azərbaycan səhiyyəsinin problemləri
4,669 | 18 | 54
əjdahalar googlla
kh
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, qaynar xəttə zəng et:
☎ 860dövlət xəstəxanalarında buna yer ayırmırlar. üstəlik bu xəstəxanaların köhnə görünüşü, sistemsizliyi adamı qorxudur. yalandan deyirlər tibbi sığorta var amma sığorta ilə heç bir müalicə olunmur, uzağı yüngül müayinə.
ayaqdakı yaraya görə 2 aya 10000 pulum çıxıb, ev şəraitində tibb bacısı çağırıb sarğı dəyişib, dərmanlar alıb müalicə edirəm. Sabunçu xəstəxanasında həkimlərin ynına aparıb gətirirəm, hər dəfə nə qədər pul çıxır.
şəkər dərmanları almaq üçün aparıb poliknikada qeydiyyatdan keçməliyəm. amma problem nədir? ayaqdakı yaraya görə apara bilmirəm, o cür xəstə ilə növbədə gözləyə bilmirəm. əlil arabası almalıyam o da 500azn, ayaq üçün btp ortez düzəltdirməliyəm o da 400azndən başlayır. hər gün pampers alıram.
topçubaşov xəstəxanasında yatılı xəstəniz varsa onun üçün ora yorğan döşək, balış və s kimi şeylər daşımalısız. özüm gedib baxmışdım köhnə təmirli, sınıq salxaq görünüşlü bir yer idi.
hazırda evdə qulluq edib, taksi ilə zülm çəkərək həkimə aparıb gətirirəm.
əslində dövlət özü maraqlı olmalıdır ki bu adamın ayağı sağalsın ki amputasiya edilməsin, əlilliy statusu almasın.
vətəndaşa qarşı hörmətsizlik və laqeydlik. dövlət büdəcəsinin səmərəsiz istifadəsi adamı düşündürür.
ölkədəki özəl klinikalar çox bahadır. sırf bu müalicə üçün özəldə lazım olan məbləğ aylığ maaşımdan çoxdur. hələ mən orta statistik vətəndaşlardan yüksək maaş alıram. anam hazırda işgəncə çəkərək yaşayır. amma belə olmalı deyildi. tibbi xidmət, hələ dünyada şəkərli diabet və onun yara formaları çox bilinəndir.
əslində necə olmalı idi? təcili tibbi xidmətə zəng etməli idim o da hər tərəfli müayinə edib uyğun xəstəxanaya yerləşdirməli idi. xəstəxana da bütün xərcləri qarşılamalı idi.
Bəzən problem təkcə klinik göstərişlər deyil, çox vaxt seçimlərin arxasında sistemin yaratdığı yönləndirmələr də dayanır. Firma öncəliyini tutan yanaşma ilə, tərkibi və uzunmüddətli təsiri tam nəzərə alınmadan istifadə edilən formulalar sonradan müxtəlif risklər yarada bilər. məsələn:
Yenidoğan körpələrə ana südü 1 saat içində verilməlidir. Amma ana və körpənin vəziyyətindən asılı olaraq, ana südü formula (hazır) qidalarla əvəzlənir. Firma öncəliyini tutan bir müəssisə dəmirlə zənginləşdirilməyən formulaları körpələr üçün davamlı istifadəyə ayırarsa bu o uşaqlarda dəmir defisitli anemiyaya səbəb ola bilər. Qəbizlik və ya nəcis xarakterinin dəyişməsi, Qaz və köp, Qarın ağrısı, narahatlıq, Qusma və ya daha çox qaytarma (reflüks), Allergik reaksiyalar (xüsusilə inək südü zülalına allergiyası olan körpələrdə), Dəridə səpgilər, ekzema əlamətlərinin artması və s və s. Burada belə tibb bacıları öz mənafeyini güdür. Amma ən əsas səbəb buna şərait yaradan başda oturanlardır.
Başda oturan demişkən, cərrah da bir əməliyyatı edib etməyəcəyini düşünərkən əksərən xəstənin sağ qalma ehtimalından çox ölüm faizini hesablayır. Çünki xəstə ölsə onun əməliyyatlarda olan ölüm faizi artmış olur. Bu da onu yaxşı bir cərrah, həkim olmaqdan geri qoyur(muş). Beləliklə, yaşama ehtimalı olan bir xəstə isə dolayı yolla ölümə sürgün edilir.
Ən qəribəsi isə odur ki, sistemdə hamı problemin fərqindədir. Həkim də bilir, əczaçı da bilir, firma nümayəndəsi də bilir. Amma hər kəs özünü yalnız kiçik bir çarx kimi görür və məsuliyyəti növbəti pilləyə ötürür. Nəticədə isə bütün bu münasibətlərin mərkəzində olması gərəkən pasiyent arxa plana keçir.
Məsələ təkcə vicdan məsələsi də deyile. insan günün böyük hissəsini işləyib, aldığı maaşla dolana bilmədikdə, sistem ona peşəkar qərarlarla maddi maraqlar arasında seçim etməyə məcbur edir. Bu isə səhiyyənin ən təhlükəli nöqtəsidir. Çünki bir müddət sonra insan verdiyi qərarın tibbi əsaslara yoxsa yaranmış vərdişlərə söykəndiyini özü də ayırd edə bilmir. Son olaraq, Sistem insanı seçim edən yox, uyğunlaşan varlığa çevirir və bununla da aydındır ki, Heç kim tək günahkar deyil, amma nəticədə kollektiv günahkardır.
üzv ol