+2 əjdaha
1. azərbaycan xor musiqisi sahəsində silinməz iz qoymuş bəstəkar. xüsusilə dövlət radiosu nəzdində yaradılan xora rəhbərlik etdiyi dövrdə ərsəyə gətirmiş olduğu xor üçün yazılmış çoxsəsli sənət nümunələrini, neçə-neçə dillər əzbəri olan mahnıları bəstələmiş, bundan başqa klassik operalar, oratoriyalar, dahi füzuliyə həsr olunmuş çox çox məşhur füzuli kantatası kimi əsərlərin müəllifi olmuşdur. O, dahi üzeyir bəyin onun özünəməxsus, təsirli stili haqqında dediyi çox müsbət fikirlərdən sonra daha da cəsarətlənmişdir. 1949-cu ildə yazmış olduğu arazın o tayında vokal simfonik poeması ilə biraz da məşhurlaşmışdır. Bu əsəri ssri məkanındakı çox görkəmli saraylarda ifa edilmişdir.Bəstəkarın mahnıları isə tam başqa səviyyədir. Şəxsən ən sevdiyim durnalar mahnısından başqa çox məşhur olan ay qız, ala göz, ana, aylı gecələr, zərif gülüşlüm, buludlar mahnıları dillər əzbəri olmuşdur. Bəzi film musiqiləri isə ekranlardan ayrılaraq sonradan xalq arasında sevilərək hələ də oxunmaqdadır. Bunlara misal olaraq yenilməz batalyon filmindən teymurun mahnısı, dəli kür filmindən ana kür mahnılarını göstərmək olar.