entropiya

1. termodinamikada istifadə olunan nizamsızlıq ölçüsüdür. içində daha çox nizamsızlıq olan bir sistemin entropiyası da daha çoxdur. məsələn, hər hansı qaz molekulları ilə dolu bir konteynerin temperaturunu yüksəltdikcə, konteynerdəki molekullar daha sürətli və daha nizamsız hərəkət etməyə başlayırlar, dolayısıyla da konteynerin entropiyası artmış olur. termodinamikanın ikinci qaydasına görə bütün sistemlərin entropiyası zaman keçdikcə artmağa meyilli olacaqdır (entropiya başqa bir sistemə ötürülmədiyi təqdirdə). buna görə də, isti və soyuq cisimlər bir araya gətirildikdə tədricən onların temperaturu bərabərləşir, çünki belə olduğu təqdirdə onların toplam entropiyası daha yüksək olur.
sifarişi verən: loddard

2. Haqqındakı ən yayğın yanılğı "nizamsızlığın ölçüsü" olmasıdır. Bu tərifin xətalı hesab edilməsinin səbəbi nizamlılıq anlayışının obyektiv bir reallıq yox, insan qavrayışın bir məhsulu olmasıdır. Bir sistemin digərinə görə daha "nizamlı" olmasının şərtini müşahidəçi öz ağlında müəyyənləşdirir. Kainatda isə nizamlılıq və yaxud da nizamsızlıq kimi faktiki ölçülər yoxdur, kainatda hər şey olduğu kimidir. Misal üçün, masanın üstündəki stəkanı və yerə düşdükdən sonra yaranan qırıq şüşələri iki sistem kimi götürək; Hər iki sistem şüşəni əmələ gətirən molekulların müəyyən düzülüşündən ibarətdir. Obyektiv cəhətdən sağlam stəkanın və qırılmış stəkanın molekullarının düzülüşlərində birinin digərinə nisbətən heç bir üstünlüyü yoxdur. Onsuz da, hər iki sistemdə molekulların sayı eynidir, kütlə itkisi yoxdur. Sadəcə sistemlərin qruluşu fərqlidir. insan istifadəsi üçünsə birinci sistemdəki stəkan faydalı olduğundan onu "nizamlı" hesab edirik. Fəqət bu tamamilə bizim öz qavrayışımızın məhsuludur, sistemin özünəməxsus bir xassəsi deyil.

Nizamlılıq paradiqmasını tərk etdikdə isə entropiyanın əslində sistemdəki təsadüfilik * randomness , zərrəciklərin düzülüşünün mümkün hallarının sayı ilə əlaqəli olduğunu demək olar. Bu videoda maraqlı şəkildə izah edilib:

(youtube:

)

Yenə də entropiya haqda deyilə biləcək qat-qat çox şey var

entropiya

Yalnız deyilsən!