+2 əjdaha
1. daha çox siyasi kinonun fenomeni kimi tanınan yunan rejissoru.constantin costa gavras 12 fevral 1933-cü ildə yunanıstanın paytaxtı afinada anadan olub. yunanıstana köç etmiş rus əsilli ailədən gələn costa-gavrasın atası nasistlərə qarşı çıxdığından, kommunist olmaqda ittiham edilir və təhsil almasına maneələr olduğu üçün costa-gavras 1951-ci ildə parisə təhsil almağa gedir. 1968-ci ildə fransa vətəndaşlığı alır. sorbonne univesitetində ədəbiyyat təhsili alan costa-gavras 1956-cı ildə universiteti yarımçıq atıb, kinematoqrafiya təhsili almağa başlayır. bu dövrdə rene clair, rene clement, jacques demy kimi rejissorların assistantı kimi fəaliyyət göstərmiş, sonradan isə müstəqil olaraq öz filmlərini çəkmişdir. rejissor daha çox çəkdiyi sol görüşlü, siyasi mövzulu filmlər ilə tanınır. müəllifi olduğu filmlər böyük əks-səda doğurmuş, hətta ictimai hadisəyə çevrilmişdir. müxtəlif dövrlərdə isə filmləri daşıdığı siyasi yük səbəbindən qadağan olunmuşdur . siyasi filmlərinə "z" (1969), " l'aveu" (1970), " etat de siege" (1973), " eden is west" (2009) və s filmlərini misal gətirmək olar.
not: qeyd edim ki, siyasi kino ilə siyasi çəkimiş kino tamam fərqli anlamlardır. siyasi kinoda rejissor neytral mövqedədir, ya da baş verənlərin təsviri ilə kifayətlənir, proses bitib, onun qəhrəmanları ya canidir, ya da qurbanlıq; ya qalibdir, ya da məğlub. siyasi çəkilmiş kinoda isə müəllif özü də konkret ideologiyanın (həm də dirəniş, müqavimət ideologiyasının) daşıyıcısı olur. siyasi çəkilmiş kinonun fenomeni isə jan-lük qodar hesab olunur.