistemini gücləndirən üsul həm bir çox xəstəliklərin müalicəsinə əlavə olaraq, həm də cərrahi əməliyyatlardan sonra tətbiq edilir.
refleksologiya; Ayaq, əl və qulaqlardakı xüsusi refleks nöqtələrinə təzyiq edərək bu nöqtələrlə əlaqəli orqan və sistemləri müalicə etməyi hədəfləyən bir üsuldur. 5000 il əvvəl Çində ilk dəfə tətbiq edildiyi düşünülən refleksoloji praktikasının ilk dəlili Misir papirusunda ortaya çıxdı. 20-ci əsrdə Dr. William Fitzgerald ayaq və orqanlardakı bəzi nöqtələrin bir-birinə bağlı olduğunu kəşf etdi və əl və ayaqlardakı nöqtələrin xəritəsini çəkən fizioterapevt Y.inqham refleksologiyanın əsasını qoydu.
refleksologiya: Bu gün tamamlayıcı, dəstəkləyici və etibarlı alternativ tibb üsullarından biri kimi geniş istifadə olunur.Nevroloji xəstəliklərdə refleksoloji tətbiqlər, ağrılar kimi fizioloji pozğunluqlar, cinsi xəstəliklər, Anksiyete və depressiya kimi psixoloji pozğunluqların müalicəsini dəstəkləyir. Refleksoloji nöqtələri Əllər, ayaqlar və qulaqlardakı refleksoloji nöqtələr bədəndəki müəyyən orqanlara, sistemlərə və sümüklərə uyğundur. Bu mənada orqan və sistemlərə təsir göstərmək üçün əl və ayaqların aşağı, yuxarı və yan hissələrinə, Qulaqların görünən nöqtələrinə masaj edilir. Refleksologiya ayaqlarda, əllərdə və qulaqlarda refleks nöqtələrinin xəritələri vasitəsilə həyata keçirilir. Orqan və sistemlərin əks olunma nöqtələrinin ən geniş olduğu hissələr ayaqlardır. Bədəni şaquli olaraq təmsil edən sağ və sol ayaqlarda müxtəlif orqanlar stimullaşdırılır. Bədənin sol tərəfindəki bütün orqanlar, xüsusən də ürək, sol ayaqda, sağda olan orqanlar, məsələn, qaraciyər, sağ ayaqda təmsil olunur. Əldəki refleksoloji nöqtələr on təzyiq zonasından ibarətdir.Orqanlar, sümüklər və sistemlər, eləcə də əllər, ayaqlar və qulaqlar arasında əlaqə sinir ucları vasitəsilə mümkündür. Əllər və barmaqlarla sinir uclarına təzyiq etmək və ya sürtmək elektrokimyəvi stimul yaradır. Neyronlar bu stimulu sinir uclarının bağlı olduğu orqanlara ötürür və onları stimullaşdırır.Refleksoloji Masaj Bədənin özünü sağaltma funksiyalarını ortaya qoyan əl, qulaq və ayaq refleksoloji tətbiqləri xüsusi masaj texnikalarına əsaslanır. Tətbiqdən əvvəl mütəxəssis həkimlər insanların ümumi sağlamlıq vəziyyətini qiymətləndirir. Buna uyğun olaraq ayaq, qulaq və ya əl refleksoloji masajı seçilir. Fərdlərə görə planlaşdırılmış masaj tətbiqləri də müxtəlif farmakoloji müalicələri dəstəkləmək üçün həyata keçirilir. Tibbi müalicələrlə yanaşı, fiziki müalicə və reabilitasiyaya kömək edən refleksoloji masajlar həm ağrıları azaldır, həm də məşqləri çox asanlaşdırır.Refleksoloji tətbiqlər adətən ayaqlarda edilir. Bunun ən əhəmiyyətli səbəblərindən biri də ayaqlardan çoxlu sinirin keçməsidir; Beyin, ağciyər və qaraciyər kimi daxili orqanların sinir ucları, dayaq-hərəkət sistemi və daxili sekresiya vəziləri ayaqların müxtəlif yerlərində yerləşir.Bütün yaş qruplarına tətbiq oluna bilən refleksologiya yalnız xəstəliklərin müalicəsində deyil, sağlamlığın qorunması məqsədilə də istifadə olunur. Ancaq hamiləliyin ilk üç aylıq dövründə qadınlara, damarlarında laxtalanma olanlara, infarkt riski olan xəstələrə, infeksiya və qızdırma keçirən xəstələrə refleksoloji masaj tövsiyə edilmir.Refleksologiya necə aparılır?Digər masaj tətbiqlərinə bənzər refleksoloji masaj tətbiqlərində nəzərə alınmalı bəzi məqamlar var. Refleksoloji mərkəzlərdə və əlaqədar klinikalarda tətbiq olunan masajlar bu mövzuda təhsil almış refleksoloqlar tərəfindən edilməlidir. Diqqət edilməli olan digər məqam isə düzgün refleks nöqtələrinin təyin edilməsidir. Əllərdə, ayaqlarda və qulaqlarda olan sinir ucları müxtəlif orqan və sistemlərlə bağlıdır. Xüsusi xəstəliklərin müalicəsini dəstəkləmək üçün tətbiq olunan masajların təsirli olması üçün müvafiq orqanların refleks nöqtələrinə təzyiq etmək lazımdır. Bu mənada düzgün sinir nöqtələrinin təyin edilməsi refleksoloji təcrübələrin əsasını təşkil edir.Xəstələrin yaşı və ümumi sağlamlıq vəziyyəti və xəstəliyin növü qiymətləndirildikdən sonra, masaj adətən bu tətbiqlər üçün xüsusi hazırlanmış oturacaqlarda edilir. Tez-tez ayaqlarda edilən tətbiqlər, ayaqların tam sürtülməsi və istiləşməsi ilə başlayır. Refleksoloqlar bu ilkin prosesdə ayaqların quruluşunu və narahatlığı da qiymətləndirə bilərlər. Ayaqların refleks nöqtələri müəyyən edildikdən sonra əllər və barmaqlar vasitəsilə müxtəlif texnikalarla bu nöqtələrə təzyiq edilir. Bu tətbiq taxta çubuqlarla, eləcə də barmaqlarla həyata keçirilir. Masaj tətbiqləri xəstələrin sağlamlıq vəziyyətinə, xəstəliyin növünə və masajın tətbiq olunduğu bölgəyə görə 10 dəqiqə ilə 45 dəqiqə arasında davam edir.Refleksologiyanın faydaları nələrdir? Refleksologiyanın zehni və fiziki faydaları aşağıdakılardır:
Anksiyete və stressi azaltmağa kömək edir,
Ağrı hissini azaltmaq,
Endorfin istehsalını artıraraq, bədəni rahatladır,
Zehni və ya fiziki səbəblərdən yaranan yuxusuzluğu və yorğunluğu azaltmaq üçün,
Xroniki və ya xroniki olmayan xəstəliklərdə tətbiq edilən müalicəyə dəstək olmaq üçün,
Detoks təsiri ilə limfa dövranını sürətləndirir,
qan dövranını tənzimləmək,
qan təzyiqini tənzimləmək,
Bədən sağlamlığı üçün faydalı olan hormonları artırmaq,
Bədəni xəstəliklərdən qoruyan immunitet sistemini stimullaşdırmaq,
Qan dövranı, ifrazat, sinir və qan dövranı sistemini stimullaşdırmaq,
Bədəndə toksinlərin azaldılması,
Migren və baş ağrılarının şiddətini azaltmaq,
Zehni funksiyaları stimullaşdırmaqla konsentrasiyanı artırmaq,
birgə hərəkətliliyi artırmaq,
Premenstrüel simptomları və menstrual krampları azaldır.

4 əjdaha! 21.05.2022 10:40, Pedaqoq

#350117 şikayət

e vitamini

+5 əjdaha

E vitamini (tokoferol) – bu vitamin çatışmayanda hipotrofiya, malabsorbsiya, əzələ zəifliyi, cinsi zəiflik, anemiya,
ödem, birləşdirici toxumanın sistem xəstəliyi müşahidə edilir.
Sutkada 5-10 mq olmaqla təyin edilir.
Bu vitamin əsasən, buğda, zeytun yağı, soya yağı, balıq, qoz, fındıq, kərə yağı, pomidor, qarğıdalı yağı, ispanaq, yumurta sarısı, böyrək və qaraciyərdə olur.

3 əjdaha! 20.09.2021 01:07, Pedaqoq

#336843 şikayət

assertivlik

+5 əjdaha

Assertivlik özünü israrla sübut etmək, hisslərini ifadə etmək, inandırmaq, münaqişədən qaçma yolu, daxili güc kimi xüsusiyyətləri bir-birində birləşdirən davranış şəklidir.
Assertiv insan özgüvənli, özünəinamlı və məqsədyönümlüdür. O istənilən münaqişədən qaçmağın yolunu yaxşı bilir. Nə aqressivdir,nə də passivdir. Sadəcə mübahisələrdən yayınmağın üsullarında mahirdir.

5 əjdaha! 15.06.2022 00:32, Pedaqoq

#351675 şikayət

kleptomaniya

+6 əjdaha

Ehtiyacı olmadığı, dərhal istifadə etməyəcəyi halda və satma düşüncəsi olmadan bir sıra əşyaları icazəsiz olaraq götürmək, onlara sahib olma şəklində bir impuls nəzarət pozğunluğudur.

Şəxsin əslində o malı satın ala biləcək kafi maddi təcrübəyə sahib olduğu, ancaq buna baxmayaraq bu davranışı reallaşdırdığı müşahidə edilmişdir. Bu davranış daha əvvəldən düşünülməmiş və planlaşdırılmamış olub, birdən həyata keçirilir. Bu davranış birindən intiqam alma məqsədiylə edilməmişdir. Fərd bu davranışın səhv və əlverişsiz olduğunun fərqindədir. Kleptomaniklər bu davranışı reallaşdırmaq üçün başqalarından kömək istəmirlər. Tarixdə Fransa kralı IV Henrix və Sardiniya kralı Viktorun bu xüsusiyyətlərə sahib olduğu bilinməkdədir.

Narahatlığın uşaqlıq yaşlarında başladığı müşahidə edilmişdir. Fərd bu davranışı reallaşdırmadan əvvəl sıx bir gərginlik hissi keçirir. Bu davranışdan dərhal sonra xoşbəxtlik, rahatlama və böyüklük hissi yaşayır.

Narahatlıq haqqında aparılan tədqiqatların azlığı, bu vəziyyətlərin insanlar tərəfindən gizlədilməsi və bu vəziyyəti reallaşdıran kəslərin sağlamlıq xidmətlərindən çox məhkəmələrə sövq edilmələri səbəbiylə gerçək sıxlığı tam olaraq bilinməsə də min adamdan altısında rast gəlindiyi müəyyən olunmuşdur. Tutulan dükan oğrularının % 5-25`ində müəyyən olunmuşdur.

Xəstələrin ümumi xüsusiyyətləri:
Qadınlarda kişilərə görə təxminən dörd qat daha sıx görülməkdədir. Gender arasındakı nisbətin bu qədər yüksək olmasının bir səbəbi də, kişilərin belə bir vəziyyətdə əksəriyyətlə xəstəxanalar yerinə həbsxanalara göndərilmələri ola bilər.

Qadınlarda ortalama olaraq 30-35 yaşda, kişilərdə 50-55 yaşda daha sıx görülməkdədir. Həm kişi, həm də qadınlarda digər impuls-idarə pozğunluqları narahatlıqla birlikdə özünü büruzə verə bilər.

Kişilərdə daha çox piromaniya (impulsiv olaraq atəş yandırıb, yanğın törətmə) və xəstəlik dərəcəsində qumar oynama, təkrar partlayıcı davranış pozğunluğu ilə bir yerdə ikən; qadınlarda trikotilomaniya (impulsiv olaraq saç və bədən tüklərini tutma xəstəliyi) ilə birlikdə görülə bilməkdədir.

Narahatlıq sosial-iqtisadi səviyyə ilə birbaşa bağlı olmayıb, bu vəziyyətdəki adamın hətta sosiomədəni səviyyəsi yüksək də ola bilər. Şəxslər bu davranışlarına mane ola bilmək üçün ictimai həyatlarını məhdudlaşdıra və ətraflarından uzaqlaşa, alış-veriş etməməyə çalışa bilərlər.

Xəstəliyə səbəb ola biləcək faktorlar:Uşaqlıq dövründə yaşanan mənfi şərtlərin nəticəsində inkişaf edən itkin həyatları əhəmiyyətli faktorlar arasındadır.Kleptomanik davranışlar da bunların təsirini aradan qaldırmağa istiqamətlidir. Şüuraltındakı bu xatirələrin şəxsi məcbur etməsi ilə meydana gəldiyi düşünülməkdədir. Bu insanların uşaqlıqlarındakı ailə həyatlarının olduqca travmatik və problemli olduğu müəyyən olunmuşdur. Bu fərdlərdə narsisistik (özünə olan sevgi, maraq) qırılmaların, özünə inam yaralanmalarının nəticəsi olaraq ortaya çıxdığı da düşünülməkdədir. insanın özünə hörmət və dəyərliliyinə istiqamətli hücumlar irəliləyən dövrlərdə adamın yetkin bir mənlik quruluşu inkişaf etdirməsinə mane olar və bu cür davranışlara zəmin hazırlayar.

Kleptomaniya hərəkətləri bir itkin həyatını izləyərək də inkişaf edə bilməkdədir.Bu vəziyyətə qadınlarda uşaqların evdən uzaqlaşması; kişilərdə andropoz dövründə rast gəlinə bilər. Qadınlarda gərginliyin artdığı mensturasiya dövrləri və hamiləlik dövrlərində bu cür hərəkətlər artmaqdadır.

Bu insanlarda cinsəlliklə əlaqədar problemlərə də rast gəlinir. Müxtəlif psixiatrlara görə uşaqda 3-5 yaş arasında müşahidə edilən və Freyd tərəfindən “fallik dövr” olaraq adlandırılan, uşağın cinsi orqanlara istiqamətli maraq və hərəkətlərində artımın olduğu dövrlərdə qarşılaşılan problemlərlə bağlı olduğu düşünülməkdədir.

Müalicəsi:Fərdin keçmişi və bu anı ilə əlaqədar zədələyici hadisələrdən yan keçərək,bunlara istiqamətli uyğun düşüncə sxemləri inkişaf etdirilməsi və ictimai əlaqələrdəki əlverişsiz müdafiə mexanizmlərinin dəyişdirilməsini hədəfləyən müalicələr, impulsiv hərəkətləri və qayğı vəziyyətini azaltmağa istiqamətli dərman müalicələri və lazım olsa hipnoz ilə müvəffəqiyyətli nəticələr alınmaqdadır.
mənbə link

5 əjdaha! 06.09.2021 03:03, Pedaqoq

#335669 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1336

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1343

Pedaqoq

son bəyənilənlər:

oxuyucuların bəyəndikləri: