brief einer unbekannten

Stefan Svayqın məşhur novellalarından biridir. Klassik stildə yazılıb. Açığı mən oxuyanda absurd gəlmişdi. Bilmirəm, bəlkə səthi yanaşmışam.
SPOiLER


Qadın 16 yaşından bəri aşiq olduğu, hətta uşaq sahib olduğu naməlum R.-ə uşaq öləndən sonra məktublar yazır. Məktublar qadının ölümündən sonra R.-ə çatdırılır. Absurd hissə isə R.-in bu qadını heç tanımamasıdır. ilk öncə qızla üz-üzə qonşu olan R. 2 il sonra qarşılaşanda bu qızı tanımadan arxasına düşür, şam yeməyinə dəvət edir, ardıyla isə 3 gecə qızla birgə vaxt keçirən R. söz verdiyinin əksinə qızla təzədən görüşmür. Qızımız isə hamilə qalır. Uşaqdan isə R.-in qətiyyən xəbəri olmur. Bunu qəhrəmanımız öz səbəbləri ilə əsaslandırır. Bir axşam yığıncağında R. ilə qəhrəmanımız yenə qarşılaşır. Amma təxmin edin nə? R. Onun cazibədarlığından təsirlənsə də, yenə tanımır. R.-in deyəsən amneziyası varmış. Qadın isə bu kişini son nəfəsinə qədər sevir. Təmənnasız sevgiymişmiş.

nevzat kaya

* Son zamanlar dadandığım yeni youtube kanalının sahibi. Özü ixtisasca filoloqdur. ilk dəfə Flu tvdə onu kəşf etmişdim. Mədəniyyət tarixindən maraqlı izahlar verir. ilk başda anlamaq çətin gələcək, olan şeydir, normaldır. Baxdıqca o lənətəgəlmiş ədəbiyyat müəllimimə qulaq asıb, ədəbiyyat sahəsini seçməli olduğumu təkrar-təkrar düşünürəm. Demək, ədəbiyyat və filologiya bu qədər tırt sahə deyilmiş.
Kanalın linkini nacizanə şəkildə sizlə bölüşürəm:

(youtube: )

pantural

O cinsi hormonların yalnız kişilərdə olduğunu düşünəcək qədər biologiyadan bixəbər, bunu, əslində isə yanıqlığını cinsi zorakılıq üçün əsas gətirən tərpətöyün. Nə qədər qadının cinsi arzularından danışılmayacaq, kişilər də çüklərini müqəddəs amala xidmət edən vasitə sayacaq. Bu dünyada bir aseksualların cinsi istəkləri yoxdur və ya yox dərəcəsində azdır. Qalan hamımızın gecə də, gündüz də tüstüsü başına vurur. Hayde bir birimizi topluca zorlayaq. Adını seks parti qoyarıq. Hormonlarımız var axı.
Başqa bir məqam isə açıqlığın nisbi olmasıdır. Keçən mağazada anam geyimə baxanda başqa bir qadın "yox, bu don çox açıqdır" dedi. Bir dona baxdım. Mənim üçün o don hətta qapalı idi.

intihar

Bəzilərinə görə, qorxaqlıq, eqoistlik, bəzilərinə görə, bezginlik və əzablardan qurtarmaq üçün çıxış yolu. intihar etməyi heç vaxt ağlına gətirməyəcək qədər də xoşbəxt olmaq. Nə bilim e. Mümkün kimi gəlmir. Etiraf edirəm, xüsusən də 15-16 yaşlarımda təşviş atakalarımı intihar xəyalı qurmaqla sakitləşdirirdim, qəribə şəkildə də sakitləşirdim də. Hər şey sona çatırdı çünki orada. Sakitlik alırdı xaosun yerini. Az dəli deyilmişəm mən də.
Ümumən intihar nəticədir və əksərən ağır depressiyanın nəticəsi kimi özünü göstərir. intihar düşünən və intihar cəhdi etmiş insanların ən böyük problemi onları insanların anlamamasıdır. Məsələn, keçən dəfə instaqramda psixi sağlamlığa həsr edilən hesabda intihar düşüncələri olan (baxma: suicidal thoughts ) şəxslərə necə yardım etməyin mümkün olduğu barədə paylaşım qarşıma çıxdı və rəy bölməsində 1 rəy suisidal düşüncələri olmuş və ara-ara belə hisləri yenə mübarizə aparan biri kimi məni dəhşətə saldı. Rəy yazan şəxs qardaşının intiharının onların ailəsinin parçalamasına gətirib çıxarmasından, buna görə də intihar fikri olan şəxslərin ətrafa verəcəkləri ziyanı düşünməli olduqlarını, intihar edənlərin isə eqoist olduqlarını yazmışdı. Gülüm, sən tək düşüncəsi yatıb, sabah ayılmamaq/ özünü öldürmək olan, hətta ona yaxşı davranılmasından belə vicdan əzabı çəkdiyi üçün daha da çox özünü öldürmək istəyən insana bunu deyə bilməzsən. Onlar onsuz da sizi milyon dəfə düşünüb. Amma sonda tab gətirə bilməyiblər. Başqa bir məqam isə yaxınlarımızın bizim intihar düşüncələrinə sahib olmaq ehtimalını ağıllarına heç gətirməmələridir. Mən anama bir dəfə "özümüzü idarə etmiş halımız budur, yoxsa çoxdan pəncərədən özümü atmışdım" deyəndə üzündə bildirməkdən çəkindiyi dəhşət və çaşqınlıqdan anlamışdım bunu.

fyodor mixayloviç dostoyevski

Çox güclü psixoanalitik olmaqla yanaşı bəzən zırdəli olduğuna inandığım rus yazıçı. Hətta dövrümüzdə olsa, 100 faiz diaqnoz da alardı. inferiority complex dən, hətta bir az da qabağa gedərək borderline sindromundan əziyyət çəkdiyini düşünürəm. Düzü, məni də gülləyə düzməkdən son anda vaz keçib, sonra Sibirə yollasalar, mənim də ağlım qaçardı. indiyə qədər ən çox sevdiyim əsəri Cinayət və cəza olub. ilk oxuduğum əsəri idi və ilk oxuyanda yeniyetmə idim. Oxuyanda nə qədər də fahişə adlandırmadığımız fahişələr ətrafında yaşadığımızın fərqinə varmışdım. Kitabda başqa bir maraqlı anlayış isə üstün insan anlayışıdır. Bu arada Friedrich Nietze Dostoyevsi və onun üstün insan anlayışından çox təsirlənib. Oxuma sırası Yeraltından notlardadır. Görək, nələr qarşımıza çıxacaq.

vincent van gogh

Mənim əziz Vinsentim. Onu ilk dəfə rəsm müəllimimiz sayəsində tanımışam. Çox az rəsmiylə tanış olsanız belə, heç vaxt görmədiyiniz tablolarını belə ilk baxışdan tanıya biləcəyiniz rəssamdır. Öz dəsti-xətti, palitra seçimi var. O da bütün həssas qəlblilər kimi bu dünyaya dözə bilməyub günbəgün psixi sağlamlığı pozulub. Epilepsiyadan əziyyət çəkməsi isə, necə deyərlər, işin duz-bibəri olub. Sonda isə intihar edib. Təəssüf ki, səfalət içində yaşamış bu insanın dəyəri də öləndən sonra bilindi. Barəsində kitab yazılıb. irvinq Stoun-Yaşamaq yanğısı.
Eyni zamanda şərəfinə bir çox filmlər çəkilib. (bax: At eternity's gate)