italyada tehsil

3. bu, elə facebook-dakı həmin qrupda italiyada təqaüd imkanları haqqında qrup üzvlərindən biri tərəfindən yazılmış yazıdır.


--sitat--

Salam Əziz çörəkçilər. Bu dəfə mən sizə İtaliya çörəyindən yazacağam. Mən İqbalə İbrahimova 2018-ci ildə Bakı Mühəndislik Universitetinin "Fizika müəllimliyi" ixtisasını fərqlənmə ilə bitirdim və hal-hazırda Sapienza Universitetində "Nanotechnalogy Engineering" sahəsi üzrə 1-ci kurs magistr tələbəsiyəm və eyni zamanda İtaliynın Xarici İşlər Nazirliyinin (MAECİ) elan etdiyi aylıq 900 avro olan akademik təqaüdünün qalibiyem. Qeyd edimki ilk müraciətimde kecən il viza ala bilmədim və hazırlaşıb ikinci ili yenidən müraciət etdim və buradayam. Bu yazımda sizə İtaliyada nece akademik ve regional təqaüdün qazanılması haqqında danışacağam.
Ümümiyyətlə İtaliyada tələbələrə 2-cür təqaüd təklif olunur.
akademik Təqaüdlər.
• İnvest Your Talant (İYT). Təqaüdə daxildir: Aylıq 900avro təqaüd, universitetin təhsil haqqından azad olunmaq, 1 illik Tibbi sığorta. Bu təqaüdü qazanmaq üçün minimum GPA 85+, minimum İELTS 6.5, qısa formada motivasiya videosu, CV və varsa iş təcrübəsi lazımdır. Bu təqaüd əksər ixtisaslara şamil olunur. Müraciət üçün son tarix 30 Yanvar
• MAECİ təqaüdü: İYT-dan fərqli olaraq burda İtaliya səfirliyi sənəd qəbulundan sonra tələbələri interviyu vasitəsi ilə seçir. Akademik tələblər İYT ilə demək olar ki eynidir. Bu təqaüddə əsas diqqət göstərəcəyiniz məsələ interviyuya yaxşı hazırlaşmanızdır. Müraciət 30 may tarixinde bitir ve siz səfirliyin saytından sənədlərinizi göndərə bilərsiniz. İnterviyu zamanı sizə gələcək hədəflərinizdən, ixtisasınızdan ve niyə bu universiteti seçdiyiniz kimi suallar verilə bilər. Bununla yanaşı siz xüsusi olaraq magistr təhsili alacağınız ixtisas barədə yaxşı araşdırma etməlisiniz çünki buna çox diqqət edirlər. Bu il müraciət edənlərin sayı olduqca çox idi və təssüflər olsunki yalnız hər il 4 və ya 5 tələbəyə bu təqaüd verilir. Mənim göstəricilərim GPA 94 ve İELTS 6.5 idi. İnterviyu zamanı daha yüksək göstəricilərə sahib olan tələbələrdə var idi, lakin dediyim kimi burada əsas interviyudur.
• Gənclər Fondunun Xaricde Təhsil Programı . Prosedur MAECİ təqaüdü ilə eynidir sadəcə interviyu zamanı tarix, ixtisas, hədəfiniz ve ingilisce biliklərinizi n nə dərəcədə olduğuna diqqət edilir.Sizə məsləhətim o olardıkı qoyulan tələblər sizə uyğun olmasada, məsələn İELTS 6.5 -dirsə və siz İELTS 6 almısınızsa yenədə müraciət edin.
• Universitetlərin özünün verdiyi akademik təqaüd: Bu çox asandır, çünki siz universitetdən qəbul almısınızsa və göstərciniz yüksəkdirsə özləri bu təqaüdü sizə təklif edəcəkdir. Mən bu il Politexnik Milan Universitetinin aylıq 450 avro olan təqaüdünü və eyni zamanda Pisa Universitetinin 1400 avroluq grant qazanmışdım və çalışın max derecede çox universitetə müraciət edin.Sonda universitetləri seçim şansınız çox olsun.Mən demək olarki ixtisasıma uyğun Ítaliyda bütün universitetlərə müraciət etdim və reject aldığım olmadı)). Nəticədə 8 universitetin 11 ixtisasından qəbul aldım.
2. Regional Təqaüd.
• Bu təqaüdü İtaliya universitetinə qəbul alan ve illik ailə gəliri təxmini 23000 avrodan aşağı olan bütün tələbələr qazana bilər. Heç bir akademik göstəricilər nəzərə alınmır. Təqaüdün dəyəri illik 5200 avro dəyərindədir. Müraciət tarixi iyul ve avqust ayları deyə bilərik, lakin bu tarix universitetə və regiona görə dəyişə bilər. Azərbaycanlı tələbələrin 80% regional təqaüdə müraciət edirlər.Bu təqaüdü qazanmaq asan görünsə də amma heç də müraciət prosesi və ailə gəlirləri sənədlərinin toplanması asan olmur. Bundan başqa əlavə etmək lazımdır ki ailə gəlirləri sənədi italian dilinə tərcümə təsdiq və apostel olunması üçün ən azı 500-600manat xərciniz çıxacaqdır. Sənədlərin fərqlilikləri və müraciətləri regiona görə dəyişir.Bəzi regionlar sənədlərin online yüklənəmsi və ya sənədlərin poçtla göndərilməsi tələb olunur.
• İtaliya universitetlərində xüsusilədə texniki sahələrdə yüksək səviyyədə təhsil verilir. Tədris dili ingilis dilidir və burada dərslərdə iştirak etmək məcburi deyil. Ildə 4 və ya 6 dəfə imtahan vermək haqqı verilir buna görədə tələbədə imtahan stressi olmur. İtaliyan müəllimlər ve insanları mehriban və yardımsevərdirler.Həm oxuyub həm işləmək istəyən tələbəyə həftədə 20 saatlıq işləmək icazəsi verilir. Tədris ili zamanı siz bir çox exchange porogramlarında iştirak edərək təhsilinizin bir qismini başqa xarici ölkədə təqaüdlə oxuya bilərsiniz. Məzun olduqdan sonra sizə 6 ay ve ya 1 il icazə verilir ki qalıb ölkədə iş tapa biləsiniz. Ortalama bir tələbənin aylıq xərci təxmini 450 avrodur. Əlbəttə bu tələbəyə görə dəyişir.
• Keçək universitetlərə qəbul prosesinə. Müraciət tarixi universitetə görə dəyişsə də ümumi olaraq yanvar ve aprel aylarını əhatə edir. Sənədlər: 2 recommendation letter, 1motivation letter, CV, İELTS və ya Universiteti ingiliscə oxuduğunuza dair arayış, transkript və ya diplom və əlavəsi,passport lazımdır. Minumum göstərici GPA 70+ tələb olunur. Bəzi ixtisaslarda bu 90+ ola bilər eyni ilə mənim oxuduğum ixtisasda olduğu kimi.Bir sıra ixtisaslar isə ilkin qəbuldan keçsəniz sizdən skyp intervyusu tələb edir. Hər zaman tez müraciət etməkdə fayda var. Çünki bu zaman GPA68 olan tələblərdə qəbul ala bilirler. Bir sira universitetlərdə 1-ci və 2-ci call qəbulları olur. Çalişib 1ci callda müraciət etmək lazımdır çünki 1ci callda Non-EU telebelerini daha çox qəbul edirlər. Hal-hazırda 1ci call müraciətlər artıq açılıb və yanvar fevral ayında bitəcəkdir.
Bütün prosesi detallı olaraq yazmağa çalışdım. Suallarınız olarsa postun şərh hissəsinə yaza bilərsiniz.

--sitat--