məqsədsiz olmaq

3. may i have your attention, please? we're gonna have a problem here.

@87576 , sənə nikah şahidi kəsim, məqsədi mövcud olmayan insana evlən özünü problemə sal demək nədir axı? bizim kimi aşağı sinif cəmiyyətin problemlərə təklif etdiyi həll yolu niyə evlənməkdən keçir?

məqsədim yoxdu - evlən.
kökəlmək istəyirəm - evlən.
yalnızlıqdan əziyyət çəkirəm - evlən.
filankəs avaraçılıq edir - evlənsin.
beşmankəs xaricdə təhsil alır - qəribçilikdə bir vaxtdan sonra məqsədini itirəcək, yalnızlıq onu əsir alacaq, mental sağlamlıqda geri düşəcək, arıqlayacaq, avaraçılıq edəcək, əsas ailədi, evlənsin!
ağcaqanadlar yatmağa imkan vermir - sən yenə də evlən, yuxusuz qalanda görməyə işin olar.
yanında yatan bədbəxtin bəlkə məqsədi var, evlənib onun gününü niyə qara edəsən axı. avara avara ilə, məqsədsiz məqsədsiz ilə evlənmir, çox vaxt elə bir tərəf o biri tərəfi dartır dalıyca. bir sözlə, həyatı qarmaşıqlaşdıran bir tərəf varsa, həyatı qarışan iki tərəf olur, bir müddət sonra uşaq da olsa, bax burda kərəmi ağlamaq tutacaq, oldu sənə faciə tablosu. xoşbəxt qadınlar klubunda sənin barəndə yazılsın istəmirsənsə, listen.

məsləhət axtaran ciggər, 22 yaş hələ axtarış yaşıdır. özünü sorğulayıb alternativ cavabları analiz edə bilərsən. cavabsızlıq özü də bir cavabdı. bəlkə səni cəlb edən həmin məqsədin işığı ilə yolların kəsişməyib. 45+ adam tanıyıram həkimlik sahəsinə verdiyi illərin üstündən xətt çəkib memarlıq təhsili almağa qərar verib, çox da əkşınlı həyatı var. səni qınamıram, biz valideynlərimizin proyekti olmuşuq, övladı yox. boş alan, boş zaman, yüklənməmiş zehin lazımdır ki, özün haqqında məlumatlar yığasan, özünlə tanış olasan. məqsədsizliyin kökündə sənin aldığın psixoloji müalicə yatırsa, həmin müalicə də valideyn, cəmiyyət faktoruna söykənir. yaşın əhəmiyyət kəsb eləməsi müharibələrə, siyasi vəziyyətə bağlı olaraq dövrə görə dəyişir. bu uzun söhbətdi. yaşamaq həvəsi, məqsəd, maraq dairəsi sənin özünlə dost olmağından formalaşır. hamı kariyera qurmalı deyil, yaxud hamı başqalarının hədəflədiyi həyat yolunu getmək məcburiyyətində deyil.
düşündükcə sahib olmadığın maraqlara, məqsədə görə qayğı çəkib, özünü digərləri ilə müqayisə etməyə başlayacaqsan, bəlkə də başlamısan. düşmənsən özünə?
qan bağım olan qohumum əfqanıstan müharibəsinə zorla göndərildi gənc yaşında. bu yaşına qədər olan həyat yolunda özünü məcbur etdiyi və məcbur edildiyi yeganə iş elə savaşmaq ola bilər. yerdə qalan illərini babat içərək nəşr olunan bütün kitablara, qəzetlərə maraq salmaqla keçirib, hələ də keçirir. dövlət ona müəyyən pul ödəyir, kitabxanaya üzv olub, yaşıyır özüyçün. oblomovun canlı örnəyi kimi bir şəxsdir. soruşanda da deyir ki, məni başqa heç nə maraqlandırmır. özünə uyğun həyat seçib, huzurlu hiss edir. bəlkə xoşbəxt deyil, bədbəxt də deyil, amma huzurludu.
sənə demirəm get alkaş ol ya boş həyat yaşa. ümidini kəs yaxud ən minimal şeyə ümidini bağla. sadəcə sənə aid görülə biləcək bir şeylər varsa, əvvəl axır ona qovuşursan. sənə uyğun həyat tərzində oturuşursan. yüklənmədən, relax olaraq düşün. düşünməkdən qorxma. o qədər tələsdirirlər bizi ki, səhnə bağlananda, biz hələ yaşamağa təzə-təzə başlayırıq. hamı tələsməlidi, hamı hər şeyi bilməlidi, bomba yaşamalıdı? çox bəsit bir eyləmdir yaşamaq, biz onu mürəkkəbləşdiririk. sənin yerində olsam özümü digərləri ilə müqayisə etdiyim fikirləri səssizə atardım, doğulanda mənə verilən şəraiti və özümün yarada biləcəyim şəraiti yanaşı qoyardım, artırardım, azaldardım, əlavələr edərdim ya ümumiyyətlə silmə işləri görərdim, ya da heçnə eləməzdim, içdiyim çaydan həzz alardım vəssalam. indiki işinə hər gün gedirsənsə, demək o işlə səni bağlayan bir-iki dənə də olsa tel var. özünə zaman ver, yüklənmə və zehnini zibilləmə. elon musk şəklinin altında 6 maddə halında yazılan boş şeyləri oxuyub çorta da düşmə, short videolarla beynivin düşünmə üslubunu da korlama. evlənməyi heç ağlının ucundan da keçirmə bu yaşında. içində olduğun bir axın var, həmin axın sənin qarşına seçeneklər çıxaracaq, özü səni yönləndirəcək, tə-ləs-mə.