bugün məsləhət təsadüfi
sözaltı sözlük
Yoxlama mesaj

...

ataya demək istənilənlər

| anket
274,291 | 452 | 2012

əjdahalar  googlla
sözaltı günlük - sözaltı etiraf - sözaltı sözlük - azərbaycana və ya azərbaycanlılara xas xüsusiyyətlər - erkin qədirlinin sözləri - acı uşaqlıq xatirələri - türklərin sevilməyən cəhətləri - həyatın nə qədər cındır olduğunun anlaşıldığı anlar - yalnızlıq
« / 29 »


    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    171. mənə qarşı bu qədər aqresiyanın səbəbi nədi.uşaq vaxtı maşın maşın oynadım döydün.məktəbə getdim birinci sinifdə dairə çəkə bilmirdim deyə bir saatdan bir gəlib dairəni görməyəndə başıma elə şillələr vururdun ki bu gün də yanımdan kimsə keçəndə şillə dəyəcək deyə qorxuram.dərsi yaxşı bilmədim deyə nənəmin gözü qabağında başımı divara vura vura döydün.hələ bütün məhləuşaqlarında olan şarikli tapançadan istədim deyə döydüyünü demirəm.anamı da belə döyməkdən başını xarab elədin o da hirsini məndən çıxırdı.niyə çünki çirkin idim məndən böyüyə vurmurduz.inşa yazabilmədim barmaqlarımı stola döydün.zəif uşaq idim məktəbdə döyüldüyümü dedim döydün.qorxduğum şeyləri dedim qorxaq deyib döydün.2007 ci ildə təzə aldığın telefona toxundum deyə döydün.köhnə karnizin bəzəyini sökdüm ad günümdə karnizlə məni şiş kabab elədin sement almışdın istifadə elədin qalığı qalmışdı evcik düzəltmək üçün istifadə elədim sabah tezdən uzun məhrabamız vardı onunla döyüb oyandırdın hələ 5 dən aşağı qiymət alanda danladığın yediyim yeməyi burnumdan gətirdiyini demirəm.indi yenə bir zibil elədim düzdü böyük qələt elədim sağol getdin işi həll elədin amma yenə bu zibildə məni günahkar bildin halbuki məni azacıq anlasaydın nə isə hər şeyə baxmayaraq atamsan

    24 əjdaha!

    09.09.2017 23:42, qarabaşaq
    172. həyatdan soyutdun uşaqlıqdan o olmaz bu olmaz dedin elə. sıxdın məni hamı rahat danışanda deyib güləndə mən həmişə sıxılıb qaldım kənarda. indidə elə eyni vəziyətdəyəm onsuz ama yenədə əl çəkmirsən bunu eləmə onu eləmə deyirsən. təmiz bezdirirsən soyudursan həyatdan. hələ tez tez etdiyin söz söhbətləri demirəm 1söz deməmiş əsəbləşməyini demirəm. sənin mənə vurduğun şilləni illər keçsədə üzümdə hiss edirəm sən unutmusan hər halda. nə vecivə onsuz nə vaxt düşünmüsənki məni? elə özüvü düşünürsən nəysəe atamsan deyə 1söz demirəm deyəndədə onsuz olmur. dava olur qırğın olur. atasının övladını anlamamağı çox pis hissdi kaş bunu anlasan.

    6 əjdaha!

    11.09.2017 01:28, başqa dünyanın uşağı
    173. bu rayona meni geri getirdin indide xosbext olmagimi gozleyirsen

    1 əjdaha!

    11.09.2017 18:17, infinite7
    174. səni sevdiyimi bilirsən. sən də məni sevirsən, ata. yan yana ola bilmədik anamı itirdikdən sonra. daim qaçdın, hər şeydən hər kəsdən. məndən də. bilirsənmi, çox sevdiyim və illərdir birlikdə olduğum sevgilimlə ayrıldıq. mənə necə yaxşı davrandığını bilirsən, ancaq onu yenə də sevməmişdin. hər pis və yaxşı anımda o yanımda idi, ata. ən xoşbəxt günlərimi, ən ağrılı günlərimi onunla keçirtmişdim və bir dəfə də şikayət etməmişdi. heç axıra qədər də etmədi. amma mənə yalan danışdı, ata. mən onun sevgisinə, bağlılığına çox inanırdım. hətta özüm özümə pislik edərdim ancaq o etməzdi - belə düşünürdüm. ancaq o xəyanət etdi mənə. düşünə bilirsən mi, bütün yaralarımı bilən, məni anlayan, gözlərimin hansı anlarda işıldayıb hansı anlarda yaşardığını bilən insan, sevgimizə, bizə xəyanət etdi. bunu sənə heç demədim. bilsən nə edərdin bilmirəm açığı. anamı ən gözəl illərimdə itirdim, çox insan tanıyıb, çoxundan zərbə aldım, illərdir sevdiyim, inandığım insan mənə zərər verdi və illərdir istiliyini duya bilmədiyim bir atam vardı. yan yana deyildik, ata, ancaq yenə də nəfəs aldığını bilirdim. sən niyə getdin bəs ata? üst üstə bu qədər şey çox ağır deyilmi səncə? indi düşünürəm, hara gedim, kimi qucaqlayım, heç kəs yoxdu, ata. bir sən qalmışdın, sən də getdin, səni də itirdim. qabırğalarımın qırılıb ürəyimə batdığını hiss edirəm və bu ağrı artıq fiziki ağrıya dönüşüb. 5ay oldu səni itirəli və 7ay oldu sevdiyimdən ayrılalı. eyni tarixdə oldu bunlar bilirsənmi və bu tarixdə oldu. sənə həmişə ehtiyacım oldu ata. lakin 2 dəfə ağlayaraq sənə zəng etdim və sən səhəri gün yanıma gəldin. mən sənə yenə ağlayaraq zəng etdim ata. ancaq telefonun bağlı idi. günlərlə zəng etdim sənə, telefonun bağlı idi, hələ də bağlıdı. 5ay oldu telefonunun bağlı olmağı. sənə tez tez zəng edirəm, bəlkə telefonu açarsan və ağladığımı eşidib, "qızım səhər yanında olacağam" deyərsən. uşaq vaxtı anam sən mən parka gedərdik. mən əylənərdim, siz də gülərdiniz. evə qayıdanda da hamımızın üzündə gülümsəmə olardı. sən indi anamlasan. sizinlə olmağı çox istəyirəm. ancaq yanınıza gələ bilmirəm. gözləyirəm, yanınıza gələcəyim günü.

    23 əjdaha!

    12.09.2017 23:35, dünyanı xilas edəcək pinqvin
    175. səni yenidən 1 dəqiqəlik görmək üçün bütün ömrümü verərdim,qəlbimdə yaşayan insan. üzümdəki təbəssüm, qəlbimdəki sevinc, həyatımdakı xöşbəxtlik 8 ildir sənin yoxluğunla yarımçıq qalır.

    3 əjdaha!

    13.01.2018 01:19, uyscuti
    176. sözlükdə qırğın düşüb. popcornu da götür gəl

    8 əjdaha!

    13.01.2018 03:30, idman dərsində qızlarla voleybol oynayan qaqaş
    177. tam dostum olacaq adamsan heyifki aramızda 40 yaş fərq var. öpürəm səni.

    0 əjdaha!

    14.05.2018 20:49, qaraghat
    178. nə inki ata,insan kimi də dözülməzsən.bu evdən,bu ölkədən,xüsusilə səndən qurtulacağım günü iplə çəkirəm.öz dar düşüncəndən kənara çıxmırsan.qatıq qaradı deyirsən,ölənə qədər yapışıb qalırsan bu fikirə.indi bu sözləri üzünə desəm də xeyri olmayacaq.divara danışsam daha yaxşıdı.artıq səninlə əvvəlki kimi danışmıram onsuz.belə yaxşıdı.söz-söhbət olmur,məni eyni söhbətlərlə,hər gün, təkrar-təkrar yormursan.mən eyni cavablardan yoruldum,sən eyni suallardan yoruımadın.

    2 əjdaha!

    04.09.2018 11:35, jojo
    179. Bu başlığı görəndə 2 il öncə vəfat edən atam yadıma düşdü. Onu itirəli illər-illər öncə idi. Sadəcə atama onu demək istəyirəm ki, "o zibil içkiyə görə bizi atmamalı idin, çünki hər ağlıma gələndə gözlərim dolur. Sən indi o içkini atsaydın, mən sənsiz böyümənin necə bir şey olduğunu bilməyəcəkdim. Səni çox istəyirəm, amma o içkini bizdən üstün gördüyünə görə səni həyatım boyunca bağışlamayacam".

    9 əjdaha!

    01.05.2020 01:20, Hades
    180. mən sənin ürəyini bilirəm, hər şey yaxşı olacaq. heç kim olmasa da, qızın həmişə yanındadı, bunu bil.

    2 əjdaha!

    01.05.2020 03:09, cindrellanınögeybacısı
« / 29 »



üzv ol
Modalı bağla





xəbər lentindən bütün xəbərlər →
science İzləmə süni intellekt siyasi reklamlarına 80 milyon dollar xərcləndiyini, əksəriyyətinin isə açıqlanmadığını üzə çıxarıb science Köpəkbalıqlarının daxili qulaqları mühitdən çox təkamülü əks etdirə bilən təəccüblü müxtəlifliyi ortaya qoyur azerbaijan Azərbaycan, Nigeriya çoxtərəfli platformalarda əməkdaşlıq mövzusunda müzakirə etdi azerbaijan Özbəkistan 350 km uzunluğunda 500 kV enerji xətti tikir və 1 GW günəş stansiyasını birləşdirir

...