baxışmaq
2,927 | 11 | 60
əjdahalar googlla
keçən ayın ən bəyənilənləri - internet klubda öz kompüterini yandırmaq istəyərkən başqasınınkını söndürmək - umbaylama - azərbaycanlı qızların xarici oğlan marağı - qaralaşmaq - bakı metropoliteni - gözəl hekayələr - sözaltı etiraf - əvəzolunmaz həzzlər
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, qaynar xəttə zəng et:
☎ 860ən əsası unutmamaq lazımdıki hər sizin baxışınıza baxışıyla cavab verən və baxışma prosesində iştirak edən hər qarşı cins sizə maraq duyur deyə şey yoxdu.
normalda baxışma vəziyyəti qarşılıqlı olaraq bir birinə maraq duyan cütlüklər arasında olur.
amma istəmədən bu prosesin içinə düşən və aləmi bir-birinə qatan adamlar da var. beləki, bəzən mövcud olduğumuz məkanlarda kimlərəsə biz maraqlı gələ bilirik, hansıki o adam bizi tanımaq istəyir. və bu vəziyyətdə biz onun nəzəri altına düşmüş oluruq və mütəmadi gözləri bizə baxır. biz isə bir müddət sonra bu halla tanış oluruq və təbiki bu hal adamı məmnun etmir deyil. insanıq, canlıyıq, təsirlərlə böyümüşük. nəysə, və biz də müəyyən zamanlar bu nəzəri üzərimizdə hiss edəndə kontrol etmək üçün(görüm doğurdan da baxır?) baxan tərəfə az zamanlıq da olsa yoldaşlıq edir və baxışma vəziyyətini yaradırıq. bu hal mütamadi davam edir. biz bundan kayf alsaq da(qarşı tərəfin nəzərinin bizdə olmasını görmək) qarşı tərəfə əlava yük yəni ümid vermiş oluruq.o isə sizin də ona marağınızın olduğunu düşünür, müəyyən müddət bunun eyforiyasında, get-gəlində(əmindimi qərarında ya yox), xəyallarında, sizə yaxınlaşma metodları, üsulları fikirləşməklə məşğul olur. əlavə iş də. və bütün bu şeylərdən sonra o sizə açılanda və siz onu cavabınızla məmnun etməyəndə o pis olur.
lazımdı buna diqqət eləmək. doğurdan da bir məqsədiniz varsa əgər bu baxışmada iştirak edin. özünüzü tatmin etmək biraz eqoistlik olur və bu eqoistlikdən yayınmaq gözəl olardı. qarşı tərəfi bir dağa zamanla qaldırıb sonra zart deyə yerə atmaqdansa, əvvəlcədən o dağa qaldırmamaq daha gözəl yanaşmadı məncə.
Filosoflar çox danışıb: dilin çatmadığı yeri baxışlar tamamlayır. Çünki sözün qurduğu divarı gözlər bir baxışda yıxır. Əgər dil ağlın işarəsidirsə, gözlər ruhun qapısıdır. O qapı açılarsa, artıq heç bir izaha ehtiyac qalmır.
Ədəbiyyat da bunu min dəfə sübut edib. Nizami Leylinin gözündə Məcnunun bütün çöllərini gördü, Cəlil Məmmədquluzadə bir baxışın bütün romanı əvəz etdiyini yazdı. Gözlərdəki susqunluq bəzən yüz şeirdən daha sarsıdıcıdır.
Sevgi tərəfdən baxışmaq həm bədənlərin deyil, ruhların görüşüdür. Əllər toxunmaya bilər, amma gözlərin toxunuşu ürəyin ritmini dəyişir. Bir anlıq baxış bəzən uzun məktubları, illərlə yazılan izahları ləğv edir. Çünki orada saxtakarlıq yoxdur: göz yalan danışmağı bacarmır.
Baxışmaq, əslində, ən təhlükəli yaxınlıqdır. Çünki bir cümləni gizlətmək mümkündür, amma bir baxışı gizlətmək olmur. Ona görə də göz-gözə gələndə insan qorxur — üzə çıxacaq olanı nəzarətdə saxlamaq olmur.
Və bəlkə də buna görədir ki, böyük sevgilər çox vaxt bircə baxışdan başlayır. Bir anda iki insanın taleyi bir-birinə qarışır. Baxışmaq insanın içində gizlədiyi sirrləri hack edən ən qədim texnologiyadır. Sözsüz, amma sarsıdıcı.
---
Kasıb, gənc insanların baxışlarında başqa bir nağıl gizlidir. Onların cibində cəsarəti artıracaq lükslər, bahalı geyimlər, cazibədar hədiyyələr olmur. Onların silahı yalnız baxışlarıdır. Və o baxışların öz dili var — cümləsiz, amma birmənalı. Bir anlıq göz-gözə gələndə bilirsən: sənin xoşuna gəlirsə, o da artıq sənə toxunub baxışları ilə.
Hürkə-hürkə uzanan o baxışlar əslində gizli bir dialoqdur: “Mən də buradayam, sən də buradasan, cəsarət edəkmi?” Gənclikdə bu sual hər addımda içdən səslənir. Və sonra qorxa-qorxa yaxınlaşma anı gəlir. Əllərin titrəyir, ürəyin səni ələ verir. Sözlər qarışır, amma baxışlar sənin üçün cümləni tamamlayır.
Məsumcasına sevgini etiraf etmək — “mənim xoşuma gəlirsən” demək, amma bunu elə bir sadəliklə söyləmək ki, o anın təmizliyi bahalı sözlərdən daha təsirli olur. Sonra utana-utana nömrə istəmək, qarşı tərəfin gülüşü ilə hər şeyin gerçək olduğunu anlamaq.
Sevginin ən saf şəkli bəlkə də budur: cəsarətlə qorxa-qorxa arasında sıxışıb qalan, amma yenə də yaşanan o an. Çünki böyük hisslər çox vaxt zənginlikdən yox, kasıb bir baxışdan başlayır.
üzv ol