Son yazılanlar
yazarların çəkdikləri piş
yazarların çəkdikləri piş
yazarların çəkdikləri piş
yazarların çəkdikləri piş
yazarların çəkdikləri piş
yazarların çəkdikləri piş
netflix'in danimarkada çəkdiyi serial.
post-apocalypse janrındadı.
effektləri əladı. ssenari normaldı, amma hadisələrin gedişində çoxlu klişelər var. yola veriblər elə bil.
1-ci sezon çıxıb, 8 seriyadı. baxmaq olar. amma zəruri deyil o qədər də.
almaniyanın netflix üçün çəkdiyi dark serialı qədər deyil yəni. istər qurğu, istər aktyorluq baxımından
o qədər professional steak, gordon ramsay, nusr-et zad videolarına baxmışam ki, facebook, instagram alqoritmik olaraq hər dəfə qarşıma steak barədə videolar, səhifələr çıxarır.
gedib restoranda yemək, əlbəttə, bahadı. 30 azn-dan filan başlayan qiymətin yarısı ətdisə, yarısı da ədviyyatların puludu demək olar.
ona görə də həyatımın rahatlıqla "könlümə steak düşdü, gedib yeyim" mərhələsinə keçənə qədər ev şəraitində və şəxsi imkanlarla, videolardan öyrəndiyim qədərilə bir-iki dəfə hazırlamışam.
videolara baxanda qərar verdim ki, yesəydim, yüz faiz medium steak xoşlayardım. orta bişmiş (içi çəhrayı-fason qalır, çölü tam bişir).
termin olaraq, hippodromlarda ən az koffisent qoyulan, heç bir gözlənti olmadığı halda birdən böyük şansa yaxınlaşan yarış atlarını xarakterizə edən ifadədi. bəlkə də ən uyğun tərcüməsinə misal kimi, "qaralanmış at", ya da "gözdən çıxarılmış" kimi əvəzləyə bilərik.
sonradan siyasi arenada işlənən bu ifadə eyni qaydada heç bir potensialı müşahidə edilməyən, ambisiyasız, platformasız bir namizədin qəfildən böyük xal və rəğbət qazanması, yüksəlməsi, hətta iqtidara keçməsini işarə edir.
katy perry-nin məşhur klipinin adıdı. nəzərə alsaq ki, heç kimin tanımadığı, qəfildən ortaya çıxan, bir gecədə məhşurlaşan ulduzlar və arxalarında duran illuminati rəvayətləri xeyli populyardı, katy perry-nin bu cür məzmunlu mahnıya bu cür klip çəkməsi, fikrimcə, uğurlu addımdı. klipin ssenarisi keyfiyyətlidi.
"dark horse" ifadəsinin haqqını verməyə çalışıb.
son ayların aktual temalarından biri. uğrunda bir neçə aptek şəbəkəsi bağlandı. şübhəsiz, meydan tv-yə o məlum videonu çəkən o məlum xala da özünə bir qədər lənət və ya rəhmət qazandı. azı bircə dəfə təcrübə ediləsi vasitədi. psixotrop, ya narkotik tərkibli olması debat mövzusu ola bilər. tərkibində pregabalin deyilən bir nəsnə var. güclü ağrıkəsici kimi xarakterizə edilsə də, nisbətən əlçatan və münasib qiymətə olmasına görə narkotik vasitə kimi gənclərin rəğbətini qazanıb. qarnitürü isti və tünd çaydı.
an etibarilə hələ baş verməyib. təxminən 3 saat sonra baş verəcək. fikrimcə, bu hadisə bir ildi ki trump-dan olacaq gözləntiləri (müharibə, böhran, xaos, bir sözlə, israfilə sur çaldıracaq qərarlar) doğruldacaq. 2-ci buşun partiya həmkarı kimi afrika ərəb ölkələrinə yox, birbaşa orta şərqə girişir. 2-ci buşun küveyt, əfqanıstan, iraq əməliyyatlarını səudiyyə, yəmən, iran olaraq davam etdirəcəyi göz qabağındadı. irana ilişmək, eyni zamanda, şimali koreya ilə burunlaşmaq rusiyaya çiyin atmaq deməkdi. əbəs yerə, alyaskanı öz ərazisinə qatmamışdı amerika.
sonun başlanğıcı davam edir.
bu sifarişi verən: qarğıdalı
alov ibtidai insanın ilk kəşflərindəndi. şüur nə qədər təkmilləşsə də, alovun alternativi bəlkə də heç vaxt tapılmayacaq.
alov insanın açıq və boş ərazidəki tək sığınacağıdı. kimsəsiz adaya düşsən, yanında istəyəcəyin üç şey sualının bir cavabıdı alov.
alov birləşdirir, isidir, bişirir, güvən və rahatlıq verir. boş yerə əsrlər boyu inanc simvolu olmayıb.
köklərinə qayıtmaq məsələsi bir az psixoanaliz mövzusudu. bunu bir sözlük səviyyəsində izah etmək, ya da dərk eləmək saflıq olar hər halda. yəni nəhəng mövzudu.
sadəcə od-alov-ocaqla bağlı özümdən başlayıb digər insanlarda da müşahidə etdiyim bir neçə nüans var. onu paylaşmaq istəyirəm.
müasir insan nə qədər texnologiya əsiri olsa da (özlüyündə bunu heç də pis bir şe kimi qəbul etmək istəmirəm, adından göründüyü kimi, müasir insan demək zamanın tələblərinə uyan insan deməkdi, bu çarxa çomaq salmaq mümkün deyil, biləks, zaman o çomağı qırıb gözümüzə soxar), keçmişinə, ilkin hisslərinə, qorxularına, sevinclərinə, inanclarına hələ də bağlıdı. bunu dnt-lərimizdən, genimizdən silmək mümkün deyil. instinktiv olaraq beynimizə qazılmış, kodlaşdırılmış şeylərdi. bəlkə də yaranışın, şüura qovuşmağın tək səbəbi - sağ qalmaq. ardıcıl olaraq, çoxalmaq, ətrafı dərk etmək və bunu nəsildən nəslə ötürmək.
ətrafın dərk olunub nəsildən-nəslə ötürülməsi məhz adını çəkdiyim duyğudan danışmağa əsas verir.
alova hörmət edirik. alovu sevirik. alovla bağlı hər şey bizə bir köynək daha doğmadı, daha prestij və prioritetdi. ət yemək ibtidai vərdişimizdi, lakin odda bişən ət hər zaman daha elit və hörmətli sayılıb. ən hörmətli qonaq gələndə, ən özəl günlərdə, ən rahat məqamlarda, adını dincəlmək qoyduğumuz saatlarda insanın gedib yapışdığı bir nömrəli vərdiş manqal qalamaq, ət şişləməkdi. çünki kotleti, dolmanı, qovurmanı, xaşı, bozbaşı hər yerdə yemək olar. amma kabab özəldi. ocaqda bişir, göz qabağında. mağara ailəsinin qoruyucusu - evin kişisi bu əti öz əlləriylə ovlayıb ocaqda öz əlləriylə bişirir. ailə etibarlı əllərdədi, nəsil bir gün daha davam edir.
min cür un məmulatı və çörək var. bəşəriyyətin qaynağına daha yaxın ərazilərdə təndir çörəyinin başqa prestiji var. bu coğrafiyada yaşayıb bunu inkar etməm mümkün deyil. ən hörmətli mərasimlərin vaz keçilməz aksesuarı təndir çörəyidi. o təbiidi, göz qabağında əmələ gəlib. etibarlıdı, alovda bişib çünki. digər çörəklərdən daha dadlı və ətirlidi. istidi, sevinc bəxş edir, çünki istilik demək alovun hələ də yanması deməkdi. hər kəs sevinir. çünki nəsil hələ də davam etməkdədi. ətraf təhlükələr az da olsa, dəf edilib.
ən hörmətli qonağımızı yedirdik-doydurduq. o yoğrundu, çay içməlidi. dayan, qazı yandırma, iki dəqiqəyə samovarı odlayacam. çay odda dəm almalıdı. çünki od daha etibarlıdı. odun içindən gətirdiyimiz nemət qonağa olan hörmətimizi əks etdirir.
piknikdə, başqa sözlə, çöldə-bayırda ocaq başında yığışmaq bizi daha mehriban, səmimi, etibarlı göstərir.
bu bəlkə də dolayı yolla planetlərin günəş ətrafında orbit tutmasının kodlarıdı. bu bağlılığı izah etmək üçün hər hansı elmi açıqlama, ya da düstur axtarmağı yersiz hesab edib ən səmimi, ən ilıq sözlərlə bunu dərk etməyə çalışıram.
alov gözəldi. alov etibarlıdı. insanın təkamülü qaçılmazdı, amma heç bir qüvvə insanı kökündən ayıra bilmir. yaranışın, irəliləyişin kodlarına gündəlik həyatda rast gəlmək, ən azından bunu dərk edə bilmək müəyyən qədər rahatladıcı və sevindiricidi. bir növ, həyatın, yaradılışın, varlığın məqsədinə sanki bir pillə də yaxınlaşmış olursan.
alovu qoruyun.
bir-biri ilə müqayisəyə gəlməyəcək şeylər var. hər biri bu günün təməlində zəncirvari şəbəkə formalaşdırır. ardıcıllıq olmadan baxsaq,
1. ibtidai əmək alətləri - yüz min illər keçsə də, məzmun-məqsədi dəyişməyən soyuq silahlar
2. ildırım yanğınından sonra od yaradıb tonqal qalamaq, bilavasitə yemək bişirməyə başlamaq
3. sığınmaq və bunun üçün təbii mağaradan tətmin olmayıb onu imitasiya etmək - inşaat
4. fiziki əziyyəti, zəhməti hardasa yarıbayarı azaldan təkər sistemi - nəqliyyat
5. insanı təbiətdən bir pillə də uzaqlaşdıran, şüurun bir az da təkmilləşib heyvandan uzaqlaşdığımız kanalizasiya sistemi
6. qırıq-qırıq səslərlə rabitələşən bacarıqlı insandan bu günə qədər nəhəng məsafə qət edən musiqi
7. bəşəriyyətin baş bəlası, müasir tədavül sisteminin yıxılmaz bünövrəsi - pul
8. təbii ehtiyatlardan enerji qaynağı kimi istifadə
9. elektrik
10. mikroskop
11. teleskop
və daha nələr...
bir zamanlar aludəçilik dərəcəsində istifadə etdiyim, sonra bir banka kofe, bir banka coffee mate alıb özüm düzəltdiyim, daha sonra şəkərsiz, südsüz, kremsiz zəhər kimi acı kofeyə öyrəşəndən sonra uşaq-muşaq içkisi hesab etdiyim (burasını zarafat olaraq qəbul elə) sintetik qarışıq.
ancaq bizim əlimizin çatdığı, marketlərdə təklif olunan bankaların heç biri normal kofe deyil. bəli, gerçəklər acıdı, əsl kofe isə daha da acıdı. bizim gördüklərimiz aromatizatorların içinə tıxıldığı əvəzləyicilərdi.
demirəm ki, panda poxu, fil poxu kofelərindən olsun. normal, təbii kofe olsun və əldə etməyə imkanım olsun.
o günlərdə təsadüfən qabağıma çıxdı, bir neçə günə həzm edə-edə bitirdim. mövzu nə qədər bəsit olsa da, aksiyon, fiksiya, qurğu əladı. prison break-in son sezonundakı mövzuya oxşarlığı var. cia özbaşınalığı, paralel əməliyyatçılıq.
baxmağa dəyər. ilk sezon 13 bölümdü. the walking dead-də shane (a.k.a bicbala) kimi tanıdığımız jon bernthal baş roldadı. belə baxırsan, bəlkə də heç bir aktyora bu rol bu qədər yaraşmazdı. seçim əladı. elə twd-dəki rolu da üstünə otururdu
get-gedə formalaşan, kateqoriyalara bölünən, zövqləşən sahədi. qloballaşma təzahürüdü. televiziya, internet, dünya ilə real-virtual təmas bu tələbi formalaşdırır. təbii ki, təklif də öz yerində. ticarətin qızıl qaydalarından biri: hər bir malın öz alıcısı var və o alıcı gec-tez bir gün gəlib malına sahib çıxır. ən zövqsüz hesab etdiyin bir məhsulun belə öz aşiqi, sevdalısı var.
insanın geyim forması onun psixologiyasının təzahürüdü, iç dünyasının çölə nümayişidi. özünü təqdimetmə forması və bir növ qarşı cinsi cəlbetmə mexanizmidi.
19 yaşımda. 30 il intensiv siqaret çəkən atanın övladı kimi o günə qədər dilimə də vurmamışdım. günlərin bir günü qərar verdim ki, başlayacam. kirayə tələbə evi. bilirsiz, gələn-gedən dost-tanış. biri gəldi, 6-7 dənə siqaret almışdı. ikisini çəkdim. çox rahat şəkildə. sonra qətiləşdirim ki, sabah duranda ilk işim gedib bir paket siqaret almaq olacaq. durdum, getdim, aldım, çəkdim. indiyə kimi bir dəfə də peşman olmamışam. zira şüurlu və məqsədli şəkildə başlamışam.
fəxr ediləsi bir yanı yoxdu əlbəttə. elit bir şey deyil nəticədə. 3-5 manat nədisə, gedib pulla hər yerdən ala bilirsən. amma istərdim uşaqdan-böyüyə hamı çəksin. səbəbini bilmirəm. hər yerdə, bütün küçələrdə, ərazilərdə göz uzandıqca siqaret kötükləri görmək istəyirəm.
əsgərliyə gələndə siqareti müvəqqəti tərgidənlər olur. astav-zad söhbətlərinə, kiməsə ağız açmamağa görə. bir neçə gənci yoldan çıxarıb ilk siqaretini çəkməsinə səbəb olmuşam. nə vaxtsa söyəcəklər yəqin. orası ta maraqlı deyil
yeni dövr başlana bilər. ehtimal olaraq. ilham əliyevin özünün də səriştəsiz idarəçilik üsullarından təngə gəldiyini güman etsək, nisbi dəyişikliklərin (ən azından, sənəd, ad-soyad dəyişiklikləri) olacağını gözləyə bilərik.
kiçik bir xaos yaşana bilər regionlarda. eynilə orqanizmdə maddələr mübadiləsi pozulanda, soyuqdəymə olanda baş verənlər kimi.
qarabağda xırda çaplı müharibələr yenə baş verə bilər.
seçkidən öncə, yəni növbəti yay bəzi dövlət dairələrində yeni təyinatlar gözləniləndi.
taxtalar yerindən oynaya bilər. necə ki, bir neçə ildi ölkədə rəsmən game of thrones baş verir.
tarixə baxdıqda oxşar prosesləri görmək olar. atabəylər, qaraqoyunlular, ağqoyunlular, səfəvilər saraylarında baş verən daxili çəkişmələr və hər zaman çanağın xalqın başında çatladığını xatırlayaq.
qəribə il olacaq.
baş verəcək hadisələr, necə deyərlər, it ilində olmuş şeylər kimi xatırlanacaq.
sahibi kimdi, bilmirəm, amma dünya üzrə 42 ölkədə cəmi 12 min filialı olan spar marketlər şəbəkəsini azərbaycana gətiriblər. spardakı qiymətlərlə arazdakılar bərabər tənzimlənir. hər ikisi keyfiyyətli və sərfəlidi.
yaxşı ki, evin yanında açıblar. 24 saat işləyir filiallarının çoxu
dəhşətli mahnıdı. sezen aksunun 16 yaşında yaşadıqlarına ithaf olaraq yazdığı mahnıdı. 16 yaşında sevdiyi oğlana qoşulub bir adaya qaçıb. mahnıda sözü keçən ev, ada olmuş şeylərdi. sarı simə toxunan mahnıdı
bildiyimə görə, sözlüyün qurucularından biridi. səhv etmirəmsə.
özü də the walking dead obrazı daryl'in qanadlı jiletindən deyinir deyə paxıllığım tutur
10 bəndin 5-inə rahat ramiz mehdiyev yazmaq olar
bir serialın rəylərinə bir qaqaş "azerbaycandan salamlar" yazmışdı. "selam" yazsa, dərd yarı. bir türk qız da "türkiyeden sosisler" yazmışdı altına.
güldüm də yəni. neyləmək olar başqa?
insanları sosial qruplara bölərkən istinad ediləsi kateqoriyalardan biri də şahmat bilən və bilməyən insanlardı.
şahmat əsil oyundu. çayxana teması deyil. iş orasındadı ki, qlamur da deyil. rəsmi də deyil. böyük kəşfdi.
bilməyənlərin günü bu gün bilən dostlarından öyrənməyi məsləhətdi. səviyyə atlamış olacaqsız.
beginnerlər, "sadəcə gedişləri bilən" həvəskarlar, "ondansa piyadalarla şaşki oynayan"çılar, çalışın canlı şahmat oynayın. telefonla oynamaq o qədər də effektiv deyil. eləcə də onlayn oynamaq.
canlı oyunda rəqibiniz sizdən güclüdüsə, üç-dörd həmlədə bir neçə piyada və fiqurunuzu yeyibsə, və beş gedişdə artıq şah veribsə, əl saxlayın. diqqətinizi cəmləyin. ikinci beyin sayılan mədə-bağırsağınızı oflayn eləmək üçün su, çay, kofe - nəsə için, çəkirsizsə, siqaret yandırın.
rəqib sizlə uşaq kimi rəftar edib hər fiqurda aşağılayıcı gülümsəmə atırsa, ondan səhvlərinizi soruşun. yeri gələrsə, gedişi dala qaytarın, bir də oynayın.
çünki şahmat qumar deyil. oyunu udub-uduzmağın, yəni nəticənin önəmi yoxdu. hər halda şahmat boks deyil ki, biri linç olunsun, o biri kəmər taxsın.
inanmaq istərdim ki, şahmat müharibənin alternativi kimi kəşf edilib, amma tarixdə öz yerini tapmayıb. nəticədə, insan deyilən məxluq ətyeyən, otyeyən, hər şeyi yeyən canlıdı və onun istəkləri heç cür limitlənmir, onu heç nəylə doydurmaq mümkün deyil.
ən uzun survivor marafonu hesab olunan survivor 2017 beş ay davam etdi.
şimali kipr mərhələsinə bir addım qalmış gönüllüler komandasının geriyə qalan tək üzvü, avarçəkmə çempionu ogeday girişkenlə ilhan mansız səsverməyə çıxdılar və böyük təəssüflər olsun ki, ilhan mansız uduzaraq oyunu tərk etdi.
məhz ilhan mansızın ogedaya uduzması ilə bir anda baxışlar ogedayın səs potensialına yönəldi.
şimali kipr mərhələsinə daha çox simvol yığaraq birbaşa vəsiqə qazanan türk milli atleti sema apak ilk yarımfinal səsverməsində boks çempionu adem kılıççıya məğlub oldu.
ikinci yarımfinalda ogeday girişkenlə rinqə serhat akın çıxdı, o da ogedaya məğlub oldu. bir daha hər kəs təəccübləndi.
dünən baş tutan final mərhələsində ogeday girişken adem kılıççıdan daha çox səs toplayaraq survivor 2017 elan edildi.
maraqlı hissdi. planlarını konkretləşdirmiş olursan. baxmayaraq ki, bir gün intihar edəcəyini hədəfləmiş insan üçün planlanmış həyatdan bəhs etmək o qədər də yerinə düşmür.
amma bunun asosial, sosiopat və psixopat subyektlərə daha çox xas olduğunu nəzərə alanda, konkret planları tamamlayıb daha sonra həyatın mənasının itəcəyinə inandıqları üçün müəyyən intihar tarixi təyin etmiş olurlar.
özümü də bu cərgəyə aid edirəm və mənim üçün geri sayım artıq başlayıb.
Son bəyənilənlər
