azərbaycandan çıxıb getmək

Əksər azərbaycanlı gəncin xəyalı. Yuxarıda bir yazar qeyd edib ki, Azərbaycan pulun varsa o qədər də pis yer deyil. Mən bunu əgər bütün haqsızlıqlara kor olub, ya əqidəsiz, ya da əqidəni gizlədərək tox yaşaya bilərsən kimi başa düşürəm. Çox savadlı çevrəm var və arasında çox azı burda qalmaq istəyir, onlar da burda seviblər və onsuz da mümkün deyil deyə.

Gənclər niyə qaçmaq istəyir?
Səbəbi hər kəsə məlumdur. Normal təhsil almaq istəsən yox, səhiyyə istəsən, o da yox. 10 yaşındaykən böyüyüb ölkənin inkişafına təkan verəcəyimi xəyal quran mən böyüyüb eyni yaşdakı qohumlarımı məcbur edirəm ki, dil öyrənib xaricə gedin.

Getmək çıxış yoludur mu?
Məncə, xeyr! Məsələnin ən bəsit tərəfindən baxaq. Fəlakətin fərqində olan gənclər imkan tapıb qaçsa meydan kimlərə qalacaq? Ya qaça bilməyənlər? Nə qədər fərdiyyətçi olsaq da bu ölkənin gələcəyi hər birimizi maraqlandırır.

azərbaycanda hicablıların sayının artması

Elə bilirdim, bir mən fikir vermişəm. Deməli, qaldığım şəhərdə əvvəllər həftənin 7 günü bu və ya digər səbəbdən ictimai yerlərdə olanda 1 və ya 2 örtülü görərdim. Son vaxtlar hər addımda rastlaşıram. Hətta o gün axşamüstü evə qayıdanda məhləyə girən kimi şok oldum, hər axşam uşaqları ilə hava alan xanımlar noldu 1 həftə də qapanma qərarı aldı? Mənə heç kimin seçimi maraqlı deyil, hörmət edirəm, amma bu artıq şəxsi seçimlərin təsadüfən oxşamır, özəlliklə uşaqlar və hicab məsələsi sonrası olması da ayrı məsələ. Ps: cahilliyimə verin, amma Azərbaycana qara çadralı insanları yaraşdırmıram, uşaq vaxtı qorxurdum hətta. Taxıne gözünüzü örtməyin də heç olmaya

pəki sən kimsən

Bu başlığı açmaqda məqsədim söz6 yazarlarının yumor anlayışını test etmək idi. Hep ağlaşma, hep ağlaşma olmaz ki.

Öncəliklə söhbətə əfsanəvi şeiri xatırladaraq başlamaq istəyirəm.
Babək soy kökü ilə bizdən deyilmiş
Xətai islamı ikiyə bölmüş
Fətəli Allahsız ,Vaqif baz idi
Filankəs azacıq qumarbaz idi
Gecəli gündüzlü Hadi dəm idi
O əyyaş,bu fərsiz,o bigam idi.
Biri qərəzkardır, biri xəsisdir
Bu ondan yaxşıdır,o bundan pisdir.
Natavan beləydi, Həcər eləydi
Böyüklər önündə o bir köləydi.
Rəhmət demirik amma bir kərə
Milləti ucaldan rəhmətliklərə
Bir deyən yoxmudur, Pəki,sən kimsən?
Danış, bu millətə nə gətirmisən
Şər,böhtan atdığın bu böyüklərin,
Yüzdə biri qədər nə iş görmüsən?”

Bu arada mənim şairimizə xoş gələcək məziyyətim yoxdur, (hələki) amma Həcər və Natəvan xarici hər kəs haqqında deyilənlər düz idi. indi siz deyin görək bu millətə nə xeyir gətirmisiz?

asan görünən amma əslində çətin olan şeylər

Bəzi təməl qaydalar var ki, əslində hamı edir və etməlidir, amma hər gün hamısını müntəzəm edəndə kalan vaxt gedir.
1. Diş fırçalamaq. Bəli, özəlliklə brekitlisizsə səhər, axşam, hər yeməkdən öncə/sonra. Dəhşətdir. Gündə 2 saat diş fırçalamağa gedir.
2. Əl-üz yumaq. Təbii ki, bunu hamı edir, amma qaydasında edəndə yəni, səhər, axşam, harasa çıxandan sonra evə qayıdanda necə lazımdırsa yox. Üzü sabunla yumaq olmaz, üzü yuyandan sonra silmək olmaz və s. Zəhlətökən işdir. Üz qulluğu üçün marka olaraq bioderma tövsiyə edirəm. Bahadır, amma onsuz aylarla istifadə olunur. (Ümidvaram bu reklama girmir)
3. Yemək yemək. Bəli, yemək özü bir sənətdir. Sağlam qidalanmaq isə dəhşət çətindir. Hər gün vaxtında, kalorini, qida dəyərlərini hesablayaraq nəsə yemək üçün əməlli əziyyət çəkmək lazımdır. Harda gəldi qabağınıza nə qoydular yeməyin.

gürcüstan deyəndə ağla gələnlər

Bugünə qədər Gürcüstan deyəndə ağlıma rüşvətin yığışdırıldığı, əslində heç nəyi olmayan, amma demokratik, dünyanın ən millətçi insanlarının yaşadığı ölkə gəlirdi. Bir də bəzi məsələlərdə məni düşündürür Azərbaycan-Gürcüstan əlaqəsi. Bir gürcüstanlı sinif yoldaşım körpə olandan Azərbaycanda yaşasa da (əslən azərbaycanlı idi) ona və ailəsinə vətəndaşlıq verilmirdi. Ümumən tanıdığım heç bir gürcüstanlı burda vətəndaşlıq ala bilməyib. Nəysə)
Bugündən etibarən Gürcüstan deyəndə 11 və 15 yaşlı iki uşağın nişan mərasimi gələcək. Mən elə bilirdim orda evlilik yaşı haqda eşitdiklərim şəhər əfsanəsidir. Doğru imiş. Çox yazıq

narkotik

Düşünürəm ki, artıq ətrafdakı hər şey təbliğat üçündür və müəyyən ideologiyaya xidmət edir. Elə bu başlıq da narkotik leqallaşmalıdır mı ya. Bu zəhrimarı tibbi məqsəd xarici heç kim istifadə etməməlidir. Ətrafımda narkotikin bədbəxt etdiyi neçə ailə olub. Etməyin! Biri nəşəli adam vurub. Biri evdən pul vermirlər deyə yaxın qohumundan oğurluq edib. insan ömrü bu qədər ucuz olmamalıdır. Əlbəttə ki, bu dərddən qurtulmaq olar. Valideynlər də bu məsələdə həssas olmalıdır. Oğlunun gözü axmayan vaxtı yoxdur, deyir adı dispanserə düşəcək.
Bu arada dispanserdə elə yaxşı müalicə edirlər ki, ikicə ayda tərgidirsən. Çalışın, həyatınızı nəyəsə alüdə olaraq hədər etməyin. Öz həyatınız cəhənnəm, ətrafınızı düşünün.

qadın cinayətləri

Bu aralar gündəmdə olan mövzudur. Səbəb isə həm feministlərin kiçik və təqdir etdiyim fəaliyyətləri, həm də son zamanlar daha çox eşitdiyimiz qadın cinayətləridir. insanların bir hissəsi elə reaksiya verir ki, nolub 2021-də çox qətl olur? Xeyr, həmişə belə idi, sadəcə indi eşidirsiz. Niyə qadın cinayətləri belə çox baş verir?
Çünki bizdən əvvəlki nəslin kişi anlayışı tamam fərqlidir. Bu fərq etmir, şəxs təhsillidir, ya təhsilsiz. "Kişi qadını döyər də, söyər də, hər şeydən ötrü dədə evi" zir-zibilindən, "indi atanın haqqı yoxdu, çağırıb qızına bir şillə vursun,xeyrola əzizləyəndə oluuur" cəfəngiyyatına çoxu dilə gətirməsə də belə düşünür. Hamını dəyişə bilmərik, amma heç olmaya cəmiyyətin öyrədənləri belə olmayaydı. Bu barədə heç vaxt unutmayacağım xatirəm mənə elə pis təsir edib ki...
Bir dekan universitetin ilk günü iclasda tələbə və valideynlərə dedi ki, baxın, saat 6-dan sonra tutorları narahat etməyin. Bəlkə (gülə-gülə) birini əri döyür, desin ki ay ər, gözlə cavab verim sonra döyərsən? Zalda bir mən şok oldum. Hamı gülümsədi, gənc tutorlar utandı.
Bu birinci səbəb. Şiddət aşılanır.
ikinci isə erkən və "dədəmverdi" evlilikləridir. Bunun bir nömrəli səbəbkarı dövlətdir. Sən 16 yaşlı qıza niyə nigah icazəsi verirsən? Niyə o uşaq xəstəxanaya doğmağa gələndə baxım-görümlə yaşı çox yazılır, amma təcavüzkar kef edir? (qanuna görə qız hətta o yaşda öz iradəsi ilə evlənmiş olsa belə ər və atalar cinayət məsuliyyəti daşıyır)
Bəzi şeylərə elə biz özümüz də göz yumuruq. Kim indiyə qədər ona uşaq evliliyi üçün dəvətnamə gələndə salona yox, polisə gedib? içi mən qarışıq heç kim.