qatiq qaradi blet


575   1   1   0
qatiq qaradi blet 2.nəsil yazar
reytinq xalı: 3402
karma xalı:417
entry sayı:575
izləyənlər:73
sifariş sayı:0

son yazdıqları| | əl əməyi göz nuru| favori seçdikləri| favori seçilənləri| bütün entryleri| saxlanılanlar| lövhə/blog
choose your damn limitations...

sərxoş olmaq həm hüznlü, həm də keyifli olduğun vaxtlar, heçnəyin vecinə olmadığı vaxtlardır.
abba-dancing queen
(youtube: )

ən yaxın dostlarınla birlikdə rəqs etdiyin musiqidir.
hamı sizə baxır niyə belə zövq aldığınızı başa düşməzlər. ancaq sizi birləşdirən bəzi şeylər vardır. biriniz problemə düşərkən, sorğusuz yanında olarsınız. loyallıq göstərmək üçün dostunuzun haqlı olub olmamasını soruşmazsınız. bəlkə sonradan çənəsinə birini ilişdirərsiniz, ancaq ilk öncə yanında olarsınız.
oğlanları çəkici edən xüsusiyyətlər təbiətdə maraqlı analoqları olan xüsusiyyətlərdir. məsələn boz kürəkli erkək qorilla düşünün. qrupun lideridir. ən güclüsüdür, sinəsinə döyəndə kilometrlərlə uzaqdan eşidilir. ancaq qəribə bir qüruru var, məsələn göz kontaktından qaçır. ən maraqlısı isə başqa bir şeydir. bir boz kürəyin hərəkət istiqamətində bir neçə aylıq körpənin (qorilla) olduğunu düşünün. sizcə boz kürək nə edir? düşünmək olar ki, nəinki körpəni hətta bir insanı əli ilə paralaya biləcək gücə sahib olan boz kürək, yəqin ki, körpədən rədd olmağını tələb edəcək. lakin elə deyil. boz kürək yolunu dəyişdirib, körpənin yanından keçir. yəni ona ilişməyi heç özünə sığışdırmır.
başqa tərəfdən digər qohumlarımızı götürək. bir-biri ilə məzələnmək instinktləri var. təxmin etmək olar ki, konfliktdən qorxmadan başqalarına ilişmək, seksual olaraq cazibədar sayılır. bu videoya baxın:
(youtube: )
techno Mağara musiqisi və ya "ay qa, mən oynaya bilmirəm, hansı musiqidən başlayım?" Musiqisi kimi tərif oluna biləcək musiqi janrıdır. berlinin himni olsaydı yəqin bu janrda olardı. Hər klubda bu səslənir mk. Ancaq nə yalan, deyim kifayət qədər coşdurmaq potensialına sahibdir. Bəzən iki-üç gün çəkən fasiləsiz klub gecələrini gündüzlərini və ya həftə sonlarını narkotiksiz və techno-suz təsəvvür etmək mümkün deyil hər halda.
bakir oğlan dostları, cəmiyyət, hətta ailə üzvləri tərəfindən üzərinə lazımsız yüklənilən oğlandır. həyatlarımız heç də bir istiqamətdə getməməlidir. nə yaxşı ki. kəşf və fəth olunası o qədər zirvə var, qurulası hökm sürüləsi o qədər krallıq var ki, birinin belə primitiv bir mövzuda özgüvənini sındırmağa dəyməz.
keçən dəfə yenə dost tanışla içə-içə klubdan-kluba gəzirdik. qrupumuz həqiqətən böyük idi və çoxdandır görmədiyim tanışları da həmin gün görə bildim. bir tanışım, mənlə birlikdə eyni kampusda fizika oxuyur. ancaq o bakalavrı bitirmək üçün 7-8 ildir əziyyət çəkir. artıq bitirmək üzrədir, ancaq fizikanı görəsi gözü yoxdur. söhbət bir dərsdən düşdü. soruşdu ki, dərsi hansı müəllim deyir. professor 2 deyə cavab verdim. sonra əlavə etdim ki, əvvəl professor 1 dən almışdım bu dərsi, ancaq kəsildim, indiki nisbətən rahat keçir. bu adları eşidən kimi, ikisi də nerd-dür dedi. dedim ola bilər, ancaq onların biliklərinə hörmət edirəm. dedi ki, orası elədir, ancaq insan gərək arada-bir sikinin qeydinə qalsın. əminəm ki, onlar indiyə kimi heç də düzəməlli sikişməyiblər. sonra sevgilisini özünə tərəf çəkib. məsələn mənim əzizim hər səhər mənim sikimin qeydinə qalır. qız söyüb çəkildi kənara.
içkili deyilən bu sözləri ciddiyə almasam da, sonradan üstündə çox düşündüm. nədir axı kişi olmaq? sikinin vaxtlı-vaxtında qeydinə qalmaq? mütəmadi sex partnyoru tapa bilmək?
adı çəkilən müəllimlər hörmətli bir universitetdə araşdırma qrupunun rəhbərləridirlər. qruplarında onlarla doktoru idarə edən professordurlar. öz sahələrinin ustalarıdırlar. birinin məqaləsi ötən illərdə az qala nobel mükafatı alırdı. onlardan birinin qrupunda bakalavr işimi yazmışam. bilmirəm sizin təcrübəniz necədir, ancaq o mənə hər həftə 1-2 saat vaxt ayırır, yazdıqlarımı oxuyur, programlarımda mənimlə birlikdə bug axtarırdı. mən bir professorun bakalavr tələbəsinə bu qədər vaxt ayırmasının şahidi olmamışdım. masasının üstündə iki uşağının şəkli var həmişə, aydındır ki, ailəlidir. çəkingən bir tip də deyil, səhvi üzə deyəcək cəsarəti, tələbələri motivasiya edəcək xarizması, mülayim xasiyyəti var. adam rəsmən qurduğu bir krallığın hakimidir və onun olduğu otaqda bütün işçiləri, tələbələri onun şərtsiz alfa olduğunu qəbul edir. indi belə bir adamın evlənənə qədər bakirə olmağını düşünüb ona hörmətinizi itirmək nə dərəcədə ağla sığandır?
həyatı bir tərəfli, monoton etməyin mənası yoxdur. mən bunu yazmaqla onsuz da bu qınaq dayanmayacaq. lənətə gəlsin, özüm belə bəzən birinin bakirliyinə gülmüş ola bilərəm. ancaq bu hər şey deyil. nə yaxşı ki deyil. bir sahə seçib o sahədə mümkün qədər yaxşı olmaq lazımdır. və buna inanmaq, seçdiyin yolun sənin üçün doğru olduğuna sarsılmaz güvənin olmalıdır. bu inam, güvən nə qədər şiddətli olsa, o qədər də ətrafa saçacaq və qarşındakılar da sənə inanmağa, güvənməyə başlayacaqlar. bax onda insan qarşı cinsə də cazibədar görünür.
choose your damn limitations...
sayğılar.
qadın qəzəbinə qarşı mübarizə sex çatışmamazlığından ola bilər. ya da sexin sərtliyindən də narazı ola bilər. akt zamanı saçını dartmaq, yüngülcə boğazını sıxmağı yoxlayın. sonra boynunuza sarılıb çox sağol deyirlər, demədi deməyin.
madonna holiday mahnısı ilə parti qabağı həyəcan yaratmaqda ustadır. ilk şotlar içilmiş, əhval-ruhiyyə yüksəlmiş, artıq yavaş-yavaş bədənlər titrəməyə başlamışdır ki, madonnanın holidayi gəlir və artıq hamıda həyəcan tavandadır.
(youtube: )

P.S. hər dəfə o bass-xəttini dinləyəndə ekiz doğacaqmışammış kimi hamilə hiss edirəm özümü.
grand theft auto oyun deyil bir xatirədir, tarixdir, əfsanədir. seçilən musiqilər, işlənilən personajlar, gətirdiyi yeniliklər ilə bəlkə də 100 il sonra da xatırlanacaq, haqqında yazılacaq. seriyanın az çox bütün oyunları məşhurdur və keyfiyyət hər yeni oyunla artmaqda davam edir.
bu musiqi çalınanda maşından necə düşmək olar axı...
(youtube: )
jordan peterson 1962-cı il doğumlu kanadalı psixoloqiya professoru. fikirləri çox da üst-üstə düşməsə də, sam harris kimi tənqidi fikirlərinə görə tanınır. söhbətlərinə qulaq asmağı hamıya məsləhət görürəm. razılaşmadığım tərəfləri çox olsa da, bir söhbətinə ələ aldığı man-child (kişi-uşaq?) mövzusu diqqətimi çox çəkdi.

əvvəllər də bu barədə çox düşünmüşəm. anam həmişə deyərdi ki, sən rahat yoğrula bilən bir xəmirsən, səndən hər şey düzəltmək olar. analar öz oğullarını şişirdir təbii ki, ancaq məncə çoxlarımız buna inanırıq. baş vuracağımız istənilən sahədə çox yaxşı bir mütəxəssis olma potensialını hər gənc insan hiss edir məncə. insan hər tərəfli olacağı illuziyasına qapılır, xoşbəxt, uğurlu bir gələcək qaçınılmazmış kimi gəlir. bir növ tanrı kimi hiss edir özünü, hər şeyin tanrısı, hər şeyə çevrilmə haqqı və gücü olan bir tanrı. hər şeyə çevrilmə potensialına sahib olmağın çox böyük cəzası və ya qiyməti var: əslində heç nə olmamaq. hər şeyə çevrilə bilmə potensialınız qoruyursunuz, ancaq nə qədər ki, bu potensial sizdədir heç nə deyilsiniz. jordan müəllim deyir ki, gec-tez könüllü ya da könülsüz qərar verməli, qurban verməli olacaqsınız. xəyallarınızın və planlarınızın sadəcə bir hissəsinə fokuslanıb, digərlərini qurban verməli olacaqsınız. verdiyiniz qurbanın sayəsində bir və ya bir neçə sahədə mütəxəssisləşib nəyəsə çevrilirsiniz. nəticədə hər şeyə çevrilmə potensialınızı itirirsiniz, onu qurban verirsiniz. bunu könüllü etsəniz ağır olacaq, ancaq bununla barışacaqsınız və yetkin şüura sahib olacaqsınız. ancaq etməsəniz, bir gün sizi çox pis vuracaq və məcburən qurban verməli olacaqsınız. nə qədər tez qərar verilsə o qədər yaxşıdır. 25 yaşlı heçnə heç kimə qəribə gəlmir, deyərlər hələ cavandır vaxtı var. 30-35 yaşlı heçnəyə heç kim anlayış göstərmir artıq.
insan hər şeyə çevrilmə potensialını hiss etdikcə böyümək, yetişkin olmaq istəmir. professor burda peter pan nağılını misal çəkir, başqa adla: (bax: the boy who wouldn’t grow up). və iddia edir ki, peterin ikinci adının pan olması heç də təsadüfi deyil, pan yunanca hər şey deməkdir. hər şeyin tanırısı.
(youtube: )
horizons nasa-nın günəş sistemindəki bilinən kosmik cisimlərin traektoriyaları, orbital sürətləri kütlələri barədə məlumatları paylaşdığı online sistem. sistemə giriş 3 yolla mümkündür:
1. web link interface,
2. email vasitəsi ilə,
3. telnet serveri vasitəsi ilə.
hər bir metodla necə işləmək lazım olduğunu öyrənmək üçün rəsmi tutorialdan məlumat ala bilərsiniz.
tək kəlimə ilə möhtəşəm bir servisdir. göy cisimlərinin nəinki indiki koordinatlarını, hətta eramızdan 10 min il əvvəldən eramızın 10-cu min illiyinə qədər ki, hesablamalara da baxmaq mümkündür. istəsəniz, cisimlərin günəş sisteminin kütlə mərkəzinə görə x y z kordinatlarını, ya da yer üstündə istənilən nöqtəyə nəzərən kordinatlarını tapa bilərsiniz. planetlər, peyklər, saysız hesabsız asteroid və kometlər... bundan başqa insanlığın səmaya buraxdığı kosmik aparatlar da sistemdə yer alıb.
gecə drellə işləyən qonşu Yoxluq vaxtı xanımını inildədən qonşudan daha yaxşıdır. Semester tətili, hamı evində eşiyində, yataqxanadakı yoxluqdan az qala kənddəki nənələrə girişdiyimiz bir vaxtda, bütün binaya "biz həyatdan zövq alırıq" carını çəkmək yaxşı deyil. Ritmik iniltilər adamın beyninə işləyir, dilxorçuluqdan yataqda qıvrılırsan. Olanı var, olmayanı var.
Bunun bir də hər səhər saar 9-da sevişənləri var. Daha pis versiyasını yayda müşahidə etmişdim. Düzdür tətil deyildi və qətiyyən yoxluq içində də deyildik. işdən 3-4 dost yorğun gəlib, pivə ilə manqal başına yığışıb boş-boş danışırdıq. Hansı cütlük də 50-60 metr uzaqda pəncərəni açıq qoyub sevişirdilər. Xanımın səsi yataqxananın həyətini götürmüşdü. istirahətimizin içinə elədilər mk, manqalı söndürüb dönər yeməyə getdik.
true detective birinci sezonu serialdan daha çox filmə bənzəyən serial. dəfələrlə izləməkdən bezmirəm. məni ilk dəfə çoxlarında olduğu kimi rust obrazı ilə özünə bağladı. rustın danışdığı mövzular, düşüncə tərzi, pessimistliyi çoxlarımız üçün yeni deyildi. ancaq bu mövzuları bir serialda görmək şəxsən mənim üçün bir ilk idi. ancaq serialı izlədikcə, rust obrazına bağlantım azalmağa başladı. bilmirəm bəlkə də matthew mcconaughey-in möhtəşəmliyini qısqanmağım rust-ı bəyənməyimə mane oldu. adamın yaraşığı, karizması həm həyatda, həm də filmlərində valehedicidir. məhz buna görə də həmişə eyni rolu oynayır deyə düşünürəm. rust obrazı da fərqli deyildi. bəlkə bir başqası rust obrazını daha real canlandıra bilərdi, ancaq matthew-nin ifasında obraz qeyri-realdır. sanki mövcud deyil. marti isə tamamilə başqadır. öz natamamlığı ilə obraz inanılmaz realdır.

--spoiler--

marti orta yaşlı bir kişinin nail olmaq istəyəcəyi hər şeyə nail olub. gözəl xanımı, iki şirin qızı var. hörmət göstərilən işi, dostları və həmkarları ilə əla münasibəti var. bundan başqa bəlkə də özündən 10-15 yaş cavan məşuqəsi də var. bir orta yaşlı konservativ kişinin yaşaya biləcəyi ən gözəl həyatı yaşayır bəlkə də. evdəki laqeydliyi, məşuqəsini qısqanmağı və s. o dərəcədə real, tanış gəlir ki. bir real insan kimi natamam bir obrazın olmağı gözə o qədər xoş gəlir ki. bu səhnələri seriala bir başqa gözəllik qatır. marti haqqında daha da çox sevdiyim şey isə, artıq ailəsindən ayrılandan sonra realist olmağıdır. həyatının artıq geridə qalması ilə razılaşması mənim üçün bəlkə də rust-ın pessimizm barədə leksiyasından daha dəyərlidir.

--spoiler--

həm rust, həm də marti əslində pis insanlardır. yaxşı məqsəd üçün işləyən pis insanlar. rust-ın həbsxanada şüphəliləri danışdırması, onlara pis davranması, insanda az qala cinayətkarlara qarşı empatiya hissi yaradır. eləcə də marti-nin əslində yalançı, özündən razı göt olmağı. di gəl ki, qəhrəmanların qəribə aurası var, insan içdən onların liderliyini, üstünlüyünü qəbul edir və cəsarətlərinə heyran olur. məncə bir çox yaxşı detektiv filmi insana bunu xatırladır, müstəntiqlər yaxşı məqsədlər üçün işləyən pis insanlardır.

--spoiler--

ən bəyəndiyim səhnələrdən biri də maggie-nin marti-yə rustla yatdığını deməsidir. rust-ın karizması qadınları ani olaraq cəzb etməsinə səbəb olur. ətrafında olan qadınların bütün səhnələrdə ona marağı var. və marti də bunu hiss edir. və məncə içində həmişə bu barədə bir ehtiyyatlıq, qorxu var. məndə də bu qorxu çox olur. bu qorxunu maggie çox peşəkarlıqla sezib. bəlkə də bütün qadınlar bunu sezə bilir. ona görə də məhz marti-dən qisas almaq üçün rust-ın yanına gedir. deyir ki, qızları "əkəndən" bəri məni belə sikən olmamışdı. halbuki, cəmisi yarım dəqiqə davam etmişdi sex və maggie sexdən dərhal sonra iyrənərcəsinə rust-ı özündən itələmişdi. bilirdi ki, marti-nin rust-dan bu barədə qorxusu var və bu yalana dərhal inanacaq, özünü zəif hiss edəcək.

--spoiler--
serial hər kəsə şiddətlə tövsiyə olunur. əminəm ki, özünüzə aid bir şeylər hiss edəcəksiniz.
stalklamaq gözəlim vətənimdə romantikanın dibi. orta statistik azərbaycanlının sevgi hekayəsinin başlanğıcı. heç kim də demir ki, nə dərəcədə xəstə bir davranış tərzidir. qızı işdən, məktəbdən evə və ya tərsinə izləmək. zəng edib danışmamaq. pəncərələrini, qapılarını öyrənmək. gecələri balkonun altında dolanmaq. qızın yaşadığı məhləni dostlarının istirahət mərkəzinə çevirmək və s. mk azərbaycandan kənarda çox qorxunc bir hərəkətdir. ani olaraq polis bölməsinə gedə bilərsiniz. ancaq vətənimizdə bu baş vermir, çünki orta statistik xanımlarımız da bunu romantik sayır. bir gün düzələr deyə ümid edirəm.
roland emmerich filmləri kefim olmayanda izləyib özümü ağıllı hiss etməyə başladığım sənətkardır. adamın məntiqlə arası yoxdur deyəsən. ancaq bullshitlə əyləndirməyi bacarır. independence day-in ilk filmində striptizçi olan bir obraz, ikinci filmdə 15 il sonra xəstəxananın baş həkimi olur deyəsən. bir də ki, yadplanetlilər eyni gündə, 4 iyunda hücum edirlər ki, bu da hətta bir qeyri-amerikan olaraq mənim belə orqazm olmağıma səbəb olur. roland emmerich cəhənnəm də, o filmlərdə çəkilən aktyorlar belə mi özlərinə hörmət etmirlər?
qadın uyğun vəziyyətlərdə ənənəvi rollarını çox bəyəndirim cins. seksist səslənəcək və feministlərə xoş gəlməyəcək. ancaq məncə ənənəvi qadın obrazı əksər kişinin xoşuna gəlir. işin seksual tərəfi barədə danışmıram. demirəm qab yumaq qadını seksi edir. bir misal verim, bir rəfiqəm mənə görə yüksək statusa sahibdir. əla pul qazanır, əla işə sahibdir. çox gözəldir və s. ancaq evimə dəvət etdiyimdə mən xahiş etmədən, mən evdə olmayanda evin hər küncünü süpürdü, tozsoranladı, mətbəxi parıldayacaq qədər təmizlədi və s. bir qadından bu qədər nəvazişə alışqın olmayan alman otaq yoldaşım və mən o rəfiqəmə bir şahzadə kimi davranmaq istəyirdik. keçirdiyimiz minnətdarlıq hissi sözlə ifadə olunası deyildi. ölkəmizin qadınları əksər hallarda çox qayğıkeşdir, buna söz yox. qərbi avropa qadınlarından bunu görəndə insan bir başqa sevinir. bu semester birlikdə çox vaxt keçirdiyimiz iki irland qız var ki, nəvazişləri heyran edib məni. eşşək kimi içirlər, ortalama azərbaycanlı kişisini 3 dəfə içirdib göt baş edərlər, özlərində sərxoşluqdan əsər əlamət olmaz. ancaq 7-8 saat bir yerdə əyləndikdən sonra gedək sizə yemək bişirim deməkləri nəyə desən dəyərdi. və ya, qatıq, bu gün sən yemək hazırladın, otur yerində biz təmizləyək mətbəxini deməkləri ilə vuruldum onlara.
bunlar qadının üstünə yüklənən rol deyil. etməli deyilsiniz. ancaq bunu etdiyinizdə sizə şahzadə kimi davranmaq istəyirik. bunda utanacaq heç bir şey yoxdur. digər tərəfdən əksər kişilər ənənəvi kişi rolunu da bəyənir. kişilər də sizin qəhrəmanınız olmaq istəyirlər. (bax: male disposability)
saygılar.
ailə romantik hisslərdən, ehtirasdan, maddi qazancdan çox daha dərin təməllər üzərində qurulması lazım olan bağ. bilmirəm, populyasiyanın qalanında necədir, ancaq mənə görə romantik bağlılıq, sevgi məhdud müddətlidir. bir il, il yarım keçəndən sonra hisslər soyuyacaq. eləcə də seksual ehtiras etibar olunası deyil. nə vaxtsa partnyorunuzdan daha cazibədar biri sizin qarşınıza çıxacaq. qonşunun otu daha yaşıldır misalı. və ya maddi marağa görə ömürlük əlaqəyə girmək ağılsızlıqdır. modern dünyada məqsədlərinizə bədəninizi satmadan da nail ola bilərsiniz. ailə basqısı, mütəmadi seks, uşaqlar və s. başqaları üçün yetərli səbəb ola bilər. ancaq ya bunların heç biri yetərli deyilsə? nəyə görə insanlar ailə qururlar. söhbət sırf nigahlı birlikdəlikdən getmir. nəyə görə birinə qarşı hisslərin öldükdən sonra, hər yığıncaqda gözün başqalarını axtaracağını bilə-bilə onunla birlikdə olmağa davam edəsən axı? yalnızlıq qorxusundan? istənilən yaşda, kifayət qədər asanlıqla öz yeni böyük sosial şəbəkənizi qura bilərsiniz.

ancaq birinin, seçilmiş bir insanın sizin ömrünüzün sonuna qədər həyatınıza şahid olması yetərli bir səbəbdir məncə. yaxşı günündə, pis günündə sənin başına gələnləri izləməsi, birlikdə ehtiraslanıb, birlikdə hisslərin soyumasını müşahidə etmək, ünsiyyətdə olduğun hər insandan sənin haqda daha çox bilən birinin olması, əla hissdir. o insan üçün də eyni məsuliyyəti götürmək, işi daha gözəlləşdirir.

məhz bu düşüncə ilə ailə qurmaq mənə məntiqli gəlir.
sevirəm sizləri.
dire straits sultans of swing mahnısı uzun yollara və xoşbəxt günlərə əla yarayan qrup. uzun yollara yaradığını sadəcə təsəvvür edə bilirəm. hələlik yoxlamamışam. ancaq xoşbəxt anlarda o gitar solosu adamı ağlada bilər. ani olaraq ətrafınızdakı hamını qucaqlamaq, onları nə qədər çox sevdiyinizi demək istəyirsiniz. ilk dəfə eşitdiyim an indiyə kimi yadımdadır. klubumuzda 50 yaşlı bir ağsaqqal öz rocker dostlarını ad gününə dəvət etmişdi. sərin pivə, yaz istisi və bu mahnının yaşlı rockerlər tərəfindən coveri. araya təbii ki, bir gün əvvəl 17-18 saat dayanmadan işləməyin gətirdiyi yorğunluq da gəlir. o gün ki, böyük bir proyekti artıq bir ailəm olan dostlarımla bir yerdə uğurla sona yetirdik. son 1-2 saatda artıq beyinlər çalışmır, mənim şit zarafatlarıma məndən başqa heç kim gülmürdü. ancaq sağollaşıb evə gedərkən, dostlarının hörmətlə əlini sıxması nəyə desən dəyərdi. məncə iki kişinin hörmətlə əl sıxması insanlığın repertuarındakı ən saf, ən qüvvətli hisslərdəndir. bundan başqa aramızda bir ilə yaxındır romantik-seksual gərginlik olan bir qız, məni kənara çəkib öpmüşdü o gecə. deyəsən sevgilisindən ayrılmışdı. ümid edirəm həmin ad günündə özümü nə qədər rahat və xoşbəxt hiss edirdim, təsəvvürünüzə gətirə bildiniz. indi bütün bunlardan sonra sultans of swing məni uçurtmasın neyləsin. hər dinlədiyimdə bənzər bir xoşbəxt gün arzulayıram, dərdsiz, məsuliyyətsiz, bekar bir gün.
son bir neçə aydır, bakalavr işimlə dəhşət məşğul idim. az yatır, çoxlu səhvlər edir, özümə şüphə edirdim. Bakalavr işimi qazandıqdan sonra bu mahnıya qulaq asıb özümü yenə xoşbəxt hiss edəcəyimi hər gün təsəvvür edirdim. ancaq elə olmadı, blin. bəzi şeylərin uzaqda arzu olaraq qalması daha gözəldir. xoşbəxt olmaq üçün plan qurmaq olar, ancaq planlar həyata keçəndə istənilən effekti almayanda məyus olmaq mənasızdır. orqanizminiz sizi uzun müddət xoşbəxt saxlaya bilməz. davamlı olaraq razı, xoşbəxt bir canlı düşünün. təkamül nöqteyi nəzərdən bu canlının digərlərinə görə üstünlük qazanması mümkün deyil. bədənimizin həmişə narazı qalmağa bir səbəb tapması çox vacib bir instinktdir. nəyə nail oluruqsa olaq, mütləq bir şeylər bizi narahat edəcək. işin ən bərbad tərəfi çox şeyə nail olub, arzulanacaq bir şeyin qalmamasıdır. nəyə görə inkişaf etmiş ölkələrdə, intihar halları daha çoxdur?
narazılıq hissini həmişə basdırmaq da yaxşı olmazdı məncə. nəticədə bizi inkişaf etdirən o hissdir.
ancaq hər halda həyat yoldaşınızı, yeni, daha cazibədar partnyora dəyişmək, daha bahalı maşın almaq, daha çox pul qazanmaq istəyərkən, bütün bunların əslində bizim xoşbəxtliyimizi artırmayacağını ağlımızda tutmaqda fayda var məncə.
və son olaraq yaxşı və ya pis nəsə hiss etdikcə yaşayırıq. əslində hər ikisi dəyərlidir.
sayğılarla.
1 2 3 4 5 6 7 8 9 10 11 12 13 14 15 16 17 18 19 20