əjdaha lazımdı
izlə
dostlar
mən
googlla
mizantropiya
-
şəxsiyyət pozuntuları
başlıqdakı ən bəyənilən yazılar:
+16 əjdaha
1. (baxma: neqativ şəxsiyyət pozuntusu)
dayanmadan "xeyr" cavabını vermək. təməli uşaq vaxtından əsəb, fikirlərini ifadə edə bilməmə, neqativ hisslərini içində saxlamaya gedib çıxır. ailə fərdlərinin şəxsə qarşı ehmalkar, laqeyd davranmasının da rolu var bu problemdə. ailə nə qədər əsəbi olsa uşaq da əsəb və küskünlük hissləri keçirir və bunları nə ifadə edə bilmir nə də uzaqlaşdıra bilmir özündən.
bu problemi olan insanlar ətraflarındakıların ən kiçik tələbləri qarşısında belə özlərini ağır yük altında hiss edirlər. davamlı olaraq bir təcavüz, bezmişlik, ağır dərəcədə yorğunluq hiss edir bu insanlar. limitlərinin zorlandığını, dəyər almadıqlarını, yanlış başa düşüldüklərini hiss edirlər. çox zaman əsəbi və incik halda olduqları üçün ətrafdaki insanlara da neqativ bir şəxsiyyət kimi görünürlər.
passiv-aqressiv ş.p. olan insanlar pessimistik düşüncələrlə, əminsizliklə davam etdirirlər həyatlarını. insanların yaxşı olmadıqlarına inanırlar.
iş həyatında da bu insanlar bacarıqlarını aşağı gördükləri üçün çox irəliləyə bilmirlər.
adətən dərinlərdə gücsüz olduqlarını, başqa insanların mərhəmətinə qaldıqlarını, haqqsızlığa düçar olduqlarını, izdirab içində olduqlarını hiss edərlər.
müalicəsi haqqında onu deyə bilərəm ki uzun və çətin prosesdir. şəxsiyyəti dəyişmiş insanlar artıq özlərini bu cür qəbul ediblər və dəyişmək onlara imkansız kimi gəlir. psixoterapiya ilə gedir əsasən müalicə prosesi.
+19 əjdaha
2. Passiv-aqressiv şəxsiyyət pozuntusuna sahib olan insanların əsas özəlliyi yox deyə bilməmək, hər hansı vəziyyətə, şəxsə qarşı olduğunu açıqca göstərə bilməməkdir. Bu şəxslər aqressiyalarını dolayı yolla (küsmək, bəhanələr yaratmaq, başqalarını günahlandırmaq, üz ifadəsinin dəyişməsi və s) ifadə etməklə, qarşı tərəfin onların duyğularını anlamasını gözləyirlər. Onlar həyatlarında olan problemlər üçün başqalarını günahlandırırlar. Onun əlamətlərinə daxildir:
1)Ən xırda şey üçün incimək;
2)Tez-tez dəyişən duyğu və hərəkətlər;
3)Çevrədəki insanların pis olduqlarını düşünmək;
4)insanlar tərəfindən yetəri qədər dəyər görmədiyini düşünmək;
5)Başqalarının uğurlarını qısqanmaq, tənqid etmək;
6)Duyğularını açıq ifadə etmək yerinə, imalar etmək
Passiv-aqressiv şəxsiyyət pozuntusunun dəqiq müəyyən olunmuş səbəbi yoxdur. Buna uşaqlıqda alınan travmaların, valideynlərin davranışlarının səbəb olduğu düşünülür. Belə ki, ailədə yetəri qədər diqqət görməyən, tutarsız rəftarla rastlaşan uşaqlar aqressiyalarını ifadə edə bilməyərək bunu içlərində yaşayırlar. Özünü ifadə yollarını yaratmağa imkan verilməməsi irəlidə passiv-aqressiyaya səbəb olur
+5 əjdaha
3. DSM-5-in dərc olunması ilə DSM-dən çıxarılmış, amma hələ ICD-10-da (International Classification of Diseases) "başqa təsnifləndirilməmiş şəxsiyyət pozuntuları" adı altında mövcudluğunu qoruyan, şəxsiyyət pozuntusu olması hələ də mübahisəli olan psixiatrik diaqnoz. DSM-in ilk variantında birbaşa "Passiv-aqressiv şəxsiyyət pozuntusu" adı ilə klassifikasiyaya daxil edilmiş, 4-cü dərcdə "Neqativist şəxsiyyət pozuntusu" olaraq dəyişdirilmiş və nəhayət DSM-5-də tamamilə çıxarılmışdır. Passiv-aqressiv davranış fərdin öz aqressiyasını dolaylı yollardan göstərməsi deməkdir. Passiv-agressiv davranış bir neçə formada özünü göstərə bilər: Sarkazm (söz soxma, iynələmə), üzləşməkdən qaçmaq, laqeyd yanaşmaq, tərslik, yersiz müxaliflik, məsuliyyətdən qaçma və s. Bu davranışlar çoxumuzun bəlkə də bəzən elədiyi və ya tez-tez etdiyi davranışlar ola bilər. Bu mütəmadi davranışlara şəxsiyyət pozuntusu deyə bilməyimiz üçün isə əlamətlər erkən yeniyetməlikdə görülməli və digər yaş dövrlərində də davam etməlidir. Səbəbləri arasında uşaqlıqda hislərini ifadə etməyə qarşı qoyulmuş maneələr (uşaq aqressiyasını gizlədir və bunu çıxarmağın başqa yollarını kəşf edir), genetik faktorlar kimi bir neçə amil göstərilsə də etibarlı mənbələrdə belə mübahisə olunan bir anlayışdır.
hamısını göstər
