Son yazılanlar
Hazırki streak: 0 gün ardıcıl post yazılıb.
Rekord: 6 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: axşam yazarı
Pik saat: 22:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 1: Yeni
XP: 0 (karma əsasında)
Növbəti səviyyəyə: 100 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 35,325
Toplam simvol: 211,949
Orta entry uzunluğu: 779 simvol
Kitab ekvivalenti: ~0.5 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
necə baş verdi ki, 14-15 yaşlı yeniyetmə ikən birdən söz6-nın azı 10 illik yazarı olmuş oluram, birdən ağlıma gəldi, məni dəli elədi şəxsən.
obyektiv şəkildə deyə bilmərəm ki, söz6 mənim inkişafıma yaxşı təsir etdi, ya pis, amma indi köhnə entrylərə baxmaq dəhşətli dərəcədə kövrəldici gəlir mənə.
bir dənə üzrlü sayın, tam səmimi bir şey yazacam.
tərif: biri də sözlüyün artıq çox sayda yaxşı yazarlara sahib olmaması olan səbəblərdir.
həm dünya, Həm azərbaycan gündəmində nə qədər şey baş verir, sözlükdə onun başlığı az qala 1 həftə sonra açılır. yazarlar hələ də seksist başlıqlara entry yazmaqdan dünya problemlərini düşünməyə vaxt tapa bilmirlər. millət olaraq sosial məsuliyyət bizdə aşağı səviyyədə olduğu üçün sözlükdə də bu özünü göstərir. əvvəllər və indi də bəzi yazarlar var ki, maksimum çox sayda sifariş doldurmağa çalışırlar, edit edirlər, araşdırırlar, lazımlı şeylər yazırlar, amma 10 nəfərlə olmur, təəssüf ki.
sözlük 2013-2014-də çox aktiv idi, amma o bomba günlərinə davam edə bilmədi, çünki sözlüyü insanlara qəbul etdirmək missiyasını hamı mənimsəmədi. azərbaycandakı kütləyə bir şeyi yedizdirmək çox çətin deyil, sadəcə 20-30-40, bəlkə də, 50 nəfər birləşib onun üçün çalışmalı və sözlüyün keyfiyyətini də normal həddə saxlamalı idi, bu da alınmadı. heyif ki.
seksist sözlük yazarlarını tanımağınız üçün ideal olan başlıqdır. məsələn neçə gündür görürəm başlığı, heç marağımı çəkmirdi, çünki kim nəyə qulaq asır, nə edir - maraqlanmıram. amma qadınların hər hərəkətinin batdığı yazarlarımız üçün gördüyünüz kimi, dinlədiyimiz musiqi janrı belə "pick me girl"lüyə xidmət edir. allah bizə səbir versin.
əsasən, iran azərbaycanlılarının yaşadığı iran şəhəridir.
Türkiyə və Suriyada baş verən zəlzələdən əvvəl 28 yanvarda bu şəhərdə zəlzələ baş verib və iran hökuməti buradakı insanlara heç bir dəstək vermir. insanlar öz təşəbbüsləri ilə ailələrini dağıntılardan çıxarmağa çalışır, çadır qurmağa çabalayır.
ölən sayı az olsa da, yaralı insan sayı 900-a yaxındır və minlərlə insan evsiz qalıb.
2023-cü ildə 14-cü dəfə keçiriləcək yerli film festivalıdır. festivaldan xəbəriniz olmasa belə, il ərzində nizami kino mərkəzinin qarşısında köhnə ildən qalan posterlərini görə bilərsiniz (bəlkə də, artıq imana gəlib yığışdırıblar).
festivalın direktoru Fehruz Şamıyevdir.
ümumiyyətlə, nizami kino mərkəzinin onlara ev sahibliyi etməsindən başa düşə bilərik ki, dəstəkçilərinin elə ən birincisi mədəniyyət nazirliyidir. sifarişi verən: sonra dedilər ki alınmadı
qəlbimin ən dərin hissəsindən "kül sizin təpənizə" demək istədiyim hadisədir. ölkədə çox utancverici şey görmüşük, amma sənalla bu nədi.
şuba geyinən adamları dartıb gətiriblər. hamısı da bütün günü maaşından narazılıq edib seçkilərdə məktəblərdə qolundan, şalvarından bülleten çıxaran adamlardı. oturublar soyuqda gözləyirlər ki, bu dəqiqə prezident bunlara qızıl medal verəcək.
sovet təfəkkürlü, iylənmiş, heç vaxt həyata qarşı dik dura bilməmiş, hər yeni gələn siyasi rejimin qabağında əzilib büzülən adamlar ki var ha, şəkillərdə sifətlərini görəndə elə tiksinirəm. gözümün qabağına aldıqları rüşvətlər, hökuməti tərifləyən momentləri ağlıma gəlir və ən əsası mən bu xalqın yarısından çoxunun bu qədər ağılsız, şüursuz, savadsız olmağına inana bilmirəm. rəsmən bir ölkənin xalqı nə qədər xam, qanmaz ola bilərsə, o qədər adam var ölkədə. nə baş verir başa düşmürlər. belə şey olar?
başlığı açan insanın yazdıqlarını oxuyanda soz6-nın necə yerə çevrildiyinə təəccübləndiyim başlıqdır.
ailəni, cəmiyyəti, mühafizə orqanlarını günahlandırmaqdan, bölgələrdəki savadsızlığın səbəbini dövlət orqanlarından soruşmaqdan qıza gold digger adlandıran insanlara sözüm yoxdur artıq. 17 yaşında heç rəsmi olaraq hüquqi şəxsiyyət sayılmayan insan gold diggerdisə və onun anası "əcəb edirəm qızımı 50 yaşlı birinə ərə verirəm. acından ölməyindənsə, belə yaxşıdır" kimi açıqlama verirsə, bu hökumətin orta sinif ailələri, aşağı sinif hesab olunan insanların vecinə almamasının nəticəsidir.
tufan qopsa, qadınlardan biləcəksiniz, amma ağlınız kəsmir ki, bu ölkədə utancverici, adamı tiksindirən nə baş verirsə, hamı ölkə siyasətinin səriştəsizliyindəndir. qadınları günahkar bilməkdənsə, gedin onu araşdırın, özünüzü o mövzuda inkişaf etdirin. 17 yaşlı qızla evlənən pedofilin "təhsilli, intiligent" simasına başlamayım indi.
son zamanlardır "gündəm başlıqlar" bölməsində ölkənin və dünyanın gündəmi ilə bağlı heç bir başlıq görmədiyim platformadır.
bu il ikincisini baş tutan, noyabrın 30-dək keçirilən festivaldır. bütün tamaşalara giriş sərbəstdir.
festival Mədəniyyət Nazirliyi və Teatro.az sənət portalının birgə təşkilatçılığı ilə baş tutur. festivalın məqsədi milli teatr prosesini canlandırmaq, teatr sənətçilərini yeni yaradıcı təşəbbüslərə təşviq etmək imiş. bu il, əlbəttə ki, "şuşa ili"nə ithaf olunur.
Janr məhdudiyyəti yoxdur və mövzu sərbəstdir. Qaliblər peşəkar teatr xadimlərindən ibarət münsiflər heyətinin qiymətləndirməsi əsasında müəyyən ediləcək. Mükafat fondu I yer üçün 5 min manat, II yer üçün, 3 min manat, III yer üçün 1500 manat müəyyən edilib. Hər yer üzrə bir qalib seçiləcək.
Təşkilat komitəsi festivalın proqramını müəyyənləşdirib. Festivala təqdim olunan 20-dən artıq tamaşadan 12-si müsabiqə proqramına daxil edilib. Bu tamaşaların 6-sı Bakıda, 4-ü rayonlarda fəaliyyət göstərən dövlət teatrlarının, 2-si isə müstəqil teatrların payına düşür. Sənət yarışına dram teatrları ilə yanaşı, kukla teatrları da qatılıb.
Bundan əlavə, festivalın proqramında ölkənin müxtəlif teatrlarının repertuarından seçilmiş 7 müsabiqədənkənar tamaşa yer alır.
Tamaşalar Akademik Milli Dram, Akademik Musiqili, Akademik Rus Dram, Dövlət Gənc Tamaşaçılar, Pantomima və Kukla teatrlarında nümayiş olunacaq.
harada, hansı taşamanın nümayişinin olacağından facebook profillərini izləyərək xəbər tuta bilərsiniz.
universitetə səhər gedib axşam çıxmaq. özü də bu qədər uzun vaxt universitetdə qalmağın səbəbi dərs cədvəli yox, özünün bir yer tapıb saatlarla dərs oxumağın olanda daha da sevindirir. onda özümü yaşamağa dəyər hiss edirəm.
13 noyabr tarixində istanbulun ən məşğul küçələrindən birinin bombalanmasından sonra türkiyə iraq və Suriya sərhədlərində hava əməliyyatlarına başlayıb.
19 noyabr Türkiyənin Milli Savunma Bakanlığının rəsmi Twitter profilində aşağıdakı tweet paylaşılıb.
tweet 
ABŞ-ın dəstəklədiyi Suriya Demokratik Qüvvələrinin (SDQ) rəsmisi bildirib ki, Türkiyə döyüş təyyarələrinin şənbə günü axşam saatlarında ölkədə və qonşu iraqda həyata keçirdiyi “hava əməliyyatı” nəticəsində Suriyada biri jurnalist də daxil olmaqla 11 nəfər həlak olub. iraq tərəfdən itkilərin olmadığı bildirilir.
səssizlik/sükut spiralı siyasi elmlər və kütləvi kommunikasiya elmlərdə haqqında bəhs edilən, məşhur nəzəriyyələrdən biridir.
nəzəriyyə alman siyasi alimi Elizabet Noel Nyuman (Elisabeth Noelle-Neumann) tərəfindən yaradılıb. ictimai fikir, seçkilər, ictimai maraq, cəmiyyətin fikrini formalaşdırmaq və siyasi məsələlərlə bağlı bir çox şeyi aşkar edən maraqlı nəzəriyyədir.
loru dildə başa salım, sonra keçəcəm liboş-liboş danışmağa.
nəzəriyyənin məntiqi budur ki, insanlar digərləri onlarla oxşar fikir səsləndirəndə öz fikirlərini deməyə cəsarətli olurlar. lakin müəyyən qrup/icma içərisində özü ilə oxşar fikrə sahib birini tapmayan şəxslər isə fikrini bildirməməyə meyl edirlər. bununla da, bəlkə də, 10 nəfərlik qrup içərisində 6 nəfər populyar fikir səsləndirib 4 nəfər buna əks fikir bildirirsə belə, bu 4 nəfərin heç biri əks fikir bildirmədiyi üçün üstünlük təşkil edən insanların fikri əsas götürülür və bununla da spiral, yəni döngü davam edir.
bu nəzəriyyəyə bənzər başqa bir effekt kəşf olunub "momentum effect". yəni əgər random bir qrupdan bir çox individual eyni fikrin, qərarın ardınca gedirsə, digərləri sorğulamadan onu izləyəcək. yəni ana-ataların soruşduğu "dostun özünü pəncərədən atsa, sən də atacaqsan?" sualı özündə ciddi siyasi məna daşıyırmış.
abbreviaturası "media" olan, keçən il media haqqında yeni qanun layihəsinin yaradılması üçün təsis edilmiş və fəaliyyəti ilə medianın inkişafına kölgə olan agentlikdir.
saytlarında "haqqımızda" bölməsində yazılır: "Azərbaycan Respublikasının Medianın inkişafı Agentliyi Azərbaycan Respublikasında medianın inkişafının dəstəklənməsi, bu sahədə institusional quruculuq işlərinin davam etdirilməsi, yeni informasiya-kommunikasiya texnologiyalarının və innovasiyaların tətbiqinin stimullaşdırılması məqsədilə Azərbaycan Respublikası Prezidentinin “Azərbaycan Respublikasında media sahəsində islahatların dərinləşdirilməsi haqqında” 2021-ci il 12 yanvar tarixli 1249 nömrəli Fərmanı ilə yaradılmışdır".
agentlik 2021-ci ilin yanvarında yaradılanda qarşısındakı ən önəmli məsələ media haqqında qanun layihəsini 2021-ci ilin sonunadək təhvil vermək idi və gördüyün kimi və təəssüflər olsun ki, bunu icra edə bildilər.
azərbaycanda fəaliyyət göstərən bütün dövlət orqanları kimi, işləri ancaq faydalı nəsə etdiklərini sübut etməyə çalışmaq, çoxlu-çoxlu şəkillər, "görüşlər", "təlimlər"dən ibarətdir. amma ortada heç nə yoxdur.
səhv etmirəmsə, hər 3 aydan bir də 20-30 gənci media könüllüsü kimi alırlar komandaya. o könüllülər nə iş görür, bilmirəm.
16 noyabr tarixində ilham Əliyev Kino Agentliyinin fəaliyyətinin təmin edilməsi haqqında Fərman imzalayıb.
fərmanda deyilir:
Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq, “Azərbaycan Respublikasının Kino Agentliyi” publik hüquqi şəxsin yaradılması haqqında” Azərbaycan Respublikası Prezidentinin 2022-ci il 20 aprel tarixli 1667 nömrəli Fərmanının icrası ilə əlaqədar qərara alıram:
“Azərbaycan Respublikası Kino Agentliyinin Nizamnaməsi” təsdiq edilsin (əlavə olunur).
Müəyyən edilsin ki, Azərbaycan Respublikası Kino Agentliyinin (bundan sonra – Agentlik) nizamnamə fondu 100000 (bir yüz min) manat təşkil edir və dövlət büdcəsinin vəsaiti hesabına formalaşır.
Azərbaycan Respublikasının Nazirlər Kabineti bu Fərmandan irəli gələn məsələləri həll etsin.
Azərbaycan Respublikasının Mədəniyyət Nazirliyi:
4.1. Agentlik dövlət qeydiyyatına alındıqdan sonra Agentliyin strukturunu, əməyin ödənişi fondunu, işçilərinin say həddini və onların əməkhaqlarının (vəzifə maaşının, vəzifə maaşına əlavələrin, mükafatların və digər ödənişlərin) məbləğini bir ay müddətində təsdiq etsin;
4.2. bu Fərmandan irəli gələn digər məsələləri həll etsin.
Azərbaycan Respublikasının Maliyyə Nazirliyi bu Fərmanın 2-ci hissəsində nəzərdə tutulan maliyyələşməni təmin etsin.
bu agentliyin də medianın inkişaf agentliyi kimi işləyəcəyindən qorxuram. ümidvaram, bu büdcəni (çox olmasa da, onsuz da əlavə olaraq maliyyə ayrılır) haqlı işlərə sərf edərlər.
maraqlı dilə, tarixə, mədəniyyətə sahib gözəl ölkə olsa da, insanlarının müəyyən hissəsi elə axmaqdı ki (bizdən axmaq olmasınlar), axmaqlıqları ilə onlara dəxli olmayan məni belə əsəbiləşdirirlər. feminist və kuir aktivizmi çox güclü olsa da, mizogeniya, seksizm, homofobiya bu ölkədə adamı həyatından bezdirir.
son zamanlar isə (1 gündür) türkiyədə qadınlara mensturasiya icazəsi verilməsi ilə bağlı qanun təklifi gündəmdədir. CHP istanbul Millət vəkili Mahmut Tanal qadın işçilərə və qadın məmurlara aybaşı (regl, menstrurasiya) məzuniyyəti verilməsi ilə bağlı qanun təklifi hazırlayıb Türkiyə Böyük Millət Məclisinin sədrliyinə təqdim edib.
və kişilərin hamısı özlərini cırır twitterdə.
başı qapazlı millət olmağımızdır. yuxarıda sadalanan hər şeyin səbəbi mənə elə gəlir ki, bundan irəli gəlir. bütün tarix boyu əzilən, başına vurub konfeti alınan bir ölkə və millət olduğumuz üçün özümüzə qarşı inamımız, etiraz edə bilmə qabiliyyətimiz, şikayətimizi dilə gətirmə bacarığımız yoxdur, əziliriksə, buna qarşı səs çıxartmırıq, çünki heç vaxt çıxartmamışıq. biz həmişə bizim axmaqlığımızdan istifadə edən bir qəhrəman gözləmişik ki, o bizi səsləsin, ondan sonra küçələrə tökülüşək (baxma: 1993). bu da öz içimizdə passiv aqressiv olub çölə yaltaqlanmağımıza, içimizdəki aqressiyanı başqaların həyatına paxıllıq eləməklə, ona-buna söz atmaqla, gənclərin həyatını qaraltmaqla çıxarırıq. əyləncəli, xoş, uğurlu həyat yaşayan adamları görməyə gözümüz yoxdu.
tarixdən dərs çıxarmırıq. azərbaycanlıların əksəriyyəti də nə ölkəsini, nə də millətini sevir. kim nə edirsə, ölkəni daha da aşağı batırmaq üçün edir. ona görə də geridə qalmağa məhkumuq.
16 noyabr gecəsi Ukrayna sərhədinə yaxın fermalarının birində 2 nəfərin ölümünə səbəb olunmuş raket hücumuna məruz qalmış ölkədir. ilk fərziyyələr bu hücumun Rusiya tərəfindən gəldiyi yönündə olsa da, təzəlikcə məlum oldu ki, raket Ukrayna tərəfindən gəlib.
"Ukrayna müdafiə raketlərini müxtəlif istiqamətlərə atır və bu, raketlərdən birinin təəssüf ki, Polşa ərazisinə düşmə ehtimalı yüksəkdir", - Polşa prezidenti Anjey Duda deyib. "Hücumun qəsdli şəkildə edildiyini düşünmək üçün heç bir səbəbimiz yoxdur".
NATO-nun baş katibi Yens Stoltenberq 30 ölkənin hərbi alyansın Brüsseldə keçirilən iclasında Polşanın ilkin araşdırma nəticələrini vurğulayıb. Ukrayna prezidenti Vladimir Zelenski isə onlara etiraz edib və əlavə araşdırma aparılmasını istəyib.
allah köməyimiz olsun.
Mexican Institute of Sound bu mahnıya bi dənə miks edib və dünyanın ən bomba miksləri sırasında neçənci yerə girər bilmirəm:
)azərbaycan bomba ölkədi. avropanın [ai ölkələrinin sakinlərinin] sahib olduğu imkanlardan, sabit vəziyyətlərinin gətirdiyi üstünlüklərdən başqa xüsusi nələrisə yoxdu. varsa da, azdı. azərbaycan xalqı demokratik ölkəyə layiq olsa və işdi də təsadüfən nə vaxtsa demokratik rejimə sahib ola bilsə, hamısına min basar, təşəkkürlər.
görəndə söz6-dakı kişilərin qadınlardan nə vaxt əl çəkəcəyini düşündüyüm, sorğu-sual etdiyim başlıqdır.
qadınlar "zənn edirlər" ki, filan şey gözəldi, amma siz "zənn etmirsinizsə", avtomatik sizin dediyinizə əməl edəcəklər, hə? və elə düşünürsünüz ki, burada yazılanları oxuyan qadınlar birdən-birə bəyəndikləri şeyi atıb sizə qulaq asacaqlar?
burada qadınlara gəlib nifrət qusursunuz, amma 2014-də qalmısınız.
Son bəyənilənlər
