post paylaşa bilmək üçün yazar olmalısınız!
üzv ol sən də yaz!
giriş izlədiyiniz heç bir yazar yoxdur.. test
bu ay izlənəsi yazarlar:
timidus | tolstoyun əmisinəvəsi | bir ergenin dramı | gülümsəmək çətin deyil | qarpız_dilimi | bukowski | freydinpişiyi | mr. nobody | tuqaikwon | azerbulbul |
@29635 doğrusu indi fikir verirəm ki, istinad etdiyiniz postda yazılanları tamamilə "tərsə-məzhəb" başa düşübmüşsünüz -* ona görə də buna izahatı vacib bildim. sanki, öz təxəyyülünüzdə quraşdırmış ola biləcəyiniz və ya belə olduğuna inanmaq istədiyiniz fikirləri rəhbər tutaraq məni ittiham edirsiniz, nəinki mənim o postda yazdıqlarımı. bəlkə də bu anlaşılmazlıq "məhəlli" sözünün mənası ilə də əlaqadar ola bilər ki, o da burada "ümumxalq əhəmiyyəti daşımayan" məzmununda işlədilib. postda da qeyd olunub ki, incəsənət növləri bir-birilə müqayisə oluna bilməz və biri digərindən də üstün deyil. nəticə etibarilə, meyxanaya, repə, muğama, klassik musiqiyə, raqaya və ilaxır kimi musiqiləri dinləyən adamlara cahil, mühafizəkar gözü ilə baxılmır, onlar cahil hesab olunmur və orada meyxananın hansı hissədə "heçliyə" sığışdırılması mənə məlum olmadı. daha əvvəlki postda muğam və meyxana üçün istifadə olunan "primitiv" sözünü aşağılama mənasında başa düşmüsünüzsə, yenə də yanılmısınız. məsələn, avropa klassik musiqisiylə müqayisə etdikdə muğam istifadə etdiyi texnologiya baxımından daha primitivdir. avropada qanuna bənzər alətlər uzun bir inkişaf yolu keçib, təkmilləşərək pianoya çevrildiyi halda, bizdə bəlkə də son bir neçə əsrdə onun üzərində çox cüzi bir dəyişiklik olub. eləcə də tar və ya kamança. avropa klassik musiqisi daha püxtələşmiş, daha mürəkkəb bir musiqi olduğu halda, muğam və ya meyxana daha ibtidaidir. eyni zamanda, bir incəsənət növü məhəlli xarakter aldığında (tək meyxanaya aid deyil) o onun əhatə etdiyi ərazidə onunla məşğul olan adamların kimliyinin bir parçasına çevrilir, etnik köklərinə olan bağlılıqlarını daha da gücləndirir və özlərini digərlərindən onun vasitəsilə fərqləndirilər. bugün klassik musiqi də universal bir hal almayıb, sadəcə kiçik bir ərazidə dinlənilən musiqi olsaydı, eynisi onun üçün də keçərli olacaqdı. Ancaq, bugün o dünyanın hər tərəfində dinlənildiyindən, hər kəs onu öz kimliyinin bir parçası hesab etsə belə, bu insanlar arasında fərqliliyin yaranmasına səbəb olmur, çünki müxtəlif etnik qruplara məxsus insanlar bunu bərabər şəkildə edir və bunu, tək avropalıların yox, bütün bəşəriyyətin sərvəti kimi görürlər.
məsələnin, bəlkə də mənim çatdıra bilmədiyim tərəfi bundan ibarətdir ki, əgər bir insan sevdiyi incəsənət növündən imtina etməklə, baş verə biləcək böyük bir fəlakətin qarşısını ala biləcəyini bildiyi halda, bunu etmirsə, o cahil və nadandır... bir daha təkrar edirəm ki, o incəsənət növü ilə məşğul olmaq cahillik deyil, baş verə biləcək fəlakətin qarşısını almamaqdır cahillik! o insanın insanlıqda da payı yoxdur! Sədinin də dediyi kimi:
Özgənin dərdinə əgər qalmasan,
Yaraşmaz adına, deyilsən insan.
to k-az mehnət-e digəran biqəm-i,
nə-şayəd ke nam-at nahand adəmi.
məsələnin, bəlkə də mənim çatdıra bilmədiyim tərəfi bundan ibarətdir ki, əgər bir insan sevdiyi incəsənət növündən imtina etməklə, baş verə biləcək böyük bir fəlakətin qarşısını ala biləcəyini bildiyi halda, bunu etmirsə, o cahil və nadandır... bir daha təkrar edirəm ki, o incəsənət növü ilə məşğul olmaq cahillik deyil, baş verə biləcək fəlakətin qarşısını almamaqdır cahillik! o insanın insanlıqda da payı yoxdur! Sədinin də dediyi kimi:
Özgənin dərdinə əgər qalmasan,
Yaraşmaz adına, deyilsən insan.
to k-az mehnət-e digəran biqəm-i,
nə-şayəd ke nam-at nahand adəmi.
