midlake

| 5 | 19

əjdahalar googlla
yazarların paylaşmaq istədikləri musiqilər

💛

Yalnız deyilsən!

Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

Sözlük yazarları olaraq səni hər zaman dinləyə bilərik.

Əgər yalnız hiss edirsənsə, qaynar xəttə zəng et:

☎ 860

1. dinləyin, sevin hətta hədiyyə edin deyiləcək mahnılara sahib qrup. amerika texas çıxışlıdır qrup.
Core Of Nature -

(youtube:

)

günəşi geyinəcəm,
bu meşələrin arasındaki köhnə işıqları,
yalnız yeridiyim bu meşələrdəki,
görmək istəyəcəyim bütün kəşf edilməyi gözlənilənləri,
və heç vaxt kəşf edilməyəcəkləri.

4 əjdaha!

07.06.2016 04:44, log

#216788

2. core of nature mahnısı bir başqa olan amerikan rock grupu.

0 əjdaha!

07.06.2016 04:59, evdə yatan əjdaha

#216790

3. bu yaxınlarda təsadüfən tapdığım qrup. hamı paylaşırdı amma mən heç dinləmirdim. gözəl bir qrupmuş həqiqətən.

1 əjdaha!

07.06.2016 12:46, sistem robotu

#216816

4. əsasən, "courage of others" albomu ilə tanınan qrup. 2010-cu ildə çıxan albomu "pitchfork" 3.6 kimi qiymətləndirsə də, qələt edirlər, başlarını daşa döyürlər, əvvəlcə, midlake yaradıcılığının, daha sonra isə indie-rock, alternative-rock janrının ən yaxşı işlərindən biridir. mən bunun üçün dirəşərəm. çünki midlake-in arada-dərədə ayağının büdrədiyi bir country, folk çökəkliyi var, xəfif-xəfif onu hiss etmək olur və sözlərindəki orijinallığa görə 3 dənə sözü yan-yana eşidib midlake mahnısıdır deyə bilərsən. bir də burada vokalist işini vurğulayaq. səsinin tonu bir tərəfə, sözlərə yanaşma tərzi başqadır.
albomu həftələrcə depressiv günlər yaşamağıma səbəb olan "acts of man" mahnısı ilə tanımışam, amma sonradan gələn "core of nature" albom haqqında fikirlərimi geriyə itələməyib ki, əksinə bütün mahnılarını dinləməyə həvəsləndirib. "on repeat" playlistimdə 7 dənə midlake mahnısı var, 6-sı bu albomdandır.
və hətta gəlib burada başlığının boş olduğunu görəndən sonra saat 05:04-də heç kimə lazım olmayan fikirlərimi yazacam, həyəcanlıdı ehehe.
albomun vizitkartı funksiyasını daşıyan "acts of man"lə, onun yolunu davam etdirən "winter dies"la, və dalbadal "small mountain", "core of nature" ilə albom çox yaxşı addımlarla yaxınlaşır dinləyicisinə.
bir çox resenziyalarda yazıblar ki, bəs bu albomu digər albomlarından heç nə ilə fərqlənmir və yadda qalan heç nəyi yoxdur. sizi ruhsuzlar, sizi! yadda qalan olması üçün nə etməlidir ki, bu qədər duyğulu iş görürlər, gözünüzdən gəlsin. hələ o "rolling stones", düzdü, resenziyanı tapa bilmədim, amma 5, ya 6 bal vermişdi, populist qudurğan.
"rulers, ruling all things"də də "I only want to be left to my own ways, The rulers of one leaving all things undone" deyərək kədər, qəm-qüssə, intriqa-filan beşmekan. və "children of the grounds", "bring down".
deməli bir nəfər üçün albomdan 7 favori mahnı çıxa bilirsə, bu albom "vasat" sayıla bilməz də hər halda. gedim bir az da başqa yerdə "pitchfork" haterlığı edim. midlake-ə yenə qayıdıb bu başlığa nələrsə əlavə etmək çox istəyərəm.

3 əjdaha!

17.07.2020 05:12, sistem robotu

#300447

xəbər lentindən

OpenAI IPO ərəfəsində hədəflədiyi 30 milyard dolları cəlb edə bilməyib

Keanu Reevesin Stop-Motion Samuray epik “Hidari”yə necə düşdüyü – və S.S. Rajamoulinin onun necə hazırlandığını öyrənmək istəməsinin səbəbi hamısı →

5. hardasa iki il bundan qabaq babat depresiv havalarda idim. dönüm nöqtəsində idi sanki. çox şey ilə yeni yeni tanış olurdum. qəribəlikləri ilə bərabər ağır da basırdı. inanırsan, nə edəcəyimi bilmirdim də. içki ilə tanış olduqdan sonra,qismən geridə qalan günlər də demək olar. çünki, o zamanlar tamamən ayıq başda idim. hər gün evdən çıxıb axşama kimi tək gəzirdim küçələri. oturub fikirləşəndə nətər eləmişəm ala bunu özümə də çatmır. indi 10 gün tək qalanda gijdıllaq oluram, ama o vaxtlar ehtiyac kimi idi. özü də evdən çıxanda hara gedəcəyimi heç bilmirdim, plansız zadsız tərpəşirdim, şəhərimiz də balaca idi, hər yerini gəzirdim demək olar ki. avtobus avtobusun dalıycan, otururdum bir ucdan o biri uca, bax bu səyahətlərdə mənə yoldaşlıq edən musiqi qrupu (bax: midlake) idi. bir iki dənə mahnısını yükləmişdim telefona, təkrar təkrar dinləyirdim. oturub bir qıraqda toyuq dönəri yeyirdim, qulağımda the fairest way parçası yediyim dönərə ayrı bir kədər qatırdı. dönərin ortasında iştahım kəsilirdi, yeyə bilmirdim. hüzün dolu vaxtlar idi, ama hər midlake parçası görəndə unutmayacağım xatirələrdən…

bütün musiqilərində tərifini verə bilməyəcəyim ağlama istəyi duyduğum qrupdur.

(youtube:

)

ən sevdiyim.

bəyəndiyim albomları: (baxma: the trials of van occupanther), (baxma: the courage of others)

10 əjdaha!

27.07.2023 15:38, qaçaraddımdanenənanənan

#376343

üzv ol

Modalı bağla