+3 əjdaha
1. normalda yuxudan oyanmağımıza səbəb olur. amma bir yuxuda ölümdən sonrasını da görmüşdüm və çox maraqlı bir təcrübə yaşamışdım.deməli, nə səbəbdənsə ölürəm və daha sonra təkrar doğulduğumu hiss edirəm. başqa sözlə, reinkarnasiya edirəm. ölmədən əvvəlki həyatım da yaddaşımdadır. bunu ətrafımdakılara da çatdırmaq istəyirəm, amma yeni doğulmuş bir körpə olaraq əlimdən ağlamaqdan başqa heç bir şey gəlmir. biraz vaxt keçir, ağzımla filan müxtəlif hərəkətlər edərək bir şeylər demək istəyirəm, yenə də anlaşılmaz səslərdən başqa heç nə alınmır. ətrafımdakılar da mənə maraqla baxırdılar ki, görəsən bu nə demək istəyir. gedərək keçmiş həyatımla bağlı bilgilər silinməyə başlayır və yeni həyata alışıram artıq. bir ara yuxudan ayılıram və təəssüf hissi ilə bütün bunların yuxu olduğunu anlayıram.
sonra buna bənzər bir yuxu daha görürəm. yenə ölüm və davamı. lakin bu dəfə maddi bir bədən olaraq deyil, sadəcə düşüncələr seliyəm. düşüncəmlə realda mənim üçün əhəmiyyətli olan bir nəfəri axtarıram. sanki o da mənə düşüncə yolu ilə mənə cavab verirdi. sonrası isə yadımda deyil.