bütün yaxşı fikrlərin məşğul ikən yaranması

Azad olmaq üçün heç kimdən icazə istəmədən sadəcə azad olmaq lazımdır. insanın öz taleyi ilə bağlı öz fərziyyəsi olmalı və özünü təslim etmədən, bu şəraitə yol vermədən ona əməl etməlidir. Amma belə azadlıq insandan çox ciddi mənəvi sərvətlər, yüksək dərəcədə özünüdərk, özü və bununla da başqa insanlar qarşısında məsuliyyətini dərk etməyi tələb edir.

duşdaykən ağıla gələn dəxlisiz fikirlər

Düşünürəm ki, bəzən bizlər o qədər hisslərimizə , vaxta, situasiyaya və n qədər saya biləcəyim səbəblərə arxayın oluruq ki, reallıq anlayışından uzaqlaşırıq. Bəzi gedişatlar üçün çox hazırcavab yanaşırıq. Amma bunlar bəzən dönür sənin üzünə "ağ" olur.)) Məsələn, dünən üçün "hər zaman" dediyin vəziyyətin bir saç teli qədər həssas vəziyyətə gələ biləcəyini görürük.

Onu da deyim ki, GOT'da belə bir sitat var idi səhv etmirəmsə: Əgər cümlədə "amma" varsa.. "Amma"dan öncə yazılan heç bir cümlənin mənası qalmır.-*

thespian

Thespian deyə bir söz var:
Dramaya, faciəyə, teatr işçisi və aktyor, aktrisalara deyilir. Əslində bunları ayırd etmədən işlənir. Yəni bu söz çox vaxt dramatik keçmişi olan bir aktyora ünvanlanır.

Mənbəyi Thespis adlı çox qədim Yunan şairinə dayanır. Qədim Yunan faciələrində, tanrılar, padşahlar, zadəganların necə dramatik həyat sürdüyü önə çəkilir ki, sıradan insanlar onlara sədaqətini və itaətini davam etdirsin.

Thespis tarixdəki ilk aktyordur. Teatrlarda şərab tanrısı Dionysos'a xeyir-duaçı olmaq üçün xorla ilahilər deyilirdi. O dövrdə teatrlar müqəddəs hesab olunurdu. Thespis isə xorun başındakı adamla dialoqa girən ilk aktyor olmuşdur. Eyni zamanda, "Tragediyanın ixtiraçısı" adlanır.