+12 əjdaha
1. 1997-ci ilin sonlarında sumqayıtda yaranmış azərbaycan rok qruplarından biri. adının mənası sumqayıt park deməkdir. həmçinin ingiliscə olan spark (qığıkcım) kimi mənaları da var. eyni zamanda spark qrup üzvü emin əfəndiyevi dişləyən itin adı olub və qrupa ad seçimini də emin edib.qrup britpop, indie rock, post-punk janrlarına yaxın bir tərzdə ifa edib. ifalarının çoxu rus dilindədir. buna səbəb isə qrupun mahnı sözlərinin müəllifinin və eyni zamanda vokalistinin rus (viktor merdyakov) olmasıdır. lakin qrupun az da olsa, azərbaycan türkcəsində olan ifaları da var: azərbaycan, göz yaşları və s. "və s." deyirəm ona görə ki, qrup o vaxtkı səsyazma problemləri ilə bağlı olaraq bəzi ifaları qeydə ala bilməyib və it-bata düşüb həmin ifalar.
qrupun üzvü olmuş şəxslər:
ilkin tərkibi:
emin əfəndiyev - vokal
kamal xudiyev - gitara
dmitri strekalov (damien) - gitara
rafael qasımov (rbg) - bass-gitara
elvin bəşirov - zərb alətləri
əsas tərkibi:
viktor medyakov - vokal
dmitri strekalov (damien) - gitara
eldəniz mirzoyev - gitara
rafael qasımov (rbg) - bass-gitara
elvin bəşirov - zərb alətləri
səid qəniyev - klaviş (sintezator, orqan)
qrup rəsmi olaraq dağılmasa da 2003-cü ildən bəri demək olar ki, fəaliyyətsizdir. buna səbəb bəzi problemlərdir. bu haqda sparkın bass-gitaristi rafael qasımov deyir:
"qrupun fəaliyyətini dayandırmasının əsas səbəbi odur ki, bizim məşq bazamız köçdü yaşayış binasının altına və biz orada məşq edə bilmədik. getdikcə, qonşular narazı olurdular və bizim məşqlər yavaş-yavaş sönürdü."
qrupun məşq etdiyi yer isə sumqayıt şəhəri, 8-ci mikrorayondakı "dostluq" mədəniyyət evi idi. bu mədəniyyət evində yuxu qrupu da məşq edib vaxtilə.
qrupun 2003-cü ildə dağılmış sayılmasına baxmayaraq qrup üzvləri qrupun vaxtilə texniki problemlərlə bağlı edə bilmədiyi səsyazmaları sonralar öz evlərində edib və hətta 2007-ci ildə klip də çəkiblər öz imkanları daxilində. qrup üzvləri rafaellə viktorun qrupla bağlı son fəaliyyəti 2011-ci ildə "хлеба кусок" mahnısının səsyazmasını yenidən etmələridir.
onu da qeyd edim ki, hal-hazırda sirr qrupunun vokalisti oqtay abdullayev exsparkçıdır. vaxtilə sparkda gitarada ifa edib sonradan sirr qrupunda vokalist kimi fəaliyyətini davam etdirib. sirr qrupunun keçmiş ilk üzvlərindən olan eldəniz mirzəyev də spark dağılandan sonra sirr-in yaradılmasında iştirak edib. yəni, qrupun keçmiş üzvlərinin bəzisi hal-hazırda da musiqi fəaliyyəti ilə məşğul olur. şəxsən mən bu qrupun olmasına görə sevinirəm. heyif ki, bəlkə də şükür ki, çox az kütlə tərəfindən tanınıb.
)