the dude


13   0   0   0
https://soz6.com/sds-uploads/avatars/608d3848692888f632e2d3cbf2293a4d26004.png
4.nəsil yazar
reytinq xalı: 158
entry sayı:13
karma xalı: 164
izləyənlər: 3
sifariş sayı: 0







son yazdıqları| | əl əməyi göz nuru| favori seçdikləri| favori seçilənləri| bütün entryleri| lövhə

azərbaycana və ya azərbaycanlılara xas xüsusiyyətlər iş yerində və digər sosial ortamlarda, başqaları ilə ultra mədəni və zərif rəftar etdikləri halda, evdən gələn zənglərə cavab verdikdə agressivləşmələri. Səs tonları, mimika vs hər şey dəyişir. Qadın, kişi fərq etmir, əksəriyyətində görmüşəm. Maraqlıdır, insan eyni evi paylaşdıqlarına qarşı ən nəzakətli olmalı deyil?
(bax: who are you when noone is looking?)
astrologiya insanların doğum xəritəsinə əsasən, doğum anındakı planetlərin, ay və günəşin düzülüşünə əsaslanaraq, onların xarakterinin formalaşdığını iddia edən inanış(?).
Bilinənin əksinə, kimliyimizə tək günəş bürcümüz (doğulduğumuz ayda günəşin olduğu pozisiya) təsir etmir, doğum xəritəmizdəki digər planetlərin və ayın səmadakı düzülüşü də xarakterimizin müxtəlif aspektlərini təmsil edir. Və nəticə etibarı ilə biz çoxlarının bildiyi kimi bir tək elementlə (məs: qoç, balıq vs) təmsil olunmuruq. Barmaq izi kimidir xəritə, hamımızda fərqlidir.

Doğum xəritəsini görmək istəyənlər üçün:

https://www.costarastrology.com/natal-chart/

Note: Doğum saatınızı bilmirsizsə, o qismi boş buraxmaq olur.

(bax: vedic astrology)
at Vəhşi təbiətdə yırtıcılardan qorunmaq üçün tək instinktləri qaçmaq olan ov heyvanlarıdır.
Həddidən artıq həssas və reaktivdilər. Atları başa düşmək üçün onların qaçmaq üçün yaradıldığını və müdafiə mexanizmi kimi sürətdən istifadə etdiyini bilməyimiz kifayət edir.

Digər domestik heyvanlar arasında hisləri- eşitmə, iy bilmə, görmə- ən çox inkişaf etmiş heyvanlardılar. Bizim görmədiyiniz, ətrini hiss etmədiyimiz, eşidə bilmədiyimiz hər şeyi atlar bizdən dəfələrlə çox görür, eşidir, hiss edir. Və nəticə olaraq da reaksiya verir. Məhz bu səbəbdən əgər horseback ridinglə maraqlanırsınızsa, at üstündə olarkən öz təhlükəsizliyiniz üçün atın ətrafdakı hər şeyə, ən xırda həşəratlara qarşı belə daha duyarlı olduğunu və potensial təhlükə olaraq gördüyü hər şeyə verəcəyi ani reaksiyaları mütləq nəzərə almalısız.
Atların özlərini digər yırtıcılardan qoruma mexanizmi məhz onların sürətləridir və təhlükə anında qaçmağa meyillidilər.
Yüzlərlə metr irəlidə olan hər hansı bir quşun hərəkət etməsini belə görə bilirlər və hərəkət edən hər şey onlar üçün təhlükə siqnalıdı. Ona görə də atlar əsasən küləkli günlərdə (hər şeyin hərəkətdə olduğu) daha gərgin olurlar.

Atlar sürü halında yaşayan heyvanlardı və tənhalıq onları məyus edir və elə bu xüsusiyyətlərinə görə də bizlərə əslində onlarla dost ola biləcəyimiz və onların da bundan zövq alacağı mesajını vermiş olurlar-*

Atları başa düşmək üçün onların bədən dillərini çox yaxşı oxumaq lazımdır. Bədən dilini daha çox istifadə edirlər, çünki yırtıcılardan qorunmaq üçün təbiətdə səs etməmək əsas müdafiədir onlar üçün.
Nə hiss etdikləri ilə bağlı ən dəqiq signalı bizə atın qulaqlarının pozisiyası verir.
Geriyə doğru ittirilən qulaqlar və yellənən quyruq atın təhlükə sezdiyini və aggressiv olduğunu göstərir. Yaxınlaşmayın!
Sizi sevdiyini, sizə hörmət və itaət etdiyini isə başının pozisiyasından bilmək olar. Önə doğru əyilən baş və açıq olan dodaqlar görürsünüzsə, təbriklər, bu atın sizi qəbul etdiyini göstərir.

Müxtəlif cinsləri var, amma Stallion cinsindən olanları aggressiv və saldırgan olmaqları ilə məşhurdu.
Maraqlananlar üçün mövzu ilə əlaqəli youtube kanalı linki:
https://youtube.com/c/SpaldingLabs
2-ci qarabağ müharibəsinin şəhidləri Hökm edir ərşə ulduzlu hilal, seyrinə dal,
Parlasın gözlərin ulduz kimi, ey qaşı hilal.

Külə döndüm sənə olsun deyə qismət bu qürur,
Cismimi büs-bütün atəş bürüdü, ruhumu nur.

Kükrədim fırtına tək, gah oyana, gah buyana,
Qoymadım doğma səmalarda ögey yel dolana.

Can quşum tərk eləyincə bədənin dar qəfəsin,
Elədim aləmi dar düşmənə, kəsdim nəfəsin.

Tutduğum zirvədən ötrüydü həyata gəlişim,
Kəsə getdim yolumu, qalmadı dünyada işim.

Mən bəqa aşiqiyəm, yoxdu fənalıqla aram,
Almışam aləmi ağuşuma, hər yerdə varam.

Ocağın sönsə odam mən, evin od tutsa suyam,
Səndən ayrılmamışam, hər nə görürsənsə oyam.

Ruhumun qüdrəti ruhundadı, dik tut başını,
Ağlama, saxla zəfər müjdəsinə göz yaşını.

Qoyma nəm çəkməyə kipriklərini, qeydinə qal,
Qalxıb innən belə xəzri saçına çəksə sığal,

Əyilib öpsə üzündən gilavar, bil ki mənəm.
Bir zaman həmvətən idim sənə, indi vətənəm!

Müəllif: Kamal Hüseynzadə
rauf Qarabağ mövzusuna aid, içində qan tökmək, asıb-kəsmək, can almaq vs kimi kəlimələrin olmadığı "Ən Vətən" mahnısının ifaçısı.

(youtube: )

(bax: bağışla bizi vətən)
tesol Gün etibarilə 6 həftəlik kursunu tamamladığım, ingilis dilinin tədrisi üçün beynəlxalq dərəcədə tanınan sertificat.
Coursera üzərindən rahatlıqla, hətta ödənişsiz də əldə etmək olar.
Ətraflı: https://soz6.com/entry/307539

Hal-hazırda ana dili ingiliscə olmayan bir çox ölkələr, xüsusən uzaq Asiya, hətta latin Amerikası ölkələrində bir çox dövlət məktəbləri və özəl dil mərkəzlərində, native və non-native ingilis dili müəllimlərinə böyük tələbat var və Tesol tələb olunan ilk göstəricidir. Üstün tərəfi, tamam başqa sahədə ixtisaslaşmış olsanız belə, yaxşı dil biliyiniz və tesolunuz varsa rahatlıqla iş tapmaq olar. Zira, təlabat böyükdür. Xüsüsən Thailand, Vietnam kimi egzotik uzaq asiya ölkələrində. Visa dəstəyi və free accommodation da verirlər.

Qısası, uzaq şərq mətbəxinin və mədəniyyətinin vurğunusuzsa, fürsətdən yararlanıb həm ziyarət, həm də ticarət imkanı yarada bilərsiz özünüzə. Maraqlananlar üçün aşağıda aktiv iş elanlarının olduğu qrup linklərini paylaşıram.

Vietnam: https://www.facebook.com/groups/englishteachingjob30s/?ref=share
https://www.facebook.com/groups/503000093224881/?ref=share

Thailand:
https://www.facebook.com/groups/teachingjobsinthailand/?ref=share
https://www.facebook.com/groups/EnglishTeachersofThailand/?ref=share
(bax: beautiful Hannoi)
(bax: westlake)
dostluq Tanım: iki insan arasındakı könül bağı əsasında qurulan münasibət.

Uzun zamandır duyğu yüklüyəm, sözlük. Ölkədə baş verənlər, pandemiyanın vs təsirindənmidir bilmirəm, amma bir tez-tez keçmişə gedib gəlirəm.
Mən öz keçmiş, uşaqlıq dostumundan çox darıxıram. 3 gündür eyni yuxunu və eyni simanı hər gün görürəm və telepatik bir insan da olduğumdan əminəm ki, başına nəsə pis bir hadisə gəlib. Yaza bilmirəm özünə heç bir şəkildə.

Kiçik şəhərlərdə, hamının bir-birini tanıyacaq qədər böyük olmayan yerlərdə uşaqlığını keçirənlər bilər. O torpaqlarda əgər 18 yaşına gəldinsə artıq sən evlənməlisən. Buna məhkumsan. Mənsə öz dostumu sırf o səbəbdən itirdim. Mən ondan şanslı idim dəfələrlə, çünki təhsilimi dəstəkləyən ailəm var idi. O isə dominant, macho bir atanın göstərişi ilə 18 yaşında, məktəbi bitirəndən 1 il sonra evləndirildi zorla. Etiraz edə bilməzdi. Özüməmi təsəlli olsun deyəmi deyirəm bilmirəm, amma şərq ölkəsində, atasız böyüməyi bir əksiklik yox, artı olaraq görürəm. Atası olmasaydı yenə də evliliyə məcbur edilərdi? Məni ən çox yaralayan isə onun bunu qətiyyən istəmədiyini bilməyim idi. Ortaq o qədər xəyallarımız var idi ki. Evdə dəfələrlə ailəsi ilə əlaqə saxlayıb fikrindən daşındırmaq istədik, amma razı olmadılar. Evli olduğu insansa telefon belə istifadə etməyinə icazə vermirdi, indi bilmirəm vəziyyəti nə yerdədir. Təccübləndirmədi, əlbəttə, amma çox pis yaralayır.

Mən bilirəm hazırda bənzər taleyləri yaşayan qızlarımız var, onlar üçün əvvəldən planlanan, seçilmiş həyatları yaşayan. Özləri hələ böyüməmiş, uşaq böyütmələri istənilən.
Öz seçimləri ilə yox, başqalarının onlar üçün verdiyi hökmlərlə yaşamağa məhkum edilən.
Aralarında o həyatları o uşaq ağılları ilə qəbullənib, xoşbəxt görünənləri olur. Bəs istəməyənlər necə? Nə etsin, məsələn, atasını öldürsün? Ya evdən qaçsın?
Lənət olsun ki, əlimizdən bu zeyniyyətdən bir gün qurtulmağı arzu etməkdən başqa bir şey gəlmir.

Dostuma gəldikdə isə, mənim ay savaşçım, ümid edirəm ki, hardasansa bu dəqiqə sən orda xoşbəxtsən, olmasan belə, əminəm ki, sən gülmək üçün bir səbəb yaratmısan.
(bax: my sailor moon)
(bax: Thank you for being my childhood)
ted bundy Bütöv adı Theador Robert Bundy olan, 1974-1987 ci illərdə bilinən 36 qadın cinayətini ən vəhşi və şeytani üsullarla törədən necrofil.

Haqqında 2019 cu ildə çəkilmiş, qatilin real görüntülərinin, səs yazısının olduğu "Conversations with the killer-Ted Bundy tapes" adlı documentary vardır. Bundyni başqa seriyalı qatillərdən fərqləndirən ən böyük özəlliyi isə onun didaktik çıxışları, ifadəli səs tonu və zövglü geyimi idi. (adam edam hökmü alacağı gözləntisilə getdiyi məhkəməsinə kostyum və papyon geyinmişdi-*) Bütün zamanların ən manipulativ seriyalı qatili ola bilər, çünki hakimləri belə inandıraraq edamını 10 il gecikdirməyi başara bilmişdi.

Bundy soruşdurma müddətində cinayətlərini əsla etiraf etməmişdir və qatili araşdıran bir jurnalist, Tedin psixologiya oxuduğunu bildiyi üçün, onun egosunu oxşayaraq, bir psixolog kimi axtarılan qatilin tapılmağı üçün ondan yardım almaq məqsədilə potensial qatili təsvir etməyini xahiş edir və beləliklə Ted öz sözləri ilə özünü belə təsvir edir:

-A murder would leave the person of this type hungry, unfulfilled, would also leave him with the obviously irrational belief that, that the next time he did it he would be fulfilled, and the next time he did it he would be fulfilled, or the next time he did it he would be fulfilled-

Ted Bundy bəlkə də bu gün xatırlanmağa layiq biri deyil, amma fikrimcə edamından 24 saat əvvəl Dr. James Dobsona verdiyi və hər şeyi etiraf etdiyi o son müsahibəsində, ondakı əvvəldən var olan cinayət və şiddət eylimini nələrin şiddətləndiryi və bundan necə qorunmaq gərəkdiyi ilə bağlı açıqlamaları çox öyrədicidir.

Həmən müsahibədən alıntı:
(youtube: )
sumqayıt Bakı ilə müqayisədə insanının daha istiqanlı olduğu, dənizin daha yaxından hiss edildiyi, tıxacın demək olar ki olmadığı şəhər. Kişi hegamoniyası hakim olduğu üçün isə yaşamaq üçün Bakıdan daha az əlverişli olan şəhər.

Sürücüləri haqqında isə xüsusi bir paragraf yazmaq lazımdır. Əksər Sumqayıt şoferləri maşını sürətli sürməyi və yolda olan digər maşınları ötməyi bir kişilik göstəricisi olaraq görür. Bunlar ambulancela da yarışar o dərəcə.
Əgər Bakıda yaşayır, sumqayıtda işləyirsizsə, ümumiyyətlə ora tez-tez gedirsizsə, fordlardan istifadə etməyin. Qəza təhlükəsi hər an var. Adamlar heç bir yol hərəkəti qaydalarına, sürət həddinə fikir vermir.
Mənimsə bu gün onsuz da zədəli olan ayağımın üstündən keçib, maşını saxlamağa belə tənəzzül etmədi bir sürücü.

Ümumilikdə isə, Bakının sıxlığından bezib, izole olmaq istəyənlər üçün, bütün dərdlərinə rəğmən, yaxşı alternativ ola bilər.
(bax: gülü sevən dikanına dözər)
yazarların paylaşmaq istədikləri şeirlər They didn’t know

He lay there, under the Sun
Dried blood on his lips,
The heat was oppressive.
His clothes were dusty,
Dark bloches on them.
I could see the ants moving,
Entering him and exiting him.

How I hate this place
How I hate the people
Who are responsible for all this unbeliavable madness.
How I hate myself for volunteering to be here.
I watched the ants crawling over the body,
I wanted to hate them too,
But the hate had to stop somewhere.

-Kyle Schlicher, Vietnam war soldier, 1968
ikinci qarabağ müharibəsi Başladığı gündən bu yana şəhid yaxınlarının ağlımdan çıxmadığı müharibə.
Bu gün qonşumuzu başı bədənindən ayrılan qardaşının cəsədini görməsi üçün aparıblar..
Hansı üzlə atəşkəsə razılaşıb bunlar? Əvvəl-axır atəşkəs olacaqdırsa biz niyə o canları itirdik?
Şəhid ailələrinin yaşadığı ağrını təsəvvür belə edə bilmirəm. Rusiya və Azərbaycanın razılaşdırılmış oyununun qurbanı oldular.
Son olaraq Hüseyn Caviddən gəlsin:

Bir ölkə ki səsi-ünü çıxmaya,
Haqqsızlığa qarşı yumruq sıxmaya
O, bir məzarlıq ki görənlər şaşar
içində hep canlı ölülər yaşar.

Yenə tək təsəllim, içimdəki ədalət duyğusu adına, onlar səngərdə döyüşüb tək həmlədə həyatlarını itirdilərsə, biz də yaşayan ölülər olaraq davam edirik. Biz də ölüyük.
1 2 3 4 5 6 7 8 9 10 11 12 13 14 15 16 17 18 19 20