universitetə qəbul olanlara məsləhətlər
| təhsil117,823 | 153 | 956
əjdahalar googlla
bakı dövlət universiteti - english
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
indidən deyirəm "girməyin", "soxalar universitetə", "universitet sizə girəcək", "kef edin" kimi entryləri əjdahalayanlardansınızsa bu entry sizin üçün vaxt itkisi olacaq. entry universitet seçimini artıq etmiş və sözün əsl mənasında təhsil almaq istəyən həvəsli gənclər üçün nəzərdə tutulub. poxdu düşmüşük, orası düzdü, amma bu poxdan da çıxmağı bacarasan axı gərək -*
Özüm universitetə girəndə sözlüklərdə, forumlarda (türk) bu başlığı xeyli qurdalamışdım, özümüzünkü də olsun dedim.
Entry 2 hissədən ibarətdi. 1) qısa fərdi məsləhət 2) universitet illərini necə dəyərləndirməli
-1ci hissə- bu hissəni boldda yazıb gözünüzü bir az ağrıdacam.
1.1 adam olun. heç bir kəsi görüntüsünə, fiziki, maddi çatışmazlıqlarına görə, üzündəki sızanağa, zövqsüz geyiminə, istənməyən tükə, ata icazəsindən aslı olmasına görə təhqir etməyin, əzməyin. qarşıdakı şəxsin həyatı haqqında məlumatınız yoxdursa soxun içinizə oturun yerinizdə. heç kimin hansı şəraitdə, necə ailədən gəldiyini bilə bilməzsiniz. inanın cəmiyyət tərəfindən məsxərəyə qoyulan xüsusiyyətə heç kim sahib olmaq istəməz. əgər doğrudan qarşıdakı insan vəziyyətdən bixəbərdi və siz ona yaxşılıq etmək istəyirsinizsə bunu ona şəxsən mədəni şəkildə bildirə bilərsiniz. "blat"ınızı artırmaq üçün başqalarına pislik etməyən heç kimə söz soxmayın, acılamayın. bəlkə siz şanslı insanlardansınız və bilmirsiniz, amma hər səhər cəmiyyətdə normal funksional insan kimi fəaliyyət göstərmək üçün kravatda 15-20 dəqiqə özünü toparlamağa, mental problemlərini bir kənara qoymağa çalışan, bunun üçün yol boyu özünə mühazirələr deyən insanlar var. və sizin ego tətmini üçün dediyiniz cümlələr o insanların bütün əziyyətini yerlə bir edir.
1.2 ikinci olaraq isə şəxsi gigiyena qaydalarına əməl edin. cavansınız, əla qoxun, səliqəli görünün.
-2ci hissə- (tamamilə ofis siçanı olmaq istəyənlər üçün yazılmış məsləhətlərdir (bax: karyera) )
~~I kurs~~
şəxsi məsləhət verməyəcəm. hər kəs təbiidir ki öz xarakterinə görə davranacaq, buna görə dostluqlar quracaq. 1-ci kursda başa düşülməsi lazım olan əsas şeylər. "azərbaycanda təhsil yoxdu", "universitetlər sikdirib", "müəllim heç nə öyrətmir" sözlərini mottoya çevirib 4 il qəlyan/mall sahiblərinin qarnını doyuracaqsınızsa siz də sikdirmisiz. yuxardakı cümlələr demək olar ki, düzdü. amma onları dərk edəndən sonra edilməli olan şey pesdə sülənmək, kfcə selfie paylaşmaq deyil. deməli ilk öncə acı həqiqətimizi dərk edirik. sonrakı etab möhtəşəm universitet həyatı xəyallarının puç olmasıdır. mənim kimi skndrk dövlət məktəbində oxumusunuzsa adətən belə xəyallarınız olmur, çünki müəllimlərin sözlərinə aldanmırsınız. (baxma: təcrübə)
2.1) deməli, 1-ci il sizin məqsədiniz ili yaxşı ortalama ilə başa vurmaqdan əlavə, ingilis dili öyrənmək olmalıdır. bu 1-2 ixtisası çıxsaq demək olar ki hamıya lazımlıdır. yox onsuz da bakalavrı ingilis dilində oxuyacaqsınızsa onda üstünə düşün hazırlıq kursunun. yola verməyin. bəzi universitetlərdə hazırlıq kursunun özü elə yola verilir, özünüz mütləq çalışın, imkanınız varsa ielts kurslarına gedin. ingilis dili əvvəlki kimi çatılmaz və çətin deyil. kurslar kifayət qədərdi. internetdə saysız məlumat var.
2.1.1) ingilis dili biliyiniz 0 (sıfır) səviyyəsindədirsə qətiyyən gedib ielts kurslarına yazılmayın. pre-ielts kursları var, başlanğıc məsələləri öyrənin. 0 səviyyəsindən dil öyrənməkçün məncə bir qədər pul tökməyə dəyər. 3-4 aylıq olur onsuz bu kurslar. ielts ilə qarışdırmayın.
2.1.2)ingilis diliniz aşağıdır səviyyədədirsə və hələlik özünüz üçün nəsə etmək istəyirsinizsə ən azından türkcə ingilis dili dərsləri ilə başlaya bilərsiniz youtube-dan. ingilis dilini mütləq öyrənin. yenə deyirəm. kursa (pre-ielts, general english) getsəniz daha yaxşı olar. çünki istənilən dili öyrənmək üçün programınız olması vacibdir.
2.1.3) ingilis dilinizi sıfır və ya aşağı səviyyədən müəyyən yerə qədər gətirdiz tutaq ki. aşağıdakı sualın cavabına uyğun olaraq 2 üsul var
1) ingilis dili artıq üstünlük deyil, tələbdir. 4 il IT, mühəndislik (məsələn) oxuyub ingilis dili bilməmək ayıbdır.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
çox yaxşı yadımdadır. bundan illər əvvəl universitetə girəndə ekşisözlükdə bu başlığa girib kalan entry oxumuşdum -* yol göstərəcək və işin içində olan kimsə yox idi ətrafımda, ordan "mentor" axtarırdım özümə. ona görə indi də sizə "kaş o vaxt bunu mənə kimsə deyərdi" deyə düşündüklərimi deyəcəm. tamamilə öz təcrübələrimə əsasən yazacağam, hətta bəlkə anonimliyim də gedəcək, amma * Qozumaki
əvvəlcə bu il çox ağır bir il oldu, ona görə sizi bu qədər çaxnaşmanın ortasında tələbə adını qazana bildiyinizçün təbrik edirəm. entryni gələcəkdən oxuyanlarçün:
(bax: koronavirus)
(bax: karantin)
(bax: ikinci qarabağ müharibəsi)
(bax: komendant saatı)
nəysə e, getdiy!
--- ilkin məsləhət ---
1) mən universitetə yaxşı sayıla biləcək bir balla daxil olmuşdum. o vaxt depressiyada olan amma yaxşı oxuyan bir yeniyetmə idim. hansı uniyə qəbul olduğum açıqlandıqdan sonra girdim ekşiyə, oxudum, özümə görə bəzi nəticələr çıxardım, çıxarmaz olaydım -* universitetə girməmiş artıq universitetin boş bir şey olduğuna inanmış və mühakiməli yanaşırdım. buna psixologiyada düşüncə xətası deyirlər səhv etmirəmsə, siz o xətaya düşməyin. elə bu başlıqda da "girməyin", "soxalar universitetə", "universitet sizə girəcək", "kef edin" kimi yazılanları oxuyarkən ciddiyə almazdan əvvəl iki dəfə düşünün. siz doğrudan da ömrünüzün 4 ilini boşuna keçirmək istəyirsiniz ya yox? sözüm məktəb vaxtı universitetə daxil olmaq hədəfi olub yaxşı/yaxşı bir balla universitetə daxil olan tələbələrimizçündür. mən belə tələbələrdən idim və soxum universitetə məsləhətini lazımından artıq ciddiyə almışdım. düzdür, əlbəttə, universitet haqqında tək təsəvvürünüz baxdığınız xarici seriallardakı universitet ortamıdırsa, onda universitet sizə girəcək, amma canınız sağolsun, yaşadıqca görürsünüz ki, girən təkcə universitet olmur -* nəysə. ilk məsləhətim budur ki, ağıllı olun, universiteti ciddiyə alın. təhsil almaq, hansısa peşənin incəliklərini öyrənmək şansı və ya bu şansı özünüz yaradacaq vaxtı əldə etmək bomba şeydir.
--- universitet illəri ərzində etməli və etməməli olduqlarınız ---
1)ingilis dili
əgər siz ingilis dilinin birinci kursda öyrədildiyi BMU , BANM,UFAZ , Xəzər universitetlərdən birinə daxil olmusunuzsa, əla. yox əgər vəziyyət bu deyilsə, 1-ci kursda oxuyarkən sizə məsləhətim mütləq ingilis dilini öyrənməyinizdir. özü də elə-belə danışıq səviyyəsində yox. yaxşı öyrənmək. mən özüm də TQDK imtahanına hazırlaşmışam və sadəcə tqdk səviyyəsində ingilis dili bilən biri üçün general english/pre-ielts hazırlıqlarını tövsiyə edərdim.
ingilis dili sizə bir çox imkanları açacaq, bir çox xarici şirkətin imtahanları, intervyuları məhz ingilis dilində olur. ufaz, BANM , BMU, xəzər universiteti və.s kimi universitetlərin keçirdiyi tədbirlər ingilis dilində olur. bu dildə çoxlu workshoplar və beynəlxalq proqramlar qarşınıza çıxacaq. hansı ki, bu dili bilməsəniz onlardan yararlanma şansınız aşağı olacaq.
əgər az dilli təhsilə qəbul olmusunuzsa və SABAH qrupları uninizdə mövcuddursa, çalışın daxil olasınız o qruplara.
əgər ingilis dilli təhsilə qəbul olmusunuz və hazırlıq ili yoxdursa mütləq paralel kursa gedib öyrənin. sizin üçün sonra daha çətin olacaq. ümumiyyətlə bu variantı məsləhət görməzdim, amma hər ehtimala
2)sosial aktivlik
bu sözü çox eşidəcəksiniz. necə ki, məzun olana qədər mən eşitmişəm, amma mənasını başa düşmürdüm. buna aiddir universitet klublarındakı fəallığınız, ioklarda, tədbirlərdə iştirakınız, hansısa klubun qurucusu olmağınız, ixtisasınıza aid olan tələbə cəmiyyətlərində, qurumlarda, təşkilatlarda varlığınız, onların tədbirlərində iştirak etmək, bu tədbirləri, yaxud universitetinizdəki müəyyən tədbirləri təşkil edən tərəf olmaq, könüllü olaraq bu qurumlarda işləmək.
sosial aktivlik o demək deyil ki, gedib 3 gün formula 1də könüllü olasınız. bunu bir çox gəncimiz səhv başa düşür, çünki izah edən yoxdur düzəmməli.
düşünə bilərsiniz ki, əsas dərsləri oxumaqdır və belə şeylər önəm daşımır. amma bu sizin şəbəkələşməyiniz networking və soft skillərinizi inkişaf etdirməyinizçün çox önəmlidir. işə qəbul olarkən və ya master təhsili üçün xarici təqaüd proqramlarına müraciət edərkən bu kateqoriyada gördüyünüz işlər sizi digərlərindən fərqləndirəcək, həmçinin tələbə həyatınızı daha maraqlı edəcək. sizə demirəm harda aş, orda baş olun. sadəcə maraqlarınızın və dövrün maraqlarının ortaq kəsişdiyi sahələrdə özünüzü sınamağa dəyər. yəni 6-cı gün hansısa uni yarışına getmək, yaxud bu yarışın təşkilatçısı olmaq sizə çox şey qatacaq. (sosial həyat, kommunikasiya, komanda ilə işləmə bacarığı, idarəçilik, və.s)
Bu bənd ümumiyyətlə bizim tələbələrimiz ən zəif nöqtələrindən biridir. tələbələri də qınamıram, tgt thik kimi qurumlardakı yaltaq tələbələr belə işlərdən soyudur adamı, amma özünüzə uyğun olanın tapın, yoxdursa da qurun siz.
universitet daxilindən əlavə çalışın EVS ESC proqramlarında iştirak edəsiniz (bununçün də dil biliyi vacibdir)
3)GPA
mən o vaxt çox eşidirdim Gpa boş şeydi, gpa lazımsızdı, gpaya baxan olmaması, gpanın faydasız olması və.s
boş söhbətlərdi. xaricdə təhsil istəyirsinizsə, xaricə təhsilə gedən yolda sizə lazım olan imkanlardan (internship, tədbirlər, workshoplar) və.s yararlanmaqçün gpa önəmlidir. ümumiyyətlə çalışın il ərzində oxuyun. mən özüm imtahana 1 ay qalmış oxuyanlardan olmuşam, amma bu sizdə böyük boşluqlar yaradacaq sonrakı mərhələlərdə.
4)müəllimlərin, xüsusən də professorların gözündə ağıllı tələbə imici yaradın. gün gələcək recommendation letter üçün ağlayacaqsınız =D
5) bura məktəb deyil
necə ki, artıq 10, 11-ci sinifə keçəndə müəllimlərdənbir şey öyrənmək olmur, bir çox universitetimiz də, təəssüf ki, belədir. özünüz özünüzün müəllimi olmağı öyrənin. self study bu xarici universitetlərdə də belədir
6)sevgi
mən universitetə girəndə bir dostum demişdi "çalış nə edirsən et, sevgilin olmasın". mən isə onun məsləhətinə qulaq asmadım və sevgilim oldu. indi yalnızlıqdan sizə məsləhət yazsam belə, çox zor günlər idi. yəni belə məsləhətləri boş verin. çalışın hər tərəfli insan olasınız. ümumiyyətlə bizim cəmiyyətdə belə bir fikir formalaşıb ki, oxuyan çirkin olar, tək olar, nerd olar. inanın boş söhbətdi. yeri gələndə geyiminizə keçiminizə də fikir verin, yeri gələndə sevin, sevilin, imtahandan sonra gedin için, pes oynayın, qızlarla karaokeye gedin, dostluqlar qurun. nikimə aldanmayın, yeniyetməlik səhvidir -*
7) şəxsi inkişaf
dediyim kimi, çevrəniz olmasından, sevgidən, dostdan tanışdan qorxmayın. təbii ki, gedib saxta dostluqlar qurun demirəm. sadəcə, çəkinməyin. birtərəfli insan olmayın. oxuyun, baxın, öyrənin, gəlin sözlükdə yazın, mübahisələr, müzakirələr edin, inkişaf etdirin özünüzü.
əslində yazmaq istədiklərim daha çox idi, sadəcə yaddaşsızlıqdan bura qədər ancaq gətirə bildim. ağlıma gəldikdə editləyəcəm. bütün bunları oxuyub gözünüz qorxmasın, ümumiyyətlə, qorxmayın, özünüzə inanın, güvənin, adam bəzən öz potensialının fərqində olmur. uzağı alınmayacaq, canınız sağ olsun, amma siz yenə də nələrsə etməyə çalışın, öz üzərinizdə daima işləyin.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Edit:uzun-uzadı yazmağa həvəs yoxdu.qısa yazdım
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
1) BDU-da oxumuşam. Hal-hazırda magistrdayam. Nə edirsinizsə, edin sosiallaşın. Universiteti bir təhsil ocağı kimi görməyin. Təzə dostlar qazanın. Zatən gələcəkdə 80% ilə aranız kəsiləcək. Çox gözəl sosial baxımdan dərslər qazanacaqsınız.
2) Etiraf səhifələrindən uzaq durun. Bir poxa dərman deyillər. Zatən çoxunu dostlar bir-biri ilə məzələnmək üçün yazır.
3) 4 il vaxtınız olacaq. Gedib çayxanalarda və yaxud başqa yerlərdə boş-boş keçirməyin. Oğlanlar üçün deyirəm martial arts, rəqs, fitness kimi şeylərlə məşğul olun. Nəzərə alsaq ki, keçid dövrünün ortalarındasınız testosteronunuz havada olacaq. Yəni, rahat 4 ilə 10-15 kq əzələ yığa bilərsiz. Gələcəkdə nə hormonlarınız bu qədər yüksək olacaq, nə də bu qədər boş vaxtınız olacaq.
4) Dil öyrənin. Ələxsus ingilis dili. Amma rus dili də olsa əla. inanın ki, bunun bəhrəsini 10 il sonra görəcəksiz. Bəlkə onda "Loki adında bir ibnə var idi, yaxşı ki, o vaxt bunu yazmışdı" dediniz. Bu arada bizdə ingiliscə bilən adam çox azdı. Sərbəst fikrini ifadə də biləcək insan sayı 100-dən 2 ya da maximum 3dür.
5) Bunu deməyimə ehtiyac yoxdur məncə, amma bir qız sizə qapını onun üçün açdız deyə çox sağol dedisə, bu o demək deyil ki, sizi sevir. Sonra 2 metrlik cüdoist sevgilisi ilə burun-buruna gələndə gec olacaq.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Düzdür, bu ikisini paralel aparmaq da mümükndür, amma sizin həyat eşqinizə görə biri ağır çəkili olur. Universitet seçimi önəmlidir. Mümkünsə, seçəcəyiniz universitetin iki tələbəsini - biri ondan nifrət edən, biri də sevən tapıb müzakirə aparın. Mənfilərini qabaqcadan bilib ona görə davranın ki, göstəriciləriniz sabah sizə maneə yaratmasın. Siz ixtisasınızı, universitetinizi seçdiz. Artıq daxil olmusunuzsa, tələbə yoldaşlarınıza diqqət edin. Çalışın hamıyıa yaxşı yola gedin, dost seçimizi öz istəyinizə görə edərsiz, amma qalanlarına da nə vaxtsa mütləq işiniz düşə bilər. Kollektiv fəaliyyətlərdə ən birincilərdən olmağa çalışın, Allahın işin bilmək olmur. Bizdə karantin oldu, sizdə meteor-zad yağsa, heç olmasa ehtiyat bir-iki xatirəniz olsun. Ballarınızı yüksək tutun və bunu elmlə qarışdırmayın. Bəzi "ağıllıar" yüksək bal toplamağa çalışanlara söz atıb güya özləri ölümünə dahiymiş kimi "hər şey bal deyil" deyir, amma 4-cü kursda xaricə oxumağa getmək istəyəndə, Erasmusa qoşulmaq istəyəndə bozara-bozara qalır. Qətiyyən kəsirinizin olmamasına, olsa da 4-cü kursa qalmamasına çalışın. Savadlı müəllimlərinizlə aranızı yaxşı tutun. Qırmızı diplomla olsa belə universiteti bitirsəz " CV" boşdursa, iş də yoxdur. Ona görə də paralel olaraq ya təcrübə proqramlarına qoşulun, ya bir iş tapın, ya da könüllülük fəaliyyətlərinə qoşulun. 4 il ərzində qətiyyən tənbəllik etməyin, təqaüdə çıxanda onsuz da yatmağa vaxtınız olacaq. Əgər pulunuz və daydayınız yoxdursa, xüsusilə ictimai işlərdə aktiv olun. "Networking" günümüzün gerçəyidir. iş imkanının kimin vasitəsilə sizi tapacağı bəlli olmur. Geniş çevrə, geniş imkanlardır. Lakin qətiyyən özünüzü istismar etdirməyin, istər universitetdə, istərsə də digər işlərdə. Universitetinizin tələbə gənclər və həmkarlar kimi ittifaqlarının fəaliyyətini götür-qoy etdikdən sonra qoşulun. Əgər sizə tədbirdə oturacaq dolduracaq canlı kimi görürlərsə, rədd edin getsin. intellektual oyunlara qoşulmaqda maraqlısınızsa, özünüzə yaxşı dostlar tapın,komanda yığın. Son zamanlar turnirlər artmaqdadır, xüsusilə könüllü təşkilatlar arasında. Bildiyinizi bölüşməkdə simic olmayın, əgər yaxşı iş tapmısınız və yanınızda boş yer varsa kimisə cəlb edin. Kainat qarşılığını göndərəcək. Bir proqramı və bir dili mükəmməl öyrənmək tövsiyələrin klassikasıdır. Amma həqiqətən işə yarayır. Mənim kimi beş dilə meyl edib kaşa eləməsəz yaxşı olar. Sonda diplom almaq üçün ortalamanıza görə diplom işi və ya dövlət imtahanı seçimi olur. Ortalamanızı 89 eləmək məqsədindəsinizsə, əvvəlcədən mövzunuzu seçib araşdırın, əla bir iş yazın. Ümumilikdə yuxarıda dediklərim daha çox iş üçün universitetə girənlərə aid oldu, amma siz akademik həyat qurmaq niyyətindəsinizsə elə ilk kursda ixtisasınıza uyğun məqalə yazmağa başlayan. Məqalə deyəndə subyektiv fikirlər toplusu yox, araşdırma aparıb ən az 2 dənə kitabdan istinad etdiyiniz yazını nəzərdə tuturam. Utanmayın, sıxılmayın, pis də olsa nəsə yazın.
Nəhayət onu da deyim ki, sözünüzü deməkdən, etiraz etməkdən, tələb etməkdən çəkinməyin. Heç kimi asıb-kəsmirlər, uzaq başı ətrafınızdakı qorxaqlar qaçacaq, yaltaqlar və ikiüzlülülər ortaya çıxacaq. Yenə də ən yaxşısını siz bilərsiz. Uğurlar!
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Qrup yoldaşınızla və ya patok yoldaşınızla sevgili olmayın. Bu sağlam münasibət deyil. Mümkündürsə birinci kursa girən kimi eşq macəralarından uzaq durun. ilk dönəmlər hərkəs sosial maskalanmada olur. Yox ,nə danışırsan?mən onu yaxşı tanıyıram deyirsinizsə təbrik edirəm.yaxın zamanda kazığı yeyəcəksiniz. Unutmayın ,heçkimi qısa müddətdə tanıya bilmərsiz. Aşiq olanda isə heç tanıya bilmərsiz. Bir insanı tanımaq üçün onu kənardan müşahidə edin, film izləyirmiş kimi onun çevrəsi daxil hərkəsi müşahidə edin. Unutmayın ki, dostluqları hər zaman tək bir motiv eynidirsə belə uzun müddətli ola bilər.
Özünüzü mükəmməl və ya əksik hiss etməyin. Yuxarı kurslar qızların sizə ayy uşaqdılar ee kimi səslənişləri sizi ilk gündən qıcıqlandıra bilər. Amma qətiyyən narahat olmayın, onlar anaların qarnından sizdən yuxarı kurs olaraq birbaşa doğulmayıblar.
Yuxarı kurs oğlanlarada diqqət edin. Birinci kurs qızlar onlar üçün av kimidir. Gözlərinə bir qızı kəsdirirlər, ona yürüyürlər. Qətiyyən inanmayın onlara. Özəlliklədə 7/24 çöldə oğlan talpasıyla fırlananlara heç inanmayın. Siz tək vəya özəl deyilsiniz, sizin kimi çox qıza eynicür yanaşırlar.
Onlara üz verməyin, mümkündürsə hətta ilk sizə yürüdükləri an hoşt deyin. Əks təqdirdə sizin xoşgörülü davranışlarınızı "qızışmış qız" deyə adlandıra bilərlər.
Qrup yoldaşlarınızla dalaşmayın, mümkün qədər sakit olmağa çalışın. Qrupun starıstasıyla yaxın olun, yuxarı kurslarda çox işinizə yarıyacaq.
Müəllimlər bəzən dərsdə fikirləri dağınıq olduğundan hər hansısa məlumatı səhv deyə bilər. Durub müəllimə siz səhvsiz! Deməyin. Siz doğru olanı bilirsiz, susun sakitcə mühazirənizi yazın.
Seminarlarda 8 və 8 qiymətlər alın. Stipendiya üçün deyil ,savadınızın yüksək olması üçün yaxşı oxuyun.
Kim deyire ki ,əşi universitetdə oxudun oxumadın özünü inkişaf etdirsən savadlısan deyə, inanmayın. Siz oxuyun, bu sahənin mütəxəssizi olacaqsınız əlbəttə bəsit anlayışlardan tutnuş mürəkkəb olan hərşeyi bilməlisiz. Asudə vaxtınızı isə bəli əlavə məlumatlar oxuyaraq inkişaf etdirin özünüzü.
Qrupda kiminsə və ya kimlərinsə ev tapşırıqlarını etməyin. Sabah birigün səhv çıxanda üzünüzə bozaracaqlar, dədənizin borcu varmış kimi həmdə.
Qrupunuzda mütləq şəkildə paxıl olan tələbələr olacaq.özəlliklədə sizə yuxarl bal yazılanda sazan kimi ortaya atacaqlar özlərini. Müəllimə mən daha yaxşı danışdım mənə niyə aşağı yazırsız eee dediklərində gülümsəyin və müəllim belə uyğun bilib deyin. Müəllimənin qarşısında bal üçün didişməyin heçkimlə. Siz oxuyun, təmkinli və gülərüz olun.
Birinci kursda ad günü təşkil edən gariban olmayın.başınızı çox ağrıdacaq bu işlər.
Tgt və tht kimi sosial təşkilatlara qatılın. Aktiv iştirakçıları olun, sosiallaşın. inanın mənə bu sizin şəxsi keyfiyyətlərinizə müsbət təsir edəcək.
Bufetdən hərşey alıb yeməyin. Mümkündürsə dönər kimi qidalardan uzaq durun.
Müəllim sizin haqqınıza girirsə mütləq dekanlığa bildirin.
Tələbə olaraq öz hüquqlarınızı mütləq öyrənin. Bəzi vicdansız müəllimlər sizin haqqınıza girmək üçün səbirsizlənir ,unutmayın.
Qarşınıza çıxan hərkəsə özünüzıə bağlı heçnə danışmayın. Ən yaxın dostum dediyiniz yeni tanıdığınızada deməyin. 4 il az müddət deyil, bugün dostunuz olan sabah sizin arxanızdan quyu qazan əsas insan ola bilər.
Ağlınıza, savadınıza və tərbiyənizə arxayın olun. Başınız hər zaman dik dursun, kimlərsə sizə altdan yuxarı baxarsa o insana gülümsəyin.
Birinci kursa başlar başlamaz qızlar makyajı abartırlar. Abartmayın. Üz cizgiləriniz 18 yaşınızdan sonra tam oturur, sadə makyaj edin, toya gedirmiş kimi etməyin.
Birinci kursda oğlanlar əllərində təsbeh fırlatmaq həvəsində olurlar. Tək olduğunuzda fırladın amma insan içində etik deyil. Qızlara baxarkən fiqurasından öncə simalarına baxın , ək halda sapık kimi görünürsünüz və 4cü kurs bitənə kimi qızlar arasında adınız çıxmış olur.
Xarici tələbə olduqda qızların o tələbələrin ağızlarına düşmək kimi davranışlarını görə bilərsiniz, amma durub orda kişilənməyin ki ,aə azərbaycanlısız ee siz biz dura dura bunlar nə əlaqə deyə. 1 ilə o xarici tələbələrdə sapık və babnik adı ilə öz bəxtlərinin üzərindən xətt çəkirlər.
Universitetdə qız oğlan fərq etmir,kimisə vurmayln. Bu sizin universite4dən atılmağınıza səbəb ola bilər.
Etiraf səhifələrindən uzaq durun. Adminləri özlərinə sevgili axtararkən ara yerdə siz qaynaya bilərsiniz.
Dərsin ilk həftəsi dərslərə cavab verin, sonraya saxlamayın. Oxuyan tələbə olduğunuzu ilk gündən bəlli etsəniz dərsə hazır olmadığınız günlər müəllimlər sizə 0 və ya 2 yazmaz.
Müəllimlər günündə hansısa müəlliməyə ayrıca nəsə almayın. Qrupun sabun titulunu daşımaq istəmirsinizsə qrupla birgə hərəkət edin.
Başlar başlamaz bütün kitablarıda almayın. Yuxarı kursıardan kserokslarını alın həm daha ucuz həm daha sərfəli.
Qayıbları limitə kimi gətirməyin. Limitə azı 2 qayıb qalmış dayandırın dərslərə girməməyi. Bəzən tyutorlar səhv saya bilir və nəticədə kəsrdə otura bilərsiniz. Müəllimlərdə bəzən qb sözünü ib vəya qe kimi yazıb sizi pis vəziyyıtdə qoya bilər.
Sizə aydiyyatl olmayan məsələlərə əsla qarışmayın əks təqdirdə kabak sizin başınızda partlayır.
Pakazuxalıq etməyin, heçkimə siz və sizin imkanınız şöhrətinzi maraqlı deyil. insancıl olun, mərhəmətli davranın.
Enerjinizi yeyən, sizə mənfi yükləyən, öz problemlərini danışıb sizin ömrünüzə girənlərdən uzaq durun. Vampir kimidirlər bu insanlar. Sizin enerjisinizi alaraq öz mənfi enerjilərini sizə yükləyirlər.
Metroda xalalarla dalaşmayın, özəlliklə yanındakı qıza özünü göstərmək üçün genələn qaqaşlarlada. Qızlara əsas məsləhətim odur ki, metroda üzünüzə hansısa oğlan sapık sapık baxırsa ona baxın və qaşınızı qaldırıb başınızı hayırdır bilader ? Demiş kimi sallayın. Yerini bilməlidi, bilməsə bərkdən qaqaş nə baxırsan ,problem var? Deyin. Şəxsi təcrübəmlə deyirəm mükəmməl işə yarıyır.
Əgər metroda kimsə arxanızca düşsə çıxışa çatmamış ona çönün və qaqaş deyəsən məni kompas seçmisən gedək polisə sənə kompasla insan fərqini izah etsin deyin. Bunu bir dəfə yoxlamışdım oğlan uzaqlaşmışdı. işə yarıyır qısaca.
Dayılardan əgər sizə sapık sapık baxan olarsa gözünün içinə baxın və deyin ki babacan deyəsən çox fikrə dalmısan qızınmı yadına düşdü? Bunu yoxlasanız əgər nəticəni də mənə deyərsiz bunu etməyə duxum çatmayıb.
Əzbərə polisin nömrəsini bilin ən əsası. Və üzünüzə baxan kiməsə gülümsəməyin, bunu ağlınızdan beıə keçirməyin! Nəticəsi həqiqətən pis ola bilər. Afçarka sifət alın uzaqlaşacaq.
Oğlanlar isə libido təpənizə vuran zamanlarda qızlara gəzən fiqura kimi baxmayın təpənizə sumka yeyərsiniz. Kabluk geyinib əlində də kitabları olan yükü ağır olan qız görsəniz insanlıq naminə ya əşyalarını tutmağı təklif edin yada oturması üçün yer verin.
Qızlarda həmçinin yorğun ,yükü çox olan oğlan gördüyünüzdə aa oğlandıda dursun ayaq üstə deməyin. Qalxın yer verin, oğlan qürur etsə belə yorğunsunuz xaiş edirəm oturun deyin. Sizdən daha çox dincəlməyə ehtiyacı var nəticədə.
Həm oğlan həm qızın başını xalalar kəsdiribsə və təlim tərbiyədən danışırsa saata baxın. Saat əgər günorta saatlarıdırsa rahatlıqda o xalalara siz gəzməkdən gəlirsiz biz isə dərsdən insafınız olsun deyin. Yox əgər axşama yaxlndırsa bpyüj ehtimal müəllimədir və xala siz savadlı insana oxşuyursuz, müəlliməsiz bəlkədə ,oturun yaxşı amma kiminsə ailə tərbiyəsini müzakirə etməyin sizə yaraşmır deyin.
Siz heçkimə borclu deyilsiz əziz 1ci kurslar. Nə universitetdə nədə metroda. Hüquqlarınızı tanıyın, bilin,qoruyun.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Siz Diplomunuz olsa da Milyoner ola bilərsiniz, Diplomunuz olmasa da..
Siz Diplomunuz olsa da, alkoqolik, meşşan tipli həyat yaşıya bilərsiniz Diplomuniz olmasa da..
Yəni burada görünən odur ki, əsas olan "ağıl"dır. Siz ilk öncə ağıllı bir insan olmalısınız. Daha sonra isə həyatda uğurlar və ya uğursuzluqlar qazana bilərsiniz..
ilk olaraq da, univesitetə daxil olmağı uğur pillənizdən çıxarmanızı dilərdim, çünki bu bir uğur deyil, dünya da yüz milyonlarca ali təhsilli insan yaşayıb, yaşayır və yaşayacaqdır. Yəni sizi onlardan sırf universitetə daxil olmusuz deyə heç nə fərqləndirmir..
Amma..
Siz fərqlənə bilərsiniz, necəmi?
1. ilk olaraq sevdiyiniz ixtisasa daxil olaraq. (P.S. Əgər valideyn basqısı, uşaqlıq və s. təsirlərlə bir ixtisasa daxil olmusunuzsa, o zaman yenə də o ixtisası sevməyə çalışın, mən yenidən universitetə daxil olmayacaqsınızsa əgər, universiteti atmağı qətiyyən məsləhət görmürəm)
2. Oxuduğunuz ixtisası sevin, onun maraqlı nöqtələrini sevməyə, araşdırmağa çalışın, qətiyyən ancaq mühazirə mətnlərinə bağlı qalmayın, o mətnləri artıq yüzlərcə tələbə oxuyub və google search'də yazmaqla da böyük ehtimalla tapa bilərsiniz.
3. "Ev dərs çayxana" 3-lüsü ilə vaxtınızı fövtə verəcəksinizsə, valideyninizin sizə xərclədiyi pula yazığınız gəlsin, etməyin, eyləməyin. Belə adamlardan da, uzaq durun. Belə tələbəlikdənsə, ictimai işlərdə vaxt keçirmək daha yaxşıdır, çünki orada heç olmasa, insanlarla münasibət qurmaq, sosial çevrə, universitetin "cool" çoçuklarından biri olmaq kimi məsələlər ortaya çıxacaq, əvvəldə yazdığım 3-lü isə sizə heç bunları da verməyəcək, getdikcə "Qaqli"ləşəcəksiniz.
4. Özümdə ictimai işlərdə məşğul o olmuşam və mənim çox xeyirli olub deyə bunu burada sizə yerə-göyə sığdırmadan tərifləməyəcəm, çünki mənim üçün uğurlu olması sizin üçün də 100-də 100 belə olacaq demək deyildir və eləcə də digəri uğursuz olub, vaxtını düzgün bölməyib imtahandan kəsilibsə də (Çox zaman yalan olur bu da) sizdə də uğur olacaq demək deyildir. Əziz dost, hər şeyi qədərində istifadə edəndə gözəl olur, bunu biləsən.
Və sonda deməliyəm ki, Təbii olaraq, dərslərini bir kənara atıb, o təlim, bu təlim gəzsən heç nə qazanmayacaqsan, amma vaxtı düzgün bölsən və ya ən azından buna çalışsan, imtahanlarını yaxşı başa vurarsan, mütaliə etməyə də bol zamanın olar, konversyeşn klab'larada qoşula bilərsən, yəni universiteti bitirdikdə müəyyən mənada özünü inkişaf etdirmiş olarsan..
* Eşq məsələsinə isə toxunmadım çünki, eşq səni özü gəlib tapır, soruşmur, qrup yoldaşı, patok yoldaşı yoxda da xazeykanın qohumudu bəlkə başqası olsun )). Ona görə də, qəlb qırmadan, təhsilini kənara atmadan sevgi münasibətini də normal qayda da yaşaya bilərsən məncə..
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var. Sözlük yazarları olaraq səni hər zaman dinləyə bilərik.
Əgər yalnız hiss edirsənsə, 860 qaynar xəttinə müraciət etməyini tövsiyə edirik.
üzv ol