ramiz mehdiyev
| siyasət28,776 | 44 | 92
əjdahalar googlla
yazarların paylaşmaq istədikləri şeirlər - ramiz rövşən - məhəmməd əmin rəsulzadə ensiklopediyası - ezel - bəxt üzüyü - ramiz dayı - möhtəşəm azərbaycan musiqiləri - allah bizim allahdı keçər günahımızdan - tut yüreğimden ustam
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, qaynar xəttə zəng et:
☎ 860"Növbəti problem, heç şübhəsiz ki, təbliğatımızın elmi əsaslarının zəifliyidir. Çox təəssüf ki, illər boyunca bizim təbliğatımız mənbələrdən çox, emosiyalara, pafosa, kütləvi psixoloji təlqinə istinad edib. Tarixçilərimiz ötən dövr ərzində inadla sübut etməyə çalışıblar ki, Azərbaycanda Gülüstan və Türkmənçay sazişlərinə qədər ermənilər olmayıb. Onlar bura yalnız çarizmin gəlişindən sonra köçürülüblər. Lakin digər tərəfdən, onlar bəyan edirlər ki, Qriqorian kilsəsinin mərkəzi Qaraqoyunlu hökmdarının razılığı ilə 1441-ci ildə irəvan yaxınlığındakı Eçmiədzinə köçürülmüş və həmin vaxtdan etibarən Azərbaycan ərazisində yerləşmişdir. Səfəvilərin, Əfşarların təbəəsi olan ermənilərin Azərbaycan hökmdarlarına daim güzəşt və imtiyaz xahişlərilə üz tutduqlarını sübuta yetirən onlarla sənəd mövcuddur. Biz bir tərəfdən haqlı olaraq Səfəvilərin və Əfşarların Azərbaycan türklərinin qurduqları nəhəng imperiyalar olduğunu bildirir, digər tərəfdən isə onların erməni təbəələrilə yazışmalarını görməzdən gəlirik. Belə yarımçıq məntiq ola bilərmi? Biz nədən çəkinirik? Bəli, Azərbaycan ərazisində çarizmin gəlişinədək, bütün digər icmalar kimi, azsaylı erməni icması da mövcud olub və onlar bizim babalarımızın qurduqları dövlətlərin təbəələri qismində yaşayıblar. Həmin dövrdə ermənilər həm Türkiyə, həm Rusiya, həm də bir çox Avropa ölkələrində yaşayıblar. Məgər bu faktlar sadaladığım ölkələrdə erməni dövlətinin olması mənasını verir? Əlbəttə ki, yox!
Bir daha bildirmək istəyirəm ki, biz tariximizlə üzləşməkdən ehtiyatlanmamalıyıq! Bizim keçmişimiz bizim həqiqətimizdir və bu həqiqət tamamilə bizim lehimizədir. Təbliğatımız tarixi həqiqətlərə uyğun qurularsa, onun effekti heç şübhəsiz ki, daha böyük olacaq."
mənbə
Gündəm və jirinovski ilə bağlı rus dilində maraqlı məqalə qələmə almış eks-kardinal. Maraqlı məqamlar var.
da Parlament seçkilərinin qanunsuz aktlarla keçirildiyini sətiraltı etiraf edib orta-statistik bir müxalif siyasətçidən daha yaxşı nöqtələrə toxunan amea sədri. Məsələn: Efirlərdə ağzı köpüklənərək rus bölməsində təhsil alan azərbaycanlılara hücum edən həmin psevdomüxalifətçilər rus bölməsində yetişmiş Azərbaycanın görkəmli şəxsiyyətlərinin elmimizə, mədəniyyətimizə, səhiyyəmizə, idmanımıza, ictimai-siyasi həyatımıza verdiyi misilsiz töfhələri yada salsın. Bu görkəmli insanlardan fərqli olaraq, efir saatlarını doldurmaq üçün müvəqqəti olaraq ortaya atılan həmin təsadüfi adamlar Azərbaycana zərərdən başqa heç bir şey verməyəcəklər. Belə şəxslərin vəzifəsi ara-sıra efirlərdə peyda olub hay-küy salmaq, müxalifət və söz azadlığı imitasiyası yaratmaq, həmçinin müəyyən qüvvələrin maraqlarına müvafiq şəkildə gündəmi dəyişməyə çalışmaqdır. Belə adamların tərifi də, tənqidi də icazəlidir, limitlidir. Onlar azad deyillər, öz iradələrilə danışmırlar. Azad olmayan insan başqalarına necə azadlıq gətirə bilər ki?
4 aylıq ev həbsi və sorğulamalar davam edir.
Məktub:
Dövlət idarəetmə Sisteminin islahatı Barədə Təkliflər
Son illərdə dövlət idarəetmə sistemini, eləcə də Azərbaycanın iqtisadi həyatını əhatə edən dərin böhran köklü siyasi islahatlar və köklü dəyişikliklər aparılmasını tələb edir. Əgər bir tərəfdən, cəmiyyətdəki struktur dəyişiklikləri indiki hökumətin xarakteri, əhval-ruhiyyəsi və baxışları ilə şərtlənirsə, digər tərəfdən, bu struktur zəifləmiş, iflic olmuş hakimiyyət strukturu ilə sıx bağlıdır. Mövcud idarəetmə sisteminin yenidən qurulması yalnız referendum yolu ilə həyata keçirilə bilər.
Dövlət idarəetməsinin yeni siması və prinsipləri işlənib hazırlanarkən, dövlətçilik ənənələrini bərpa etmək və Azərbaycan xalqının psixologiyasını, ənənəvi gözləntilərini nəzərə almaq, eyni zamanda sosial-iqtisadi həyatın durğunluğunun həqiqi səbəblərini aradan qaldırmaq və ölkənin hərtərəfli inkişafı üçün zəmin yaratmaq lazımdır. Çoxşaxəli idarəetmə təcrübəsi, gələcəyin qaçılmazlığını qəbul edir. Strateji dövlət orqanlarının rəhbərlərinin, eləcə də mənim tərəfimdən tarixə və müasir ictimai-siyasi həyatın problemlərinə dair aparılan daimi elmi araşdırmalar aşağıdakı dövlət idarəetmə sisteminin formalaşdırılmasına zərurəti göstərir:
Hakimiyyət demokratik prinsiplərə əsaslanaraq, qanunvericilik, icra və məhkəmə olmaqla üç qoldan ibarət olmalıdır. Bu qollar üzərində nəzarəti qanunvericilik hakimiyyəti təmin edəcəkdir.
Dövlət Şurası 50 üzvdən – görkəmli və təcrübəli dövlət xadimlərindən, iqtisadçılardan, hüquqşünaslardan, elm və mədəniyyət nümayəndələrindən ibarət olacaqdır, onlar cəmiyyətdə hörmətə malikdirlər. Bu orqan ümumxalq səsverməsi nəticəsində seçilməli və formalaşdırılmalıdır. Ona Dövlət Şurasının Sədri rəhbərlik edəcək, o da öz növbəsində Şuranın seçilmiş üzvləri tərəfindən seçilir. Şuranın üzvləri tutduqları vəzifədən yalnız ümumxalq səsverməsi nəticəsində kənarlaşdırıla bilər.
Dövlət Şurası ölkədə siyasi və sosial-iqtisadi funksiyalar üzərində nəzarəti həyata keçirmək üçün tam səlahiyyətlərə və mexanizmlərə malik olmalı, habelə Konstitusiya Məhkəməsi və Təhlükəsizlik Şurasının funksiyalarını yerinə yetirməlidir. Dövlət Şurası Parlament tərəfindən qəbul edilmiş qanun layihələrini təsdiq edə və ya rədd edə bilər.
üzv ol