Son yazılanlar
Hazırki streak: 0 gün ardıcıl post yazılıb.
Rekord: 8 gün ən uzun ardıcıllıq.
Streak hər gün ən azı 1 post yazanda artır. Bir gün boş keçsə sıfırlanır. Streak uzun olduqca od böyüyür!
Tip: axşam yazarı
Pik saat: 23:00
Saat diaqramı yazarın gün ərzində nə vaxt aktiv olduğunu göstərir. Qırmızı = ən çox post yazılan saatlar. Yaşıl = orta aktivlik.
Səviyyə 1: Yeni
XP: 42 (karma əsasında)
Növbəti səviyyəyə: 58 XP qalıb
Səviyyə karma əsasında hesablanır. Karma = reytinq + entry sayı + wiki töhfələri. Hər səviyyə üçün daha çox XP lazımdır. 25 səviyyə var: Yeni-dən Tanrı-ya qədər.
Təxmini söz sayı: 60,774
Toplam simvol: 364,643
Orta entry uzunluğu: 996 simvol
Kitab ekvivalenti: ~0.9 kitab (70K söz/kitab)
Söz sayı entry-lərdəki simvollardan təxmin olunur (orta 6 simvol/söz). Kitab ekvivalenti standart roman uzunluğuna (70,000 söz) əsaslanır.
yazarların nicklərinin ai-il
yazarların nicklərinin ai-il
14 fevral
sözaltı fotoqrafiya
sözaltı fotoqrafiya
sözaltı fotoqrafiya
sözaltı fotoqrafiya
"The state and its nationalism, conscribing the community both as politically sacrificeable and sociopsychologically devout members, are two gods in one. This is the political framework and metaphysic within which the citizen is born. They shape him in their image so he can reproduce them, perpetually, for their own sake."
- wael hallaq, the impossible state
"Muslim civilization, like Western civilization, is derivative - a civilization of the second degree, to use the terminology of Alfred Weber. It was not built on a tabula rasa, but on the lava of that fluid, lively and motley civilization which preceded it in the Near East. So it was not with the preaching of Muhammad, or the first decade of dazzling Muslim conquests (632—42), that the biographv of Islam began. Its real origins lie deep in the immemorial history of the Near East."
- fernand braudel, a history of civilizations
7 il ərzində ərəb və fransız dillərini ən az b2 səviyyəsində öyrənmək. vaxt olsa ivrit dilini də oxuma səviyyəsində bilmək istəyirəm. hə, bir də, araşdırma pozisiyasında iş tapmaq.
san diego university professoru, politoloq.
Mən islam, Authoritarianism, and Underdevelopment kitabı ilə tanımışam ahmet kurunu. Kitab indoneziya, ərəb, fars, bosniya, fransız, alman, holland, qırğız, özbək, hind, urdu, benqal, malay dillərinə tərcümə edilib. Kitab müəllifin ana dili olan türk dilinə 7 il sonra tərcümə edilib nəşr edildi. Zənnimcə bu gecikmənin səbəbi ahmet kurunun fətullah gülən camaatına olan yaxınlığı idi. Ancaq son illərdə həm fətullah güləni, həm də ümumi camaat strukturunu tənqid edən yazılar yazaraq camaatın özünü ləğv etməsinin zəruri olduğunu demişdir. kitab 2025-ci ildə malayziya islam şurası qərarı ilə daxili işlər nazirliyi tərəfindən sünni islama zidd olması səbəbilə qadağan edilmişdir. Bənzər şəkildə, özbəkistan islam şurası da kitaba senzura qərarı verdi.
Ahmet kuru bu kitabda bu suallara cavab tapmağa çalışır: “islam demokratiya ilə uzlaşan bir dindir?” “niyə müsəlmanların çoxluqda olduğu cəmiyyətlər avtoritariya ilə idarə edilir və niyə az inkişaf ediblər?” Bu sualların cavabını 11-ci əsrdə strukturlaşmağa başlayan dəyişiklik ilə izah etməyə çalışır. Müəllifə görə, 7-ci və 11-ci əsr aralığında müsəlman alimləri, üləma dövlətdən ayrı və müstəqil idilər. Dörd əsas məzhəbin qurucuları olan Əbu Hənifə, Malik, Şafii, Əhməd bin Hǝnbəli siyasi hakimiyyətin əmri altında olmağı rədd etmişdilər və hətta bu səbəblə həbs edilmişdilər. Eyni zamanda şiələr də siyasi hakimiyyətlər tərəfindən təzyiqə məruz qalırdılar. 8-ci əsrdən 11-ci əsrə qədər islam alimləri və ailələrinin 72 %-i ticarət və sənətkarlıq ilə məşğul olublar. Maddi güclərini siyasət sferasının kənarından qazanmaları üləmaya düşünmə azadlığı qazandırdı. Ancaq 11-ci əsrdən etibarən dövlət-üləma ittifaqı getdikcə artmağa başladı. Bunun da əsas səbəblərindən biri, abbasi xəlifəsi əl-Qadir və oğlu əl-Qaimin yüksəlməkdə olan şiə dövlətlərə qarşı durmaq üçün sünni sultanları, üləmanı və cəmiyyəti birləşdirmə planları idi. 11-ci əsrdən etibarən ortodoks islam əqidəsi strukturlaşmağa başladı. Hakim düşüncə və inanc etiqadına zidd olduğu iddia edilən şiələr, Mötəzililər mürtəd elan edildilər. Bu periodda səlcuqlular da yüksəlməyə başlamış, iqta adlanan iqtisadi sistem tacirlər sinfini böyük ölçüdə azaltmışdır. Səlcuqlu dövlətinin baş vəziri Nizamülmülk Nizamiyyə mədrəsələrini açaraq hakim etiqadın çərçivəsinin xaricində qalan düşüncə və inancların marjinallaşmasına, sünniliyin isə ortodoks inanc sistemi olmasına yol açmışdır. islam alimləri arasında azad düşüncənin əsas maddi qaynağı olan tacirlər sinfinin iqtisadi olaraq zəifləməsi, islam içi düşüncə ayrılıqlarının siyasi hakimiyyətlər tərəfindən konsolidasiya aləti olaraq istifadə edilməsi, xaç yürüyüşləri və monqol işğalları kimi faktorlar üləma-dövlət ittifaqının bərkiməsinə səbəb olmuş və bu da üləmanın azad düşüncə istehsal etməsini limitləmişdir.
islam dünyasında bunlar yaşandığında, qərbi avropada katolik kilisəsi ilə roma imperiyası arasındakı münaqişənin din və dövlət qurumlarının ayrılığına təkan verməsi, universitetlərin qurulması və intellektual təbəqənin müstəqil fikir istehsal etməsi, tacir sinfinin iqtisadi olaraq yüksəlməsi kimi hadisələr yaşanırdı. Dini, siyasi, intellektual və iqtisadi siniflər arasındakı bu münasibətlər daha sonraki əsrlərdə renessans, mətbəə inqilabı, coğrafi kəşiflər, protestan reformu, elmi inqilab, amerika və fransa inqilabları kimi digər mütərəqqi periodlara töfhə verdi. Bunlar sayəsində Avropa islam dünyasından üstün olmağı bacardılar və artan hərbi gücləri sayəsində də bu torpaqları müstəmləkələrinə çevirməyə nail oldular.
Oxuması çox zehin açıcı kitabdır. Bir neçə tərəfdən tənqidlərim də var. Ümid edirəm nə vaxtsa azərbaycan dilinə də tərcümə edilər və elmi-akademik diskussiyalar aparılar.
bugün dünya çempionu veselin topalovu məğlub edərək canlı fide reytinq sıralamasında 2692-ə yüksələn 14 yaşlı türkiyəli grandmaster. eyni zamanda şəhriyar məmmədyarovun tələbəsidir.
böyük ehtimalla qısa bir zamanda 2700 səviyyəsini də keçərək daha bir rekorda imza atacaq. 14 yaşında birinin bu səviyyədə olması inanılmazdır. ümid edirəm zamanla daha da inkişaf edər, zaman kontrolunu daha sərfəli istifadə etmə bacarığına da malik olar.
edit: 16 aprel etibarilə artıq 2704 reytinqə çatdı və tarixdə 2700-ü keçən ən gənc şahmatçı oldu. təbriklər!!
bugün hikaru nakamuranı, ondan əvvəl də fabiano caruana və esipenkonu məğlub edərək namizədlər turnirinə 4.5/5 ilə davam edən özbəkistanlı grandmaster.
turnir başladığında fabiano caruananı dəstəkləyirdim, ancaq belə görünür ki, sindarov turniri birinciliklə bitirib dünya çempionluğunda gukesh ilə oynayacaq.
hər tələbə evində çox göz qabağında olmadığı üçün tez-tez təmizlənməyən, ayda ildə bir dəfə silinən yer vardır. bayaq həmin yerlərdən birini təmizləyəndə bir il əvvəl bu vaxtlarda mənə göndərdiyi məktubu gördüm. bəlkə də ilk dəfə oxuduqdan sonra qoyduğum yerdə qalıb. tozlanmışdı biraz. məktubu açdım, fəqət yenidən oxumağa cəsarət göstərə bilmədim. üstünün tozunu silib ehmalca rəfə qoydum. bəlkə nə vaxtsa yenidən oxuma cəsarətini tapa bilərəm özümdə.
)
həm chatgpt-yə, həm də gemini-yə hesabımın linkini atıb entrylərimə əsasən mənim simvolik şəklimi çəkmələrini istədim.
chatgpt:
gemini:
final matçında şəhriyar məmmədyarovu məğlub edərək respublika üzrə şahmat çempionu olan grandmaster. ikinci yeri şəhriyar, üçüncü yeri isə aydın süleymanlı tutdu.
sevdiyim və maraqlandığım mövzuda yazdığım üçün şanslıyam. supervisorum da bu sahədə olduqca bilikli biridir və çox anlayışlıdır. di gəl ki, daha çox oxuduqca daha çox yetərsiz hiss edirəm. yazdıqca yetəri qədər izah etmədiyimi düşünürəm. dissertasiyamın scope-u 2011-2015 arasıdır. tarixi, struktural, sosio-iqtisadi arxa planını analiz etmək üçün 1946-dan başladım. amma 1946-nın arxa planını izah etmək üçün də 1870lərdən başladım. mövzum ilə əlaqəsiz məsələlər deyil, bu mövzu üzərinə bir kitab yazılsa bu periodlardan başlamamaq olmaz. amma, dissertasiyanın eyni məqsədi daşımadığını bildiyim halda bu fraqmentasiyanı qəbul edə bilmirəm daxilimdə. bəlkə də jüri heyətindən başqa heç kim oxumayacaq, amma yenə də yetəri qədər anlatmaq istəyirəm hər şeyi.
1 aya yaxın müddətdir sadəcə birinci dərəcələri mənbələri və akademik qaynaqları oxuyur, qeydlərimi aparırdım. bəzən də birlikdə çalışmaq üçün dostumla kitabxanaya gəlirik. onun mövzusu tamamilə fərqlidir, süni intellekt ilə əlaqəli birşey yazır. amma 1 aydır mözvusu ilə sadəcə dolaylı əlaqəsi olan və akademik sayıla bilməyəcək kitablar oxuyur (bax: yuval noah harari)
aid olduğun yer, xatirələrlə dolu otaqlar.
bayaq evdəkilər arxiv şəkilləri açmışdılar, mən də video call ilə qoşulub baxırdım. sovetskidəki evimizdə uşaqlığımın, azərbaycandakı illərimin keçdiyi yerdən şəkillər var idi. bir neçə həftə əvvəl o evi yıxdılar. şəkillərə baxdıqca qəribə bir hiss bürüyür hər tərəfi. illərdir görmədiyim qonşularımızı, xoşbəxt olduğumuz zamanları, gələcəkdə yaşanacaq olan hər şeydən bixəbər olduğumuz vaxtları görmək həm xoşbəxtlik, həm də kədər verirdi insana.
bina evindən fərqli olaraq kiçik həyətdə bir neçə ailənin yaşadığı tipik sovetski evlərindən idi. fərqləndirici tərəfi isə məhəllə ilə, qonşular ilə daha sıx yaşamağımız idi. yay aylarında dama çıxıb gecələri damda yatardıq qonşu uşaqları ilə. atamın damda saxladığı göyərçinlərə dən vermək, damların üzərindən qaçaraq digər həyətlərə getmək... indi hamısı xatirədən ibarətdir.
ev. aid olduğun yer. qərib ölkədə yaşamağın ən pis tərəfi də aidiyatsız qalmaqdır. bu yay ad günümdə işdən evə qayıdırdım. ad gününü keçirəcək biri yox idi. olsa belə onlarla keçirmək istəmədim. burada qazandığım vərdişlərdən biri də ətrafındakı insan toplusunun içində yalnız qala bilmək oldu. əslində burada deyil, illər əvvəl qazanmışdım bu vərdişi. bəlkə də uşaqlığımdan. amma burada daha çox hissetdim. işdən "ev"ə qayıdanda qapının qabağında durdum. heç cür içəri girmək istəmirdim. iyrənirdim artıq bu "ev"dən. təxmini 5 dəqiqə heçnə etmədən dayandım qapının qabağında. daha sonra qayıtdım. şəhərə düşdüm, gəzdim, içdim, oturdum, yemək yedim. gecə saat 2 olmuşdu, evə qayıtmaq istəmirdim hələ də. tanıdığım insanlara zəng elədim bəlkə oyaq olan varsa vaxt keçirdək deyə. hamı yatmışdı. gün işığı açılana qədər fərqli publarda oturub əylənən insanları seyr edirdim. səhər 6-da artıq bağlandı barlar. metro yeni açılmışdı. metroya da minmək istəmədim. çünki metro evə aparacaqdı məni. işlədiyim kafeyə zəng edib xəstələndiyimi, bugün gələ bilməyəcəyimi dedim. dünən gecə mesaj atdıqlarım bir-bir cavab yazmağa başlamışdı. telefonu söndürüb gəzməyə başladım. ac idim. açıq restoran axtarsam da tapa bilmədim və marketdən sandviç və siqaret alaraq şəhərin mərkəzində olan qatar stansiyasına gəldim. məqsədli olaraq gəlməmişdim, gəzərkən anidən orada olduğumun fərqinə vardım. bəlkə biraz uzaqlaşmaq lazımdır deyə fikirləşib biletlərə baxırdım. ancaq heç yerə getmək də istəmirdim. nə evə, nə başqa şəhərə. olduğum yerdə də olmaq istəmirdim. ümumiyyətlə, var olmaq istəmirdim. sonra. sonra, heç nə. edəcək, gedəcək heç nə, heç yer tapmadığım üçün evə qayıtdım.
evsiz olmaq bəzən başının üstündə tavanın olması deyil. evsiz olmaq hərdən yersiz yurdsuz olmaqdır.
sırağagün verdiyim imtahan. bugün nəticələr açıqlandı və overall 8.00 gəldi.
ümid edirəm ki ingilis dili ilə əlaqəli verdiyim son imtahan olar, çünki artıq bezmişəm. sat (1400), toefl (102) və ielts (8) imtahanlarından keçmişəm daha öncə və artıq fərqli dillərdə səlis oxuma və danışma bacarıqlarına yiyələnmək istəyirəm.
Kötü şey uzakta olmak
Dostlarından, sevdiğin kadından
Yasaklanmak bütün yaşantılara
Seni tamamlayan, arındıran
Kapatıldığın dört duvar arasında
Sağlıklı, genç bir adam olarak
Neler gelmez ki insanın aklına
Sevinçli, özgür günlere dair
Kalmıştır yüzlerce yıl uzakta
Onunla ilk kez öpüştüğün şehir
Acı, zehir zemberek bir hüzün
Kalbinden gırtlağına doğru yükselir
Görüyorsun işte küçük adamları
Köhnemiş silahlarıyla saldıran sana
Kimi tutsak düşmüş kendi dünyasına
Kimisi düpedüz halk düşmanı
Diren öyleyse, diren, yılma
Yürüt daha bir inatla kavganı
Babeuf'u hatırla, Nazım Hikmet'i
Bir umut ateşi gibi parlayan zindanlarda
Hatırla Danko'nun tutuşan kalbini
Karanlıkları yırtmak arzusuyla
Ve faşizme karşı, zulme, zorbalığa
Düşün acılar içinde vuruşan kardeşleri
Kötü şey uzakta olmak
Dostlarından, sevdiğin kadından
Yasaklanmak bütün yaşantılara
Seni tamamlayan, arındıran
Ama bir devrimciyi haklı kılan
Biraz da acılardır unutma
Yıkılma sakın geçerken günler
Yaralayarak gençliğini
Onurlu, güzel geleceklerin
Biziz habercileri düşün ki
Ve halkın bağrında bir inci gibi
Büyüyüp gelişmektedir zafer.
ataol behramoğlu - yıkılma sakın
fide grand swiss şahmat turnirində dünən qrossmeyster Karthikeyan Muraliyə qarşı qələbə qazanan həmyerli şahmatçımız.
rəqibini möhtəşəm vəzir fədası edərək mat edib. əslində tam fəda sayılmaz, sadəcə hesablanmış şəkildə vəziri qorumur. böyük ehtimalla əvvəlcədən bu həmlə silsilələrinə çox hazırlaşıb və açılışdan etibarən bu mövqeyə gəlməsi üçün həmlələr edib. çünki oyun sonunda rəqibinin 24 dəqiqəsi qaldığı halda aydının 1 saat 30 dəqiqə vaxtı qalmışdı.
oyunun gedişatına və şərhinə buradan baxa bilərsiniz:
)(bax: il conformista)
Bernardo Bertoluccinin 1970 tarixli möhtəşəm filmi. alberta moravianın eyniadlı romanına əsaslanaraq çəkilən film həm vizual baxımdan, həm də sujet xətti olaraq çiçək kimidir. filmdə həm mussolini faşizminin yüksəlmə, həm də çöküş periodlarını izləyə bilərsiniz.
-- spoiler --
film mussolini faşizminin italiyasında 1938-ci ili əhatə edir. baş obraz marcello clerici filmin adından da göründüyü kimi konformistdir. ideologiya olaraq faşist olmamasına rəğmən yeni italiyada "normal" ola bilmək üçün faşist kimliyini qəbul edir. daha da iləri gedərək kəşfiyyatçı olur. clericiyə fransada siyasi mühacirətdə olan antifaşist akademik olan Professor Luca Quadrini öldürmək əmredilir. luca quadri eyni zamanda illər öncə clericinin universitet müəllimi və dissertasiya supervisoru olub. clerici yeni həyat yoldaşı ilə bal ayı bəhanəsiylə fransaya gedir. həyat yoldaşı, clericinin öz dili ilə desək, xırda burjuaziyaya mənsub olan, intellektual dərinliyi olmayan, ortastatistik şeylərə maraq göstərən ortastatistik birisidir. sadəcə mətbəx və yataqdan ibarət olaraq görür həyat yoldaşını. evlənmə səbəbi isə "normal" olmaq cəhdidir. həyat yoldaşı ilə getdikləri fransada professor və professorun həyat yoldaşı anna ilə görüşürlər. quadri ailəsi, clericinin faşist olduğunu bildiyi halda qapılarını onlara açır. köhnə tələbəsi ilə yaxın və səmimi əlaqə qururlar. uşaqlığında yaşadığı travma səbəbi ilə qorxaq və ürkək olan clerici, bir müddətliyinə professoru öldürmək cəhdindən vaz keçir. daha sonra kəşfiyyat ortağı Manganiello onu təkrardan bu cəhdi etməyə vadar edir. professor və həyat yoldaşı parisdən Savoydakı bağ evlərinə gedərkən yolda qətlə yetirilir.
filmin mənə görə ən gözəl və insanın tüklərini biz-biz edən hissəsi sonudur. 1943-də mussolininin istefası və faşizmin çöküşü protaqonistimizin psixoloji katarsisi ilə birləşir. o gecə dostu italo ilə birlikdə roma küçələrində gəzir. antifaşistlər faşizmin çöküşünü qeyd etmək üçün sloqanlar və musiqi sədaları ilə gəzirlər. daha sonra clerici və italo, iki nəfərin küçədə söhbətini eşidirlər. biri, ac olduğundan, pişik yeməkdən artıq bezdiyindən, siçovulların o qədər də ətli olmamasından şikayətlənir. digəri isə ona evində toyuq, yumurta kimi yeməklər olduğunu və üşüməmək üçün əlavə bir cüt ayaqqabası olduğunu deyir. bunları ona vermək üçün evinə getmələrini təklif edir. clerici bu təklifi edənin o uşağa təcavüz edəcəyini başa düşür. özü də uşaq vaxtı bənzər bir hadisə yaşamışdır. 1917-ci ildə küçədə uşaqlar tərəfindən döyülərkən bir sürücü onu xilas etmiş və evinə dəvət etmişdi. ona təcavüz etməyə çalışarkən clerici onu öldürmüşdü. və ya öldürdüyünü düşünürdü. mussolinin istefa etdiyi gün küçədə bu söhbəti eşitdiyində qaçaraq onun yaxasından yapışır. onun, clericini təcavüz edən adam olduğunu düşünür. onun yaxasından yapışaraq, bir katarsis halında, ona belə deyir:
- 25 mart 1917-ci ildə nə edirdin? (clericinin uşaq ikən təcavüz edildiyi il)
+ sən kimsən? dəlisən?
- 25 mart 1917-ci ildə nə edirdin?
+ məni rahat burax!
- bəs 15 oktyabr 1938? harada idin? nə edirdin? 1938-ci il 15 oktyabr saat 4-də nə edirdin? (clericinin öz müəllimi luca quadrini və həyat yoldaşı anna quadrini qətlə yetirərək onlara xəyanət etdiyi gün)
səhnəni buradan izləyə bilərsiniz:
)
kafam aşırı güzelken izlədiyim film.
hər səhnəsini, arxa fondakı musiqinin hər toxunuşu hissedərək izlədim, təəssüf ki, yaxşı ki. həm təəssüf ki, həm yaxşı ki. sonuncusundan başlayım. yaxşı ki, çünki əks halda bu qədər təsirlənməzdim. təəssüf ki, əks halda bu qədər təsirlənməzdim.
bu siyahını əsasən ankara universiteti uluslararası ilişkiler bölümündən həmyerlimiz rasul almammadovun hazırladığı siyahıdan götürmüşəm. mənim faydalandığım çox leksiya/resurs oldu, düşündüm ki sizlər üçün də lazımlı olar.
1. Middle East Security Structures ( bilkent university)
https://video.bilkent.edu.tr/course_videos.php?courseid=21
2. The International System (bilkent university)
https://video.bilkent.edu.tr/course_videos.php?courseid=28
3. Foreign Policy Analysis (bilkent university)
https://video.bilkent.edu.tr/course_videos.php?courseid=39
4. european civilization 1648-1945 (yale university)
https://ocw.metu.edu.tr/course/view.php?id=184
5. Law and Institutions of the European Union (odtü/metu)
https://ocw.metu.edu.tr/course/view.php?id=238
6. Turkey-European Union Relations in a Global Perspective (odtü/metu)
https://ocw.metu.edu.tr/course/view.php?id=356
7. Massachusetts Institute of Technology/mitin pulsuz leksiyalar vebsaytında history+political science hissəsi
https://ocw.mit.edu/search/?d=History&d=Political%20Science
8. Introduction to International Relations ( michael rossi)
https://www.youtube.com/playlist?list=PLCFS2rj-qIVZLbIVLrUx8cXEDAn4RgGVB
9. Game Theory 101 ( William Spaniel)
https://www.youtube.com/watch?v=IotsMu1J8fA&list=PL102B69CCA6049B6C
10. Herkes için Siyaset Bilimi ( evren çelik witse/ daktilo1984)
https://www.youtube.com/playlist?list=PLMuw1RSH-ZJJLQpT1dBOgpyxYEEtig6vX
11. Introduction to Political Philosophy (yale university)
https://acikders.tuba.gov.tr/course/view.php?id=134
12. Power and Politics in Today’s World (yale university)
https://www.youtube.com/watch?v=BDqvzFY72mg&list=PLh9mgdi4rNeyViG2ar68jkgEi4y6doNZy
13. Politics and Economics of international Energy ( Giacomo Luciani/coursera)
https://www.coursera.org/learn/global-energy
14. IR Theory Interview Series
https://www.youtube.com/watch?v=W5sK494_P8o&list=PLpgGHIf_4f-yLNgkGFcgSijhyM3Z20Z0A
15. diplomatic history ( sean mcmeekin)
#391675
16. European Intellectual History since Nietzsche (yale university)
#384718
sean mcmeekinin bilkent universitetində verdiyi fənn.
description hissəsində belə yazır: "this is a series of lectures given by Dr Sean McMeeking at Bilkent University, found on Cosmic Learning. Dr McMeekin gives a thorough and highly engaging approach to history which will keep the viewer (or student) engaged with the subject material. Definitely a must for Western History junkies who can stand looking at our bad as well as good side. Enjoy!"
buradan izləyəbilərsiniz: https://www.youtube.com/playlist?list=PLPIKF8DNGQpx6zpOc2AtVkO4gLojwezru
Son bəyənilənlər
