qanunun geriyə qüvvəsi

Xüsusən də cinayət qanunvericiliyində maddənin geriyə qüvvəsi məsələsi məni çaşdırır. Şəxsin vəziyyətini pisləşdirən qanunun (və ya maddənin) geriyə qüvvəsi yoxdur. Bunu bildik. Bəs mənim vəziyyətimi yaxşılaşdıran yeni qanun necə tətbiq olunur? Misal üçün əvvəlki cinayət məcəlləsində satış məqsədli narkotik maddə əldə etməyə görə 10 il cəza verilirdi amma yeni məcəllədə 7 ilə salınıb. Əgər köhnə qanunvericiliyə görə həbs olunmuşamsa, bu qanun mənə necə tətbiq edilə bilər? Yenidən prosessual qaydada məhkəmənin təşkilinə ehtiyac var? Bəs təşkil olunsa belə köhnə hökm ləğv ediləcək? Cəzanın aşağı salınması ilə bağlı necə müraciət edilir? Və ya artıq 8 il yatmışamsa onda sərbəst buraxılacağam? Ümumiyyətlə bu barədə məlumatı olan varsa fikirləri maraqlıdır. Prosedur barədə də məlumat versəniz sevinərəm