özümdən

«ÖZÜMDƏN»

Dərdimi danşıdım bir gün dənizə,
Dənizdə dərdimdən coşdu çağladı,
Xəyalın hər gecə gələndə bizə,
Halımı görəndən həmişə ağladı.


Göz yaşım süzülür yanağdan bir bir,
Həsrətin qəlbimi yaman dağlayır.
Əlindən Xəyalın tutub sən gətir,
Pərişan olubdu hər gün ağlayır.

Gözlərim dəryadan betər olubdu,
Hər gecə ağlıma, gedişin gəlir.
Birgə əkdiyimiz güllər solubdu,
Ömür tək ləçəklər, tökülür gedir.

Sevgimin dəyəri gözlərindədi,
Gözlərin üz döndərib mənim gözümdən.
Şairin sevgisi Sözlərindədi,
Sözlərim üz döndərib mənim özümdən.

sevə bilməzsən

**** Sevə bilməzsən***

Arzular yaş olub düşür gözümdən,
Ürəyim, baxmayır çıxır sözümdən,
Gəl mənə danışma səndə dözümdən ,
Mən ölsəm bir anlıq dözə bilərsən?

Əl ələ tutuşub gəzdik ellərin,
Çox gördük, həyatın əsən yellərin,
Özgənin tutaraq soyuq əllərin,
Gəzdiyimiz yerləri, gəzə bilərsən?

Həsrətin odudur, sanki cəhənnəm,
Oduna yanacaq, təkcə şəxs mənəm,
Gözündə kiçildib məni birdənəm,
Özgənin önündə əzə bilərsən?

Bilmirəm ,bəlkədə dözə bilərsən,
O, gözəl yerləri gəzə bilərsən,
Özgənin önündə əzə bilərsən,
Bir daha sən məni, sevə bilməzsən.

yazarların paylaşmaq istədikləri şeirlər

***şəhidlər*

Qələmin qüdrəti çatmaz yazmağa,
Ağ saçlı Ananın, ahın, fəryadın.
Gözlərim yumulur, açılmır daha,
Görsənir gözümə ağlayan qadın.

Dikilib qarşısına, övlad həsrəti,
Çəkərək ah-nalə ağlayırdı o.
Bəlkə də övladı heç gəlməyəcək.
Yaralı qəlbini, dağlaýırdı o.


Qəlblər yanaraq, közə dönübdü
Bir vaxt körpə həsrəti ilə döyünürdülər.
Körpələr böyüyüb bir əskər olub,
Bir vaxtı böyümək üçün öyünürdülər.

Torpağın üstündə qurulub cənnət,
Analar cənnətin, mələkləridi.
Hər ana cənnətə bəxş edib sərvət,
O sərvət, Vətənin Şəhidləridi.

Çox ana qalıbdı, övlada həsrət,
Övladın qoxusunu duymayacaqdır,
Övladı torpaqda yatıbdır deyə,
Döyünən ürəyi vurmayacaqdır.

Vətənin uğrunda candan keçməyə,
Neçə qəhrəman övladlar gedir.
Anacan ağlama, ağlama daha.
Zəfəri qazanmış övladın gəlir.

Vətən Anadır, Anada Vətən.
Anının Əlindən tutmuşuq deyə,
Vətənin əlini baraxmayarıq.
Şəhidlər sizləri unutmayarıq.