pufpuf

Adının haqqını verərək bu gün aramızdan "pufff" deyərək ayrılmışdır. Sözlüyün gəlmiş-geçmiş ən yaxşı niklərindən biri olsa da lənətli nik idi. Gəldiyi gündən umbaylıqdan yazarlığa kimi saytın admini moderi partizanı yazarı umbayı daxil olmaqla "x-in, y-in" feyki kimi qələmə verildi
Hep şübheler, şərlər, linçləmələr, təhdidlər gəlib səni tapdı be pufpufum. Ömrü gödək olsa da, yaxşı günlər də yaşadıq, pis yaxşı insanlar tanıdıq. Bəzən öz adımın belə önünə keçib, puf deyə çağırılmama nədən oldun. Oysa ki adımla xitab etməsini istədiklərim var idi, artık yoklar. Allah kessin, Getcontact Dan puf sözlərini silməkdən birtəhər olmuşam, hər sabah kontrol edirəm bi terslik yok mu diye, fobiya yaranıb, lol.
Səndən geriyə qalan xatirələrdən biri də davamlı yazarlarımızdan günü bu gün də özümün belə cavabını bilmədiyim o məşhur sual –"nikinin mənası nədir" verilir -*
Bəzən "puf Sədərək yastığı" bəzən "eti puf" bəzən də yazarların harda puf sözünü görsə çəkib atdığı şəkillər üzümdə kəpənəklər açdırdı. Sevildin, nifrət edildin, qıcıq olundun və s. Mən də səni sevirəm, but yiyən çox tez sıxılan insandır, bəzən dəyişikliklərə ehtiyac duyur, sən allah küsmə ahhahd. Nur içində yat, lənətli şirin şeysi.

(youtube: )

malena

Türkiyənin monica bellucisi - türkan şorayın filmlərindən özenmiş olduğunu düşündüyüm filmimsi. Nəzərə alsaq ki, malena 2000-ci ildə, "arım, balım, peteğim" 1970, "mine" 1985-ci illərdə çəkilib, demək ki yanılmırıq. Paralel səhnələrə gəldikdə isə,
Mine yaşadığı məhlənin ən gözəl qadınıdır, gözəlliyi ucbatından məhlənin qadın kişi fərq etməz, sakinləri tərəfindən əxlaqsızlıqla şərlənir, olduğu məkanda gözlər ona zillənir və s. Hətta fikir versəz, adlar belə bənzəyir: Mine-Malena. Bu arada şiddətlə izləməyi tövsiyə etdiyim filmdir

"Arım balım peteğim"dən:

Malena: (kürən saçlar belə eyni)

mehr və müştəri əsəri və homoerotizm

Mehr və müştəri poeması orta əsr azərbaycan ədəbiyyatına aid olub farsca qələmə alınmış bir əssar Təbrizi şahəsəridir. O əssar ki, nizami gəncəvi gələnəyinin davamçısı olub onun yaradıcılığından ilhamlanmışdır və öz əsərlərində biz bu xüsusiyyətləri görmüş oluruq. Tez mövzuya girib qeyd etmək istəyirəm ki, dərsliklərdə, monoqrafiyalarda, magistratura və ya doktorantura dissertasiyalarında, qısaca, bu əsərin tanımı keçən hər mənbədə "2 oğlanın dostluğundan" çıxış edilərək əsərin izahı verilir. Sadəcə vikipediyada - o da sadəcə bir cümləsində sevgi sözünü görürük, vəssalam.
Bəs hardan qənaətə gəldim ki, əsərin mövzusu "dostluq" hüdudları ilə çərçivələnmir? Ümumiyyətlə homoseksuallığa pozğunluq kimi baxan cəmiyyətin yaşadığı bir ölkədə yaşamasaydım, homoerotik motivli Azərbaycan ədəbiyyatına, folkloruna aid əsərləri bir-bir işıqlandırar, haqqında bəh-bəhlə monoqrafiya zad yazıb professor adından filan alardıq. Və o cəmiyyət ki, ta ibtidai təsəvvürlü, ta mifik, folklor yaradıcıllığından tut, Zərdüşt dövrünə, atropatenası, qafqaz albaniyası, ərəb xilafəti hökmranlığına, kitabi-dədə Qorquduna səfəvilərə kimi, Sabirə, sədi şiraziyə, molla nəsrəddinə, 90-cı illərdən indiyə kimiii homoseksuallıqla bağlı motivlər mövcud olmuşdur... O cəmiyyət ki bu saydıqlarımdan xəbərsiz sanki Avropa meyilli olduq deyə, homoseksuallıq ölkəyə bundan sonra təşrif buyurdu deyə düşünüb "kişilik", "mentalitetimiz" şüarlarından kəskin istifadə edirlər, tarixlərini, ədəbiyyatlarını danırlar. Nəysə, bu mövzu özü ayrıca bir entridir. Sadəcə niyə 2 gənc oğlanın sevgisini danıb, hələ dostluq haqqında yazılmış farsdilli poema adlandırırlar, o qoyur.
Əsər həzəc bəhrində yazılıb, bəli, məhz məhəbbət mövzulu əsərlərin yazıldığı bəhrdə. Əsər mehrü mah (ü vav hərfi olub, "və" anlamı bildirir) dastanından götürülüb, o dastan ki iki gəncin (təbii ki mövzu hetroseksual münasibətdən gedir) sevgisindən, iki varlığın bir-birinə qovuşmaq, hətta bir növ vahidləşmək yolunda qarşılarına çıxan maneələrdən, sınaqlardan çıxmaq uğrunda mübarizəsindən bəhs edir. (is it pantheism?) Qısaca, dastanın məzmununa isə nəzər salmış olsaq, digər dastanlarla paralellik təşkil edən motivlərə rast gəlmiş olarıq: 1.qüdrətli şah obrazı (xavər şah)
2.ağıllı vəzir obrazı. (vəzir nikray)
3. Ən əsası, şahın uşağı olmaması.
4. Hər cür nəzir-niyazla Allaha yalvarışlar, ölkənin bilimli adamları ilə məşvərət, Pəri qızı motivləri və s.
Və haşiyəyə çıxaraq, dastanlar bildiyimiz kimi xalqın dini-mifoloji görüşlərini, təsəvvüf simvolikası, Sufi-dərviş fəlsəfəsini özündə əks etdirən bir janrdır. Biz dastanlarımızda
1. Girişdə şahın və vəzirinin eyni zamanda övlad sahibi ola bilməmələri. 2. Tərəflərdən birinin qız digərinin oğlan uşağının dünyaya gəlməsi və onların uşaqlıqdan bir birinə valideynlər tərəfindən "calanması" 1.qəhrəmanların həddi-büluğa çatıb aşiq olmaları. Lakin valideynlərdəm birinin sözünü tutmaması, aşiqlərin ayrı düşməsi 4.Qəhrəmanın aşiq olmadan öncə uzun yuxuya getməsini 5.qəhrəmanın sonra ona verilən buta vasitəsi ilə gördüyü qıza aşiq olması;
kimi motivlərə çox rast gəlmişik. Təbii ki söhbət məhəbbət dastanlarından gedir. Əsli və kərəm, məhəmməd-güləndam, kərim-süsən, abbas-gülgəz, həsənəli-bahar və mehrü mah dastanları buna bariz nümunədir.
Qayıdaq yuxarıda sadaladığımız motivləri özündə əks etdirən mehrü mah dastanı əsasında yazılan "mehr və müştəri"yə. Mehr və müştərinin məzmunu yəqin ki artıq sizə bəllidir. Şah və vəzir, hansı ki hər ikisinin uşaqları olmur, qəhrəmanlar nəzir niyazla və ya almanı niyyət edərək yeyirlər, uşaqlar doğulur amma wait! Hər ikisi oğlan çıxdı. Bir dəqiqə bəs necə edək? Tipik Azərbaycan məhəbbət dastanı yazmırdıq biz? Necə yəni iki oğlan. Nəysə davam edək. Oğlanlar lap digər məşhur "leyli və məcnun" əsərindəki kimi eyni məktəbdə təhsil alırlar, sonra yenə ordakı kimi ayrı düşürlər, vəzirin oğlanı şikayət edilir, oğlan cəzalanır və 2 aşiq, oh my bad, 2 dost ayrı düşürlər. Hətta şahın oğlu evlənir də, amma yenə də müəllif hərləyib fırlanır və əsər xoşbəxt sonluqla, onların, dostların qovuşması ilə bitir. Digər petuxluq entriləri haqda görüşənədək -*

ana

Özünü pis hiss edəndə "ürəyim əsir" deyirdin, mən də hisslərini niyə belə səhv-sühv izah edirsən deyə düşünürdüm. Necə yanılırmışam, həqiqətən əsə bilirmiş ürək. Yorğun arğın olanda. O qədər qırılır, biraz da bərpa olur, növbəti dəfə daha çox qırılan ürəyimiz. Və bu hala düşür.
Səni başqa uşaqların öz anasını sevdiyi kimi sevə bilmədim, heç sən də başqa analar kimi sevmədin. ikimiz də sevgi barədə soyuqqanlıyıq, odunuq daha doğrusu. Cici mici olmadığımıza sevinirəm əslində. Amma kaş dərdləşə bilsəydim sənlə, düzü heç anlamazdın. sən isə hər şeydən xəbərsiz, mələk kimi simanı, gözlərini yumaraq yatırsan. Sənə belə şeylər yazdığımı görsən, şoka girərdin yəqin, mənim kobud qızım belə sözlər də tanırmış deyə, düşündüyün kimi də güclü və odun deyiləm onsuz, nəysə mam, qızın yaxşı deyil, ürəyi əsir..

adı feride amı geride

Hesab açmamışdan əvvəl entrilərini acgözlüklə oxuduğum yazarlardandır. Ümumiyyətlə gecə vaxtı niyə nikaltı yazıram onu da bilmirəm.
Son vaxtlar sadəcə mahnılar haqda yazır deyəsən, amma burdan yazara "ədəbiyyat haqda entrilər bitər mi hocam" demək istəyirəm. Bu vaxta kimi yazdıqları təməl bilgilər idisə, biraz da dərinlərə ensin, entrilərindən marifetimizi alalım. Nə vaxt bol glşlü, 3 nöqtəli yarı türk yarı azəri, sanki 18-ci əsrdən qalma ədəbi dilli entrilər görsəm üzümdə qönçələr açırksjf. Həmçinin, yuxarıda dediyim kimi nik axtarışında idim və ta da niki sevimli yazarın məlum entrisindən götürdüm:
#144797, burdan da tşklər, artıq öz Adım arxa plana keçib indiki həyatımda, Getcontactı sildim bu puf etiketlərinə görə aq
Hə bir də yazarın cinsiyyətini öyrənəndə 3 gün ağzıüstə yatmışdım, bunu demək nə qədər doğrudursa artıq dkckfmdmf. Nəysə, sevgilər sayqılar

kədər

Sabahı gecədən bəri ağlamaqdan şişmiş gözlərlə açmaq? Nə çarə.
Ya da sadəcə ölüm anını, necə ölüb yaxa qurtaracağını düşünərək özünü dindirib tətmin olmaq? Nə çarə.
Yenə hirsini həm fiziki həm mənəvi şəkildə özündən çıxıb sakitləşməyə çalışmaq? Nə çarə.
Təpədən dırnağa kimi kədər. Və dostları qəm, qüssə, iztirab, qorxu.


Kədər elə hissdir ki, onu neqativ, mənfi duyğular siyahısından çıxarmalıyıq. Hiss deyil, siqnaldır. Korlara, qədir bilməzlərə mesaj vermək üçün. Bax qarşındakı ölür, gəl harayına demək üçün.
Kədər hiss deyil, dostdur. O ruhumuzu bürüyüb bizi yavaşca dondurur, silahı əlindən yerə qoy deyir. Özümüzə zərəri ən aza endirmək üçün zaman ayırıb düşünməmizi təmin edir. Kədər bəzilərimiz üçün əbədidir. Həmişə bizi gözləyir: biz axmaq kimi yalandan nəyəsə inanıb sevinəndə, güləndə, hətta çaşıb xoşbəxt olanda da. O həmişə bizi gözləyir, yəni xoşbəxtliyə layiq olmayan, bədbəxt insanları. Yaşanan ən kiçik anda bizi ağuşuna alıb boynumuzu bükür, gözlərimizin içində gizlənib gülümsəyən gözlərdən məhrum edir. Ya da indi etdiyi kimi, yatmağa qoymayıb yuxu qarışdırır, yerimdən qalxmağa imkan vermir. Bax indi niyə oyandım, hə nolsun, yorğanı üstümdən çəkib günlük rutinə eyni şeylərə başlamağa həvəs yoxdur, axı kədər mənlədir.
Əslində heç kədəri dadmayan insanların özü də bədbəxtdir. Mən hətta seçici davranmağa başlamışam, nadirən kədərlənən insanları, ya da kədər nədir bilməyənləri həyatımdan çıxarmaq kimi, onlarla yaxın olmamaq kimi. Sanki onlar fərqlidirlər, cahil xoşbəxtdirlər vs.
Kədəri nə sevmək olur nə nifrət edə bilmək. Toksik ailə üzvü kimi bir şeydir. Sevə bilmirsən ona görə ki, canımdan can alır, çəki itirmək kimi. Nifrət edə bilmirəm çünki, xəbərdar edir, olacaqları düşünmək kimi. Bəzən mən kədərlənmək istəməsəm də özü gəlir, yox e buna üzülməliyik, gününə ağlamaq lazımdı deyir.
Nəysə əbədidir. Acıdır, amma gerçəkdir.

sözaltı sözlük qəsəbə olsaydı yazarların olacağı peşələr

entri məhlənin şirinəsi siriusa həsr olunur...
"Əvvələn qəsəbənin adının hançu-mançu olacağını bildirim, səbəbini siz də soruşmayın..."

timidus məhlənin göbələyi. Aldığı yarımçıq tibb təhsili ilə medsestralıq edir, * onun male versionu evlərə, qonum-qonşuya sistem vurmağa gedir. Deyilənə görə, əxlaqsız yuva sahibi kimi də fəaliyyət göstərib.
juzou - boşanma sahəsi üzrə vəkil. Məhlədəkiləri boşatdırmaq üçün şər böhtan atır. Öz ana atasını da pula görə boşatdırıb.
itsmesabi , məhlənin qlmaurkası. Ahu adlı gözəllik salonunda saç ustası işləyir, vaxtı olanda evdə dırnaq ustası kimi müştəri qəbul edir.
pufpuf məhlənin dedi qoducusu. Başı çalmalıdır, hər gün əri tərəfindən döyülür, * uff var bi hayalimiz əri pul vermir deyə kişi işdə olanda ondan gizlin falçılıq edib, bəxt açıb ağız bağlatdırır, gecələr modelə qulaq asıb səssizcə aqlayır...
mariya kürüsü - ibtidai sinif müəllimi. buz üstə şeirini intonasiya ilə deməyi çox sevir. Boş vaxtlarında coachinglə məşğul olur.
bülöy* arka , məhlənin gəzəyəni. Üstəlik keçəl bir qadındır, bunun dəb olduğunu düşünür. Gündə bir maşınla evə gəlir, şayiələrə görə, timidusla da gəzir, axırıncı dəfə də şüvənliyinə salıb pufpufgilin pəncərələrini daşlamışdı namusu üstündə
sonra dedilər ki alınmadı kiçik kermit mağazasının sahibi. Kermitlətin gözünü oyub, ağ rəngə boyayaraq yeni trend adı ilə millətə sırıyır
Kafkanın playboy jurnalları , məhlənin moşusu, uğursuz yazıçı. Gecələr kasıblığın üzü qara olsun deyib gitarını dınqıldadıb arvad uşağı oyadır
pikolo, məhlənin ən varlı sakini. Deyilənə görə çirkli pulları yumaqla da məşğuldur, həmçinin subaydır, məhlənin qızları nə qədər etsə də pikolonun qəlbinə yol tapa bilmir, qadınları vecinə almır
hyperborean - məhlənin işsizi. Hər həftə kurtlar vadisini başdan sona kimi yenidən izləyir, əsas hobbisi məhlədə yüksək səslə meyxana qoşmaqdır, gəlir yeri dominodan mərc gəlməkdir

kəllə-paça məhlənin qəssabı. Arada at əti də soxuşdurur.
grammar.nazi - Azərbaycan dili və ədəbiyyatı müəllimi, şagirdlərinə sadəcə fonetika bölməsini - orfoqrafiya və orfoepiya tədris edir
reyn, sahibsiz itlərin öldürülməsinə, zərər görülməsinə qarşı çoxsaylı tədbirlər görən yaşlı ateist metis qadın. Arada atdığı zibillərdən kəsilmiş pişik başları da tapılıb
Nellie crain- kinorejissor. Ən böyük məqsədi Azərbaycanda ilk lezbian filmini çəkməkdir.
heçözüdəbilmir- trans qadın. Cinsi orientasiyasına görə heç yerdə iş tapa bilmədiyinə görə sabigilin salonunda saç yuyur.
timidusun əsgəri - məzuniyyətə çıxmış hərbçi. Qayalardan yıxılmağı çox sevir. Boş vaxtlarında məhlə sakinlərini maşını ilə daşıyır.
Lucifermorningstar- eks-fetocu. Araz kursları sahibi
Bakirfikir- həmin kursda müəllim, evində abituriyent ixtisas kodlaşdırması edir həmçinin məhlənin xeyriyyəçisi.

mənəviyyat

miskinlik - başqasında da səndə olanı görüb dərd çəkmədir. mərhəmət - başqasının layiq olmadığı bədbəxtliyindən doğan dərddir. darılma - qəlbi sıxan dərddir. kədər - yaxın adamın itirilməsindən doğan dərddir. təşviş - göz yaşları içində dərddir. məyusluq - çətin dözülən dərddir. ağrı - əzab verən dərddir. şikayətlənmə - ah-nalə içində olan dərddir. qayğı - düşüncələrlə ağırlaşan dərddir. alçalma - uzun müddət davam edən dərddir. əzab - bədən əziyyətləri ilə müşayiət olunan dərddir. ümidsizlik - yaxşılığa ümidi olmayan dərddir.
"Qorxu" anlayışına daxil olan ehtiraslar belə müəyyən edilir:
Süstlük - zəhmət qorxusudur; utanma - rüsvayçılıq qorxusudur; dəhşət - qəlbi titrədən qorxudur(utanarkən insan qızarır, dəhşətdən ağarır, əsir və dişləri bir-birinə dəyir), vahimə - yaxınlaşan təhlükədən yaranan qorxudur, dəlilik - sanki ruhun bədəni tərk etdiyi qorxudur, huşunu itirmə - sanki dəliliyin ardınca gələn qorxudur, özünü itirmə - düşünməyə qoymayan qorxudur, qorxaqlıq - uzunmüddətli qorxudur.
"istək" anlayışına daxil edilən ehtiraslar belə müəyyən edilir:
Qəzəb - fikrincə səni incidən adamı cəzalandırma istəyidir; hirs - hələ təzə yaranan qəzəbdir; nifrət - köhnə və kök salmış qəzəbdir; nifaq - intiqam anını gözləyən qəzəbdir; mübahisə - qəlbin dərinliklərindən baş qaldıraraq sözlərlə ifadə olunan qəzəbdir; tamah - doymayan istəkdir; hərislik - hələ görmədiyini əldə etmək istəyidir.
istək və hərislik arasında başqa bir fərq də var - istək dialektlərdə "atribut" adlanan xassələrə yönəlib, məsələn, varlı olmağa, şöhrət qazanmağa. Hərislik isə predmətlərin özünə yönəlir, məsələn, pula və ya şöhrətə.
Bəs dərdi, taleyin ağır yükünü tərif etməyə hansısa filosofun cürəti çatarmı? Kim ki, ağlından istifadə edə bilmir, qoy qəlbinin hərəkətlərindən istifadə etsin; biz isə, yenə qeyd edirik ki, müdrik insandan danışırıq.
Bəlkə rəqabət, paxıllıq, mərhəmət xeyirli xassələrdir? Lakin, yazığın gəlməkdənsə, bacardığın kimi kömək etmək daha yaxşı olmazdımı? Yoxsa mərhəmət hissi olmadan biz hətta səxavətli də ola bilmərik? Biz gərək başqasının dərd yükünün bir qismini üzərimizə götürməyək, əksinə bacardığımız qədər onların yükünü yüngülləşdirək. Başqasına paxıllıq etmək də yarışmadır - lakin burada daha artıq qısqanclıq hissi var; burada xeyirin nə də ola bilər ki, fərq yalnız bir şeydədir: rəqib onda olmayıb başqasında olan rifahın dərdini çəkir, paxıl isə başqasında olan rifahın dərdini belə bir rifahı əldə etməyə çalışmadan da çəkir. insanı necə ruhlandırasan ki, o, nəyi isə arzulayarkən, onu əldə etməyə çalışmaq əvəzinə fikir eləyir? Hər şeyi əldə etməyi arzulamaq isə - dəliliyin son həddidir...
Qəlbin sakitləşdirilməsi üçün insan təbiətinə xas olan bütün vasitələr göz qabağındadır; onlara diqqət yetirmək üçün insan aqibətini və həyatın qanununu sözlərlə açmaq lazımdır. Bu səbəbdən, deyilənə görə, evripid öz "Orest" dramını səhnəyə qoyandan sonra Sokrat bu əsərin ilk üç misrasını həvəslə təkrar edərmiş:
"Dünyada elə bir çətin vəziyyət,
Tanrı cəzası yoxdur, ya da acı aqibət
Ki, insan səbri ona qalib gəlməsin.."
Hətta deyirlər ki, pazı pazla çıxaran kimi köhnə sevgini yeni sevgi ilə sağaltmaq olar; lakin başlıca olaraq həmin adamı sevginin necə böyük bir dəlilik olduğuna inandırmaq lazımdır. Eşq bütün ehtiraslar içərisində ən güclüsüdür; istəyirsən ki, mən onun özünü mühakimə edim, onda bu ehtirasdan törəyən istənilən zorakılığı, rüsvayçılığı, eyş-işrəti, kef məclislərini, hətta yaxın qohumlar arasında olan cinsi əlaqələri yadına sal. Bütün bunlar mühakimə və rüsvay olunmağa layiqdirlər. Sevginin dəlilikləri haqqında susaq; məgər onda yüngülbeyinlilik azdırmı?

- Məhəbbət
Doludur mənasızlıqla: inciklik, şübhələrlə
Düşmənçilik, barışıq, yenə düşmənçilik
Sonra yenə sülh! Bu mənasızlığı
Mənalı etmək istəsən əgər,
Ağılla dəlilik etməyə bənzər.

Sevgidə olan dəyişkənlik, səbatsızlıq, əhvalın tez-tez dəyişməsi, öz eybəcərliklərinə görə insanı eşqdən kənar olmağa məcbur etmirmi? Bununla belə, hər bir ehtirasda olan kimi burada da bəzi məsələləri sübut etmək lazımdır: yəni, o da keçib-gedən saxta bir hissdir, bizim könüllü qərarımız əsasında seçdiyimiz aqibətdir. Əgər məhəbbət təbii bir hiss olsaydı, hamı sevərdi, özü də utanc, şübhə, doyub-bezmə olmadan rəvan münasibətlə daima eyni kəsləri sevərdik...

wifey material

Sahib olduğu müsbət keyfiyyətlərlə və uşaqlarımın anası dedizdirəcək qadınların aid olduğu kateqoriya, onlara verilən ad. -* həyatımıza bi sürü qadın girər və gedər, amma onlardan bəziləri öz ağırbaşlılığı, səssizliyi, hökmranlığı, zərifliyi, şəfqəti ilə hamısından seçilər. Bütün bunlar çox az qadında müşahidə olunar və biz bu özəlliklərə sahib birini gördükdə, "aha, tam da evlenmelik hatun" deriz. Baxırsan ki, daima təhsili ilə məşğuldur, uğur üstünə uğur qazanır, bişirdiyi yeməklər efso, musiqi film zövqü desən yıkıyor, hər dəfə ən pis anında onu görərsən yanında, sənə sahiblənir, ağıl verir, yaşamana kömək olur, üstəlik gözəldi vs. Fürsətdən istifadə edib yuxarıda yazdığım özəlliklərə sahib bir qadına, daha doğrusu burdan bir yazara evlənmə təklifi etmək istəyirəm... Nellie crain anamın gəlini olarsan? -*
sifarişi verən: timidus

internalized capitalism

Vaxtını əyləncəyə ayıranda - kitab oxumaq, musiqi dinləmək, film izləmək, oyun oynamaq, rəsm çəkmək vs. Kimi məşğuliyyətlərdə özünü günahkar hiss etmə, daima iş haqqında düşünmə, bütün gün dəli kimi işləyib yenə qane olmama, tətilə getdiyində belə iş planları qurma, ailə ilə vaxt keçirməmə, xəstələndiyində belə, bir ayağı çuxurda olsa da ancaq "iş, iş iş!" deyib bağıranların və bu kimilərin düşdüyü situasiya, hətta bir növ "psixoloji xəstəlik".
"bu günün işini sabaha saxlama", "nə əkərsən, onu biçərsən" kimi məsəllərin ideyası da məhz bu situasiyaya əsaslanır. Ümumiyyətlə, buna yoluxmuş insanlar dincəldikdə bunu tənbəllik kimi qiymətləndirirlər. Məsələn, mən imtahana 1 həftə qalanda dərs oxumaq xaric nə iləsə məşğul olanda özümü günahkar hiss edirəm, vicdanım sızlayır. (dərs oxumamağıma əngəl olmur) bax eynisi də, daima işləyən insanlara da aiddi. Əlacım olsa, hamısın başına qaynar su tökərəm ki, amna qym bu gün varsan sabah yoxsan, hara yığırsan, nəyə işləyirsən, yaşama səbəbin nədir? Kapitalizm insanları elə günə qoyub ki, ancaq müəyyən yaşdan sonra cavanlığını puç etdiyin dönəmlərdə qazandığını yeyə bilərsən. Həqiqətən budu vəziyyət. Kimi dindirirsən, 25 yaşa kimi bakalavr, magistr, doktorantura oxuyur, sonra 20 30 il işləmə, sonra pensiya. Bəs cavanlığım? Neynirəm, ahıl yaşda yeyib-içməyi?! Dialektologiya müəllimlərini görəndə həmişə lağ edib uşaqlara deyirdim ki, adam neçə il oxuyub, 20 30 ilini rayonlarda araşdırma edib, gic-gic sözləri axtarıb, elmi məqalələr, kitablar yazıb, ömrünün axırına kimi də universitetdə dərs keçdi, hələ də keçir. Keçdiyi dərs də nə olsa, yaxşıdı? Hansısa heç kimə lazım olmayan dilin və rayonların əndirabadi sözləri. Düzdü sonra elə həmin fənn başıma daş saldı, nəysə bu başqa məsələ.
Karl marksın "yadlaşma" nəzəriyyəsi yada düşür burda. Gözləri kor etmiş daima pul qazanma, özünə bir gün görmə istəyi başımızı(mənim yox sizin) qaldırıb ətrafa baxmama, zamanın necə keçdiyini bilməmək və hər şeyə yadlaşmaq - ailəyə, dostlara, ümumilikdə insanlara və ətraf mühitə.
Başa düşürəm, öz ayaqlarımız üstündə durmağı bacarmalıyıq, tənbəl olmamalı və çalışmalıyıq. Amma day sizə 1 dəfə şans verilir yaşamaq üçün, onu da itin zülmün çəkərək yaşamaq lazım deyil. Bu aiddi işçilərə və tələbələrə. Tələbəliyin kapitalizmlə nə qədər əlaqəsi varsa artıq. Amma belə baxanda hamısı eyni şeydi. Başa düşmədiyin şeyləri niyə robot kimi əzbərləyib gözlərinin qarasına ziyan etməlisən, üzr istəyirəm ifadəmə görə ama bunun adı loxluqdur, çurbanlıqdır, gijdllaknsfjkdksmdmd.Qarşımıza qoyduğumuz məqsədi həyatımızın bir parçası etməliyik, bütünlüklə ona həsr yox. Cəhənnəm, 5 manat əskik qazan, nələrdənsə vaz keç, hansısa rütbəndən ol, onsuz gəbərib gedəcəksəm
(baxma: pufdan həyat dərsləri )

ilahi komediya

Yekə italyan şairi aldigyeri dürante * üf ləzət edir də bu taxtabaşın əsl adın yazmaq tərəfindən yazılmış 14-cü əsrin overrated, * oba sözümüzü də soxduq ölməz sənət abidəsi. Belinski bu əsəri "orta əsrlərin iliadası" da adlandırmışdır.

Əsərlərdə sevdiyim əsas nüans rəqəmlərlə məzmunun vəhdətidir ki, bu da yazıçıdan böyük məharət tələb edir. "ilahi komediya"da rəqəmlərin simmetrik-ahəngdar düzülüşü, xristian dini ilə üzvi bağlılığı, tək rəqəmlərdən istifadə olunması (3, 7, 9, 27, 33, 99 və s.) diqqət cəlb edir. Bu da müqəddəs üçlüyü - allah, insan, Məryəm mədh edir. Elə məhz bu səbəbdən də əsər 3 hissəyə bölünür: cəhənnəm(inferno), əraf(purgatorio), cənnət(paradisa)
Şair ayrı-ayrı nəğmələrin də misralar sayında 33 rəqəmini qoruyub saxlamışdır. Eyni zamanda hər hissədə təqdim olunan yerin, göyün 7 və ya 9-cu qatının rəmzi mənası da həmin ideyaya tabe tutulmuşdur.
Digər əsərlərində olduğu kimi Dante burada da öz gözəlçəsi beatriçəni də bura da soxuşdurmuşdur, nəysə..
Əsər - acı həqiqətlərdən qaçmaq, öz düşmənlərindən qisas almaq, yalnız öz həyatını yox, içindəkiləri şeir dili ilə söyləmək istəyi ilə qələmə alınmışdır.
Azərbaycanda əliağa kürçaylı tərəfindən tərcümə edilib, nəşr edilmişdir. O vaxta görə o şərtlərlə yaxşı tərcümədir, but "всех небцов земли" ifadəsini də "şairlərə yol göstərən" kimi tərcümə etmək umnaylıqdır, əliağacım. Əliağaya da söz atdığımıza görə də keçək əsas mətləbə(əsərin hər üç hissəsinin səciyyəvi xüsusiyyətləri):

"cəhənnəm"də daha çox qara və qırmızı rənglər üstünlük təşkil edir.
"əraf"da daha yumşaq, tutqun rənglər nəzərə çarpır - mavi, yaşılı, qızılı. Bu da ətrafda həyatın, canlı təbiətin mövcud olması ilə əlaqədardır. (dəniz, qaya, ağacların təsviri)
"cənnət"də gözqamaşdıran parıltı və şəffaflıq, gözəl cazibədar rənglər vardır. Ora təmiz işıq və harmonik hərəkətlər diyarıdır.

"ilahi komediya"nı daha yaxşı dərk etmək üçün hissələrdə dairələri nəzərdən keçirmək məqsədəuyğundur. Məsələn, şair" cəhənnəm"i 9 dairədən ibarət təsvir edir və dairədəki qurşaqları oxucuların nəzərinə çatdırır. Beləliklə, yer üzündəki mənfilikləri, qısaca nələr varsa, hamısını müxtəlif təbəqə və nümayəndələrinin simasında açıb üzə çıxarır:
1-ci dairə. "limbdir" (latınca - kənar). Burada xristian qaydası ilə xaç suyuna çəkilməmiş ölən uşaqların ruhu saxlanılır. Həmçinin, xristian olmayan, lakin günah işləməmiş, xeyirxah adamların hamısını Dante bu dairədə göstərir(vergili vəfatından sonra bura gəlmişdir). Misal, isa, Adəm, habil, nuh, patriarx yakov, atası ishak, yunan şairi homer, troya qəhrəmanları elektra və hektor, yuli sezar, kamilla, lavinia, brut, qrakx, Misir və Suriya sultanı səlahəddin, aristotel, platon, demokrat, diogen, fales, ptolomey, siseron, ibn sina bu dairəyə daxildir.

2- ci dairə. ehtirasa, tamaha uyanlar əzab çəkir. (Karfagen padşahı didona və əri sixey, qaleot vs)

3-cü dairə. xudbinlər, acgözlər əzab çəkir. (çakko, farinata vs)

4-cü dairə. xəsislər və israfçılar əzab çəkir. Amma Dante burada heç kimi göstərmir.

5-ci dairə. qəzəbli adamlar əzab çəkir, bura daxildir pufpuf və flippo arcenti

6-cı dairə. mürtədlər və onların tərəfdarları əzab çəkir. Bura daxildir: epikür (ruhun ölməzliyini inkar edən materialist yunan filosofu), kavalkanti(epikürçü), 2-ci Frederick vs.

7-ci dairə 3 qurşaqdan ibarətdir.
birinci qurşaq - özünə, yaxın adamlarına zorakılıq işlədənlər. Yaxın adamlarını və ya özünü öldürmək, yandırıb kül etmək, qatillər, qarətçilər, quldurlar, hər cür yolkəsənlər cəza çəkir. Bura daxildir: ness(əfsanəyə görə, heraklın qadını deyaniri oğurlamaq istəyərkən herakl onu zəhərli oxla onu yaralayıb öldürmüşdür), makedoniyalı iskəndər, atilla vs.
ikinci qurşaq - bura isə bütün sözlük yazarları düşür, yəni var dövlətini sağa-sola xərcləyənlər, intihar edənlər, qumara düşənlər, Allahı dananlar, riya satanlar vs.
üçüncü qurşaq - rüşvət alanlar, rütbə alıb satanlar, qəlbin məhəbbətinə ləkə vuranlar, inamı öldürənlər vs.


8-ci dairə 10 qurşaqdan ibarətdir.
Birinci qurşaqda qadınlarla kişilərin arasını düzəldənlər(sanırım mama roza nəzərdə tutur), yaltaqlar cəza çəkir. ikinci qurşaqda yalançılar əzab çəkir, faida(afinalı yüngüləxlaqlı qadın). Üçüncü qurşaqda rühanilik vəzifəsini alıb satmaqla varlananlar cəza çəkir(papa 3. Nikolay). Dördüncü qurşaqda falçılar və cadugərlər cəza çəkir (üff ortama ba-* bura daxildir: adzente, bonafti gvido, aruns, tiresiy vs. Beşinci qurşaqda rüşvətxorlar cəza çəkir. Altıncı qurşaqda ikiüzlü ləçərlər cəza çəkir. Yeddinci qurşaqda oğullar, səkkizinci qurşaqda hiyləgər məsləhətçilər, doqquzuncu qurşaqda dini ayrı-seçkilik salanlar cəza çəkirmiş. Bura daxilmiş, Məhəmməd peyğəmbər, imam əli vs(haykırmadım deyil). Onuncu qurşaqda hər cür saxtakarlar, qəlp pul kəsənlər cəza çəkir.

9-cu dairə. 4 bölmədən ibarətdir:
kaina - öz yaxın qohumlarına əl qaldıranlar
antenora - öz vətənini və hımfikirini satanlar
tolomeya - dosta xəyanət edənlər
cudekka - öz xeyirxahlarına xəyanət edənlər bura həmçinin daxildir: lusifer, iuda, kassi vs.

Not: entri "per aspera ad astra" sədaları altında yazılmışdır...

yazarların başına gələn maraqlı hadisələr

Deməli mən puf pufpufova, qara-qura geyimlər xaric başqa rəng işlətmirəm paltarlarımda, səbəbini özüm də bilmirəm, yox mən punk takılmıram -* bəlkə də başqa rənglərdə özümü klon kimi hiss edirəm deyədi, hər nəysə, Mövzu tamam başqadı-*

Bu səhər donla, hə özü də börlü-böcəkli, güllü-çiçəkli, qara rəngdə olmayan bir donla imtahana getmişdim. Niyə? Yox, həyat eşqim zad yaranmamışdı, sadəcə imtahanda telefonu donumun altında gizlədəcəkdim -* o lənətəgəlmiş telefonu lənətəgəlmiş donumun parçaları altında gizlətmək idi məqsədim, gizlətdim də, bilmədiyim 1 suala da ordan baxdım, 3 saniyəmi aldı, lənətəgəlmiş telefonu partanın altına qoydum daha sonra.

Universitetdə imtahan ortamlarını bilirsiz də, 3 və daha artıq nəzarətçi olur, hamısı da bar-bar bağırır: "üstünüzdə və ya partanın altında telefon görsək, qovacayıq imtahandan, kəsiləcəksiz, heç 25 faiz imtahanına da girə bilməyəcəksiniz, bla bla"
Bunlar belə dedikcə məndən can gedir, "ay allah bir qələt idi elədim, heç telefona ehtiyacım yox idi, asan imiş, zibili çıxmasa, yaxşıdı, niyə telefonu nəzarətçiyə təhvil vermədim axı, cart-curt" deyə sayıqlayıram. Hər nəysə imtahandan elə ilk mən çıxası oldum, cavabları təhvil verdim, amma telefon partanın altındadı axı, onu necə götürüb çantama qoyacam?! Nəzarətçi də tərslikdən məni süzür, "az eşələn, otaqdan çıx" baxışları atır. Ləhhnət sənə kor şeytan deyib, çıxdım otaqdan, eybi yox imtahan bitsin gəlib götürərəm dedim, zibili çıxmaz falan

Düşmüşəm uninin həyətinə, oh be yaxşı qurtardıq, yenə oxumadan keçdim, babat yazmışam zad deyirəm özümə, bircə telefonumu da götürüm vse. Vaxt ölsün deyə mənə verilən bir "hədiyyəni" də uninin torpağına basdırırdım həmin an aq. Bütün bunları edərkən yanımda da bir qız qr yoldaşım. 20 dəq keçdi, bu qıza zəng gəldi digər qr yoldaşımdan. Qız görürəm ki ağzı açıq mənə baxır, artıq başıma gələn fəlakəti təsəvvür etməyə başlamışdım, dözmədim aldım telefonu, nə verib baş dedikdə o dili qurumuş "bəs pufu çağırın, telefonunu götürüblər, kəsilib imtahandan" dedi. Qızın Telefonunu bilmirəm hara tulladım, təpədən dırnağa kimi drajeniyadayam, əllərimə elə bil motor qoşdular hamısı tir-tir əsir, rəngim də qaçıb, elə bil Bakı dövlət başıma yıxıldı, sora dabanıma tüpürüb 1 saylı korpusa tərəf qaçdım, tərslikdən yenə dikdaban geyinmişəm, heç normal şərtlər altında onlarda düzəməlli yeriyə bilməyən mən bu dəfə qaçaraq o lənət olası imtahan otağına gedirəm. Həyətdə qışqıraraq "məni kəsə bilməzsizzzz, yox o telefon mənim deyil, yalandı şər atıblar" deyirəm, uje əməlli obraza girmişdim də, qıza da deyirəm ki, inkar et denən pufun telefonu deyil fln. sonradan bilmişəm ki, qız mənə deyirmiş ki, "ay puf sakitləş, kəsilməmisən" falan. Ama o an eşitmədim, eşidə bilmirdim, ailəmə nə deyəcəyimi düşünürdüm, məhv olmuş stipendiya və təqaüdümü, evdə necə döyüləcəyimi, qohumların mənə necə güləcəyini düşünürdüm. Qulağım batmışdı, ağlayırdım, qışqıraraq, mən kəsilə bilmərəm deyərək, üsyan edirdim, ara yerdə neçə vaxtı üst-üstə yığılan dərdlərimdən ötrü də qışqırdım, ehtiyacım var idi. Hər şey bir yana millət "bu dəli neynəməyə çalışır" baxışı atırdı, amma bütün nəzakət qaydaları, insanlıq hamısı yadımdan çıxmışdı. Korpusa daxil oldum, qarşımı qr yoldaşlarım kəsdi, hamısı gülürdü, məni görüb susdular, çünki 1 dəqiqənin içində canlı meyidə dönmüşdüm, sakitləşdirməyə çalışdılar, elə bildim yalan deyirlər özümə gəlim deyə, "yox, hanı o, mənə zəng edib kəsilmisən deyir, telefonum ondadı, nəzarətçi nə dedi" deyərək onlardan uzaqlaşıb pilləkənləri çıxdım, bunlar da qolumdan tutmuşdular, ama nə faydakshdjd. Pilləkənləri çıxanda ayaqqabı çıxdı ayağımdan, qırılmışdı zibil, cəhənnəm olsun bircə kəsilməyim deyib getdim. Bu qədər iztirablı yollardan sonra imtahan otağına çatdım, qapının ağzında iyrənc gülüşü ilə hırıldayan, mənə öz aləmində skmsonik zarafat edən həmin dalbayov. indi hər şey dank etdi ki, hamısı zarafatmış, amma ürəyim hələ də sancırdı, bütün bədənim əsirdi, hirsimi çıxmalıydım. Ulan ben şimdi seniiiii deyib ağlaya-ağlaya onu çırpmazmıyım? Dişimdən çıxanı, sora təzdən bir də vurub telefonu almağım bəs? -* sonra 2 saat monoloq, qarğışlar, soxum sənin zarafatına falan filan. Bəlkə də elə telefonumu mənə vermək istəyib sadəcə ağlı kəsməyib ki nəzarətçi görür, ümid edirəm elə idi, yoxsa daha pis edərdim, onsuz peşman olmuşdu, çünki yerlə-yeksan olmuşdum, dədəm babamın ölüm xəbəri gəlsə heç bu qədər vecimə olmazdı, mnkym.

Hər şey bir yana işin qaranlıq tərəfi adam telefonumu nəzarətçi görə-görə partanın üstünə qoyub, nəzarətçi də kimin olduğunu soruşanda mənim olduğumu da deyiblər, amma nəzarətçi heç nə deməyib, adam vəziyyəti ya tam dərk etməyib sanırım, ya da huşsuz vaxtına mı denk gəlib, karoçe əməlli zibilə keçirmişəm ama keçmədi, bu hərəkəti, bu zarafatı birtəhər hansı yolla olur olsun, nəinki o qr yoldaşımdan, digərlərindən də çıxacam, o yaşadığım stresi hamısından çıxaracam. Aq mən hara, kəsilmək hara, pufam e mən, ara yerdə qırılan qəlbim və ayaqqabım, bir də səhv eləmirəmsə keçirtdiyim mini infarkt oldu, sad story

qab

istər entrilərini, postlarını, məsləhətxanada yazdıqlarını oxuyanda istərsə də nickini hər dəfə görəndə gözümdən kelebekler çıxmasına səbəb olan bilmem neçənci nəsil yazar. Nəsilsiz, zamansız yazar zatən, nə fərqi var neçənci ildə qeydiyyatdan keçib əsas odu burdadı, bizimlədi -*
ekran arxasından olsa da o pozitiv enerjini ötürə bilir öz sevimli, pufvari üslubu ilə * nikaltı yazmağı sevməsəm də yox e sevgimi göstərməliyəm deyərək ərsəyə gətirdiyim entri ksjdjfksjd

Tanım: içərisinə yemək qoyulan mətbəx əşyası -*

qısqanılan insan tipi

Səhər yuxudan oyana bilənlər, 5-6, 7-8, 8-9 saat yuxu ilə kifayətlənənlər; hələ daha betər versiyası - gec yatıb erkən oyananlar, nağlet gəlsin!
Qısqanılan deyəndə özümdə olmayan xüsusiyyətlər başqasında olanda çatmır mənəsjfh. Amma eyni zamanda "sevmədiyim" insanlardı. Məsələn, film izləməyi sevən biri münasibətlərdə (dost, sevgili və s.) eyni kriteriyaları qarşı tərəfdə axtarırsa, məni də çox yatan, bir gecədə 9287236463 yuxu görən, hətta yuxu görməkdən artıq reallıqla yuxuları qarışdıran insanlar cəlb edir.
Həm az yatanlardan korkulur, onlar daima planlı, müəyyən yaşam tərzi, özlərinə məxsus rutinləri, qaydaları olan əsasən soyuqqanlı insanlardır, nəysə çox yatan insanlar candır onlardan kimsəyə pislik gəlməz onları üzməyin -*

universitet oxuyarkən ailəylə yaşamaq

Gizlənqaç oynamaqdır, hər şeyi gizlətmək, daima ora-bura qaçmaqdır çünki.
imtahan günü həyəcanını gizlətmək, ağrılarını gizlətmək, ürək bulanmalarını gizlətmək ən betəri ağladığını gizlətməkdir! Zatən pissən, dərd dərd üstünə gəlib ağlayım rahatlaşım deyirsən, ulan ağlamaq da olmur, indi hansısa biri gəlib görəcək, mən bunlara nə cavab verəcəm deyə düşünərək içinə atmaqdır. Burdan rahat istədiyi vaxt ağlaya bilən insanlara, əslində siz də bir növ xoşbəxtsiz demək istəyirəmdlskdmg.
Evdən çıxıb uniyə getmək istəyəndə "rentgen olunmaqdır". Neçə dəfə olub dərsə gecikmişəm, sırf "uyğun" geyinməmişik deyə məcbur başqa paltarları geyinməkdir, nəymiş efendim, rəngi pismiş, düymələri çoxmuş, abartılı görünürmüş puahah. imtahana gedərsən, "axı sənin dünən nəsə oxuduğunu görmədim" sualı ilə ünvanlanmaq deməkdir, bəhanələr uydurmaq deməkdir, yalan danışmaq deməkdir, vicdan əzabı çəkmək deməkdir, olm ailə ilə uni oxumaq bu deməkdir qısa və net.
Yaxşı tərəfləri pis tərəflərindən daha çox olsa da, mən həmişəki kimi pisləməyi üstün tuturam, eybi yox, qoy mən pis olum.