əjdaha lazımdı
izlə
dostlar
mən
googlla
+5 əjdaha
1. azərbaycanın sözün əsl mənasında zəngin musiqi irsinin şedevrləri sayılan bu əsər haqqında başlığın olmamasına üzülümmü, yoxsa bu başlığı mən açdım deyə sevinimmi bilmirəm. bəhram nəsibovun bəstəsi, nəzakət teymurovanın yanıqlı səsi ilə dinləyəni apofeoza qaldıracaq mahnı deyil, şahəsər. mənə görə eşqdə aşiqə təslimiyyətin himni.
)+1 əjdaha
2. Deməli, 1972-ci ildə müğənni Təranə Vəlizadə həyat yoldaşı Eyvaz Həsənovla dalaşır və atasının evinə gedir. Çox təkiddən sonra Təranə Vəlizadə evinə qayıdır və görür ki, saç-saqqal basmış Eyvazın səsi batıb. Təranə xanım stolun üstündə bir kağız görür. Kağızda məşhur qal sənə qurban mahnısının sözləri yazılmışdı. Müğənni elə bilir ki bu şeiri əri ona həsr eləyib. Lakin 1970-ci ildə Hacıqabul Teatrının rejissoru Miryusif Manafovun yazdığı pyesdə qadın ifaçılardan biri bu mahnını ifa edib. Miryusif Manafov mahnının sözlərinin ona məxsus olduğunu dəfələrlə qeyd edib. Həmin şeirə Bəhram Nəsibov mahnı bəstələyir. Mahnının 4-cü bəndin də, “amandır düşməsin qəlbinə əğyar” hissəsi bəstəkar Bəhram Nəsibovun öz əlavəsidir. hekayənin əvvəlində danışdığım Eyvaz Həsənovun stolu üstə olan yazını xatırlayırsınız? Sən demə, “Getmə, kimsəsizəm, qal sənə qurban Bu dilsiz, ağızsız lal sənə qurban” -cümləsini Eyvaz Həsənov həmin gün həyat yoldaşı üçün mahnıya əlavə edib.Bəhram Nəsibovun musiqi təhsili olmadığına görə SSRi dövründə müəllifin adının çəkilməsinə icazə verilməyib və bütün ifalarda mahnı xalq mahnısı kimi təqdim olunub. Sovet ittifaqı dağıldıqdan sonra mahnı öz həqiqi bəstəkarının adı ilə təqdim olunmağa başlayıb
