emosiya pozğunluğu kimi bir şey amma bəlkə də heç deyil

siz də günün bir hissəsini hər şeyin əsəbinizə toxunmasiyla, bir hissəsini insananlarin ölməsində belə gülünc nəsə tapacaq qədər ota-poxa gülməklə ya da ciddi və çərt qoz kimi dik-dik ortaliqda gəzməklə və araliqlarda da hər gözəl, sevimli ya da azca melanxolik də dursa, nəsə olanda gözləriniz dola-dola keçirirsiniz?

məsələn, bu gün avtobusda bir anayla uşaq oturmuşdu. uşaq yuxuluydu və yeddi yaş qədər görünsə də, anasinin qucağindaydi. başini tavana baxa biləcək şəkildə qadinin çiyninə qoymuşdu. bir növ, qulaqlari yan-yana durmuşdu deyim izah etmək üçün. bəm-bəyaz dərisində örtülü, bənövşəyi göz qapaqlari dünyadaki ən estetik görüntü ola bilərəm deyirmişcəsinə titrəyirdi və ikisinin də o kürən saçlari bir-birinə girmişdi. çünki uşaq dayanmadan qadinin başini siğallayirdi. heysiz idi əlləri, amma yenə də oynatmaqdan süpürgə kimi etmişdi saçlari. anasi isə heç vecinə almirdi və (bir çoxunun edəcəyi kimi) təpinmirdi uşağa. günəşin altinda narinci işiqla biri azca sarişin, biri də kürən olan saçlarin daha da rənglənməsi, balacanin gözəl simasi, dərisindəki çox üzdə olan mavi-bənövşəyi damarlari və sevgi, şəfqət yağan safliqlari məni elə xoşbəxt etdi ki, birdən universitet yerinə gedib, uşaq doğmaq istədim lol. amma buna görə gözlərim dolmamişdi. çünki onsuz da yanağimda bir xətt uzunu hiss edilən bir üşümə duymuşdum. məni görən adam varmi deyə də ancaq sonrasinda narahat olmaq yadima düşdü. elə də fikir vermədim. kimsə o sənət əsəri kimi duran görüntünü elə bir görmürdü ki, məni heç görməzdi. avtobus xəstəxanada dayananda arxalarinca baxmayacaqdim. ağlimda o andaki kimi qalsinlar istəyirdim. heyif ki, bacarmadim. normal insanlar idilər, qəşəng oğlan uşaği da, qadin da. sadəcə deyəsən, uşaq azca qripləmişdi.

buna hər şeyə gülməyim gələn bir vaxtda şahid olmadiğim üçün elə sevinirəm ki, əslində. ancaq məncə, dördündən də xilas olmaq lazimdir. onun yerinə kitab oxuya ya da başqa bir şeyə edə, hami kimi davrana bilməliydim. uzaq başi öz-özümə "oh, cute" deyərdim, sonra da başqa yerə baxardim.