bugün məsləhət təsadüfi
sözaltı sözlük
postlar Yoxlama mesaj

...

yazarların paylaşmaq istədikləri şeirlər

| anket
215,491 | 530 | 1458

əjdahalar  googlla
Mary999 -

Mary999

sözaltı sözlük - keçən ayın ən bəyənilənləri - sözaltı etiraf - sözaltı sözlük üçün tövsiyələr - yazarı sözlükdən soyudan şeylər - yazarların paylaşmaq istədikləri musiqilər - sözaltı günlük - dünənin ən bəyənilənləri - ekşi sözlük - türklərin sevilməyən cəhətləri
« / 34 »


    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    141. - Ay nənə, bir nağıl da de!
    - Ömrüm-günüm, yat daha,
    Hamısını indi desəm, nağıl qalmaz sabaha.
    - Can nənə, de birini də.
    - Ağrın alım, sözə bax.
    Evimizdə səndən savay, gör heç varmı bir oyaq?
    Gecə keçib, ev soyuyub, hənir gəlmir ocaqdan;
    Taxt üstündə məstan pişik, odur, yatıb bayaqdan.
    Ört üstünü, dərdin mənə, bax, eşikdə yel əsir…
    - Qar yağırmı?
    - Elə yağır… sazaq qılınc tək kəsir…
    Belə yağsa, qar sübhəcən yolu-izi örtəcək;
    Kirpiklərin lap qovuşub, cırtdan bala, yat görək.
    Nənə yığır düyünçəyə iynəsini, sapını,
    Külək hərdən taqqıldadır pəncərəni, qapını.
    Körpə çəkir təzə, güllü yorğanını üzünə,
    Gözlərini yumur… amma yuxu getmir gözünə.
    - Ay nənə, o kimdir elə pəncərəni bərk vurur?
    (davamı üçün: href="http://kulis.lent.az/m/news/20001" style="rgba(25,148,218, 0.8 link " target="_blank" class="sonses" rel="nofollow">http://kulis.lent.az/m/news/20001)

    0 əjdaha!

    17.12.2017 21:26, la soledad se adueña de toda emoción
    142. hümbət-ehtiyyacımın sənə ehtiyyacı var.

    mənə nələr verir bircə gülüşün,
    gecə xəyalımla olur görüşün.
    getmək istəsən də əvvəl bir düşün
    ehtiyyacımın sənə ehtiyyacı var.

    yaddan çıxartma məni, bir yada sal sən,
    istəsən könlümü kökündən al sən,
    bəhanən olmasın getməyə, qal sən
    təki əlac istə, min əlacı var
    ehtiyyacımın sənə ehtiyyacı var.

    bu məsum hisslərim heç ölərdimi?
    məni də öldürmək bəs edərdimi?
    bilmək istəyirsən mənim dərdimi?
    qəlbimdə sən qədər böyük acı var
    ehtiyyacımın sənə ehtiyyacı var.

    axtarma əsərlər, mən əsər verim,
    hətta, düşüncəndən mötəbər verim.
    sənə sənsizlikdən bir xəbər verim
    o, artıq kraldır, həm də tacı var
    ehtiyyacımın da sənə ehtiyyacı var. link

    1 əjdaha!

    03.01.2018 21:05, qaraməlaikə
    143. leyli oruc- həyat və mən.

    məni tanıyanlar yaxşı bilirlər,
    nə qəmgin biriyəm, nə şən biriyəm.
    milyonlar içində min dostu olub
    tək tənha çürüyən mindən biriyəm.

    susmuşam, sınmışam ürəyim kimi,
    güvənə bildiyim bir mən qalmışam.
    romanlardan deyil, filmlərdən deyil,
    mən həyat dərsini məndən almışam.

    artıq ağrıtmayır məni xəyanət,
    artıq ağlamıram ölənləri də.
    yaxşı tanıyıram təsəlli verib,
    ardımca dərdimə gülənləri də.

    "ömrün qısa olsun" deyən görmədim,
    hamı qarğış kimi ömür diləyir.
    baharım payıza verir yerini
    yayım qışa dönür qarlar ələyir.

    mən şair deyildim, sadə insandım,
    eşqim ilham oldu, dərd kağız qələm.
    hiyləbaz fələyə yaman inandım,
    bu qoca dünya tək çətin düzələm.
    link0

    3 əjdaha!

    03.01.2018 21:09, qaraməlaikə
    144. hümbət ismayılov-uşaqkən


    vardı cığalbazlar, paxıllar, amma,
    o vaxt qarışıqdı ağıllar, amma,
    bəlkə saxta idi nağıllar, amma,
    uşaqkən gerçəkdən gülə bilirdik.

    indi çox arzu et, o qədər dilə,
    ölüm eşitməzki, çətindir gələ.
    heç var olmayan güllələr ilə
    yıxılıb asanca ölə bilirdik.

    görsək ki ya ayaq,əl yaralanıb,
    əvvəlcə böyük bir yaradır sanıb,
    "keçəcək" sözünə tezcə aldanıb
    onun öhtəsindən gələ bilirdik.

    böyüdük, dostların çox oldu üzü.
    neçə üz tanıyır insanın gözü.
    maska da taxıksa gizlənən üzü
    əslində kim idi, bilə bilirdik.
    link

    3 əjdaha!

    03.01.2018 23:38, qaraməlaikə
    145. nizami gəncəvi
    dünyada nə qədər kitab var belə
    çalışıb, əlləşib gətirdim ələ
    oxudum, oxudum sonrada vardım
    hər gizli xəzinədən bir dür çıxardım.

    belə şeir oxumaqla aram yoxdu. bu misranı da metroda qatarı gözləyərkən divara yapışdırılmış plakatda görüb əzbərlәmişəm -*

    2 əjdaha!

    04.01.2018 00:36, achilles
    146. leyli oruc-bağışlamayacağam.


    bağışlamayacağam özümü,
    özümə etdiyim haqsızlıqlar üçün.
    bilə istəyə yaşadığım yalnızlıqlar üçün...
    bağışlamayacağam özümü,
    kimsəyə güvənmədiyim üçün,
    yalanlara qarşı dirənmədiyim üçün.
    bağışlamayacağam özümü,
    kimsəni sevə bilmədiyim üçün,
    sevginin oyununa gəlmədiyim üçün...
    bağışlamayacağam özümü,
    valideyinlərimə qulaq asmadığımçün,
    alın yazımı pozmadığımçün.
    bağışlamayacağam özümü,
    mənəviyyatsız insanları yola verim deyə gülümsədiyimçün,
    bu mənasız dünyanı əbədiyyət deyə mənimsədiyimçün.
    bağışlamayacağam özümü,
    körpə leylinin tək dostu balaca ayını 16 yaşlı leylinin unutduğu üçün,
    bu yaşında unudub bu günümü keçmişimə qayıtdığı üçün.
    link

    1 əjdaha!

    04.01.2018 01:05, qaraməlaikə
    147. yerini yig, gozel qizim, biri geler ayibdir,
    pijamayla gezme bele, biri biler ayibdir,
    dur gel, evi temizleyek, biri girer otaga,
    seliqeyle sen el gezdir, o bucaga bu bucaga.
    hec qisqirma, asta danis, birden biri esider,
    zembilleri al elimden, biri gorse ne deyer?
    onu yeme, kenara qoy, o birinin payidir,
    cox danisma yol basinda, belke biri qayidir..
    evde otur, cole cixma belke biri goz qoyur?!
    sozlerine diqqet ele, yaxsi otur yaxsi dur.
    - eeh ay ana, men belece cixammadim hec hara
    ne de biri gelmedi ki, canimiz da qurtara...

    4 əjdaha!

    26.06.2018 01:56, futbolçu topçu gopçu
    148. sən bir qəşəng qızıydın
    universitetə qəbul oldun.
    əyani oxumaq istədin
    partana əyləşəndə
    ilk dəfə dizlərini müəllimin gördü.
    dizlərin plyajdan daha qəşəng idi.
    yaşıdın oğlanları saya salmadın
    quşun yaşlı kişilərə qondu...
    haradan bildin ki,
    yaşlı kişilər gənc qızlara
    bərk bağlanırlar
    onları itirməmək üçün
    hər şeyə gedirlər.
    yaşlı qadınlar da
    sütül oğlanları bərk tuturlar.
    bunu sənə inturist
    mehmanxanasında
    işləyən yaşlı xozeykan söyləmişdi.
    hələ bir dəfə də demişdi ki,
    sən bu bədənlə yaxşı
    pul qazana bilərsən
    arvadı ölmüş
    bir kişiyə gedərsən.
    hazır ev-eşik sahibi olarsan.
    ona görə də yaşlı kişilərlə
    kabab yedin,
    mini yubkalar geydin
    universitetdə qiymətlərini
    pulsuz yazdılar.
    ancaq yaşlı kişilərin
    arvadları ölmədi ki, ölmədi.
    bir gün xozeykana dedin:
    “mən necə ərə gedəcəyəm?”
    kənddə əmin oğluna gedərsən - dedi,
    kənd oğlanları avam olur.
    sonra səni tanış bir ginekoloqun
    yanına apardı,
    qızlığını yaxşıca düzəltdi.
    daha bir kişini də
    aldada bilərsən - dedi.
    pulunu da yaşlı bir kişi verdi.
    əldən-ələ düşdün
    dildən-dilə.
    yaşlı kişilərin
    arvadları ölmədi ki, ölmədi.
    üzləri bərk imiş.
    sonra da kafedə işlədin
    plyaj dizlərindən daha qəşəngdi.
    hər səhər bir səs gəlir
    kafedən
    mən zamanın qızıyam
    köynəyi qırmızıyam.

    2 əjdaha!

    26.06.2018 02:55, adsız dəyirmandaki xoruz
    149. yazarliq vermeyib moderator
    gun verib isiq vermeyib moderator
    sebeb bele demeyib moderator
    qinanmayib o moderator, moderator

    aga menden bu qeder az dili edebiyyat imtahanindan 1 dogruyla 4 almis insanam.

    0 əjdaha!

    26.06.2018 15:15, ragnarokdan sag cixan azerbaycanli
    150. nə bilm, "bu dünya dağılır", -de,
    o dünyada da saatlar dönürsə,
    "23 il dayaq olduğum evə 1 saat qonaq olacam" -de.

    çıx gəl, "sabah qayıdacam" -de,
    o dünyada da qadağa çoxdursa,
    "başını sığalsız qoyduğum qızıma,
    bir çəhrayı papaq alacam" -de.

    lap istəsən, "qqızım ölür" -de,
    "sağollaşıb dönürəm" -de.
    o dünya çox qəddardırsa,
    "qızımı da götürüb gəlirəm" -de.

    (c) turan qarayeva

    1 əjdaha!

    25.07.2018 12:26, şay laka daymand
« / 34 »



üzv ol
Modalı bağla





...