dövlet programi. (teqaüd)

2. @1 düz deyir)bağışla mәlumatım yoxdu deyә mәndә kömәk edә bilmirәm)))

4. Mən də bilmirəm

5. Məsləhət görürəm ki, çox sıxma özünü dövlət proqramı barədə. Dəqiq kriteriyaları yoxdu, 84 ortalama ilə gedib 94 ortalama ilə qalan var. Iqtisadiyyat və biznesə də əvvəlki illərə nisbətən az adam göndərirlər. Garanti istəyirsənsə tanış tap.

6. @5. tanış necə tapırlar? Guide zad var bunun üçün? pulnan olur tanış?

8. soruşmaq ayıb olmasın, biznes administrasiyası üçün basa-basa fransaya ya da ispaniyaya getmək nəyə lazımdır ki? nə bilim mühəndislik, fəlsəfə, ya da nə bilim, rəsm əsərlərinin təmiri filan üzrə desən, başa düşərdim, bəs biznes administrasiyasına görə niyə görə o ölkələr? eyni ya da oxşar təhsili türkiyə və ya şərqi avropa ölkələrində (hətta bəlkə azərbaycanda) də ala bilərsən, məsələ təhsildədirsə əgər. bir də ki, bağışla məni, amma haqlı olaraq, dövlət proqramının prioritet ixtisasları arasında biznes administrasiyası yoxdur, ona görə də ola bilsin ki, bütün göstəricilərin yaxşı olsa belə proqrama qəbul olunmayasan. dövlət proqramı karyera arzularını yerinə yetirmək üçün yox, ölkədə ehtiyac olan sahələrə kadr yetişdirmək üçün nəzərdə tutulub.

9. @8 məlumat üçün deyim ki, bunun heç fərqi yoxdur, nə istəsm oxuya bilərəm. dediyin şərq ölkəsində xərclədiyim ppulu elə avropanın mərkəzində də xərcləyə bilərəm. az. nəidi day? hərşey elə azərbaycandan uzaqlaşmaqla bağlıdı sən mənə elə azərbaycanı məsləhət görürsən? neyniyimi 500 manata bankda işləyim? yoxsa necə? ixtisasım daki biznes administrasyasını masterə Finans a keçmək olur.

10. brat özün bilərsən hardan uzaqlaşırsan, hara yaxınlaşırsan, öz işindir. mən şəxsən dövlətin pulu ilə oxuyub, üzərinə on minlərlə, yüz minlərlə avro/dollar xərclənən adamın qaçıb getməsinə icazə verən mənəviyyata qarşıyam. başa düşdük, ölkə soyulub talanıb, iş imkanları zəifdir, maaş azdır, amma heç olmasa gənc vaxtlarında vəziyyəti dəyişmək üçün çalışmaq lazım deyilmi? bizim yaşıdlarımız aylarla etiraz edir, küçədə gecələyir, ac qalır, avropanın, amerikanın özündə, biz elə bil 40 yaşında midlife krizinə girmişik, təcili iş yeri axtarırıq. o yüz minlərlə avro neft pulunun gedib çatmadığı, sənin qədər şanslı olmayan insanlar heçmi məsuliyyət yaratmır üzərində? insan hər şeyimi öz dar, mənasız, şəxsi maraqları üzərinə qurmalıdır? bunları təbii ki, təqaüdü hələ almadığın üçün sənə demirəm, amma fikrimcə, neftin pulu ilə gedib xaricdə təhsil alıb həyat qurmaq, neftin pulunu yol tikmək adı ilə aşırmaqdan o qədər də fərqlənmir.

11. görünür azərbaycanı çox sevirsən. vəziyyəti dəyişmək səncə alınar? yaşıdlarımız küçədə gecələyir, bəs sən öz gözün görə-görə ölüm fərmanı imzalaya blərsən? mənim barədə nə bilirsən ki, indi də məni burda mühakimə edirsən?
məsuliyət tək mənim deyil də, hamımızın boynundadı. 1 həftə əvvəl qaçırılan şairdən tutmuş itən neftin puluna qədər. mən öz gələcəyimi, sökülən, dağıln ölkənin üstündə qurmaq istəmirəm, istəmirəm ki, oğlum 20 yaşına çatan da mənə " ay ata, o vaxt niyə hər şeyi atıb getmədin indi biz də normal yaşayardıq" deməsin, necə ki, mən öz atama deyirəm. bu ölkəyə Ghandi dən artığı lazımdır.

12. əstağfürullah, səni tanımıram, eləmirəm, səni niyə mühakimə eliyim, ay brat. mən sadəcə o düşüncə tərzini tənqid edirəm. təbii ki, məsuliyyət hamınındır və heç kəs sözlükdə klaviatura qəhrəmanlığı edərək vicdanını rahatlada bilməz. təbii ki, dünyanın hər yerində indi ghandidən artıq olmaq lazımdır, tərəflər dəyişdikcə, mübarizə taktikaları dəyişir, amma bu o demək deyil ki, bizdə heç nə mümkün deyil. uşaq söhbətinə gəldikdə isə, məncə uşağı elə böyütmək lazımdır ki, həyatda lüksa (normal həyat dedikdə nəyi nəzərdə tutursan, bilmirəm) yox, başqa şeylərə daha çox dəyər versin. yəni maşının, evinin ya da hər nə isənin olmasına yox, ölkədə qalıb mübarizə apardığını görsün və buna dəyər versin.

13. -* görünür ki, sən haqlısan. mən isə çox eqoistəm. sonuna kimi haqlısan.ama mübarizə sən dediyin o mübarizə deyil. mübarizə aparanlar olsaydıq, bu millətin 1 milyonluq qaçqını, 1 milyonu da rusiya da bazarda olmazdı.