S Ö Z A L T I

euro 2024 |

14 iyun - 14 iyul tarixlərində Almaniyada keçiriləcək futbol bayramı. Bir çoxları Fransa və İngiltərəni favorit hesab edir. Məncə həmişəki kimi İngilislər bacara bilməyəcək. Bəlkə də beynimə loser kimi kodlanıblar bilmirəm. Şəxsən mən turnirin qalibi kimi fransanı görürəm. Çox əjdaha şəkildə gəlirlər. Keçim qrup təxminlərimə:

Burda Macarıstan qrupun sürprizi olacaq. Almaniya maks 2 olacaq. İsveçrə və Şotlandiya isə ən yaxşı 3-cü yer uğrunda mübarizə aparacaq. Qrupun həlledici oyunu elə 1-ci turdakı Macarıstan - İsveçrə matçı olacaq.

Azarkeşi olduğum və son çempion İtaliyanın taleyindən qorxuram. Spaletti bambılısı dünən hücumçu qıtlığında Bolognada əla mövsüm keçirən Orsolinini komandadan çıxartdı. İtaliyada hamı spalettini topa tutur. Zaccagni, çolaq el shaarawy və demək olar ki, bu sezon oynamayan faggiolini saxlayıb, Orsolini və lazionun qapıçısı provedeli kənarda tutub. İspaniya və Xorvatiya, hətta Albaniya da başağrısı olacaq İtaliyaya. Türkiyə ilə 0-0 bitən matçda da ümid vermədilər. Amma bu İtaliyadı. Qrupda 3 heç-heçədən sonra dünya çempionu olmuş komandadı. Bilmək olmaz. Bu qrupa təxmin vermək çox çətindi. Realist olsam hal-hazırki vəziyyətə uyğun olaraq: 1 İspaniya 2 Xorvatiya 3 İtaliya 4 Albaniya.

İngiltərə burdan təmiz çıxar. 2ci yer üçün Danimarka və Serbiya əlləşər və Danimarka yeri qapar.

Ən asan qrupdu bu məncə. Fransa 1, Hollandiya 2, Avstriya 3, bərbad oyun oynayan Polşa 4.

Ən maraqlı qrup. Hamı Belçikanın asanlıqla 1-ci olacağını desə də mənim fikrimcə onların generasiyasının limiti çoxdan bitib. Rumıniya sürpriz edəcək. Ukraniya da ondan geri qalmayacaq. Slovakiya 4-cülüyə məhkumdu.

Gəldik dananın Türkiyə üçün quyruğunun qopduğu yerə. Türkiyə burdan necə çıxırsa çıxsın 8/1-dən o yana getməyəcək. Çünki ya Fransa ya İngiltərə ya da b qrupunda hansısa əjdaha ilə qarşılaşacaq. Ümumiyyətlə Türkiyə elə komandadı ki, oyununu heç cür tuta bilmirsən. Heç vaxt stabil oynamırlar. 0 da çəkə bilərlər. 90+ -da vurulan qollar ilə 1-ci də çıxa bilərlər. Portuqaliya 1-ci olacaq sözsüz. Gürcüstan Mdb-nin hal-hazırda ən yaxşı oynayanıdı. (Russia excluded). Çexiya burda tale həll edən komanda olacaq.
Könlümdən keçən 2008 və 2012-dəki İspaniya kimi İtaliyanın da ardıcıl qalib gəlməsidir. Amma çətin. Real vəziyyət Fransanın çempionluğunu göstərir. Ümid edirəm ki, 2004 və 2016 kimi sıxıcı yox, 2000 və 2008 kimi yaddaqalan turnir olar.

sosioloji marksizm | elm

analitik marksizm ekolu ilə tanınan, sosial siniflər klassifikasiyasında yeni nəzəri paradiqmaları ilə həm sosiologiya sahəsində həm də bütöv olaraq marksizm sahəsində yeni cığırlar açan erik olin wrightın Viskonsin-Medison Universitetində verdiyi dərslərdən biri.

dərsin syllabusu 87 səhifədir -*. bu yay syllabusda paylaşdığı əsas oxumaları bitirməyi planlayıram.

syllabusdakı chapterlər bu şəkildədir:
1) giriş
2) sinfi struktur
3) sinfi təşəkkül
4) dövlət və siyasət nəzəriyyəsi
5) ideologiya və şüur
6) tarix nəzəriyyəsi
7) sosializm və xilas/azadlıq

və üstəlik əsas oxumaların yanında- əgər vaxtınız varsa- əlavə oxuma materialları da var. möhtəşəm syllabusdur.

syllabusun linkini paylaşıram. məncə göz atın və bu sahə haqqında nələrsə oxumaq istəyirsinizsə yararlanın.

link: https://drive.google.com/file/d/1Q64aPnfb1IlezJXjzcwuXMh62U8Silft/view?usp=sharinghttps://drive.google.com/file/d/1Q64aPnfb1IlezJXjzcwuXMh62U8Silft/view?usp=sharing

ufc | idman

Açılışı ultimate fighting championship olan mma təşkilatı. İnsanların niyə bu qədər az maraqlandığına təəsüflənirəm düzü, xususilə də həmcinslərim arasında. Nəticə də, dünyanın ən güclü ya da badass insanının kimi olduğu sualı maraqlıdır və bunun cavabının öyrəniləcəyi ən prestijli təşkilat ufcdir. One championship və bellator kimi təşkilatlar da var, lakin ordakı əksər divizyadakı çempionlar heç ufcnin top 10 una girə bilməz müvafiq çəki divizyasında. Təbii olaraq anlayıram bəzi insanlar şiddət və s. kimi görüntüləri sevmir, həmin insanların baxmamağı normal haldı. Ancaq ölkədə xususilə animeci kütlənin, heç ufc nin nə olduğunu eşitməməyi maraqlanmamağı qəribə gəlir. one punch man, naruto və oxşarı animelərə baxmaqdansa çox daha real olanına baxa bilərsiz. Və bu real xarakterlərdən çox daha yaxşı inspiration ala bilərsiniz. Misal verim döyüşçülərdən,
Alex pereira gec yaşda kick-box a başlıyır. Ən yüksək səviyyə olan glorydə 2 diviziyada çempion olur. 2 dəfə məğlub elədiyi israel adesanya tərəfindən hər hansı bir interviyuda, "mən əfsanə olanda, hər hansısa bir pubda arxamdan boş boş danışacaq , o heç kimdi" tərzi təhqir olunmadan sonra özünə tamam yad olan bir idmana başlıyır. Hansı ki grappling dediyimiz şey 30 dan sonra elə rahat öyrənilən bir şey deyil. Öyrənsən belə heç vaxt vasatın üstü ola bilməyəcəksən, bunun özü də böyük drawback di istenilen döyüşçü üçün. Pereira ufc debutunu edir, və hətta bambılı bambılı danışan adesanyanı knockout edir. Sonra bir yuxarı çəkidə də çempion olur və hal-hazırda planetdə ayaqüstü döyüşdə ən çox qorxulan döyüşçüdür desək düz olar. Və bu insanın bütün bu uğuru, brazilyanın kasıb favellalarından birində, yoxsullaqdan çıxaraq elədiyi də
ayrı bir heyrətamiz haldı.

Çox maraqlı personaj var yəni ufcdə, misal günlərcə qaranlıqda ac sussuz, balaca otaqda günlərcə duran jiri prochazka. Bu xarakter elə bil sırf mistik anime xarakteri sevən insanlar üçün dizayn olunub. Günlərcə meşədə tək qalıb, məşq edir, just insane dude overall. Hərtərəfli döyüşə bilir, ancaq əsasən ayaqüstü döyüşməyə üstünlük verir, və sıfır guard ilə, full hücüm. Alex pereira kimi dünyanın ən təhlükəli kickbox çusunun belə üstünə şığıyır, əli qolu qarınında, ayaqları yediyi low kick lərdən təndimiş, qızarmış(döyüşdən sonra hətta morarmış olacaq) vəziyyətdə.
Son olaraq döyüş deyim maraqlananlar baxsın.
https://youtu.be/dHKRVKnChFI?si=SPdvsxA140sdhjxV

Jiri ilə glover teixeirü nın döyüşü həqiqətən yüksək gərginlikli bir kəmər döyüşü idi, gərginlik dedim yəni daim bir actionın olduğu maraqlı bir döyüş, sıxıcı şəkildə bir roundda 10, 15 jab in atıldığı bir döyüş yox. Düşünürəm ki, bu döyüşə önyarqısız baxan insan mma fanatı ola bilər.
Səhv eləmirəmsə gloverin 8 ci dərəcə bjj qara kəməri var və bu onu idmandakı ən yüksək grappling çi deməyimizə bəs edər. Ancaq mma təkcə grappling deyil.

https://youtu.be/7CAkyfHMhhA?si=dgNlY8GcxY5sm7cn
Rober whittaker , yoel romero

Müasir dövr middleweightdə(83kg) ən yaxşılardan olan cavan Whittakerın 41 yaşlı kafdar romero ilə olan 2- ci döyüşü. Romeroya kafdar dediyimə baxmıyın the dudes is insanely ripped and explosive. Çox gec başladığı idmana səhv eləmirəmsə 35,(köhnə olimpik gürəşçidir) əfsanə olaraq ayrılmışdı ufcdən. Qeyri mümkün bir nailiyyətdi həqiqətən 35 indən sonra təzə idmana başlamaq oyana, 35 indən sonra çempion ola bilmək ya da oxşarı bir nailiyyət göstərmək qeyri mümkün bir haldı. Çünki istər istəməz qocalırsan, əgər heavyweight ya da light heavyweight deyilsənsə. Romero onsuz adi bir insan deyil, hamı kuba da bədəninə qəribə experimentlər olunduğu bilir, ancaq yenə də idmanın özündə doping təşkilatları nəzarət edir, keçə bilibsə fair competition.

https://youtu.be/h9oj6HEdZSI?si=_0lutKRzOWW03d_v
Son olaraq aşağı çəkilərdən daha texniki olan, volkanovski, islam makhachev döyüşü. Volkanovski bu döyüş zamanı məğlubiyyətsiz demək olar, çempion idi 66 kiloda, islam isə xəbibin atasının favorit tələbəsi idi və çempionluğu oliveirdan(xəbibi udacağı deyilirdi, çox yaxşı grapplingi olduğuna görə) almışdı. Çoxlarına görə xəbibdən daha yaxşı olan islam, xususilə ayaqüstü döyüşdə, əksər döyüşlərini 1 dəqiqənin altında bitirən islam üçün çıxa biləcək ən texniki və inatçı rəqiblərdən idi alexander, həmçinin bütün çəki divizyalarını əhatə edən reytinqdə də, pound for pound rankingdə də 1 ci sırada idi. Bu döyüş digərləri qədər, süper maraqlı olmaya bilər, ancaq məğlubedilməz dağıstan grappling məktəbinin qarşısına çıxan ən güclü oponentin döyüşə necə bir əhəmiyyət qazandırdığnı qavraya bilsəz, yüksək diqqətlə baxacağıvıza şübhəm yoxdur. Hərhalda texniki skill olaraq bunun üstünə çıxa biləcək başqa qarşıdurma yoxdur.

Sona da ufc üçün xüsusi tarixi əhəmiyyəti olan bir neçə maraqlı döyüş qoyacam
https://youtu.be/en4hR34Bl8w?si=Xm8rBGOoan4LTDtz
https://youtu.be/l8s2fsfIpUA?si=AFqEA-1VW_NkK6e8
https://youtu.be/JuBBIJ7adjM?si=l2RWjq2ktf83kZKQ

obyekt yönümlü proqramlaşdırma | proqramlama

(OYP) - verilənlərin obyektlər üzərindən formasını dəyişməsi üzərinə qurulmuş proqramlaşdırma methodu. yazılmış funksiyaların təkrər istifadəsinə və daha kompleks məntiqə kömək edir.

// birinci class-da yaradılan obyekt və methodun digərində çağırılıb istifadə edilməsi:
class a {
string name;
public void method_a();
}
// ikinci class-da implementasiyası
class b extends class a {
name = "jhon.doe'':
method("do something");
}

bəzi methodolojiyaları:
enkapsulyasiya (encapsulation),
varislik (inheritance),
polimorfizm (polymorphism),
abstraksiyası (abstraction),
obyektlər arasında informasiya axınının təşkili (sending messages / message sending),
təkrar istifadə oluna bilərlik ( reusability).

java - c - c++ - Python - php
bu linkdə azərbaycanca ətraflı və bəsit izahı da var

perfume genius | musiqi

əsl adı Michael Alden Hadreas olan əsasən indie pop, indie rock və art pop tərzlərində mahnılar bəstəyən amerikalı musiqiçidir. Özünə seçmiş olduğu bu ləqəb isə Perfume The Story of a Murderer filmindən irəli gəlir. 2020-ci ilin diqqət çəkən albumlarından biri Set My Heart on Fire Immediately olsa da onun no shape albumunu daha çox bəyənirəm.

Tanımaq istəyənlər üçün:
(baxma: jason)
(baxma: otherside)
(baxma: die 4 you)
(baxma: slip away)
(bax: queen)
(baxma: without you)

euro 2024 |

sosioloji marksizm | elm

ufc | idman

obyekt yönümlü proqramlaşdırma | proqramlama

insanlara ölümündən sonra verilən dəyər ★ wiki

daim bu başlıqdakı kimi iddialara şübhə ilə yanaşdığım üçün araşdırmağa başladığım "reallıq"

şübhə etməklə haqlı imişəm. dünyada qəribə bir tendensiya var niyəsə. məşhurlarla bağlı ya hansısa psixoloji problem ya da həyatda yaşadıqları çətinliklər romantikləşdirilir. bəzi hallarda isə ümumiyyətlə həyatlarında yaşamadıqları çətinliklər, detallar bioqrafiyalarına əlavə olunur, belə-belə də miflər ortaya çıxır. kimlər ki açıb reallığı araşdırmır, elə inanırlar bu şeylərə. ən çox bilinən nyuton və eynşteyn kimi insanların həyatı ilə bağlı tonlarla mif var, gərək oturub tək-tək çürüdəsən. bəziləri də bundan babat film ssenariləri çıxır deyə bu cür romantikləşdirmələrə ürəkdən alqış tuturlar. tarixdə yaşamış dahi insanları uduzmuş, əzilmiş göstərmək və bundan prim qazanmaq da ayrı axmaqlıqdır. toxunacam bu mövzuya da.

bəri başdan deyim ki tema uzun olduğu üçün qısa-qısa toxunmağa çalışacam adı çəkilən məşhurların həyatlarına. iddialara sadəcə bir əks-nümunə göstərəcəm, bu da bəs edir.

əvvəla tesla haqda. gərək tesla haqda burda oturub kitab uzunluğunda entry yazasan ki insanların ağlındakı həmin tesla obrazında nəyisə dəyişdirə biləsən. adətən tesla haqda danışanlar da elmlə zərrə əlaqəsi olmayan insanlardır ha. tesla ilə aramız birinci dəfə teslanın ümumi nisbilik nəzəriyyəsi haqda yazdığı axmaq fikirləri oxuduğum zaman dəymişdi. qətiyyən bir elm adamı kimi yox uşaq kimi davranıb həmin mövzuda. çox uzatmayacam çünki mövzu bu deyil, mövzu teslanın otelin bir otağında kasıb ölməsidir. çox uzun uzadı danışmayacam. tesla nyu yorkdakı lyuks oteldə yaşayırdı ömrünün son günlərində, yuqoslaviya hökuməti teslaya indiki valyutaya çevirsək 100min dollar ödəyirdi hər il. bu hələ sadəcə 1929 cu ildə baş verən iqtisadi krizisdən sonrakı dövrdə teslanın illik qazancı idi. qısacası öldüyü zaman kasıb və s. deyildi. bu təmamilə mifdir. tesla həmişə gayet lyuks həyat yaşayıb. hər nə qədər evrim ağacanı sevməsəm də vaxtilə tesla haqda qəşəng bir məqalə yazmışdılar saytda: https://evrimagaci.org/nikola-tesla-kimdir-neleri-icat-etmistir-tesla-hakkindaki-mitler-ve-gercekler-149

keçək kafkaya. bu bəlkə də ən böyük mifdir. hansı ki kafka həyatı boyu dəyər görməyib, sadəcə öldükdən sonra dəyəri bilinib bla bla bla bla. kafkanın həyatı ətrafındakı miflərlə bağlı james hawes adlı bir yazar oturub excavating kafka adlı kitab yazıb. kitabda çürütdüyü ilk mif kafkanın yaşadığı zaman dəyər görmədiyidir. kafka 1912 də metamorfoz'u yazır amma 1915ci ilə qədər yayımlamır kitab olaraq. eyni il, baxın diqqətli oxumağınızı xahiş edirəm, eyni il yəni 1915 ci ildə kafka həmin dönəm ən prestijli ədəbiyyat mükafatlarından biri olan theodor fontane mükafatını qazanır plyus mükafatla bərabər kafkaya 800 mark da təqdim olunur. kitabı yayımladığı eyni ildə ədəbiyyat üzrə ən prestijli mükafatı qazanasan və illər sonra həyatın boyu heç bir dəyər görmədiyin iddia oluna. fields medalı qazanmış riyaziyyatçı haqda heç dəyər görməyib demək ilə eynidir bu. kafka həmişə şöhrətdən, tanınmaqdan qaçan biri olub, bu mükafatdan da olduqca narahat olub. kafkanın həyatı boyu dəyər görmədiyi əfsanədən başqa bir şey deyil, təəssüf ki kafkanın sizə danışılan həyatı belə əfsanələrlə doludur, həqiqi kafka o kafka deyil * ahaha kafkanın atası ilə, qadınlarla münasibətlərində də miflər çoxdur, üstdə adını çəkdiyim kitabda hamısı tək-tək çürüdülür. qəribəsi bu detallar kafkanın vikipediya səhifəsində də verilməyib.

keçək van qoqa. martin bailey adlı tədqiqatçı van qoqun psixiatriya xəstəxanasında müalicə aldığı zaman qardaşının ona yazdığı məktubları araşdırır və qəribə bir şey görür. van qoq xəstəxanada ikən sərgi keçirilir hansı ki həmin sərgidə van qoqun da əsərləri var və sərgiyə fransanın həmin dönəmdəki prezidenti sadi carnot da dəvət olunur. sadi carnot xüsusilə van qoqun əsərlərini bəyənir, əsərlər sərginin ən göstərişli yerində yerləşdirilir. cəmi dörd ay sonra da van qoq intihar edir. van qoqun yaşadığı müddətdə dəyər görməməsi mifdir, eynən kafka mövzusunda olduğu kimi bu mövzuda da martin bailey bu mifləri çürütmək üçün oturub van qoqun xəstəxanada qaldığı müddətdə qardaşı ilə olan yazışmalarını analiz edən bir kitab yazır. kitabın adı da starry night: van gogh at the asylum van qoqun əsərləri ən böyük sərgilərə çıxarılmışdı və burda da prezident tərəfindən təqdir edilmişdi.

digər adlara toxunsam bu entry heç bitməyəcək. qısaca deməyim odur ki tarixdəki dahi insanların həyatlarının bu cürə mifləşdirilməsi insanları reallıqdan uzaqlaşdırır. inanın mənə dahisinizsə və bunu göstərmək üçün çaba sərf edirsinizsə dəyər görəcəksiz. André Bloch adlı riyaziyyatçı günün birində bütün ailəsini öldürüb dəlixanaya yatırılmışdı amma dəlixanadan yazdığı məqalələrlə bütün avropa riyaziyyatçıları arasında dəyər görmüş, hadamard, polya kimi əfsanələrlə ünsiyyət qurmuş, adını tarixə yazdırmışdır. weyl müharibə zamanı həbsxanaya atılmış amma həbsxanada ikən function fields-lar üçün riemann hipotezini isbat etmiş, wolf mükafatı almışdı, ramanujan doğru dürüst ingilis dili belə bilmirdi və düzəməlli təhsil də almamışdı amma hardy tərəfindən kembricə, tədqiqat aparmağa çağırılmışdı və s. və ilaxır. dahini qoydum bir qırağa əgər zəka varsa və bunu göstərmək üçün çalışırsızsa inanın mənə həbsxanada da olsaz, dəlixanada da olsaz, kasıb da olsaz, qatil, eybəcər, sosial bacarıqsız, dəhşət sosial və s. kimi hallardan aslı olmayaraq dərhal qiymət görəcəksiz. bu romantik əfsanələrə inanmayın.

mənbələr:
james hawes : excavating kafka
harold bloom : franz kafka
https://evrimagaci.org/nikola-tesla-kimdir-neleri-icat-etmistir-tesla-hakkindaki-mitler-ve-gercekler-149
martin bailey : starry night: van gogh at the asylum
https://www.telegraph.co.uk/news/2018/08/27/van-gogh-not-unappreciated-lifetime-myth-busting-letter-shows/

javascript | proqramlama

28 may 1997 b.dortmund - yuventus matçı | idman

peter steele ★ wiki | musiqi

https://i.imgur.com/mAkCgf8.jpg
tam adı petrus thomas ratajczyk olan, səhnə adı ilə peter steele olaraq tanınan mərhum amerikalı musiqiçi. type o negative-in vokalist və bassisti idi.
peter 1962-ci ildə brooklyn, new york-da dünyaya gəlib. atası polyak-rus əsilli ikinci dünya müharibəsi qazisi, anası isə bir tərəfi norveçli, bir tərəfi isə şotland-irland olan bir xanım idi. peter ailənin 6-cı uşağı və yeganə oğlu idi.
peter hələ 12 yaşında gitara çalmağa başlamış, bir neçə ay sonra da bass gitaraya keçid etmişdi. əslində solaxay olan peter, zamanla özünü adi bass gitaraya öyrəşdirmişdi. çünki solaxaylar üçün olan bass modelləri baha idi. həmçinin, peter the beatles və black sabbath-dan da bəhrələnmişdi.
peter musiqi karyerasından əvvəl nyc-in parklar şöbəsində işləyib və müsahibəsində həmin dövrləri həyatının ən yaxşı vaxtlarından biri hesab etdiyini dilə gətirib.
2.03 sm boyu və əzələli bir bədəni var idi. lakin karyerasının ilk dövrlərində konsertə çıxmaqdan qorxurdu, bunun öhdəsindən gəlmək üçün də konsertdən əvvəl alkoqollu içki içirdi. insanlar peter-i mehriban, zarafatcıl, yaxşı yumor hissinə sahib, konsert turlarındakı digər qruplara da hörmətlə yanaşan bir insan olaraq xatırlayır. “black sabbath” gitaristi tony iommi də peter haqqında “peter böyük, hündür və çox çox yaxşı bir oğlan idi” deyə bəhs edir.
musiqidən əlavə, müxtəlif elm sahələrinə dair kitablar oxuyur və avropa mədəniyyətinə maraq göstərirdi. pişikləri çox sevir və özü də çoxlu pişik saxlayırdı.
bipolyar pozuntu və tez-tez də depressiyadan əziyyət çəkən peter, musiqidə rahatlıq tapdığını qeyd edirdi. bundan əlavə, uşaqlığında katolik bir ailədə böyüsə də, sonralar ateist olmuşdu.
ölümündən əvvəl verdiyi son müsahibədə peter, içki və kokain asılılığı ilə əlaqədar bəzi orqanlarında problem yaşadığını qeyd edir. 14 aprel 2010 tarixində ürək tutmasından vəfat edir. ölümündən sonra qrupu “type o negative” də dağılır. qrup üzvləri bu barədə belə açıqlama verir:
“peter-in yerini ala biləcək biri tapılsa belə, artıq heç bir mənası yoxdur. davam etməyi düşünmürük. “type o negative”, peter ilə birlikdə öldü.”

tissot prx | texnologiya