Bu vəziyyətdən necə qurtula bilərəm?

Salam. Öncəliklə uzun ola bilər, oxuyub cavablandıra bilsəniz sevinərəm. Özümü tam olaraq necə ifadə edim bilmirəm, bu hissin (və ya hislərin) adı nədir bilmirəm. Yaşım çox deyil əslində, 20+ dur. Düşünəndə ki, həyatda nə qədər gəziləcək yerlər, ölkələr, yoxlanılacaq ən xırda fəaliyyətlər var. Çox insan kimi sayı nisbətən çox olan hədəflərim var. Və bunları hansı ara, hansı zamanda edə bilərəm deyə sözün əsl mənasında gecə-gündüz düşünürəm. Düşünün ki, bir məkana yaxınlarımla əyləncə üçün gedəndə belə rahat əylənə bilmirəm. Sanki zehnimin arxa fonunda qum saatı var, zaman mənim üçün geri axır. Təvazökarlıqdan uzaq olsa da, çalışqan, qənaətcil insan olduğumu düşünürəm. Qənaət məsələsi əvvəl həddində idi (təməl ehiyaclarımı ödəyib qalanını yığırdım). Amma artıq təməl ehtiyaclarıma belə pulu qıymayıb yığmaq istəyirəm. Bu davranışlarımdan nəticə əldə etmirəm. Əksinə, psixoloji, fiziki olaraq özümü çökdürürəm. Mümkün olan həll yollarını tapmaq istəyirəm. Nə edə bilərəm?