yer kürəsi
#elmsalam bir sual məni maraqlandirir.deməli tutalim ki qrelandiyadan yeri qazmağa başladiq taki,axirda antartikadan çixdiq.fərz edəkki temperatur təzyiq yoxdur və ya onlardan qoruna bilirik.təsəvvür edin...sizdən biri gəldi özünü o quyudan "aşaği" atdi.nə baş verəcək?
7. Vaxtilə Liderdə gedən Kuklalar verilişində belə bir səhnə var idi, müxalif liderlərdən biri quyunun başına gəlir deyir bu nə quyusudur, o birisi deyir dərin quyudur, ora düşən 77 ildən sonra dibinə çatır, elə bu mamentdə quyudan bir dənə səs gəlir, o birisi deyir bu nəydi? Sözügedən şəxs də cavabında qeyd edir ki, 77 il bundan qabaq bir adam tullanmışdı, indi çatır.
Fikrimcə, sənin sualının cavabı bu mənasız söhbətdə gizlənir.
11. digər tərəfdən çıxardı, təxminən eyni yüksəkliyə qədər qalxıb yenidən deşiyə qayıdardı. yəni rəqsi hərəkət edərdi, eyni ilə riyazi rəqqas və ya saatın kəfkiri kimi. özü də bu hərəkət planetimizin ətrafında fırlanmağın bir başqa versiyası olardı. nə demək istədiyimi başa salım ancaq burdan aşağı ancaq riyaziyyatla maraqlananlar oxusun:
deməli bir x koordinat oxu üstündə rəqsi hərəkət təxminən x=h*cos(v*t) düsturu ilə göstərilə bilər. burada h hərəkətin başlanğıc nöqtəsi, bizim halımızda adamın deşiyə tullanacağı yüksəklik və yerin həmin nöqtədəki radiusudur. v isə hərəkətin tezliyidir. indi çoxlarının yadında olar ki, x-y müstəvisində yerləşən bir çevrə boyunca hərəkəti x=h*cos(v*t) və y=h*sin(v*t) düsturları ilə göstərmək olar. indi gəlirik süni peyklərlə bu deşiyə tullanan bədbəxtin arasındakı oxşarlığa. düsturlar eynidir, sadəcə fərq ondadır ki, süni peyk iki ölçülü hərəkət edir, bu adam isə bir ölçülü. nəticədə onların hərəkət periodları eynidir. bu o deməkdir ki, əgər adamı qrenlandiyadan yer səthindən 400km hündürlükdən atsaq adam girəcək yerə, o biri tərəfdən çıxacaq, yenidən yerə girəcək və bir də 90 dəqiqə sonra yenidən qrenlandiyanın 400km üstündə olacaq. və hər şey yenidən təkrarlanacaq. bəs niyə 400km? və niyə 90 dəqiqə? beynəlxalq kosmik stansiya yer səthindən 400km yüksəklikdə çevrə şəkilli bir orbitdə 90 dəqiqəlik periodla fırlanır ona görə.
not: belə bir quyu qazmaq fikrinə düşsək, onda məsləhət görərdim yerin fırlanma oxu istiqamətində qazaq. çünki qrenlandiyadakı quyudan atılan bədbəxt yolda yerin fırlanması nəticəsində quyunun divarına çırpılacaq.
13. təsiri var əlbəttə. mən danışdıqlarım, mükəmməl homogen kürə üçün keçərlidir. konkret süxur tiplərinin, anomaliyaların təsirini bəlkə təxmin etmək olar, ancaq ümumi modeli başa düşmək üçün mükəmməldən yola çıxmaq daha sərfəlidir ona görə danışdım. mənbə olaraq bunu 
tapdım, georgia state university-nin səhifəsinən bir məqalədi, google-da çıxıb qabağıma. ancaq mən özüm burdan oxumamışam. həm burda 400km hündürlükdən atılmır adam, yerin səthindən düşür quyuya ona görə 85 dəqiqəyə tamamlayır bir dövrəni.
17. mən təşəkkür edirəm və təbrik edirəm. ciddiyəm. sual elmi, düşündürücü, və ingiliscə desək, "relevant" sualdır. bir sözlə əla sualdır. fizika oxuyuram, özümü fizikaya təbiətə həvəsli insan sayıram, ancaq bu sualı mən özümə verməmiş, mənə veriblər və cavabını bilməmişəm. özünün bu suala gəlməyin böyük nailiyyətdir məncə.
@16 təbii ki, aşağı düşdüyünü hiss edəcəksən. bu adicə hündürə tullanıb aşağı düşməyə bənzəyəcək və əslində maraqlı olmayacaq. əsl maraqlı olanı yer kürəsinin mərkəzindən keçərkən yaşayacağındır. zira yerin mərkəzində çəkisizlik var. quyuda yerin mərkəzinə doğru dartılırsan, mərkəzdən keçərkən hansısa müddət çəkisizlik yaşayırsan, sonra əks tərəfə dartılmağa başlayırsan. bu maraqlı olardı -*
05.10.2015 mesaj izləmə Googlla